ప్రజా క్షేత్ర్, అమరావతి :

 సచివాలయం 5 బ్లాక్లో ముఖ్యమంత్రి చంద్రబాబు నాయుడు  అధ్యక్షత రాష్ట్రస్థాయి బ్యాంకర్ల కమిటీ సమావేశం జరిగింది. ఈ కార్యక్రమానికి న సీఎస్ కే.విజయానంద్, ఎస్ఎల్ బీసీ ఛైర్మన్ నితీష్ రంజన్, కేంద్ర ఆర్ధిక విభాగం, ఆర్బీఐ, నాబార్డు, సిడ్బీ, ఎగ్జిమ్  బ్యాంక్ ఇతర బ్యాంకుల ప్రతినిధులు, ఉన్నతాధికారులు హజరయ్యారు. ఖరీఫ్ సీజన్లో  రూ.1,80,540 కోట్ల రుణ లక్ష్యానికిగానూ  జూన్ నాటికి రూ.94,666 కోట్ల మేర రుణాలను  బ్యాంకులు ఇచ్చాయి. రాష్ట్ర వ్యాప్తంగా కౌలు రైతులకు రూ.985 కోట్ల రుణాల్ని బ్యాంకులు మంజూరు చేశాయి. ఎంఎస్ఎంఈ రంగానికి రూ.49,831 కోట్ల రుణం మంజూరు చేసాయి. విద్యారంగానికి రూ.252 కోట్లు, హౌసింగ్ కు రూ.1,146 కోట్ల రుణాలు మంజూరు చేసాయి. పునరుద్పాదక ఇంధన రంగానికి రూ.125 కోట్ల మేర రుణ మంజూరు, స్వయం సహాయ సంఘాలకు రూ.5,937 కోట్ల రుణాన్ని ఇచ్చాయి. ముద్రా రుణాల కింద రూ.3189 కోట్లు మంజూరు చేసాయి.

ప్రజా క్షేత్ర్, అమరావతి జూన్ 29 ;: విధ్వంసం నుంచి వికాసం వైపు రాష్ట్రాన్ని తీసుకెళ్తామని ప్రజలకు చెప్పామని ఎపి సిఎం చంద్రబాబు నాయుడు  తెలిపారు. మూడు పార్టీలు ఎప్పటికప్పుడు సమన్వయంతో ముందుకెళ్తున్నాం అని అన్నారు. ఈ సందర్భంగా ఆయన మీడియాతో మాట్లాడుతూ.. ఐదేళ్లలో తాము ఏం చేయాలనే దానిపై ఇప్పటికే చర్చించాం అని ఎన్నికల్లో 94 శాతం స్ట్రైక్ రేట్ అఖండ విజయం   సాధించామని చెప్పారు. ప్రజలు పెట్టిన ఆకాంక్షలను తాము కాపాడుకోవాలని, నిత్యం ప్రజలకు అందుబాటులో ఉండడం మన బాధ్యత అని తెలియజేశారు. ప్రజల సమస్యలను ఎప్పటికప్పుడు పరిష్కరించాలని, భవిష్యత్తులో ఏం చేస్తామో ప్రజలకు స్పష్టంగా చెప్పాలని అన్నారు. ఎన్నికల్లో జనాభా దామాషా ప్రకారం అందరికీ న్యాయం చేశామని చంద్రబాబు పేర్కొన్నారు.

ప్రజా క్షేత్ర్, అమరావతి జూన్ 29 ; కొందరు ఎంతో పని చేస్తారు కానీ మంచి పేరు రాదని ఎపి సిఎం చంద్రబాబు నాయుడు తెలిపారు. ఎంత పని చేశామనే అంశంతో పాటు ఎలా చేస్తున్నామనేది కూడా కీలకం అని అన్నారు. ఈ సందర్భంగా ఆయన మీడియాతో మాట్లాడుతూ.. కొందరు పెద్దగా పని చేయకున్నాప్రజల్లో మంచి పేరు ఉంటుందని చెప్పారు. ఇప్పుడు గెలిచిన వాళ్లు మళ్లీ మళ్లీ గెలవాలి అని ఆ దిశగా ఆలోచన చేస్తున్నానని, పార్టీలో ప్రతి ఒక్కరూ అదే తరహాలో ఆలోచన చేయాలని సూచించారు. ప్రజా ప్రతినిధులకు వారసత్వం ఉందని తాము పని చేయమంటే వారికి ఓ నమస్కారం పెడతానని హెచ్చరించారు.ఎప్పటికప్పడు నేతల పనితీరుపై సమాచారం తెప్పించుకుంటున్నానని, అనేక మార్గాల ద్వారా సర్వేలు చేయిస్తున్నానని తెలియజేశారు. అన్నీ సర్వేలను విశ్లేషించి  వాస్తవాలను బేరీజు వేస్తున్నానని, ఎమ్మెల్యేలతో ముఖాముఖి సమావేశాలు నిర్వహిస్తున్నానని పేర్కొన్నారు. తాను చెప్పాల్సింది ఎమ్మెల్యేలకు చెబుతున్నానని, మారాల్సింది ఎమ్మెల్యేల పనితీరు అని సలహాలు ఇచ్చారు. పనితీరు మార్చుకుంటే బాగుంటుందని, లేకపోతే ఇక అంతే సంగతులు అని చంద్రబాబు స్పష్టం చేశారు.

జిల్లా ప్రజా పరిషత్ సర్వసభ్య సమావేశంలో పాల్గొన్న ఎమ్మెల్యే భూమా అఖిలప్రియ
ప్రజా క్షేత్ర్, ఆళ్లగడ్డ :
ఆళ్లగడ్డలో శిల్పా వెంచర్ పేరుతో కేసీ కెనాల్ ను ఆక్రమించుకొని కేసీ కెనాల్ పై శిల్పా వెంచర్ వేసి  7 వేల ఎకరాలకు రైతులకు నీరు వెళ్లకుండా చేసిన వారిపై కఠిన చర్యలు తీసుకోని కేసులు పెట్టాలని ఎమ్మెల్యే భూమా అఖిలప్రియ డిమాండ్ చేశారు. శిల్ప వెంచర్ ఆళ్లగడ్డలోనే కాదు నంద్యాలలో కడపలో కూడ కేసీ కెనాల్ ను  ఆక్రమించుకొని రైతులకు నీరు వెళ్లకుండా ఆక్రమించుకొని వెంచర్లు వేశారు. వీటన్నిటి పైన తగు చర్యలు తీసుకోవాలని నేను అసెంబ్లీలో ప్రస్తావించడం జరిగింది. హైకోర్టు నుంచి కూడ ఆర్డర్స్ తీసుకొని రావడం జరిగింది అని  కచ్చితంగా నేను అసెంబ్లీ వెళ్లే లోపు వారిపై చర్యలు తీసుకోవాలని  లేకుంటే 200 మంది రైతులు అలాగే శిల్పా వెంచర్ లో ఇళ్ళు తీసుకొని మోసపోయిన బాధిత కుటుంబాలను తీసుకొని ధర్నాకు దిగాల్సి వస్తుందని ఎమ్మెల్యే భూమా అఖిలప్రియ హెచ్చరించారు. అలాగే ఆళ్లగడ్డ రైతులకు చివరి ఆయకట్టు వరకు నీరు అందేలాగా చూడాలని, ఎక్కువగా పంటలు వేసేది ఆళ్లగడ్డ రైతులే అని వారెవరు నష్టపోకూడదని ప్రతి ఒక్క రైతుకు నీరు అందేలాగా చూడాలని  ఎమ్మెల్యే భూమా అఖిలప్రియ అధికారులకు తెలియజేశారు...

జులై 2నుంచి గడపగడపకు వెళ్లండి...

జులై 2వతేదీ నుంచి ప్రతిఒక్కరూ గడపగడపకు వెళ్లి గత ఏడాది కాలంలో మనం సాధించిన విజయాలను ప్రజల్లోకి తీసుకెళ్లాలి. బాబు సూపర్ – 6 కార్యక్రమాలన్నింటినీ ఒక్కొక్కటిగా అమలు చేస్తున్నాం. తల్లికి వందనం పథకం కింద ఒక్క జిఓ తో రూ.8,745 వేల కోట్లను లబ్ధిదారుల ఖాతాల్లో జమచేశాం. ఆర్థిక ఇబ్బందులున్నా నిర్ణీత సమయానికే తల్లికి వందనం పథకాన్ని విజయవంతంగా అమలుచేశాం.  మెగా డిఎస్సీ ద్వారా 16,347 టీచర్ పోస్టుల భర్తీకి చర్యలు చేపట్టాం. పెద్దఎత్తున పరిశ్రమలను రప్పించడం ద్వారా అయిదేళ్లలో 20లక్షల ఉద్యోగాల కల్పనకు శాయశక్తులా కృషిచేస్తున్నాం. దేశంలో ఏ రాష్ట్రంలో లేనివిధంగా వృద్ధులకు 4వేల పెన్షన్ అందజేస్తున్నాం. ఆగస్టు 15నుంచి మహిళలకు ఉచిత బస్సు ప్రయాణం అమలు చేయబోతున్నాం.
అహంకారం, ఇగోలను వీడండి!
అహంకారం, ఇగోలను ప్రజలు హర్షించరు. గత పాలకులు అహంకారంతో వ్యవహరించడం వల్లే 151 కాస్త 11కి పడిపోయింది. ఎవరైనా నాయకులు తప్పుగా ప్రవర్తిస్తే ఆ ప్రభావం పార్టీపై పడుతుంది. ప్రజల్లోకి వెళ్లి ఓర్పు, సహనంతో వారు చెప్పే సమస్యలను వింటూ పరిష్కారానికి కృషిచేయండి. గత ప్రభుత్వం కక్షసాధింపుతో నిలిపివేసిన ఉపాధి హామీ, నీరు – చెట్టు బిల్లులను 90శాతం వరకు క్లియర్ చేశాం, మిగిలినవి కూడా జులైలోగా అందజేసే ఏర్పాటుచేస్తాం. కార్యకర్తలపై గత ప్రభుత్వం పెట్టిన అక్రమ కేసులు, పెండింగ్ బిల్లులు వంటి సమస్యలుంటే మంగళగిరి కేంద్ర కార్యాలయానికి వచ్చి పరిష్కరించుకోండి. యువగళం పాదయాత్ర, శంఖారావం కార్యక్రమంలో మీ ప్రాంతానికి రాలేకపోయాను, ఆ తర్వాత నా అవసరం లేకుండా మీరు భారీ మెజారిటీతో పార్టీని గెలిపించారు. పాదయాత్రలో తెలుగుదేశం పార్టీ బలం, బలహీనతలను నేను క్షేత్రస్థాయిలో తెలుసుకున్నా. చట్టపరిధిలో రెడ్ బుక్ తన పని తాను చేసుకుపోతుంది, ఈ విషయంలో ఎవరికీ ఎటువంటి అనుమానాలు అవసరం లేదు.
రాష్ట్ర ప్రయోజనాల కోసమే కూటమి...
గత వైసిపి ప్రభుత్వం రాష్ట్రాన్ని అప్పుల్లో ముంచి దివాలా తీయించింది. ప్రధాని మోడీ మనకు అన్నివిధాలా సహకరిస్తూ ఆక్సిజన్ అందిస్తున్నారు. అమరావతి, విశాఖ ఉక్కు, విశాఖ రైల్వే జోన్ వంటి అన్ని కోర్కెలను ప్రధాని తీరుస్తున్నారు. రాష్ట్ర ప్రయోజనాల కోసమే టిడిపి, జనసేన, బిజెపిల కూటమి ఏర్పాటైంది, కూటమిలో మనది పెద్దన్న పాత్ర, సమస్యలుంటే కూర్చుని మాట్లాడుకుని పరిష్కరించుకుంటూ సమన్వయంతో ముందుకు సాగాలి. తెలుగుదేశం పార్టీ చొరవ వల్లే వక్ఫ్ బిల్లులో 4 కీలక సవరణలు చేశారు, అది మనకున్న కమిట్ మెంట్. పార్టీలో ఏ ఒక్క నాయకుడు మనం గతంలో పడిన ఇబ్బందులు, అవమానాలను మరువకూడదు. చంద్రబాబు గారిని అక్రమంగా అరెస్టు చేసినపుడు... నేను ఆయనను కలిసేందుకు తీవ్రస్థాయిలో పోరాడాల్సి వచ్చిందని లోకేష్ చెప్పారు. ఈ సమావేశంలో రాష్ట్ర మంత్రులు కొల్లు రవీంద్ర, వాసంశెట్టి సుభాష్, ఆర్టీసి చైర్మన్ కొనకళ్ల నారాయణ పాల్గొన్నారు.

తెలంగాణలో సంచలనం సృష్టించిన ఫోన్ ట్యాపింగ్ పై ఎపి కాంగ్రెస్ అధ్యక్షురాలు వైఎస్ షర్మిల కీలక కామెంట్స్ చేశారు. తన ఫోన్ కూడా ట్యాపింగ్ జరిగిందని ఆమె చెప్పారు. ఈ కేసులో ప్రధాన సూత్రధారి అయిన మాజీ ఎస్ఐబి చీఫ్ ప్రభాకర్ రావు.. సుప్రీం ఆదేశాల మేరకు భారత్ కు వచ్చి సిట్ విచారణకు హాజరయ్యారు. ఇప్పటివరకు ఆయనను మూడుసార్లు విచారించిన అధికారులు.. ఈ కేసులో దూకుడు పెంచారు. మరోసారి ఈ కేసులో నిందితులైన ప్రణీత్ రావు వంటి వారిని మళ్లీ విచారిస్తూ కీలక సమాచారాన్ని సేకరిస్తున్నారు. ఈ క్రమంలో వైఎస్ షర్మీల ఫోన్ ట్యాపింగ్ పై స్పందించారు.బుధవారం ఆమె మీడియాతో మాట్లాడుతూ.. తెలంగాణలో ఫోన్ ట్యాపింగ్ నిజమేనని చెప్పారు. “బైబిల్ మీద ప్రమాణం చేసి చెప్తున్నా… ఫోన్ ట్యాపింగ్ జరిగిందన్నది వాస్తవమే. నా ఫోన్, నా భర్త ఫోన్, నా దగ్గర వాళ్ల ఫోన్‌లు ట్యాప్ చేశారు. ఫోన్ ట్యాప్ జరిగినట్లు స్వయంగా వైవీ సుబ్బారెడ్డి నిర్ధారించారు. ఫోన్ ట్యాపింగ్ విషయంలో విచారణకు ఎక్కడికి రమ్మని చెప్పినా వస్తా. ఫోన్‌ ట్యాపింగ్‌పై ఇరు రాష్ట్రాల ముఖ్యమంత్రులు రేవంత్‌ రెడ్డి, చంద్రబాబు విచారణ వేగవంతం చేయాలి. తెలంగాణ మాజీ సిఎం కెసిఆర్, జగన్‌ సంబంధం ముందు.. రక్తసంబంధం కూడా చిన్నబోయింది” అని షర్మిల పేర్కొన్నారు.

ప్రతిభా వంతుల, వయోవృద్ధుల సంక్షేమ శాఖ ద్వారా  విభిన్న ప్రతిభావంతునికి  ఎమ్ పి లాడ్స్ ద్వారా  హైడ్రాలిక్ నీ జాయింట్  విత్ కార్బన్ పైబర్ ఫూట్  5 సీల్ లైనర్ ను  జాయింట్ కలెక్టర్. శుభం బన్సల్ తో కలసి జిల్లా కలెక్టర్. డా ఎస్ వెంకటేశ్వర్ అందజేశారు.
సోమవారం మధ్యాహ్నం స్థానిక  కలెక్టరేట్ నందు  శ్రీకాళహస్తి మండలం  ఆంజనేయపురం గ్రామస్తుడైన సుబ్బారాయులు విభిన్న ప్రతిభావంతునికి  ఎమ్ పి లాడ్స్ ద్వారా సుమారు 5 లక్షల 70 వేలు  రూపాయలు. విలువైన  సంగమేశ్వర హెల్త్ ఎయిడ్స్ అండ్ సర్జీకల్  ఏజెన్సీ వారు తయారు చేసిన హైడ్రాలిక్ నీ జాయింట్  విత్ కార్బన్ పైబర్ ఫూట్  5 సీల్ లైనర్ ను  అందజేశారు. ఈ కార్యక్రమంలో  డి ఎమ్ అండ్ హెచ్ ఓ బాలకృష్ణ నాయక్,  ప్రతిభా వంతుల, వయోవృద్ధుల సంక్షేమ శాఖ  సి ఆర్ అండ్ ఎమ్. ఓ జి. కె. రాజశేఖర్,  సంగమేశ్వర హెల్త్ ఎయిడ్స్ అండ్ సర్జీకల్  ఏజెన్సీ ప్రాపరైటర్  రాజు, ఇంజనీర్ చెంచల్ భారత్  తదితరులు  పాల్గొన్నారు.

- ప్రభుత్వ పాఠశాలల్లో సీట్ల కోసం సిఫార్సు లేఖలిచ్చే పరిస్థితి రావాలన్నది ధ్యేయం

- పాలకుల బొమ్మలు లేకుండా నాణ్యమైన కిట్లు

- నగరంలో మూడు స్కూల్స్ హైస్కూల్స్ గా అప్ గ్రేడ్ చేసాం

- సర్వేపల్లి రాధాకృష్ణన్ విద్యామిత్ర కిట్ల పంపిణీలో ఎమ్మెల్యే ఆదిరెడ్డి వాసు

ప్రజా క్షేత్ర్, రాజమహేంద్రవరం :

ప్రయివేటు పాఠశాలలకు ధీటుగా ప్రభుత్వ పాఠశాలలను తీర్చిదిద్దే విధంగా విద్యావవ్యస్థలో సమూల మార్పులకు మంత్రి నారా లోకేష్ శ్రీకారం చుట్టారని రాజమహేంద్రవరం సిటీ ఎమ్మెల్యే ఆదిరెడ్డి శ్రీనివాసు (వాసు) చెప్పారు. సిటిలో అప్ గ్రేడ్ అయిన అన్నపూర్ణమ్మపేట సీనియర్ నేషనల్ బేసిక్ స్కూల్, వి ఎల్ పురం శ్యామలాంబ మున్సిపల్ కార్పొరేషన్ స్కూల్, మోరంపూడి స్పెషల్ మున్సిపల్ కార్పొరేషన్ ఉన్నత పాఠశాలలోని విద్యార్థులకు సర్వేపల్లి రాధాకృష్ణన్ విద్యార్థి మిత్ర కిట్స్ ను శుక్రవారం ఆయన పంపిణీ చేసారు. ఆయా పాఠశాలల్లో అప్ గ్రేడ్ చేసిన తరగతి గదులను ప్రారంభించి ఎమ్మెల్యే వాసు మాట్లాడుతూ ప్రస్తుతం ప్రయివేటు పాఠశాలల్లో సీట్లకు సిఫార్సు లేఖల కోసం తల్లిదండ్రులు వస్తూ ఉంటారని గుర్తుచేసారు. అయితే వచ్చే రెండు మూడేళ్ళలో ప్రభుత్వ పాఠశాలల్లో కూడా సీటు కోసం సిఫార్సు చేయమని తమ దగ్గరకు లేఖల కోసం వచ్చేలా విద్యావ్యవస్థలో మార్పులు రాబోతున్నాయని అన్నారు. ఆ దిశగా మంత్రి లోకేష్ మార్పులు తెస్తున్నారని ఆయన అన్నారు. గతంలో ఇచ్చిన విద్యాకిట్లకు ఇప్పటికీ ఎంతో తేడా ఉందని ఎమ్మెల్యే వాసు చెబుతూ, గతంలో జగనన్న బొమ్మలు ఉండేవని, ఇప్పుడు పాలకుల బొమ్మలు కాకుండా రాష్ట్రపతిగా చేసిన ఉపాధ్యాయుడైన డా సర్వేపల్లి రాధాకృష్ణన్ పేరుతొ ఆయన బొమ్మ వేసి కిట్లు ఇప్పుడు ఇస్తున్నామని అన్నారు. గతంలో యూనిఫారంలు, బ్యాగులు ఏమాత్రం నాణ్యత లేకుండా ఉండేవని, ఇప్పుడు అత్యంత నాణ్యత గల బ్యాగులు, యూనిఫారంలు ఇస్తున్నామని ఎమ్మెల్యే వాసు చెప్పారు. ఇక ఇప్పటివరకు పాఠశాల స్థాయిలోనే మధ్యాహ్న భోజన పథకం అమలు చేస్తే, విద్యార్థులకు నాణ్యమైన, రుచికరమైన ఆహారం ఉంటేనే బాగా చదువుతారని భావించి జూనియర్ కాలేజీల్లో కూడా మధ్యాహ్నం భోజన పథకం మంత్రి లోకేష్ ప్రవేశపెట్టినట్లు ఆయన చెప్పారు. గతంలో జగనన్న గోరుముద్ద వంటి పేర్లతో పథకాలు పెడితే, కూటమి ప్రభుత్వం డొక్కా సీతమ్మ పేరుతొ మధ్యాహ్నం భోజన పథకాన్ని అందుబాటులోకి తెచ్చిందని ఎమ్మెల్యే వాసు హర్షద్వానాల మధ్య చెప్పారు. డొక్కా సీతమ్మ ఓపిక ఉన్నంతకాలం ఎవరు ఆకలితో వచ్చిన లేదనకుండా కాదనకుండా కడుపునిండా భోజనం పెట్టి పంపించిన డొక్కా సీతమ్మ దాతృత్వాన్ని గుర్తించి ఆనాటి బ్రిటిషు ప్రభుత్వం ప్రశంసించిందని అటువంటి మహనీయురాలి గురించి విద్యార్థులకు తెలియజేసే ఉద్దేశ్యంతో ఈ పేరు పెట్టినట్లు ఆయన చెబుతూ ఇదీ కూటమి ప్రభుత్వ విశాలమైన ఆలోచనకు నిదర్శనమన్నారు. అలాగే సిటిలోని సీనియర్ నేషనల్ బేసిక్ స్కూల్, శ్యామలాంబ స్కూల్, మోరం పూడి స్కూల్స్ లో 8వ తరగతి వరకు మాత్రమే ఉండగా, తల్లిదండ్రుల విజ్ఞప్తిని దృష్టిలో ఉంచుకుని హైస్కూల్స్ గా మార్చాలని ప్రతిపాదన పంపిన వెంటనే ప్రభుత్వం ఆమోద ముద్ర వేసిందని ఎమ్మెల్యే ఆదిరెడ్డి వాసు వివరించారు. ఇక ఇన్నాళ్లూ భయపడుతూ వస్తున్న బ్లేడ్ బ్యాచ్, గంజాయి బ్యాచ్ ల పని కూడా పడుతున్నామని హెచ్చరించారు.

అనకాపల్లి జిల్లా పాయకరావుపేట నియోజకవర్గంలో  హోం మంత్రి వంగలపూడి అనిత పర్యటించారు.యస్ రాయవరం మండలం గెడ్డపాలెం గ్రామంలో జరిగిన ఏరువాక కార్యక్రమంలో పాల్గొన్న మంత్రి, భూమి పూజ చేసి సంప్రదాయంగా కాడెడ్లతో నాగలి పట్టి పొలం దున్నారు. ఈ సందర్భంగా మంత్రి అనిత రైతులకు రాయితీపై విత్తనాలను పంపిణీ చేశారు. వ్యవసాయ యాంత్రీకరణను ప్రోత్సహిస్తూ 80 శాతం రాయితీపై డ్రోన్‌ను ప్రారంభించారు. ఈ సందర్భంగా మాట్లాడిన ఆమె, రైతులకు ఆధునిక సాంకేతికత ఆధారంగా పరికరాలు అందించడమే లక్ష్యమన్నారు. డ్రోన్ల సాయంతో ప్రస్తుతం రైతులు వ్యవసాయ పనులను సులభతరం చేసుకుంటున్నారని చెప్పారు.
రైతుల సంక్షేమానికి ఎన్డీయే ప్రభుత్వం అత్యున్నత ప్రాధాన్యత ఇస్తోందని మంత్రి తెలిపారు. రైతు దేశానికి వెన్నెముకలాంటివారని అభిప్రాయపడ్డారు. పాడిపంటలతో రాష్ట్రం సుభిక్షంగా ఉండాలని ఆకాంక్షించారు. కార్యక్రమంలో పలువురు ప్రజాప్రతినిధులు, అధికారులు, రైతులు పెద్ద సంఖ్యలో పాల్గొన్నారు.

* ఇది వరకు నేరస్థులు ప్రభుత్వానికి బయపడి వెళ్ళిపోయేవారని..

* ఇప్పుడు మనం నేరస్థులతో రాజకీయాలు చేయాల్సిన పరిస్థితి
* మంత్రులు చాలా జాగ్రత్తగా ఉండాలి’
* ఏపీ కేబినెట్‌ సమావేశంలో   ముఖ్యమంత్రి చంద్రబాబు నాయుడు   కీలక వ్యాఖ్యలు
ప్రజా క్షేత్ర్, అమరావతి, జూన్ 4 :
ఏపీ కేబినెట్‌ సమావేశంలో   ముఖ్యమంత్రి చంద్రబాబు నాయుడు   కీలక వ్యాఖ్యలు చేశారు. తనను జైల్లో పెట్టారని.. జగన్‌‌ను కూడా జైలులో పెడతామంటే ఎలా కుదురుతుంది.. అది కరెక్ట్ కాదు కదా’ అని మంత్రులతో సీఎం అన్నారు. బుధవారం సచివాలయంలో సీఎం చంద్రబాబు అధ్యక్షతన కేబినెట్ సమావేశం జరిగింది. ఈ సందర్భంగా.. ‘జగన్ తప్పు చేశాడు కదా? మనం ఎందుకు చర్యలు తీసుకోకూడదు’ అని మంత్రి గుమ్మడి సంధ్యారాణి   ప్రశ్నించగా.. ‘అతను తప్పులు చేసినట్లు రుజువులు ఉంటే చట్టానికి దొరికితే మనం చర్యలు తీసుకోవాలి. మంత్రులు చాలా జాగ్రత్తగా ఉండాలి’ ముఖ్యమంత్రి సూచించారు.ఇది వరకు నేరస్థులు ప్రభుత్వానికి బయపడి వెళ్ళిపోయేవారని.. ఇప్పుడు మనం నేరస్థులతో రాజకీయాలు చేయాల్సిన పరిస్థితి ఏర్పడిందన్నారు. నేరం చేసి మళ్ళీ ప్రభుత్వంపైనే నిందలు వేసే పరిస్థితి నేడు నెలకొందని తెలిపారు. గంజాయ్ బ్యాచ్ నేరాలు చేసిందని.. తప్పులు చేసి.. తిరిగి ప్రభుత్వంపైనే నెడుతున్నారని మండిపడ్డారు. ఈ ఏడాది మంత్రులు బాగా పనిచేశారని.. ఇంకా కష్టపడాలని.. ఈ ఏడాది ఏం చేశారనేది ఒకసారి సమీక్ష చేసుకోవాలని సూచించారు. రాబోయే ఏడాదికి ప్లాన్ చేసుకోవాలన్నారు. పోలవరం, బనకచర్ల ప్రాజెక్ట్‌లకు కేంద్రం సాయం చేస్తుందన్నారు. కేంద్రం సానుకూలంగా స్పందిస్తోందని.. ఆలస్యం అయితే ప్రతీ ఏడాది వ్యయం పెరుగుతుందని అన్నారు. నిధుల సమీకరణ కూడా జరుగుతోందన్నారు. పోలవరం, బనకచర్లకు కేంద్రం, రాష్ట్రం, ఏషియన్ డెవలప్‌మెంట్‌ బ్యాంకు, హైబ్రిడ్ అన్యూటీ మోడల్లో కూడా నిధులు వస్తాయని అన్నారు. క్వాంటం వ్యాలీని చేయాలని.. 2026 జనవరికి కార్యరూపం తీసుకురావాలని వెల్లడించారు. క్వాంటం వ్యాలీ బిల్డింగ్ డిజైన్స్‌ను డిప్యూటీ సీఎం పవన్ కళ్యాణ్‌కు చూపించాలని అధికారులకు సీఎం ఆదేశించారు.ఈ నెల 15న తిరుపతిలో సినిమా సెలబ్రిటీలతో యోగా నిర్వహించాలని తెలిపారు. టూరిజం మంత్రి వెళ్లి సెలబ్రెటీలను ఆహ్వానించాలని.. తాను కూడా కొంత మందికి ఫోన్లు చేసి చెబుతానని సీఎం అన్నారు. 1983లో మహానాడుకు షర్ట్‌‌లు పసుపునీళ్లలో ముంచుకుని అటెండ్ అయ్యారని.. అప్పటి నుంచి మహానాడు నిర్వహిస్తున్నారన్నారు. వాతావరణం బాగా సహకరించిందని.. ఇది వరకు సమ్మర్‌లో అల్లాడిపోయామన్నారు. కానీ ఇప్పుడు వాతావరణం మంచిగా సహకరించిందని అన్నారు. ఈ సారి మహానాడు బాగా జరిగింది... కార్యకర్తలు కూడా బాగా వచ్చారని కేబినెట్ సమావేశంలో తెలిపారు.

*నైతికంగా పతనమైన నాయకుడు జగన్

*రౌటీ షీటర్లకు పరామర్శతో అరాచకాలకు ప్రోత్సాహమిచ్చినట్లే.
 5 ఏళ్ల అసమర్థ పాలనలో అన్ని వర్గాలకు అన్యాయం

*దళితులను ఏనాడూ పట్టించుకోలేదు...

*ఉనికి కోసమే కుల, శవ రాజకీయాలు
* జగన్ పై మంత్రి సవిత విసుర్లు
*కూటమి ప్రభుత్వం అన్ని హామీలూ నెరవేస్తోంది...
* పథకాల అమలుపై చర్చకు సిద్ధమా :
మంత్రి సవిత సవాల్
ప్రజా క్షేత్ర్, అమరావతి :
 నీతి, నిజాయితీకి నిలువెత్తురూపమైన సీఎం చంద్రబాబునాయుడు గురించి నోటికొచ్చిన మాట్లాడితే తగిన గుణపాఠం చెబుతాం... ఖబడ్డార్ జగర్ రెడ్డి అని రాష్ట్ర బీసీ, ఈడబ్ల్యూఎస్ సంక్షేమ, చేనేత శాఖ మంత్రి సవిత హెచ్చరించారు. రౌడీ షీటర్లకు, గంజాయి గ్యాంగ్ కు పరామర్శ చేసి నైతికంగా పతనమైన రాజకీయ నాయకుడివని మండిపడ్డారు.  అమరావతిలోని రాష్ట్ర సచివాలయంలో మంగళవారం నిర్వహించిన విలేకరుల సమావేశంలో మంత్రి సవిత మాట్లాడారు. దెయ్యాలు వేదాలు వల్లిస్తున్నట్లు జగన్ రెడ్డి రాజ్యాంగం, చట్టం గురించి మాట్లాడుతున్నారని ఎద్దేవా చేశారు. ప్రజలు సైతం జగన్ రెడ్డి మాటలను విని నవ్వుకుంటున్నారన్నారు. అయిదేళ్ల పాలనలో నా ఎస్సీలు, నా ఎస్టీలు, నా బీసీలు, నా మైనార్టీలంటూ అన్ని వర్గాలనూ జగన్ మోసం చేశారన్నారు. దళితులను అన్ని విధాలా అన్యాయం చేశారన్నారు. ఎస్సీ సబ్ ప్లాన్ నిధులను దారి మళ్లించారన్నారు. ఎస్సీ కార్పొరేషన్ ను నిర్వీర్యం చేశారన్నారు. 2014-19లో అమలు చేసిన 27 పథకాలను, దళిత యువతకు స్వయం ఉపాధి పథకాలను నిలిపేశారని మండిపడ్డారు. జగన్ పాలనలో గతంలో ఎన్నడూ లేనంతగా దళితులపై దాడులు జరిగాయన్నారు. దళిత మహిళలపై అఘాయిత్యాలు సైతం చోటుచేసుకున్నాయన్నారు. ఇన్ని జరిగినా ఏనాడూ దళితులను పరామర్శించిన పాపాన జగన్ పోలేదన్నారు. మాస్క్ అడిగిన పాపానికి దళిత వైద్యుడు డాక్టర్ సుధాకర్ ను మానసికంగా హింసించి చంపారన్నారు. దళిత డ్రైవర్ ను డోర్ డెలవరీ చేసిన ఘనత కూడా వైసీపీ నాయకుడిదేనన్నారు. జగన్ కు కుల, శవ రాజకీయాలు చేయడం అలవాటైపోయిందని, అందుకే ఆయనను ప్రజలు పక్కనబెట్టారని అన్నారు. దిగజారుడు రాజకీయాలు మానుకోవాలని హితవు పలికారు. జగన్ పరామర్శించిన వారి దాడిలో గాయపడిన కానిస్టేబుల్ కూడా దళితుడేనన్నారు. ఆయననెందుకు పరామర్శించలేదని ప్రశ్నించారు. అయిదేళ్లలో ఎంతమంది దళితులను జగన్ రెడ్డి పరామర్శించాడో చర్చించడానికి సిద్ధమా..? అని మంత్రి సవిత సవాల్ విసిరారు.

రేషన్ కార్డు ప్రాతిపదికన హెల్త్ కార్డు జారీ విదానాన్ని డిలింక్ చేస్తే రేషన్ బియ్యం సగ్లింగ్ ను అరికట్టవచ్చు

 రాష్ట్ర  శాసనసభ పిటిషన్ల కమిటీ చైర్మన్ & శాసనసభ డిప్యూటీ స్పీకర్ కె. రఘురామకృష్ణరాజు

ప్రజా క్షేత్ర్, అమరావతి, జూన్ 3:  
తెల్ల  రేషన్ కార్డుతో సంబందం లేకుండా   ఎన్.టి.ఆర్.ఆరోగ్యశ్రీ కార్డులను జారీచేస్తే  రేషన్ బియ్యం స్మగ్లింగ్ ను పూర్తి స్థాయిలో అరికట్టే అవకాశం ఉంటుందని ఆంధ్రప్రదేశ్ శాసనసభ పిటిషన్ల కమిటీ అభిప్రాయ పడుతున్నట్లు ఆ కమిటీ చైర్మన్, ఆంధ్రప్రదేశ్ శాసనసభ డిప్యూటీ స్పీకర్ కె. రఘు రామకృష్ణ రాజు తెలిపారు. ఇదే విషయాన్ని ప్రస్తావిస్తూ రాష్ట్ర ప్రభుత్వానికి తమ కమిటీ త్వరలోనే ప్రతిపాదలను పంపనున్నట్లు ఆయన తెలిపారు. మంగళవారం రాష్ట్ర శాసన సభలో ప్రాంగణంలోని తమ ఛాంబరులో కమిటీ సభ్యులు  అనకాపల్లి ఎమ్మెల్యే కొణతాల రామకృష్ణ మరియు విశాఖపట్నం ఉత్తర ఎమ్మెల్యే పి విష్ణు కుమార్ రాజుతో కలసి ఆయన పాత్రికేయులతో మాట్లాడుతూ ఈ విషయాన్ని వెల్లడిచేశారు.  రాష్ట్రంలో ప్రభుత్వ ఉద్యోగులు మినహా తెల్ల రేషన్ కార్డు కలిగిన కుటుంబాలకు ఏడాదికి రూ.25 లక్షల వరకూ  ఆరోగ్య భీమాని ప్రభుత్వం కల్పిస్తున్న నేపథ్యంలో ఎన్.టి.ఆర్.ఆరోగ్యశ్రీ కార్డులను పొందేందుకు ప్రజలకు పెద్ద ఎత్తున మక్కువ చూపుతున్నారన్నారు. ఇందుకై వారికి  తెల్ల రేషన్ కార్డు అవసరం లేకపోయినా పొందుతున్నారున్నారు.   ప్రతి ప్రభుత్వ పథకాని  తెల్ల రేషన్ కార్డే ప్రాతిపదికగా  తీసుకోవడం వల్ల తెల్ల  రేషన్ కార్డు అవసరం లేనివారు కూడా ఈ కార్డును తీసుకోవడం వల్ల  రేషన్ బియ్యం దుర్వినియోగం అవ్వడమే  కాకుండా భారీ ఎత్తున రేషన్ బియ్యం స్మగ్లింగ్ కు దారితీస్తున్నట్లు ఆయన తెలిపారు. ఇదే విషయాన్ని ఆయా శాఖల ఉన్నతాధికారులు కూడా ఒప్పుకుంటూ  హెల్త్ కార్డు జారీ విషయంలో  తెల్ల రేషన్ కార్డును  డిలింక్ చేస్తే మంచి ఫలితాలు ఉంటాయన్ అభిప్రాయాన్ని వారు కూడా వ్యక్తం చేశారని ఆయన తెలిపారు.  రాష్ట్ర వ్యాప్తంగా దాదాపు 1.70 కోట్ల ప్యామిలీలు ఉన్నాయని, వాటిలో దాదాపు 1.48 కోట్ల కుటుంబాలకు   తెల్ల రేషన్ కార్డులు ఉన్నట్లు ఆయన తెలిపారు. ఎటు వంటి సహకారం లేకుండా రాష్ట్ర ప్రభుత్వం రేషన్ బియ్యం పంపిణీకై  దాదాపు రూ.5,100 కోట్లను వెచ్చిస్తున్నదని, దీనిలో దాదాపు రూ.2 వేల కోట్ల వరకూ ఆదాచేసే అవకాశం ఉంటుందన్నారు.  ఆ డబ్బులను విద్య, వైద్యంపై ఖర్చుపెట్టేందుకు అవకాశం ఏర్పడుతుందని ఆయన అభిప్రాయపడ్డారు. ఒక్క ఎన్.టి.ఆర్.ఆరోగ్యశ్రీ కార్డులకే కాకుండా ఎన్.టి.ఆర్.భరోసా ఫించన్లు మరియు ఇతర ప్రభుత్వ పథకాల మంజూరీ విషయంలో రేషన్ కార్డులను  డిలింక్ చేస్తే మంచి ఫలితాలు ఉంటాయనే అభిప్రాయాన్ని ఆయన వ్యక్తం చేశారు.
ఆంధ్రప్రదేశ్ శాసనసభ పిటిషన్ల కమిటీ సమావేశాన్ని నెలకు రెండు సార్లు నిర్వహిస్తామని,  శాంతి భద్రతల సమస్యలతో పాటు ప్రజలకు, సమాజానికి హితవు చేసే సామూహిక సమస్యలను పరిష్కరించే అంశంపై ఈ కమిటీ ప్రత్యేక శ్రద్ద చూపుతుందని ఆయన తెలిపారు. ఆయా సమస్యలకు సంబందించి విజ్ఞాపనలను స్థానిక శాసన సభ్యుల ద్వారా  ఆంధ్రప్రదేశ్ శాసనసభ పిటిషన్ల కమిటీ అందజేస్తే వాటి పరిష్కానికి  తగు చర్యలు తీసుకోవడం జరుగుతుందని ఆయన తెలిపారు. అంతకు ముందుకు  శాసన సభా ప్రాంగణంలో చైర్మన్ మరియు ఆంధ్రప్రదేశ్ శాసనసభ డిప్యూటీ స్పీకర్ కె. రఘు రామకృష్ణ రాజు అధ్యక్షతన జరిగిన ఆంధ్రప్రదేశ్ శాసనసభ పిటిషన్ల కమిటీ సమావేశంలో శాసన సభ్యులు కొణతాల రామకృష్ణ, పి విష్ణు కుమార్ రాజు, కోటంరెడ్డి శ్రీధర్ రెడ్డి తో పాటు రాష్ట్ర వైద్య, ఆరోగ్య మరియు కుటుంభ సంక్షేమ శాఖ స్పెషల్ సి.ఎస్. ఎం.టి.కృష్ణబాబు, రాష్ట్ర పౌర సరఫరాల శాఖ కమిషనర్ సౌరబౌ గౌర్ మరియు శాసన సభ సెక్రటరీ జనరల్ ప్రసన్నకుమార్ సూర్యదేవర, డిప్యుటీ సెక్రటరీ కె.రాజకుమార్, అసిస్టెంట్ సెక్రటరీ ఆర్.శ్రీనివాసరావు తదితరులు పాల్గొన్నారు.

ప్రజా క్షేత్ర్, తిరుమల :

దేశంలో ప్రస్తుతం నెలకొని ఉన్న పరిస్థితులను దృష్టిలో ఉంచుకొని తిరుమలలో భద్రతను ఏ విధంగా మరింత బలోపేతం చేయాలన్న అంశం పై ఆంధ్రప్రదేశ్ డీజీపీ  హరిష్ కుమార్ గుప్తా, టీటీడీ ఈవో  జె. శ్యామల రావు సమక్షంలో శుక్రవారం తిరుమలలోని అన్నమయ్య భవనంలో ఉన్నత స్థాయి భద్రత సమావేశం
జరిగింది. ఈ సమావేశం ప్రారంభంలో ముందుగా తిరుపతి ఎస్పీ, టీటీడీ ఇన్ ఛార్జ్‌ సీవీఎస్వో  హర్షవర్ధన్ రాజు భద్రతా అంశాలపై పవర్ పాయింట్ ప్రజంటేషన్ ఇచ్చారు. ఈ సందర్భంగా డీజీపీ మాట్లాడుతూ అంతర్జాతీయ స్థాయిలో తిరుమలకు ఉన్న ప్రత్యేకతను దృష్టిలో ఉంచుకొని మెరుగైన భద్రతా వ్యవస్థ ఏర్పాటు చేయడం అవసరమని తెలిపారు. ఏపీఎస్పీ, డీఏఆర్‌, ఎస్పీఎఫ్‌, హోంగార్డు, సివిల్ పోలీసు, టీటీడీ సెక్యూరిటీతోపాటు అత్యవసర పరిస్థితులను ఎదుర్కొనే డిజాస్టర్ మేనేజ్‌మెంట్ టీమ్ ఏర్పాటుపై దృష్టి పెట్టాలన్నారు. వివిధ సెక్యూరిటీ ఏజెన్సీలకు స్థిరమైన స్టాండర్డ్ ఆపరేటింగ్ ప్రొసీజర్ రూపొందించాలని సూచించారు. అలిపిరి వద్ద బహుళ స్థాయి వాహన తనిఖీ వ్యవస్థ, డిఫెన్స్ ఏజెన్సీలతో కలసి సెన్సార్ ప్లే సిస్టమ్, ఆధునిక భద్రతా పరికరాలు, సైబర్ భద్రత వ్యవస్థను బలోపేతం చేయడం వంటి అంశాలపై కూడా ఆయన చ‌ర్చించారు. అనంతరం టీటీడీ ఈవో శ్రీ జె.శ్యామల రావు మాట్లాడుతూ, భద్రతపై అనుబంధ ఏజెన్సీలతో ఒక సమన్వయ వ్యవస్థ అవసరమని అభిప్రాయ పడ్డారు. తిరుమలలో సైబర్ భద్రతా వ్యవస్థను మరింతగా బలోపేతం చేయాల‌ని పేర్కొన్నారు. విస్తృతస్థాయిలో తిరుమల భద్రతా సమీక్ష నిర్వహించడంపై సంతృప్తి వ్యక్తం చేశారు. ఈ సమావేశంలో అడిషనల్ డీజీ లా అండ్ ఆర్డర్  సుధాకర్ రెడ్డి, అడిషనల్ డీజీ ఇంటలిజెన్స్  మహేష్ చంద్ర లద్దా, అనంత‌పురం రేంజ్ డీఐజీ డా.శేముషి, ఐఎస్ డ‌బ్ల్యూ ఎస్పీ ఆరిఫ్ హఫీజ్, డీఎఫ్ఓ  వివేక్ ఆనంద్, అలాగే వివిధ భద్రతా బ‌ల‌గాల‌ అధికారులు పాల్గొన్నారు. టీటీడీ అదనపు ఈవో  సి.హెచ్‌.వెంకయ్య చౌద‌రి, టీటీడీ నిఘా, భద్రత అధికారులు, వివిధ విభాగాల
టీటీడీ అధికారులు కూడా ఈ సమావేశంలో పాల్గొన్నారు.

 ఏపీలో మరో భారీ ఈవెంట్ జరగనుంది. అంతర్జాతీయ యోగా దినోత్సవం వేడుకలకు వేదిక కానుంది. కేంద్ర, రాష్ట్ర ప్రభుత్వాలు సంయుక్తంగా ఈ వేడుకను నిర్వహించడానికి నిర్ణయించిన సంగతి తెలిసిందే.ప్రపంచానికి యోగాలో భారత్ దిక్సూచిగా నిలవనుంది. అయితే ఈసారి ప్రధాని మోదీ పాల్గొనే యోగా దినోత్సవానికి విశాఖ వేదిక కానుండడం విశేషం. అందుకే రాష్ట్ర ప్రభుత్వం సైతం భారీగా ప్లాన్ చేస్తోంది. సాధారణ పౌరులు, ప్రభుత్వ ఉద్యోగులు, విద్యార్థులు, ఎన్సిసి, ఎన్ఎస్ఎస్ వాలంటీర్లు, యోగా సంఘాల సభ్యులు, నేవీ, కోస్టల్ గార్డ్, పారిశ్రామికవేత్తలు, వ్యాపారులు, కార్మికులు.. ఇలా ప్రతి ఒక్కరిని భాగస్వామ్యం చేసి యోగా దినోత్సవం. ఇదే విషయాన్ని మహానాడు వేదికగా ప్రకటించారు సీఎం చంద్రబాబు. విశాఖలో జరిగే యోగా దినోత్సవం గురించి వ్యాఖ్యలు చేశారు.జూన్ 21న యోగా దినోత్సవాన్నిపురస్కరించుకుని విశాఖలో భారీ ఈవెంట్ నిర్వహించనున్నారు. ప్రధాని నరేంద్ర మోడీ ముఖ్య అతిథిగా హాజరుకానున్నారు. అమరావతి రాజధాని పునర్నిర్మాణ పనుల ప్రారంభోత్సవానికి ప్రధాని మోదీ వచ్చిన సంగతి తెలిసిందే. అదే వేదికపై యోగా దినోత్సవానికి సైతం వస్తానని ప్రధాని ప్రకటించారు. ఏపీ పై ఉన్న తన అభిమానాన్ని చాటుకున్నారు. అందుకే ఏపీ ప్రభుత్వం ఈ కార్యక్రమాన్ని ప్రతిష్టాత్మకంగా తీసుకుంటోంది. విశాఖలోని ఆర్కే బీచ్ నుంచి భీమిలి బీచ్ వరకు 5 లక్షల మందితో భారీ స్థాయిలో కార్యక్రమాన్ని నిర్వహించనుంది. ఆరోగ్యకర జీవనానికి యోగ చాలా కీలకమని.. ఎప్పుడైనా అలసట వస్తే ఐదు నిమిషాలు కళ్ళు మూసుకుని మెడిటేషన్ చేస్తే గొప్ప రిలీఫ్ వస్తుందని మహానాడు వేదికగా చంద్రబాబు చెప్పారు. ప్రధాని నరేంద్ర మోడీ ప్రపంచానికి యోగాను పరిచయం చేయడంపై కొనియాడారు. రాబోయే మహానాడుకు అందరూ యోగా చేయాలని.. యోగా నేర్చుకుని జూన్ 21న విశాఖ రావాలని సూచించారు చంద్రబాబు.కాగా విశాఖలో యోగా వేడుకలకు సంబంధించి అప్పుడే ఏర్పాట్లు ప్రారంభించింది యంత్రాంగం. ఆర్కే బీచ్ కాళీమాత టెంపుల్ నుంచి భీమిలి వరకు యోగ ప్రదర్శనలు నిర్వహించేందుకు భారీ ప్రణాళికలు రూపొందిస్తున్నారు. గిన్నిస్ బుక్ఆఫ్ రికార్డ్స్ సాధన లక్ష్యంగా… మొత్తం మార్గంలో 127 కంపార్ట్మెంట్లు ఏర్పాటు చేయనున్నట్లు సమాచారం. ఒక్కో కంపార్ట్మెంటులో 1000 మంది చొప్పున పాల్గొంటారని. ప్రతి 200*14 మీటర్లకు ఒక కంపార్ట్మెంట్ ఉంటుందని.. ప్రతి కంపార్ట్మెంట్ కు ఒక ఇంచార్జ్, వైద్య సిబ్బంది, పదిమంది వాలంటీర్లను ఏర్పాటు చేయనున్నారు. వీటితోపాటు భారీ ఎల్ఈడి స్క్రీన్లు, చిన్న స్టేజీలు, సౌండ్ సిస్టం వంటి మౌలిక వసతులు కూడా ఏర్పాటు చేయనున్నారు.మరోవైపు ప్రధాని హాజరయ్యే కార్యక్రమానికి సంబంధించి పీ ఎం ఓ నుంచి ప్రత్యేక ప్రకటన వచ్చింది. విశాఖ జిల్లా కలెక్టరేట్ కు సమాచారం కూడా ఇచ్చారు. ప్రధాని నరేంద్ర మోడీ పర్యటనకు సంబంధించి ఏర్పాట్లు చేసుకోవాలని సూచించారు. మరోవైపు భద్రతా సిబ్బంది సైతం ఇప్పటికే నగరాన్ని పరిశీలించినట్లు సమాచారం. విశాఖ బీచ్ రోడ్డులో ప్రధాని మోదీ పర్యటనకు సంబంధించి ఏర్పాట్లు ప్రారంభం అయ్యాయి. యోగా దినోత్సవం నాడు ఐదు లక్షల మంది రానుండడంతో.. భద్రతకు పెద్దపీట వేస్తూ నిర్ణయాలు తీసుకుంటున్నారు.

ప్రజా క్షేత్ర్, కడప : 
తెలుగు దేశం పార్టీ జాతీయ అధ్యక్షుడిగా నన్ను మళ్లీ ఎన్నుకున్న తెలుగుదేశం పార్టీ నాయకులు, కార్యకర్తలకు సవినయంగా ధన్యవాదాలు తెలుపుతున్నానని చంద్రబాబు నాయుడు అన్నారు.  ప్రజాస్వామ్యయుతంగా సంస్థాగత ఎన్నికలు జరుపుకోవడం తెలుగుదేశం పార్టీ ఆనవాయితీ. అదే ప్రకారం కడప మహానాడులో పార్టీ అధ్యక్ష పదవికి ఎన్నికలు జరిగాయి. నా పేరు ప్రతిపాదించిన, సమర్థించిన, ఆమోదించిన వారందరికి పేరుపేరునా కృతజ్ఞతలు తెలుపుకుంటున్నాను. మీరు నా పై ఉంచిన ఈ బాధ్యతను సక్రమంగా నిర్వర్తిస్తానని, ‘కార్యకర్తే అధినేత’ అనే సూత్రానికి అనుగుణంగా పని చేస్తానని ఈ సందర్భంగా మరొక్కమారు తెలుపుతున్నాను. అసెంబ్లీ, పార్లమెంటు ఎన్నికలలో ఎన్ డి ఏ కూటమి ఘన విజయం సాధించింది. ఆ విజయం మన బాధ్యతను పెంచింది. గాడితప్పిన రాష్ట్రాన్ని ఇప్పటికే చాలా రంగాల్లో సరిదిద్దాం. పేద ప్రజలకు సంక్షేమాన్ని అందిస్తున్నాం. అభివృద్ధి కార్యక్రమాలు శరవేగంగా ముందుకు తీసుకువెళుతున్నాం. పెట్టుబడుల కోలాహలంతో, పరుగులు పెడుతున్న నీటిపారుదల ప్రాజెక్టులతో, భవిష్యత్తును అందంగా చూపించే మౌలికసదుపాయాల కల్పనతో, అధునాతన సాంకేతిక పరిజ్ఞానం సాయంతో రాష్ట్రం ముందడుగు వేస్తున్నది. సంక్షేమాన్ని పంచిపెడదాం… అభివృద్ధిలో భాగస్వాములమౌదాం… భావితరాలకు మార్గదర్శులమౌదాం. ప్రపంచ దేశాల్లో తెలుగువారి సత్తాను చూపే దిశగా పయనిద్దాం. నా జీవితం తెలుగు ప్రజల సేవకే అంకితమని మరొక్కమారు తెలుపుకుంటూ ఈ అద్భుత అవకాశాన్ని నాకు అందించిన వారికి మరోసారి కృతజ్ఞతలు వ్యక్తం చేస్తున్నానని అన్నారు.

ప్రజా క్షేత్ర్, ఏపీ బ్యూరో 

విజయనగరం జిల్లా గుర్ల మండలం, గుర్ల గ్రామంలో కలుషిత నీటి ప్రభావంతో అతిసారం బారినపడి ఇటీవల మృతి చెందినవారి కుటుంబాలను ఏపీ ఉపముఖ్యమంత్రి పవన్ కళ్యాణ్ గ్రామంలో ప్రత్యేకంగా ఏర్పాటు చేసిన వేదిక వద్ద కలిసి, పరామర్శించి వారి కుటుంబ పరిస్థితులను అడిగి తెలుసుకున్నారు. గుర్ల ఆసుపత్రిలో చికిత్స పొందుతున్న బాధితులను పరామర్శించి వారి ఆరోగ్య పరిస్థితి గురించి వైద్యులను అడిగి తెలుసుకున్నారు. అతిసార ఘటనపై విచారం వ్యక్తం చేస్తూ, బాధిత కుటుంబాలకు ప్రభుత్వం అండగా నిలబడుతుందని భరోసా ఇచ్చారు. మృతుల కుటుంబ సభ్యుల్లో చదువుకునే పిల్లలు ఉంటే వారి విద్య బాధ్యతలు తీసుకుంటామని హామీ ఇచ్చారు. ఏడుగురు మృతి చెందడం విచారకరమని, పలువురు ఆసుపత్రి పాలు కావడం ఆవేదన కలిగించిందని చెప్పారు. ముఖ్యమంత్రి నారా చంద్రబాబునాయుడితో చర్చించి బాధిత కుటుంబాలను ఆదుకునేందుకు చర్యలు తీసుకుంటామని హామీ ఇచ్చారు. గ్రామంతో పాటు చుట్టుపక్కల ప్రాంతాల్లో కూడా మరోసారి ఇలాంటి ఘటనలు జరగకుండా, నీటి కాలుష్యం నివారించేలా ప్రభుత్వం చిత్తశుద్ధితో పనిచేస్తుందని చెప్పారు. బాధితులు చెప్పిన విషయాలను ఓపికగా విని, సమస్యలను తీర్చేలా పని చేస్తామని భరోసా ఇచ్చారు. శుద్ధి చేసిన తాగునీరు ప్రతి కుటుంబానికి అందేలా 'జల జీవన్ మిషన్' పథకాన్ని పూర్తి స్థాయిలో ఉపయోగించుకునేలా ప్రణాళిక సిద్ధం అవుతుందని తెలియజేశారు.

ప్రజాక్షేత్ర్, ఏపీ బ్యూరో 

దసరా శరన్నవరాత్రి ఉత్సవాలకు విజయవాడలోని ఇంద్రకీలాద్రి ముస్తాబైంది. కనకదుర్గమ్మను దర్శించుకునేందుకు వచ్చే భక్తులకు ఎలాంటి అసౌకర్యం కలగకుండా ఆలయ అధికారులు భారీ ఏర్పాట్లు చేశారు. పోలీసులు పటిష్ట భద్రత కల్పిస్తున్నారు. 

ప్రతీ హిందువును ప్రశ్నిస్తున్నాను... ముందు మీరు హిందూ మతాన్ని గౌరవించండి, ప్రతీ హిందువు ఆత్మ పరిశీలన చేసుకోవాలి, తప్పులను ఖండించాలి, బయటకు వచ్చి పోరాడాలి, తప్పు జరుగుతుంటే మనకెందుకులే అని ఇంట్లో కూర్చుంటే మన ధర్మంపై తిరుమల లడ్డుపై జరిగినట్లుగా దాడులు జరుగుతాయి.

ప్రజాక్షేత్ర్, ఏపీ బ్యూరో

అమృతతుల్యంగా... పరమ పవిత్రంగా భావించే తిరుమల లడ్డు ప్రసాదం- గత పాలకులు వికృత పోకడల ఫలితంగా అపవిత్రమైందని ఏపీ డిప్యూటి సీఎం పవన్​ కళ్యాణ్ ఆవేదన వ్యక్తం చేశారు.  జంతు అవశేషాలతో మాలిన్యమైంది. విశృంఖల మనస్కులే ఇటువంటి పాపానికి ఒడిగట్టగలరు. ఈ పాపాన్ని ఆదిలోనే పసిగట్టలేకపోవడం హైందవ జాతికే కళంకం. లడ్డు ప్రసాదంలో జంతు అవశేషాలు ఉన్నాయని తెలిసిన క్షణం నా మనసు వికలమైంది. అపరాధ భావానికి గురైంది. ప్రజా క్షేమాన్ని కాంక్షించి పోరాటంలో ఉన్న నాకు ఇటువంటి క్లేశం ఆదిలోనే నా దృష్టికి రాకపోవడం బాధించింది. కలియుగ దైవమైన బాలాజీకి జరిగిన ఈ ఘోర అపచారానికి సనాతన ధర్మాన్ని నమ్మే ప్రతి ఒక్కరూ ప్రాయశ్చిత్తం చేసుకోవలసిందే. అందులో భాగంగా నేను ప్రాయశ్చిత్త దీక్ష చేయాలని సంకల్పించాను. 22 సెప్టెంబర్ 2024 ఆదివారం ఉదయం గుంటూరు జిల్లా నంబూరులోని శ్రీ దశావతార వేంకటేశ్వర స్వామి ఆలయంలో దీక్ష చేపడతాను. 11 రోజులపాటు దీక్ష కొనసాగించి అనంతరం తిరుమల శ్రీ వేంకటేశ్వర స్వామి వారిని దర్శించుకుంటాను. ‘దేవదేవా... నీ పట్ల గత పాలకులు చేసిన పాపాలను ప్రక్షాళన చేసే శక్తిని ఇవ్వమ’ని వేడుకుంటాను. భగవంతుడిపై విశ్వాసం, పాప భీతి లేనివారే ఇటువంటి అకృత్యాలకు ఒడిగడతారు. నా బాధేమిటంటే- తిరుమల తిరుపతి దేవస్థానం అనే వ్యవస్థలో భాగమైన బోర్డు సభ్యులు, ఉద్యోగులు సైతం అక్కడి తప్పిదాలను కనిపెట్టలేకపోవడం, కనిపెట్టినా నోరు మెదపకపోవడం. నాటి రాక్షస పాలకులకు భయపడి మిన్నకుండిపోయారా అనిపిస్తోంది. వైకుంఠ ధామంగా భావించే తిరుమల పవిత్రతకు, వేదాచారాలకు, ధార్మిక విధులకు కళంకం తెచ్చే విధంగా పెడపోకడలకు పాల్పడిన గత పాలకుల తీరు హిందూ ధర్మాన్ని పాటించే ప్రతి ఒక్కరినీ బాధించింది. ఇక లడ్డు ప్రసాదం తయారీలో జంతు అవశేషాలు ఉన్న నెయ్యిని వినియోగించారనే విషయం తీవ్ర క్షోభకు గురి చేసింది. ధర్మాన్ని పునరుద్ధరించుకొనే దిశగా అడుగులు వేసే తరుణం ఆసన్నమైంది.

ప్రజాక్షేత్ర్, ఏపీ బ్యూరో

ముఖ్యమంత్రి నారా చంద్రబాబునాయుడు గ్రామీణ నీటి సరఫరా విభాగం సంబంధించిన సమీక్షా సమావేశం నిర్వహించారు. ఈ సమావేశంలో ఉప ముఖ్యమంత్రి పవన్​ కళ్యాణ్​ , ప్రిన్సిపల్ సెక్రటరీ, RWS ఇంజనీర్ ఇన్ చీఫ్ లు పాల్గొన్నారు. రాష్ట్రంలోని 95.44 లక్షల ఇళ్లకు, జల్ జీవన్ మిషన్ ద్వారా కనీసం రోజుకు ప్రతి వ్యక్తికీ 55 లీటర్ల రక్షిత మంచి నీరు అందించేందుకు మంచి నీటి పంపు కనెక్షన్లు అందించాలని, దీనికి సంబంధించి పూర్తి స్థాయి ప్రణాళికను మూడు నెలల్లోగా రూపొందించాలని ఈ సమావేశంలో నిర్ణయించారు. 

ప్రజా క్షేత్ర్, ఏపీ బ్యూరో

ఆంధ్రప్రదేశ్ లో కనీవినీ ఎరుగని విజయం దక్కించుకొని ఎన్డీయే కూటమి ప్రభుత్వం అధికారం చేపట్టి 100 రోజులు పూర్తి చేసుకున్న సందర్భంగా నిన్న ఎన్డీయే కూటమి ఎమ్మెల్యేలు, ఎమ్మెల్సీలు, ఎంపీలు,మంత్రుల సమావేశంలో పాల్గొన్నాను. 100 రోజుల్లో సాధించిన విజయాలు, భవిష్యత్ కార్యాచరణపై ముఖ్యమంత్రి నారా చంద్రబాబు నాయుడు , ఉప ముఖ్యమంత్రి పవన్ కల్యాణ్ , బీజేపీ రాష్ట్ర అధ్యక్షురాలు పురంధేశ్వరి ప్రసంగించారు

ప్రజాక్షేత్ర్ , ఏపీబ్యూరో 

గత 5 ఏళ్ళలో తిరుమల లడ్డూ ప్రసాదం తిన్నప్పుడు, ప్రసాదం వాసన చూసినప్పుడు ఆ తేడా తెలిసేదని, వీళ్ళు ఇచ్చిన కల్తీ నెయ్యితో స్వామి వారికి మా చేతులతో, ఆ కల్తీని నైవేద్యంగా పెట్టాం అంటే ఇది మా దురదృష్టం అని ఎక్స్​ వేదికగా  టీటీడీ ఆలయ మాజీ ప్రధాన అర్చకులు రమణ దీక్షితులు ఆవేదన వ్యక్తం చేశారు.  ఈ కల్తీ నెయ్యితో లడ్డూ మాత్రమే కాదు, ఇతర నైవేద్యాలు కూడా చేస్తారు. చివరకు స్వామి వారి నైవేద్య సేవని కూడా కుంచించారు. మా మీద ఒత్తిడి తెచ్చి, స్వామి వారికి అపచారం చేశారు.

-  

తిరుమలను అపవిత్రం చేస్తూ, హిందువుల మనోభావాలను, దెబ్బతీసేలా టీడీపీ, వైసీపీలు నీచ రాజకీయాలు చేస్తున్నాయని ఏపీసీసీ చీఫ్​ వైఎస్​ షర్మిల ట్విట్టర్​వేదికగా స్పందించారు. సిఎం హోదాలో లడ్డూ ప్రసాదంలో నెయ్యికి బదులు జంతువుల నూనెలు వాడారంటూ చంద్రబాబు నాయుడు చేసిన వ్యాఖ్యలు తిరుమల పవిత్రతకు, ప్రతిష్టకు భగం కలిగించేలా ఉన్నాయి. కోట్లాదిమంది హిందువుల ఆరాధ్య దైవం వేంకటేశుడికే మచ్చ తెచ్చేలా ఉన్నాయి. చంద్రబాబుని డిమాండ్ చేస్తున్నాం. మీ ఆరోపణల్లో రాజకీయ కోణం లేకుంటే.. సెంటిమెంట్ మీద రాజకీయం చేసే ఉద్దేశ్యమే మీకు లేకుంటే.. నెయ్యికి బదులు జంతువుల నూనెలు నిజంగా వాడి ఉంటే... తక్షణం ఉన్నత స్థాయి కమిటీ వేయండి. లేదా CBI తో విచారణ జరిపించండి. మహా పాపానికి,ఘోర అపచారానికి పాల్పడిన నీచులెవరో తేల్చండి. మీ వ్యాఖ్యలపై కట్టుబడి ఉండాలని, నిజాలు నిగ్గు తేల్చాలని షర్మిల డిమాండ్ ​చేశారు.  

ప్రజాక్షేత్ర్, వెబ్​ న్యూస్​ 

కర్నూలు తుగ్గలి సూర్యతండాకు చెందిన ఓ గిరిజన రైతు కూలీకి విలువైన వజ్రం దొరికింది. ఈ వార్త దావానంలా వ్యాపించింది. విషయం తెలుసుకున్న వ్యాపారులు వజ్రాన్ని కొనేందుకు మాములుగా పోటీ పడలేదు. అది 8 క్యారెట్ల వజ్రం కావడంతో పెరవలికి చెందిన వ్యాపారి రూ.5లక్షలకు కొనుగోలు చేశారు. దీంతో ఆ ప్రాంతంలో అక్కడి గ్రామ ప్రజలు వజ్రాల కోసం అన్వేషించడం గమనార్హం. 

ప్రజా క్షేత్ర్, వెబ్ న్యూస్ : 

కాకినాడ జిల్లా వి.కె.రాయపురం దగ్గర ఏలేరు కాలువకు గండిపడకుండా ముందస్తు రక్షణ చర్యలు చేపట్టడం వల్ల అయిదు గ్రామాల ప్రజలు ముంపుకి గురికాకుండా అధికార యంత్రాంగం కాపాడగలిగారని ఏపీ డిప్యూటీ సీ ఎం పవన్ కళ్యాణ్ అన్నారు.ఎంతో అప్రమత్తతో వ్యవహరించడం వల్ల వి.కె.రాయపురం, మాధవపట్నం, రామేశ్వరం, కొవ్వాడ, రేపూరు గ్రామాలు ఏలేరు వరద నుంచి బయటపడ్డాయన్నారు. పంచాయతీరాజ్ డైరెక్టర్  కృష్ణతేజ, జిల్లా కలెక్టర్ షాన్ మోహన్  పర్యవేక్షణలో మూడు రోజులపాటు అక్కడి గట్టు రక్షణలో పాలుపంచుకున్న జిల్లా అధికారులు, సామర్లకోట ఎంపీడీఓ, తహశీల్దార్, ఎన్.ఆర్.ఈ.జి.ఎస్. బృందం – ఏపీఓ, ఈసీ, టి.ఏ., ఫీల్డ్ అసిస్టెంట్ లకు, స్థానిక సర్పంచ్, మాజీ సర్పంచ్ లకు పవన్  కళ్యాణ్ఒక ప్రకటన లో అభినందనలు  తెలియజేశారు.

17 కంపార్టుమెంట్లలో వేచివున్న భక్తులు

టోకెన్ లేని భక్తులకు శ్రీవారి సర్వదర్శనానికి 12 గంటల సమయం.

నిన్న శ్రీవారిని దర్శించుకున్న 65,080 మంది భక్తులు.

తలనీలాలు సమర్పించిన 27,394 మంది భక్తులు..

హుండీ ఆదాయం రూ. 3.80 కోట్లు

ప్రజాక్షేత్ర్, నేషనల్ బ్యూరో : 

..సాగర జలాల్లో పులకరించుపోవాలని విశాఖపట్నంలోని ఆర్కే బీచ్‌కు చాలా మంది వెళ్తుంటారు. తీరా వెళ్లాక.. ఎగసిపడుతున్న అలలు చూసి భయంతో వెనకడుగు వేస్తారు. ఈ సారి ఆ సముద్రుడే సుమారు 400 మీటర్లు వెనక్కి వెళ్లాడు. దీంతో పర్యాటకులు తీరంలో బయటపడ్డ రాళ్లపైకి చేరి ఉత్సాహంగా సెల్ఫీలు దిగారు. అయితే ఎంత వెనక్కి అలలు వెళ్ళాయో... ఒక్క సారిగా ముందుకు వచ్చే అవకాశం లేకపోలేదు. అయితే సాగర కదలికలు గమనించి ఎప్పటికప్పుడు అప్రమత్తంగా ఉండాలని నిపుణులు హెచ్చరిస్తున్నారు.