ఇన్‌స్టిట్యూట్‌ ఆఫ్‌ పబ్లిక్‌ ఎంటర్‌ప్రైజ్‌, సిటీ కాలేజ్‌ల మధ్య విద్యా సహకార ఒప్పందం*
*ఇన్‌స్టిట్యూట్‌ ఆఫ్‌ పబ్లిక్‌ ఎంటర్‌ప్రైజ్‌, సిటీ కాలేజ్‌ల మధ్య విద్యా సహకార ఒప్పందం*
ప్రజా క్షేత్ర్, హైదరాబాద్‌, 9 జూన్‌ :
ఇన్‌స్టిట్యూట్‌ ఆఫ్‌ పబ్లిక్‌ ఎంటర్‌ప్రైజ్‌ (IPE)-ఓయూ క్యాంపస్‌, గవర్నమెంట్‌ సిటీ కాలేజ్ (అటానమస్) నేడు ఒక ముఖ్యమైన అవగాహనా ఒప్పందంపై (MOU) సంతకాలు చేశాయి. ఈ ఒప్పందం మూడు సంవత్సరాల పాటు అమలులో ఉంటుంది. ఈ ఒప్పందం ఇరు సంస్థల మధ్య బోధన, పరిశోధన, విద్యార్థి కేంద్రక సహకారాన్ని మరింత పెంపొందించడానికి దోహదపడుతుంది.ఈ ఒప్పందంపై IPE డైరెక్టర్‌ ప్రొఫెసర్‌ (డా.) ఎస్. శ్రీనివాస మూర్తి, IPE PGDM ప్రోగ్రామ్ హెడ్‌ ప్రొఫెసర్‌ (డా.) రామకృష్ణ యలమంచిలి, సిటీ కాలేజ్ వైస్‌-ప్రిన్సిపల్‌ డా.పి.శాంతి, వాణిజ్య విభాగ అధిపతి డా. కె. మల్లికార్జున రావు, అధ్యాపకులు డా. ఎస్. ఝాన్సీ రాణి, ఇఫ్ఫత్ ఉన్నిసా సంతకాలు చేశారు.పాఠ్య ప్రణాళిక, పాఠ్యాంశాల రూపకల్పనలో సంయుక్తంగా పనిచేయడం, ఇరు సంస్థల అధ్యాపకులు, విద్యార్థులు ఉమ్మడి పరిశోధన, నైపుణ్యాభివృద్ధి కార్యక్రమాల ద్వారా తక్షణ సహకారాన్ని బలోపేతం చేయడం.
ఈ ఒప్పందం ప్రధాన లక్ష్యం...
ఒప్పందంలోని ముఖ్యాంశాలు: పరిశ్రమ అవసరాలకు అనుగుణంగా సిలబస్‌ను నవీకరించడం, ప్రస్తుత పారిశ్రామిక అవసరాలకు తగినట్లుగా పాఠ్యాంశాలను రూపొందించడానికి ఇరు సంస్థలు కలిసి పనిచేస్తాయి. ప్రత్యక్ష శిక్షణ, పారిశ్రామిక సందర్శనలు: సిటీ కాలేజ్ విద్యార్థులకు IPE వేదికగా ప్రత్యక్ష శిక్షణ, వివిధ పరిశ్రమలకు సందర్శనల అవకాశాలు లభిస్తాయి. సంయుక్త పరిశోధన: కొత్త వ్యాపార నమూనాలపై ఇరు సంస్థల అధ్యాపకులు, విద్యార్థులు కలిసి పరిశోధనలు నిర్వహిస్తారు. నైపుణ్యాభివృద్ధి శిబిరాలు: డేటా అనలిటిక్స్, ఎక్సెల్, పవర్ బిఐ, డిజిటల్ మార్కెటింగ్‌ వంటి అంశాలపై సిటీ కాలేజ్ విద్యార్థులకు IPE ఆధ్వర్యంలో ప్రత్యేక శిక్షణ శిబిరాలు నిర్వహించబడతాయి.అ ధ్యాపక సామర్థ్యవృద్ధి శిక్షణ: సిటీ కాలేజ్ అధ్యాపకుల కోసం IPE అధ్యాపకులు ప్రత్యేక శిక్షణ కార్యక్రమాలు నిర్వహిస్తారు. ఈ సందర్భంగా ప్రొఫెసర్‌ మూర్తి మాట్లాడుతూ, “ఈ ఒప్పందం విద్యా సంస్థలు, వ్యాపార ప్రపంచం మధ్య ఒక ఆచరణాత్మక వంతెనలా పనిచేస్తుంది. విద్యార్థులకు పరిశ్రమ అనుభవాన్ని అందించడానికి ఇది దోహదపడుతుంద”ని అన్నారు.డా.పి.శాంతి మాట్లాడుతూ, “IPE సంస్థ విలువైన వనరులు సిటీ కాలేజ్ యొక్క అనుభవంతో కలవడం వల్ల విద్యార్థులకు పరిశోధన, ఇంటర్న్‌షిప్‌లు, ఉద్యోగ అవకాశాలు మరింత విస్తృతమవుతాయి. ఇది మా విద్యార్థుల భవిష్యత్తుకు ఒక గొప్ప ముందడుగు,” అని తెలిపారు. ఈ సహకారంతో ఇరు సంస్థలు విద్యార్థులకు అత్యుత్తమ విద్యా మరియు నైపుణ్యాలను అందించడానికి కృషి చేస్తాయని పేర్కొన్నారు.
