అఫ్గానిస్థాన్‌లో భారీ భూకంపం సంభవించింది. పాకిస్థాన్‌ సరిహద్దులోని కునార్‌ ప్రావిన్స్‌లో రిక్టర్‌ స్కేల్‌పై 6.0 తీవ్రత నమోదైంది. ఈ ఘోర విపత్తు కారణంగా మృతిచెందిన వారి సంఖ్య 500కు చేరింది. యూఎస్‌ జియోలాజికల్‌ సర్వే వివరాల ప్రకారం.. నంగర్హార్‌ ప్రావిన్స్‌లోని జలాలాబాద్‌ సమీపంలో భూకంప కేంద్రం ఉన్నట్లు వెల్లడైంది. 8 కిలోమీటర్ల లోతులో అది కేంద్రీకృతమై ఉంది. ఆదివారం అర్ధరాత్రి 11.47 గంటల ప్రాంతంలో భూకంపం సంభవించినట్లు అధికారులు తెలిపారు.

         భారత్‌కు అగ్రరాజ్యం అమెరికా హెచ్చరిక

ప్రజా క్షేత్ర్, న్యూ డిల్లీ జూలై 2 ;ఉక్రెయిన్‌తో సుదీర్ఘ యుద్ధం కొనసాగిస్తున్న రష్యాతో సంబంధాలు కొనసాగిస్తే భారీ సుంకాలు విధిస్తామని అగ్రరాజ్యం అమెరికా హెచ్చరించింది. ఇప్పటికే మాస్కోతో వ్యాపార సంబంధాలు కొనసాగిస్తున్న   భారత్‌, చైనాపై 500 శాతం సుంకాలు   విధిస్తామంటూ రిపబ్లికన్‌ సెనేటర్‌ లిండ్సే గ్రాహం     హెచ్చరించారు. ఇందుకోసం ఓ బిల్లును కూడా తీసుకురానున్న తెలిపారు.ఏబీసీ న్యూస్‌కి ఇచ్చిన ఇంటర్వ్యూలో లిండ్సే గ్రాహం మాట్లాడుతూ.. ‘రష్యా ఉత్పత్తులను కొనుగోలు చేస్తూ.. ఉక్రెయిన్‌కు సాయం చేయని దేశాల ఉత్పత్తులపై 500 శాతం సుంకం ఉంటుంది. భారత్   చైనా   దేశాలు మాస్కో నుంచి 70 శాతం చమురు కొనుగోలు చేస్తున్నాయి’ అని అన్నారు. రష్యాతో వాణిజ్య సంబంధాలను కొనసాగించే దేశాలపై అధిక సుంకాలు విధించేలా ట్రంప్‌ మద్దతుతో యూఎస్ సెనేట్‌లో బిల్లును తీసుకొస్తామని ఆయన తెలిపారు. ఈ బిల్లు వచ్చే నెలలోనే ప్రవేశ పెట్టే అవకాశం ఉందని పేర్కొన్నారు. కాగా, రష్యా నుంచి భారత్‌ పెద్ద మొత్తంలో ముడి చముర కొనుగోలు చేస్తున్న విషయం తెలిసిందే. చైనా సైతం మాస్కో నుంచి చమురును దిగుమతి చేసుకుంటోంది. దీంతో యూఎస్‌ తెచ్చే ఈ బిల్లు భారత్‌, చైనా దేశాలపై తీవ్ర ప్రభావం చూపనుంది

ప్రజా క్షేత్ర్, న్యూఢిల్లీ జూలై 2 ;: బంగ్లాదేశ్ మాజీ ప్రధాన మంత్రి షేక్ హసీనాకు అంతర్జాతీయ నేరాల ట్రిబ్యునల్ (ICT) బిగ్ షాకిచ్చింది.  కోర్టు ధిక్కార కేసులో షేక్ హసీనాకు బుధవారం ఐసిటి ఆరు నెలల జైలు శిక్ష విధించింది. ఢాకా ట్రిబ్యూన్ నివేదికల ప్రకారం, చైర్మన్ జస్టిస్ ఎండీ గోలం మోర్టుజా మోజుందర్ నేతృత్వంలోని ముగ్గురు సభ్యుల ధర్మాసనం ఈ తీర్పును వెలువరించింది. దాదాపు ఏడాది క్రితం బంగ్లాదేశ్ నుండి పారిపోయి ఇండియాలో తలదాచుకుంటున్న హసీనాను దోషిగా నిర్ధారించింది. హసీనాతో పాటు, గైబంధలోని గోబిందగంజ్‌కు చెందిన షకీల్ అకాండ్ బుల్బుల్‌కు కూడా ఇదే కేసులో రెండు నెలల జైలు శిక్ష విధించబడింది.2024 జూన్, జూలై, ఆగస్టులో దేశవ్యాప్తంగా జరిగిన నిరసనలపై క్రూరంగా అణచివేసిన ఘటనలో హసీనా పాత్ర ఉందని, ఆమెపై ఐసిటి మానవత్వానికి వ్యతిరేకంగా నేరాల అభియోగం మోపింది. చీఫ్ ప్రాసిక్యూటర్ మొహమ్మద్ తాజుల్ ఇస్లాం, అతని బృందం.. తన ప్రభుత్వానికి వ్యతిరేకంగా చేపట్టిన సామూహిక నిరసనలపై జరిగిన దాడి వెనుక హసీనా ప్రధాన ప్రేరేపకురాలిగా ఆరోపించారు. కాగా, గతేడాది జూలై 15, ఆగస్టు 15 మధ్య హసీనా ప్రభుత్వానికి వ్యతిరేకంగా అల్లరిమూకలు దాడులకు పాల్పడ్డారు. ప్రధాని హసీనా నివాసంపై కూడా నిరసనకారులు దాడులు చేసిన సంగతి తెలిసిందే. ఈ దాడులకు ముందే ఆమె ప్రత్యేక విమానంలో బంగ్లాదేశ్ నుంచి పారిపోయి ఇండియాకు వచ్చింది. ఆ సమయంలో బంగ్లాదేశ్ లో పెద్ద ఎత్తున హింసకాండ జరిగింది. అల్లరిమూకల దాడుల్లో దాదాపు 1400 మంది ప్రజలు ప్రాణాలు కోల్పోయారు.

జులై 8 నాటికి భారత్‌-అమెరికా మధ్య వాణిజ్య ఒప్పందం ప్రకటన..!

ప్రజా క్షేత్ర్, న్యూ డిల్లీ జూన్ 30 ;ఎంతో ఆసక్తిగా ఎదరుచూస్తున్న భారత్‌-అమెరికా మధ్యంతర వాణిజ్య ఒప్పందాన్ని జులై 8 నాటికి ప్రకటించే అవకాశం ఉన్నట్లు తెలుస్తోంది. ఒప్పందానికి సంబంధించిన అన్ని నిబంధనలను ఇరుపక్షాలూ అంగీకరించినట్లు ప్రభుత్వ వర్గాల సమాచారం. రెండోసారి అమెరికా అధ్యక్ష బాధ్యతలు చేపట్టిన డొనాల్డ్‌ ట్రంప్‌ అన్ని దేశాలపై అదనపు సుంకాలు ప్రకటించిన విషయం తెలిసిందే. ఈ అదనపు సుంకాలకు గడువు జులై 8 వరకూ నిర్ణయించారు. అంతలోపు ఆయా దేశాలు మధ్యంతర వాణిజ్య ఒప్పందం కుదుర్చుకోవాల్సి ఉంటుంది. లేదంటే, జులై 9 నుంచి అదనపు సుంకాలు వడ్డిస్తారు.దీంతో అమెరికాతో ద్వైపాక్షిక వాణిజ్య ఒప్పందం చేసుకోవాలని కేంద్ర ప్రభుత్వం నిర్ణయించింది. అయితే, అదనపు సుంకాల నుంచి మినహాయింపు ఇవ్వాలని భారత్‌ గత కొంతకాలంగా అగ్రరాజ్యాన్ని కోరుతోంది. అదే సమయంలో కొన్నింటిపై సుంకాల భారాన్ని తగ్గించాలని అమెరికా కూడా భారత్‌కు విజ్ఞప్తి చేస్తోంది. ఈ క్రమంలో ఇటీవలే కేంద్ర వాణిజ్య, పరిశ్రమల శాఖ మంత్రి పీయూష్‌ గోయల్‌ అమెరికా వాణిజ్య మంత్రి హోవార్డ్‌ లుట్నిక్‌తో సమావేశమయ్యారు. రెండు దేశాలు పరస్పరం లాభదాయకమైన వాణిజ్య ఒప్పందాన్ని కుదుర్చుకునే దిశగా చర్చలు జరిపారు. ఇరు దేశాల మధ్య ప్రతిపాదిత ద్వైపాక్షిక వాణిజ్య ఒప్పందంపై చర్చలు జరిపారు. ఈ చర్చలు తాజాగా ఓ కొలిక్కి వచ్చినట్లు తెలిసింది.మరోవైపు ఇప్పటికే చైనాతో అమెరికా వాణిజ్య ఒప్పందం కుదుర్చుకున్న విషయం తెలిసిందే. చైనాతో వాణిజ్య ఒప్పందం కుదిరిందని అమెరికా అధ్యక్షుడు ట్రంప్‌ ఇటీవలే ప్రకటించారు. దీనిని చైనా అధ్యక్షుడు జీ జిన్‌పింగ్‌, తాను ఆమోదించవలసి ఉందని ట్రూత్‌ సోషల్‌ పోస్ట్‌లో తెలిపారు. ఇరు దేశాల ప్రతినిధులు లండన్‌లో రెండు రోజులపాటు జరిపిన చర్చలు ముగిసిన అనంతరం ఆయన ఈ పోస్ట్‌ చేశారు. ఫుల్‌ మేగ్నెట్స్‌, అవసరమైన రేర్‌ ఎర్త్‌ మినరల్స్‌ను చైనా ఎగుమతి చేస్తుందని చెప్పారు. చైనా విద్యార్థులు అమెరికాలోని విశ్వవిద్యాలయాలు, కళాశాలల్లో చదువుకోవచ్చునని, అది తనకు సంతోషకరమని తెలిపారు.కాగా, భారత ఉత్పత్తులపై అమెరికా ఇప్పటికే 10 శాతం టారిఫ్‌ విధిస్తున్న విషయం తెలిసిందే. అయితే, అధ్యక్ష బాధ్యతలు చేపట్టిన తర్వాత ట్రంప్‌ భారత్‌ సహా పలు దేశాలపై అదనపు సుంకాలను ప్రకటించారు. ఏప్రిల్‌ 2న మన దేశంపై ట్రంప్‌ 26 శాతం అదనపు సుంకాన్ని విధిస్తున్నట్లు ప్రకటించారు. అయితే, అదనపు సుంకాలను జులై 9 వరకూ నిలిపివేస్తున్నట్లు ట్రంప్‌ యంత్రాంగం గతంలోనే ప్రకటించింది. ఈ అదనపు 26 శాతం సుంకం నుంచి పూర్తిగా మినహాయింపు ఇవ్వాలని భారత్‌ కోరుతోంది.

*అసాధారణ ప్రతిభావంతులకు జారీ చేస్తున్న అమెరికా సర్కార్‌

*లాటరీ లేని హెచ్‌-1బీ వీసాగా గుర్తింపుతో పెరిగిన ఆదరణ

*ఈ వీసా లభించిన వారిలో 3వ స్థానంలో భారతీయులు

ప్రజా క్షేత్ర్, న్యూఢిల్లీ జూన్ 29: అమెరికా ప్రేమికులకు హెచ్‌-1బీ వీసాకు నమ్మకమైన ప్రత్యామ్నాయంగా ఓ-1 వీసా మారింది. ఎస్‌టీఈఎం, వ్యాపారం, కళలు, క్రీడలు వంటి రంగాల్లో అసాధారణ ప్రతిభావంతుల కోసం ఈ వీసాను అమెరికన్‌ ప్రభుత్వం అందుబాటులోకి తీసుకొచ్చింది. ఇది లాటరీ లేని హెచ్‌-1బీ వీసాగా పేరు పొందింది. దీనిపై భారతీయులు ఆసక్తి చూపిస్తున్నారు. టాప్‌ కంపెనీలు కూడా ఈ వీసా ద్వారా నిపుణులను ఉద్యోగులుగా నియమించుకొనేందుకు ముందుకొస్తున్నాయి.

ఈ ఓ-1 వీసా? అంటే ఏమిటి

దీనిని ఇమిగ్రేషన్‌ చట్టం, 1990 ప్రకారం ప్రభుత్వం అందుబాటులోకి తెచ్చింది. గొప్ప పురస్కారాలు, స్కాలర్లీ పబ్లికేషన్స్‌, తమ రంగంలో ఒరిజినల్‌ కంట్రిబ్యూషన్స్‌ వంటి ఎనిమిది కఠినమైన ప్రమాణాలను నిర్దేశించింది. అభ్యర్థి వీటిలో కనీసం మూడింటిని సాధించి ఉండాలి. అయితే, చెప్పుకోదగ్గ ప్రయోజనాలు కూడా ఉన్నాయి. అవి ఏమిటంటే, వార్షిక లాటరీ కాని, పరిమితులు కాని లేవు. 93 శాతం అప్రూవల్‌ రేటు ఉంది. మూడేళ్ల వరకు చెల్లుబాటు ఉంది, గడువును పొడిగించుకునే అవకాశాలు అపరిమితం.

అనిశ్చితిని అధిగమించొచ్చు

హెచ్‌-1బీ వీసాకు విపరీతమైన తనిఖీలు, పరీక్షలు ఎదురవుతున్నాయి. అప్రూవల్‌ రేటు 37 శాతమే. అదే ఓ-1 వీసా ద్వారా అయితే అత్యధిక నైపుణ్యంగల ప్రతిభావంతులు వ్యవస్థాగత అనిశ్చితిని అధిగమించొచ్చు. అందుకే ఇది ఆకర్షణీయంగా మారింది. అమెరికన్‌ డిపార్ట్‌మెంట్‌ ఆఫ్‌ స్టేట్‌ డేటా ప్రకారం.. 2020 ఆర్థిక సంవత్సరంలో 8,838 ఓ-1ఏ వీసాలు జారీ కాగా, 2023 ఆర్థిక సంవత్సరంలో 18,994 జారీ అయ్యాయి. వీటిని పొందినవారిలో బ్రిటన్‌, బ్రెజిల్‌ తర్వాతి స్థానంలో భారతీయులు ఉన్నారు. భారతీయులకు 1,418 ఓ-1ఏ వీసాలు వచ్చాయి. 2020 ఆర్థిక సంవత్సరంలో 487 ఓ-1ఏ వీసాలు భారతీయులకు లభించాయి, అంటే, 191 శాతం పెరుగుదల నమోదైంది. ఎస్‌టీఈఎం గ్రాడ్యుయేట్లు, ఏఐ రీసెర్చర్స్‌, ఎంటర్‌ప్రెన్యూవర్స్‌, కళాకారులు ఈ సదుపాయాన్ని వినియోగించుకున్నారు.

టాప్‌ స్పాన్సర్స్‌లో టెస్లా, గూగుల్‌

ఓ-1 ట్యాలెంట్‌ను చురుగ్గా స్పాన్సర్‌ చేస్తున్న ప్రధాన అమెరికన్‌ సంస్థల్లో గూగుల్‌, టెస్లా, మెక్‌కిన్సే వంటివి ఉన్నాయి. అదేవిధంగా హార్వర్డ్‌, యేల్‌ వంటి విశ్వవిద్యాలయాలు భారతీయ ఫ్యాకల్టీని ఈ వీసాల ద్వారా నియమించుకుంటున్నాయి. కృత్రిమ మేధ (ఏఐ) బూమ్‌ వల్ల ఈ వీసాలకు డిమాండ్‌ విపరీతంగా పెరిగింది. ఓ-1 వీసా దరఖాస్తుదారులు తమ పరిశోధనను ప్రచురించాలని, సమావేశాల్లో ప్రసంగించాలని, లేదా, పేటెంట్లను దాఖలు చేయాలని, ఇలా చేయడం వల్ల దరఖాస్తులకు ఆమోదం లభించే అవకాశాలు పెరుగుతాయని కంపెనీలు సలహా ఇస్తున్నాయి. ఉదాహరణకు, ‘ది క్యూరియస్‌ మావరిక్‌’ అనే విద్యా సంస్థను స్థాపించిన సౌందర్య బాలసుబ్రమణి (28)కి ఓ-1ఏ వీసా వచ్చింది. దీనిని బట్టి సంప్రదాయ ఉపాధికి భిన్నంగా ఈ వీసా అందుబాటులో ఉన్నదనే విషయం తేటతెల్లమవుతున్నది.

సవాళ్లు, వ్యూహాలు

హెచ్‌-1బీ ఫీజు కన్నా 10 రెట్లు ఎక్కువగా అంటే 10,000 డాలర్ల నుంచి 30,000 డాలర్ల వరకు ఓ-1 వీసా పొందడానికి ఖర్చవుతుంది. అయినప్పటికీ ఈ వీసా కోసం అత్యధికంగా పెట్టుబడి పెడుతున్నారు. వీటికి పెరుగుతున్న డిమాండ్‌ వల్ల తమ క్లయింట్‌ రోస్టర్స్‌ 60 నుంచి 300కు పెరిగినట్లు జినీ గ్రీన్‌ కార్డ్‌ వంటి ఇమిగ్రేషన్‌ ఫర్మ్స్‌ చెప్తున్నాయి. ముఖ్యంగా, హెచ్‌-1బీ లాటరీలో తిరస్కరణకు గురైన భారతీయులు ఓ-1 కోసం ప్రయత్నిస్తున్నట్లు తెలిపాయి. ఓ-1ఏ వీసాలు ఏటా 10 శాతం చొప్పున పెరుగుతున్నాయి. కనీస జీతం, ఫార్మల్‌ డిగ్రీ వంటివేవీ అవసరం లేకపోవడం, అంతర్జాతీయ పురస్కారాలు లేదా మీడియా కవరేజ్‌ వంటివాటిని సాక్ష్యాలుగా అంగీకరించడం, అతి తక్కువగా 10 రోజుల్లోనే పిటిషన్లను ప్రాసెస్‌ చేయడం వంటి ఆకర్షణలు ఉత్తమ భారతీయ ప్రొఫెషనల్స్‌కు, అదేవిధంగా, కంపెనీలకు ఓ-1 వీసా ప్రయోజనకరంగా మారింది.

ప్రజా క్షేత్ర్, న్యూ డిల్లీ జూన్ 28 :
 పాకిస్థాన్ లో  దారుణమైన ఘటన చోటు చేసుకుంది. సైనికులు వెళ్తున్న కాన్వాయ్‌పై జరిగిన ఆత్మాహుతి దాడిలో   16 మంది జవాన్లు ప్రాణాలు కోల్పోయినట్లు ఆ దేశ సైనికాధికారులు ప్రకటించారు. ఈ దాడిలో పౌరులు, ప్రభుత్వ అధికారులు, పోలీసులు సహా 24 మంది తీవ్రంగా గాయపడ్డారు. ఆఫ్గానిస్థాన్ సరిహద్దులో ఉన్న ఖైబర్ పఖ్తుంఖ్వా ప్రావిన్స్‌లో ఈ దుర్ఘటన చోటు చేసుకుంది.పేలుడు పదార్థాలతో ఉన్న వాహనంతో ఉగ్రవాది సైనికుల కాన్వాయ్ పైకి దూసుకెళ్లాడు. దీంతో 13 మంది అక్కడికక్కడే ప్రాణాలు కోల్పోయారు. గాయపడిన వారిని ఆస్పత్రికి తరలిస్తుండగా.. మరో ముగ్గురు మృతి చెందారు. ఈ ఘటనలో రెండు ఇళ్ల పైకప్పులు కూలిపోవడంతో ఆరుగురు పిల్లలు గాయపడినట్లు అధికారులు వెల్లడించారు. పాకిస్థాన్‌కు చెందిన తాలిబన్ హఫీజ్ గుల్ బహదూర్ గ్రూప్ ఈ దాడికి బాధ్యత తీసుకుంటూ ప్రకటన చేసింది.

నింగిలోకి దుసుకెళ్లిన ఫాల్కన్‌-9 రాకెట్‌

ప్రజాక్షేత్ర్, న్యూ డిల్లీ జూన్ 25;

భారతీయులు ఎంతో ఆసక్తిగా ఎదురుచూస్తున్న భారత వ్యోమగామి శుభాన్షు శుక్లా   రోదసి యాత్ర ఎట్టకేలకు ప్రారంభమైంది. ‘యాక్సియం-4’  మిషన్‌లో భాగంగా శుభాన్షుతోపాటు మరో ముగ్గురు వ్యోమగాములు అంతర్జాతీయ అంతరిక్ష కేంద్రానికి బయల్దేరి వెళ్లారు. వీరు ప్రయాణిస్తున్న ఫాల్కన్‌-9 రాకెట్‌ ఫ్లోరిడాలోని నాసాకు చెందిన కెన్నెడీ స్పేస్‌ సెంటర్‌ నుంచి నింగిలోకి దూసుకెళ్లింది. భారత కాలమానం ప్రకారం మధ్యాహ్నం 12:01 గంటలకు ఈ ప్రయోగం జరిగింది. ఈ వ్యోమనౌక గురువారం సాయంత్రం 4:30 గంటలకు ఐఎస్‌ఎస్‌తో అనుసంధానం కానుంది. 14 రోజులపాటూ వ్యోమగాములు అంతరిక్షంలో ఉండనున్నారు. నాసా సహకారంతో శుక్లా ఐఎస్‌ఎస్‌లో వివిధ శాస్త్రీయ పరిశోధనలు చేయనున్నారు. ఈ మిషన్‌కు శుక్లా పైలట్‌గా వ్యవహరిస్తున్నారు.అమెరికా ప్రైవేట్‌ స్పేస్‌ సంస్థ యాక్సియం   చేపడుతున్న మానవ సహిత అంతరిక్ష ప్రయోగం ‘ఏఎక్స్‌-4’ మిషన్‌  లో భాగంగా స్పేస్‌ఎక్స్‌ ఫాల్కన్‌ 9 రాకెట్‌   ద్వారా శుభాన్షు అంతర్జాతీయ అంతరిక్ష కేంద్రానికి వెళ్లారు. దీంతో ప్రైవేట్‌ రోదసి యాత్ర ద్వారా ఐఎస్‌ఎస్‌కు వెళ్లిన తొలి భారత వ్యోమగామిగా శుభాన్షు చరిత్రకెక్కారు. ఇప్పటికే భారత్‌కు చెందిన ప్రముఖ వ్యోమగామి రాకేశ్‌ శర్మ రోదసి యాత్ర చేపట్టిన విషయం తెలిసిందే. రష్యా సహకారంతో అంతరిక్షయానం చేశారు. రాకేశ్‌ శర్మ రోదసి యాత్ర చేసిన నాలుగు దశాబ్దాల (1984) తర్వాత శుభాన్షు ఈ గౌరవాన్ని దక్కించుకున్నారు.

ప్రజా క్షేత్ర్, న్యూ డిల్లీ జూన్ 23 : 

ఇజ్రాయిల్ ర‌క్ష‌ణ ద‌ళాలు(IDF) ఇవాళ కీల‌క ప్ర‌క‌ట‌న చేశాయి. ఇరాన్‌లో ఉన్న వైమానిక క్షేత్రాల‌ను టార్గెట్ చేసిన‌ట్లు ఐడీఎఫ్ పేర్కొన్న‌ది. ప‌శ్చిమ‌, తూర్పు, సెంట్ర‌ల్ ఇరాన్ ప్రాంతాల్లో ఉన్న సుమారు ఆరు విమానాశ్ర‌యాల‌పై ఇజ్రాయిల్ మిలిట‌రీ అటాక్ చేసిన‌ట్లు ఐడీఎఫ్ పేర్కొన్న‌ది త‌న ఎక్స్ అకౌంట్‌లో ఐడీఎఫ్ ఈ విష‌యాన్ని చెప్పింది. రిమోట్ ఎయిర్‌క్రాఫ్ట్‌ల‌తో జ‌రిగిన దాడిలో సుమారు 15 ఇరాన్ విమానాలు, హెలికాప్ట‌ర్లు ధ్వంసం అయిన‌ట్లు ఐడీఎఫ్ తెలిపింది. దాడుల వ‌ల్ల విమానాశ్ర‌య ర‌న్‌వేలు, అండ‌ర్‌గ్రౌండ్ బంక‌ర్లు, రీఫుయ‌లింగ్ విమానం, ఎఫ్‌-14, ఎఫ్‌-5, ఏహెచ్‌-1 విమానాలు ధ్వంసమైన‌ట్లు ఐడీఎఫ్ త‌న ఎక్స్‌లో వెల్ల‌డించింది. టార్గెట్ చేసిన విమానాశ్ర‌యాల్లో మెహ్ర‌బాద్‌, మాష‌ద్‌, డెజ్‌ఫుల్ ప్ర‌దేశాలు ఉన్నాయి. ఈ విమానాశ్ర‌యాల్లో టేకాఫ్ జ‌ర‌గ‌కుండా ఉండే రీతిలో ఇజ్రాయిల్ మిలిట‌రీ అటాక్ కొన‌సాగించింది. ఇరాన్ ఆర్మీ స్థావ‌రాల‌ను ధ్వంసం చేసిన‌ట్లు చెప్పింది.సుమారు 20 యుద్ధ విమానాలు.. ఇంటెలిజెన్స్ స‌మాచారం ఆధారంగా దాడుల‌కు పాల్ప‌డిన‌ట్లు ఐడీఎఫ్ తెలిపింది. కెర్మ‌న్షా, హ‌మేదీన్‌, టెహ్రాన్ సైట్ల‌పై సుమారు 30 బాంబుల‌తో ఇజ్రాయిల్ దాడి చేసింది. మిస్సైల్ స్టోరేజ్‌, లాంచ్ కేంద్రాల‌తో పాటు రేడార్, శాటిలైట్ సిస్ట‌మ్స్‌, స‌ర్ఫేస్ టు ఎయిర్ మిస్సైల్ లాంచ‌ర్ కేంద్రంపై దాడి చేసిన‌ట్లు ఐడీఎఫ్ తెలిపింది. ఇరాన్ సైనిక సామ‌ర్థ్యాన్ని నిలువ‌రించ‌డంతో పాటు ఇజ్రాయిలీ పౌరుల‌పై వైమానిక దాడులు చేయ‌కుండా ఉండేందుకు అటాక్ చేసిన‌ట్లు ఐడీఎఫ్ చెప్పింది.

ప్రజా క్షేత్ర్, ఢిల్లీ, జూన్ 3 :
ఆపరేషన్‌ సిందూర్‌ తర్వాత భారతదేశం–పాకిస్తాన్‌ మధ్య ఉద్రిక్తత పెరిగింది. ఈ నేపథ్యంలోనే ఐదో∙తరం యుద్ధ విమానాల గురించి చర్చ జరుగుతోంది. ఈ క్రమంలో, రష్యా మరోసారి ఐదవ తరం Su-57E ఫైటర్‌ జెట్‌ ఎగుమతి వేరియంట్‌ను భారతదేశానికి అందించింది ఆపరేషన్‌ సిందూర్‌ తర్వాత భారతదేశం–పాకిస్తాన్‌ మధ్య ఉద్రిక్తత పెరిగింది. ఈ నేపథ్యంలోనే ఐదవ తరం యుద్ధ విమానాల గురించి చర్చ జరుగుతోంది. ఈ క్రమంలో, రష్యా మరోసారి ఐదవ తరం Su–57E ఫైటర్‌ జెట్‌ ఎగుమతి వేరియంట్‌ను భారతదేశానికి అందించింది. ఈ ప్రతిపాదన భారతీయ వ్యవస్థల స్థానికీకరణ, ఏకీకరణకు ఎంతగానో ఉపయోగపడనుంది.ఆపరేషన్‌ సిందూర్‌ తర్వాత భారతదేశం–పాకిస్తాన్‌ మధ్య ఉద్రిక్తత పెరిగింది. ఈ నేపథ్యంలోనే ఐదో∙తరం యుద్ధ విమానాల గురించి చర్చ జరుగుతోంది. ఈ క్రమంలో, రష్యా మరోసారి ఐదవ తరం Su-57E ఫైటర్‌ జెట్‌ ఎగుమతి వేరియంట్‌ను భారతదేశానికి అందించింది. ఈ ప్రతిపాదన భారతీయ వ్యవస్థల స్థానికీకరణ, ఏకీకరణకు ఎంతగానో ఉపయోగపడనుంది.భారతదేశ సూపర్‌–30 జెట్‌ కోసం ప్రణాళిక చేసిన కీలక సాంకేతికతలను Su-57E కలిగి ఉంటుంది. వాటిలో –ఆధారితరాడార్, భారతదేశం అభివృద్ధి చేసిన మిషన్‌ కంప్యూటర్‌ ఉన్నాయి. ఈ చర్య సూపర్‌–30 ప్రోగ్రామ్‌తో సారూప్యతను కలిగి ఉంది,. భారత వైమానిక దళం (IAF) Su-57E ని దేశీయంగా అభివృద్ధి చేసిన ఎయిర్‌–టు–ఎయిర్, ఎయిర్‌–టు–సర్ఫేస్‌ ఆయుధ వ్యవస్థలతో సన్నద్ధం చేయడానికి వీలు కల్పించడం లక్ష్యంగా పెట్టుకుంది. ఇది రక్షణ తయారీలో భారతదేశం స్వావలంబన దిశగా చేస్తున్న ప్రయత్నాలకు అనుగుణంగా ఉంటుంది. Su-57E సమర్పణ సూపర్‌–30 జెట్‌ సాంకేతిక చట్రంపై ఆధారపడి ఉంటుంది. ఇది IAF Su–30MKI విమానాల అప్‌గ్రేడ్‌ వెర్షన్‌. గాలియం నైట్రైడ్‌ ఆధారిత యాక్టివ్‌ ఎలక్ట్రానిక్‌ స్కాన్డ్‌ అర్రే  రాడార్, ఇండియన్‌ మిషన్‌ కంప్యూటర్‌ ఇండక్షన్‌ Su-57E సామర్థ్యాలను మెరుగుపరచడమే కాకుండా సూపర్‌–30 జెట్‌లతో సారూప్యతను నిర్ధారించడం ద్వారా నిర్వహణ, కార్యాచరణ లాజిస్టిక్‌లకు ఉపయోగపడుతుంది.ఈ అనుసంధానం Su-57E భారత సంతతికి చెందిన ఆయుధాలను దృశ్య పరిధికి మించి గాలి నుంచిì∙గాలికి క్షిపణి, గాలి నుంచి∙ఉపరితల క్షిపణి వంటి వాటిని మోసుకెళ్లడానికి అనుమతిస్తుంది. ఇది విదేశీ సరఫరాదారులపై ఆధారపడటాన్ని తగ్గిస్తుంది. మేక్‌ ఇన్‌ ఇండియా చొరవతో సమకాలీకరించడం జరిగింది. భారతదేశం కోరుకుంటే, తన అవసరానికి అనుగుణంగా Su-57E లో మార్పులు చేసుకోవచ్చని రష్యా చెబుతోంది. సుఖోయ్‌ యుద్ధ విమానాలను తయారు చేసే కంపెనీలు కూడా దీనిని తయారు చేయగలవు. రష్యా కూడా తన సోర్స్‌ కోడ్, టెక్నాలజీని ఇవ్వడానికి సిద్ధంగా ఉంది. ఈ ఐదవ తరం ఫైటర్‌ జెట్‌ ఐదవ తరం స్టెల్త్‌ ఫైటర్‌ జెట్‌ కలిగి ఉండవలసిన అన్ని లక్షణాలతో అమర్చబడి ఉంది. దీనికి స్టీల్త్‌ డిజైన్‌ ఉంది. దీని కారణంగా ఆధునిక రాడార్ల ద్వారా దీనిని గుర్తించడం కష్టం. దీని రాకను శత్రువులు సైతం గుర్తించలేవు. ఈ ఫైటర్‌ జెట్‌లో అమర్చిన R–37M క్షిపణులు 400 కి.మీ. పరిధిని కలిగి ఉంటాయి. గురి పెట్టగలదు. ఇది రాఫెల్‌ కంటే ప్రాణాంతకమైన యుద్ధ విమానం అని రష్యా చెబుతోంది.

ప్రకృతి ప్రకోపానికి సిక్కింలో దారుణం చోటు చేసుకుంది. మాగాన్ జిల్లాలోని లాచన్ నగరంలో ఆదివారం సాయంత్రం 7 గంటల సమయంలో కొండచరియలు విరిగి ఆర్మీ కాంప్‌‌పై పడ్డాయి. ఈ దుర్ఘటనలో ముగ్గుర సైనికులు మృతి చెందగా.. మరో ఆరుగురు ఆచూకీ దొరకడం లేదు. మృతి చెందిన వ్యక్తులు హవల్దార్ లఖ్వీందర్ సింగ్, లాన్స్ నాయక్ మునీష్ ఠాకూర్, పోర్టర్ అభిషేక్ లఖడాగా గుర్తించారు. మృతదేహాలను వెలికి తీసి పోస్ట్‌మార్టంకి తరలించారు. గల్లంతైన ఆరో ఆరుగురి కోసం ముమ్మరంగా గాలిస్తున్నారు. ఈ దుర్ఘటనలో మృతి చెందిన ముగ్గురు సైనికులకు భారత ఆర్మీ సంతాపం తెలియజేసింది.

*పి ఓ కే, ఉగ్రవాదులను అప్పగిస్తే చర్చలకు సిద్ధం*: *మోదీ*

పాక్ కాల్పులు జరిపితే భారత్ కూడా ప్రతి దాడి చేయాలని త్రివిధ దళాలకు దేశ ప్రధాని నరేంద్ర మోదీ కీలక ఆదేశాలు జారీ చేశారు. ఆపరేషన్ సిందూర్ ఇంకా ముగియలేదని ప్రధాని మోదీ స్పష్టం చేశారు. పాక్ కాల్పులు జరిపితే భారత్ కూడా ప్రతి దాడి తప్పక చేస్తుందని తేల్చి చెప్పారు. పాక్ ఆక్రమిత కాశ్మీర్ తో పాటు, ఉగ్రవాదులను అప్పగించడం తప్ప మరే అంశం చర్చించాల్సిన అవసరం లేదన్నారు. ఈ విషయంలో మరే దేశ జోక్యానికి ఒప్పుకోబోమన్నారు.

యుద్ధంపై ఇండియన్ ఎయిర్ ఫోర్స్ సంచలన ప్రకటన చేసింది.. ఆపరేషన్ సింధూర్ ఆప లేదని ఇండియన్ ఫోన్స్ ఎక్స్ లో తెలిపింది.. ఆపరేషన్ సింధూర్ ఇంకా కొనసాగుతుందని పేర్కొంది. త్రివిధ దళాలతో ప్రధాని నరేంద్ర మోదీ భేటీ అనంతరం ఇండియన్ ఎయిర్ ఫోర్స్ సంచలన ప్రకటన చేసింది. ఇప్పటికే, పాక్ కాల్పుల విరమణ ఒప్పందాన్ని ఉల్లంఘించింది. పాకిస్తాన్‌కు వాళ్ల స్టయిల్‌ లోనే మోదీ ప్రభుత్వం బుద్ధి చెప్పబోతున్నట్లు తెలుస్తోంది. అప్పగించిన పనిని బాధ్యతగా విజయవంతం చేశామని ఇండియన్ ఎయిర్ ఫోర్స్ ట్వీట్ చేసింది. ఆపరేషన్ సిందూర్‌పై సోషల్ మీడియాలో వస్తున్న వార్తలు నమ్మ వద్దని భారతీయ వాయు సేన పేర్కొంది. శనివారం కాల్పుల విరమణ ఒప్పందం జరిగిన తర్వాత కూడా లైన్ ఆఫ్ కంట్రోల్ వెంట పాకిస్తాన్ కాల్పులకు తెగించింది. దీంతో, భారత్ పాకిస్తాన్ వైఖరిని ఖండించింది. ప్రధాని నరేంద్ర మోదీ తన నివాసంలో ఈ రోజు రక్షణ మంత్రి రాజ్ నాథ్ సింగ్, నేషనల్ సెక్యురిటీ అడ్వైజర్ అజిత్ దోవల్, సీడీఎస్, త్రివిధ దళాధిపతులతో సమావేశమైయ్యారు. ఈ సమావేశం అనంతరం ఎయిర్ ఫోర్స్ ఇలా ట్వీట్ చేయడం ఆసక్తికరంగా మారింది..

రిజర్వేషన్లపై కీలక వ్యాఖ్యలు చేసిన రాహల్​గాంధీ పై మండి పాటు

ప్రజాక్షేత్ర్ , నేషనల్​ బ్యూరో

రిజర్వేషన్లపై కాంగ్రెస్ ఎంపీ రాహుల్ గాంధీ చేసిన వ్యాఖ్యలపై జాన్ సూరాజ్ అధినేత ప్రశాంత్ కిషోర్ గురువారం మండిపడ్డారు. కొన్ని నెలల క్రితం కోటా పెంపుదలకు గాంధీ మొగ్గుచూపారని, అయితే ఇప్పుడు రిజర్వేషన్లు తొలగించడం గురించి మాట్లాడుతున్నారని కిషోర్ అన్నారు. ఏ సమయంలో ఏం మాట్లాడతారో రాహుల్ గాంధీకే తెలియదని అన్నారు. లోక్‌సభలో ప్రతిపక్ష నేత గాంధీ అమెరికా పర్యటనలో ఉన్నారు. అమెరికా పర్యటన సందర్భంగా రాహుల్ గాంధీ ఈ వ్యాఖ్యలు చేశారు.  జార్జ్‌టౌన్ యూనివర్శిటీ విద్యార్థులను ఉద్దేశించి రాహుల్ గాంధీ మాట్లాడుతూ, “భారతదేశం న్యాయమైన ప్రదేశం” అయినప్పుడు రిజర్వేషన్‌లను రద్దు చేయాలని కాంగ్రెస్ ఆలోచిస్తుందని, ప్రస్తుతం అది కాదన్నారు. సార్వత్రిక ఎన్నికల తర్వాత విరుద్ధమైన వైఖరిని అవలంబిస్తున్నారని ఆరోపించారు. రిజర్వేషన్లపై కాంగ్రెస్ ఎంపీ రాహుల్ గాంధీ చేసిన వ్యాఖ్యలపై జాన్ సూరాజ్ అధినేత ప్రశాంత్ కిషోర్ గురువారం మండిపడ్డారు. కొన్ని నెలల క్రితం కోటా పెంపుదలకు గాంధీ మొగ్గుచూపారని, అయితే ఇప్పుడు రిజర్వేషన్లు తొలగించడం గురించి మాట్లాడుతున్నారని కిషోర్ అన్నారు.ఏది ఏమైనప్పటికీ, అతని వ్యాఖ్య "రిజర్వేషన్‌కు వ్యతిరేకం" అని బీజేపీ ఆరోపించడంతో ఇంటింటికి తిరిగి తీవ్ర స్పందన వచ్చింది. “కొన్ని నెలల క్రితం, అతను కుల జనాభా గణనకు అనుకూలంగా మాట్లాడాడు...రిజర్వేషన్లు పెంచాలి. ఇప్పుడు అమెరికా వెళ్లి రిజర్వేషన్లు ఎత్తివేయాలని మాట్లాడుతున్నాడు... ఎన్నికల వరకు కుల గణన జరగాలని, అవసరమైతే రిజర్వేషన్లు పెంచాలని రాహుల్ గాంధీ ఎప్పటినుంచో చెబుతుంటారని, ఇప్పుడు తన ప్రకటన ఎందుకు మార్చారో, సహచర కాంగ్రెస్ నేతలే చెప్పాలని డిమాండ్ చేశారు. ఇదిలావుండగా, రిజర్వేషన్ అంశంపై రాహుల్ గాంధీ అభిప్రాయానికి, భారత రాజ్యాంగ నిర్మాత బిఆర్ అంబేద్కర్ అభిప్రాయాలకు తేడా లేదని కాంగ్రెస్ సమర్థించింది. "సమాజంలో అసమానతలు ఉన్నంత వరకు, షెడ్యూల్డ్ కులాలు, షెడ్యూల్డ్ తెగలు, ఇతర వెనుకబడిన తరగతులకు దూరంగా ఉన్నంత వరకు, రిజర్వేషన్లు కొనసాగాలని కాంగ్రెస్ విశ్వసిస్తుందని, బాబా సాహెబ్ కూడా అదే అభిప్రాయాన్ని కలిగి ఉన్నారు" అని కాంగ్రెస్ సీనియర్ నాయకుడు హరీష్ రావత్ అన్నారు.