ప్రజా క్షేత్ర్, వెబ్ న్యూస్ : 

పోక్సో కేసులో నల్గొండ జిల్లా కోర్టు సంచలన తీర్పు వెలువరించింది. దోషికి 51 ఏళ్ల కఠిన కారాగార శిక్షను విధించింది. అంతేకాదు 85 వేలు జరిమానా విధిస్తూ బాధితురాలికి 7 లక్షల పరిహారం అందించాలని నల్గొండ జిల్లా కోర్టు ఆదేశించింది. నల్గొండ జిల్లా తిప్పర్తి మండలానికి చెందిన బాలికపై అత్యాచారం చేసిన కేసులో నిందితుడు ఖయ్యూంకి ఈ కఠిన కారాగార శిక్షను కోర్టు విధించింది. క్రైమ్ నం.242/2021, తిప్పర్తి పోలీస్ స్టేషన్‌లో కేసు నమోదైంది. ఎస్సీ, నం.94/2022)లో,తిప్పర్తి గ్రామం, మండలానికి చెందిన నిందితుడు ఖయ్యూంను ఎస్సీ ఎస్టీ కోర్ట్ జడ్జి రోజా రమణి దోషిగా తేల్చారు. అత్యాచారానికి 20 సంవత్సరాల కారాగార శిక్ష, ఫోక్సో  చట్టం కింద మరో 20 సంవత్సరాల కారాగార శిక్ష, ఎస్సీ, ఎస్టి సంబంధిత సెక్షన్, చట్టం కింద 10 సంవత్సరాల కారాగార శిక్షను విధిస్తూ న్యాయమూర్తి తీర్పు వెలువరించారు.వీటితో పాటు.. ఐపీసీ సెక్షన్ 506 కింద ఒక సంవత్సరం కారాగార శిక్షను కూడా విధించారు. 

దొంగతనానికి వచ్చి... ఎక్కడ చెబుతుందోనని హత్య చేసిన బాలుడు

15 నిమిషాల పాటు బాలుడు ఆ ఇంటినే చూస్తున్నట్లు సిసి కెమెరాలో నిక్షిప్తం

ప్రజా క్షేత్ర్, వెబ్ న్యూస్ : 

సంచలనం సృష్టించిన పన్నెండేళ్ల చిన్నారి సహస్ర హత్య కేసులో మిస్టరీ వీడింది. బాలిక ఉంటున్న అపార్ట్ మెంట్ పొరుగునే ఉంటున్న 10వ తరగతి విద్యార్థి ఈ ఘాతుకానికి ఒడిగట్టినట్టుగా పోలీసుల విచారణలో నిర్ధారణ అయ్యింది. దొంగతనానికి వెళ్లిన బాలుడు ఊహించని విధంగా  సహస్​ర ఇంట్లో ఉండటం...తనను చూడటంతో అందరికీ విషయం చెప్పేస్తుందని ఆమెను కిరాతకంగా హతమార్చినట్టుగా వెల్లడైంది. క్రికెట్ బ్యాట్ కొనటానికే డబ్బు దొంగిలించటానికే వచ్చినట్టుగా తెలుస్తోంది.  ప్రస్తుతం బాలున్ని అదుపులోకి తీసుకున్న పోలీసులు పూర్తి వివరాలు తెలుసుకునేందుకు విచారణ జరుపుతున్నారు. కూకట్​ పల్లి సంగీత్ నగర్ లోని ఓ అపార్ట్ మెంట్ పెంట్ హౌస్​ లో నివాసముంటున్న సహస్ర అయిదు రోజుల క్రితం దారుణ హత్యకు గురైన విషయం తెలిసిందే. స్కూల్ కు వెళ్లిన కొడుక్కి లంచ్​ బాక్స్ ఇద్దామని చిన్నారి తండ్రి కృష్ణ ఇంటికి వచ్చినపుడు ఈ ఘాతుకం వెలుగు చూసింది. కత్తితో గొంతు, కడుపులో ఇరవై సార్లకు పైగా పొడవటంతో రక్తం మడుగులో చనిపోయిన సహస్ర మృతదేహం కనిపించింది. ఈ హత్య రాష్ట్రవ్యాప్తంగా అందరిలో తీవ్ర కలవరాన్ని సృష్టించింది. ఈ క్రమంలో పోలీసులు కేసును ఛాలెంజ్ గా తీసుకున్నారు. నిందితున్ని పట్టుకునేందుకు బాలానగర్ జోన్​ డీసీపీ సురేశ్​ కుమార్ అయిదు ప్రత్యేక బృందాలను రంగంలోకి దింపారు. ఈ బృందాలు పదుల సంఖ్యలో అనుమానితులను విచారించాయి. సహస్ర కుటుంబం ఉంటున్న అపార్ట్ మెంట్ లోనే అద్దెకు ఉంటున్న ఒడిషాకు చెందిన వ్యక్తితోపాటు దాదాపు నలభై మందిని ప్రశ్నించాయి. అయితే, కేసులో మిస్టరీ మాత్రం వీడలేదు. *సహస్ర కుటుంబం అద్దెకుంటున్న అపార్ట్ మెంట్ లో సీసీ కెమెరాలు లేవు. అయితే, దాని ఎదురుగా ఉన్న ఓ ఇంటి వద్ద సీసీ కెమెరాలు పని చేస్తున్నాయి. వాటి ఫుటేజీని విశ్లేషించినపుడు సహస్ర కుటుంబం ఉంటున్న అపార్ట్ మెంట్ లోకి ఎవరు వెళుతున్నట్టుగానీ...బయటకు వస్తున్నట్టుగానీ కనిపించ లేదు. ఇక, అపార్ట్ మెంట్​ పరిసర ప్రాంతాల్లోని సీసీ కెమెరాల ఫుటేజీని పరిశీలించినపుడు కూడా హత్య జరిగిన సమయంలో అటుగా అనుమానాస్పదంగా ఎవరు వచ్చినట్టుగానీ...వెళ్లినట్టుగానీ అగుపించ లేదు. అయితే, సహస్ర ఉంటున్న అపార్ట్ మెంట్ గేటు వద్ద ఓ యువకుడు బయటకు తొంగి చూస్తున్న దృశ్యాలు మాత్రం రికార్డయ్యాయి. ఈ నేపథ్యంలో ఇరుగుపొరుగున ఉంటున్న వారిలోనే ఎవరో ఒకరు టెర్రస్​ పైనుంచి వచ్చి ఈ హత్యకు పాల్పడి ఉండవచ్చని అనుమానించిన పోలీసులు ఒక్కొక్కరిని అదుపులోకి తీసుకుని క్షుణ్నంగా విచారించటం మొదలు పెట్టారు. 

దొంగతనానికి వచ్చి...నేనే చంపేశా...

ఈ క్రమంలోనే సహస్ర కుటుంబం ఉంటున్న అపార్ట్ మెంట్ పక్క బిల్డింగ్ లోని 10వ తరగతి విద్యార్థిని పోలీసులు అదుపులోకి తీసుకుని ప్రశ్నించారు. మొదట తనకేమీ తెలియదని బాలుడు నమ్మించటానికి ప్రయత్నించినా పోలీసులు ప్రశ్నలతో ఉక్కిరిబిక్కిర చేయటంతో తానే సహస్రను చంపినట్టుగా అంగీకరించాడు. నిజానికి తాను దొంగతనం చేయటానికి వెళ్లినట్టుగా చెప్పాడు. సహస్ర తనను చూడటంతో అందరికీ చెబుతుందన్న భయంతోనే  ఈ నేరానికి పాల్పడినట్టుగా వెల్లడించాడు. ఈ క్రమంలో పోలీసులు అతని నుంచి హత్యకు ఉపయోగించిన కత్తితోపాటు రక్తం మరకలు ఉన్న దుస్తులను స్వాధీనం చేసుకున్నారు. దాంతోపాటు దొంగతనం ఎలా చేయాలి? అన్నదానికి సంబంధించి ఆ బాలుడు రాసుకున్న కాగితాన్ని కూడా సీజ్ చేశారు. 

మిషన్ don? 

హత్యకు గురైన సహస్ర కేంద్రీయ విద్యాలయంలో 6వ తరగతి చదువుతోంది. ఆమె తమ్ముడు మరో ప్రైవేట్ స్కూల్ విద్యార్థి. తల్లి రేణుక ఓ ప్రైవేట్ ఆస్పత్రిలో ల్యాబ్ టెక్నీషియన్ గా ఉద్యోగం చేస్తుండగా తండ్రి కృష్ణ బైక్ మెకానిక్​ గా పని చేస్తున్నాడు. ప్రతీరోజు ఉదయం పిల్లలు స్కూళ్లకు వెళ్లగానే ఇంటికి తాళం వేసి రేణుక, కృష్ణలు తమ తమ పనులపై వెళ్లిపోయేవారు. పొరుగింట్లోనే ఉంటున్న బాలునికి ఈ విషయం బాగా తెలుసు. ఈ క్రమంలో కృష్ణ ఇంట్లో చోరీకి పథకం వేసుకున్నాడు. యూ ట్యూబ్​ వీడియోలు చూసి తాళాన్ని ఎలా విరగ్గొట్టాలో తెలుసుకున్నాడు. గమనించాల్సిన అంశం ఏమిటంటే ఆ వివరాలను మిషన్ థెఫ్ట్ అంటూ పేపర్ పై రాసుకోవటం. హౌ టు ఎంట్రీ...హౌ టు బ్రేక్ హుండీ...హౌ టు ఎస్కేప్ అని రాసి చివరకు మిషన్ డన్​ అని కూడా ఆ కాగితంపై రాశాడు. రూపొందించుకున్న పథకం ప్రకారం ఓ కత్తి, స్క్రూడ్రైవర్ వెంట తీసుకుని టెర్రస్ పైనుంచి సహస్ర కుటుంబం ఉంటున్న పెంట్ హౌస్ వద్దకు చేరుకున్నాడు. ఆ రోజు స్కూల్​ కు సెలవు కావటంతో సహస్ర ఒంటరిగా ఇంట్లో ఉంది. చోరీ చేయటానికి లోపలికి వచ్చిన బాలున్ని చూసింది. దాంతో తన గురించి అందరికీ చెబుతుందని భయపడ్డ బాలుడు ఆమెపై దాడి చేశాడు. మొదట గొంతు నులిమి ఆ తరువాత కత్తితో గొంతుపై, కడుపులో విచక్షణారహితంగా పొడిచాడు. సహస్ర చనిపోయిందని నిర్ధారించుకున్న తరువాత దేవుని ఫోటోల వద్ద ఉన్న హుండీని పగులగొట్టి దొరికిన డబ్బు తస్కరించి టెర్రస్ పైనుంచే ఉడాయించాడు. ఆ రోజు సెలవు లేకుండా ఉంటే సహస్ర స్కూల్​ కు వెళ్లేదని...ప్రాణాలతో బతికేదని స్థానికులు ఆవేదనతో వ్యాఖ్​యానించారు. చూస్తుంటే మృత్యువు ఆ చిన్నారిని వెంటాడినట్టుగా అనిపిస్తోందన్నారు. ఇక, పోలీసులు బాలుని నుంచి దొంగతనం ఎలా చేయాలని రాసుకున్న లెటర్, రక్తం మరకలు ఉన్న దుస్తులు, కత్తిని స్వాధీనం చేసుకున్నారు. పూర్తి వివరాలను తెలుసుకునేందుకు విచారణ జరుపుతున్నారు. కేసులో మిస్టరీ వీడినట్టే అని చెప్పిన అధికారులు అన్ని వివరాలను త్వరలోనే వెల్లడిస్తామని చెప్పారు.

ఈనెల 8, 9 తేదీల్లో ఎడతెరిపి లేని భారీ వర్షాలు కురియడంతో వరదలు సంభవించి విదర్భ రీజియన్‌లో ఎనిమిది మంది మృతి చెందారు. తూర్పు ప్రాంతం నాగపూర్, అమరావతి డివిజన్లలో ఎడతెరిపి లేని వానలతో ఇళ్లు ఆస్తులు ధ్వంసమై పంటలు దెబ్బతిని అపారనష్టం సంభవించింది. నాగపూర్, వార్ధా, గోండియా, భాంద్రా, గడ్చిరోలి, చంద్రాపూర్ జిల్లాల్లో వరదలు ముంచెత్తాయి. బాధితులకు తక్షణం సహాయం అందేలా అధికార యంత్రాంగం అప్రమత్తంగా ఉంటూ సహాయ కార్యక్రమాలు చేపడుతున్నారని రాష్ట్ర వైపరీత్యాల నివారణ నిర్వహణ మంత్రి గిరీష్ మహాజన్ సోమవారం అసెంబ్లీలో ప్రకటించారు. మే 30 తీర్మానం ప్రకారం ఇళ్లు కూలిపోయిన బాధితులకు ఆర్థిక సహాయం అందించడమైందని, ఇంకా 2023 జులై 28 తీర్మానం ప్రకారం బాధితులైన షాపుల యజమానులకు, వ్యాపారులకు, వంటపాత్రలు,దుస్తులు తదితర నిత్యావసరాలు అందించడానికి గడువు పొడిగించినట్టు చెప్పారు. వర్షాలు, వరదల కారణంగా 20,854 హెక్టార్ల పంటభూములు దెబ్బతిన్నాయని, 29,920 మంది రైతులు బాధితులయ్యారని తెలిపారు. “ నాగపూర్ డివిజన్‌లో ఏడుగురు మృతి చెందారు. నలుగురు గాయపడ్డారు. 1927 గృహాలు పాక్షికంగా దెబ్బతిన్నాయి. 40 ఇళ్లు పూర్తిగా కూలిపోయాయి.,209 పశువుల పాకలు దెబ్బతిన్నాయి. 715 మందిని సురక్షిత ప్రాంతాలకు తరలించడమైంది. ఈ నష్టాలపై అంచనా జరుగుతోంది. అమరావతి డివిజన్‌లో ఒకరు చనిపోగా, మరొకరు గాయపడ్డారు. 180 ఇళ్లు పాక్షికంగా దెబ్బతిన్నాయి. తొమ్మిది పూర్తిగా కూలిపోయాయి, 3411 హెక్టార్ల పంటభూములు దెబ్బతిన్నాయి.” అని మంత్రి వివరించారు. బాధితులందరికీ సత్వరం సహాయం అందించడానికి ప్రభుత్వం కట్టుబడి ఉందన్నారు.

కూకుట్ పల్లి కల్తీ కల్లు బాధితుల్లో ముగ్గురు మృతి చెందారు. బుధవారం గాంధీ ఆస్పత్రిలో చికిత్స పొందుతూ ఇద్దరు మరణించగా.. ఇంట్లోనే ఉన్న మరో వ్యక్తి చనిపోయినట్లు తెలుస్తోంది. హెచ్‌ఎంటీ హిల్స్‌ సాయిచరణ్‌ కాలనీకి చెందిన తులసిరామ్‌(47), బొజ్జయ్య(55), నారాయణమ్మ(65)గా గుర్తించారు.నిన్న కూకట్‌పల్లి సర్కిల్ పరిధిలోని వివిధ ప్రాంతాల్లో కల్తీ కల్లు సేవించిన వారిలో 19 మంది తీవ్ర అస్వస్థతకు గురై ఆసుపత్రిలో చేరారు. వైద్యం అందించిన డాక్టర్లు 24 గంటలు గడిస్తే గాని వారి పరిస్థితి చెప్పలేమని తెలిపారు. పలువురు బాధితులు వెంటిలేటర్స్‌పై చికిత్స పొందుతున్నారు. సమాచారం అందుకున్న స్థానిక ఎమ్మెల్యేలు మాధవరం కృష్ణారావు, అరెకపూడి గాంధీలు బాధితులను పరామర్శించి ధైర్యం చెప్పారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.

అబుబకర్ సిద్ధిక్‌, మహమ్మద్‌ అలీపై నమోదైన ప్రధాన కేసులు: 1995 నాగూర్ పోలీస్ స్టేషన్ హత్య, పేలుడు పదార్థాల కేసు: 1990ల మధ్యలో జరిగిన ఈ ఘటనలో అబుబకర్ సిద్ధిక్ ప్రమేయం ఉన్నట్లు తేలింది.1995 చింతద్రిపేట బాంబు పేలుడు: చెన్నైలోని హిందూ మున్నాని కార్యాలయం వద్ద జరిగిన ఈ బాంబు దాడి కేసులో ఇతడు నిందితుడు.1995 నాగూర్ పార్సెల్ బాంబు పేలుడు: టి. ముత్తుకృష్ణన్ హత్యకు దారితీసిన పార్సెల్ బాంబు కేసులో కూడా అబుబకర్ నిందితుడిగా ఉన్నాడు.

1999 కో-ఆర్డినేటెడ్ బాంబు పేలుళ్లు:

కేరళలోని కొన్ని ప్రాంతాలు సహా తమిళనాడులోని చెన్నై, తిరుచ్చి, కోయంబత్తూర్ లాంటి ఏడు వేర్వేరు ప్రాంతాలలో జరిగిన ఈ వరుస బాంబు పేలుళ్ల కేసులలో అబుబకర్ సిద్ధిక్ కీలక నిందితుడు. అదే సమయంలో చెన్నై పోలీస్ కమిషనర్ కార్యాలయం (ఎగ్మూర్) వద్ద జరిగిన పేలుడు పేలుడులో అబుబకర్ సిద్ధిక్‌తో పాటు మహమ్మద్ అలీ నిందితుడిగా ఉన్నాడు.

2011 మధురై పైప్-బాంబు అమర్చే ప్రయత్నం:

బీజేపీ సీనియర్ నాయకుడు ఎల్.కె. అద్వానీ రథయాత్రను లక్ష్యంగా చేసుకుని మధురైలో పైప్-బాంబు అమర్చే ప్రయత్నం కేసులో అబుబకర్ ప్రమేయం ఉంది. 2012 వేలూరులో డాక్టర్ అరవింద్ రెడ్డి హత్య కేసులో కూడా అబుబకర్ నిందితుడు. 2013 బెంగళూరు బీజేపీ కార్యాలయం బాంబు పేలుడు: ఈ కేసు చార్జిషీట్‌లో అబుబకర్ సిద్ధిక్ 19వ నిందితుడిగా పేర్కొన్నారు. ఈ బాంబు దాడి కేసులో మన్సూర్ కూడా నిందితుడిగా ఉన్నాడు. దక్షిణాదిలో అతిపెద్ద ఉగ్రవాద సంస్థ
కర్నూలు రేంజ్ డీఐజీ కోయ ప్రవీణ్ వెల్లడించిన కీలక సమాచారం ప్రకారం, స్థానిక పోలీసుల సహాయంతో తమిళనాడు యాంటీ టెర్రరిస్ట్ స్క్వాడ్ పోలీసులు అదుపులోకి తీసుకున్న ఈ ఇద్దరు వ్యక్తులు 'అలూమా' అనే ఉగ్రవాద సంస్థకు చెందినవారు. 'అలూమా' అనేది దక్షిణ భారతదేశంలో అతిపెద్ద ఉగ్రవాద సంస్థ అని ప్రవీణ్ పేర్కొన్నారు. నిందితులు.. దేశంలోని మూడు ప్రధాన నగరాల్లో పేలుళ్లకు కుట్ర పన్నినట్లు పోలీసులు గుర్తించారు.అబూబకర్ సిద్ధిఖీ, మహమ్మద్ అలీల ఇళ్లలో సోదాలు చేసిన పోలీసులు ఉగ్రవాదానికి సంబంధించిన పుస్తకాలు, డాక్యుమెంట్లు స్వాధీనం చేసుకున్నారు. వారి ఇళ్లకు తాళాలు వేశారు. దర్యాప్తులో భాగంగా దాదాపు 50-60 ఐఈడీలు తయారు చేసేందుకు కావాల్సిన సామాగ్రిని స్వాధీనం చేసుకున్నట్లు డీఐజీ తెలిపారు. ఒక సూట్‌కేసు బాంబు కూడా స్వాధీనం చేసుకుని, రాయచోటి డీఎస్పీ ఆఫీస్ దగ్గర యాంటీ టెర్రర్ టీమ్- ఆక్టోపస్ డిఫ్యూజ్ చేసింది.
ఇక్కడి నుంచే అంతా నడిపిస్తున్నారా..?
నిందితుల నుంచి పేలుడు పదార్థాలతో పాటు ఫ్యూయల్ ఆయిల్ కలిపిన అమ్మోనియం నైట్రేట్, గన్ పౌడర్‌లు, 20కిలో సూట్ కేసులో PETN-బేస్డ్ బాంబ్, పొటాసియం నైట్రేట్, పొటాసియం క్లోరైట్, పొటాసియం పర్మాంగనేట్, బాల్ బేరింగ్స్, నట్స్ బోల్ట్స్, క్లాక్ మెకానిజం, ప్రెషర్ స్విచ్‌లు, పుల్ స్విచ్‌లు, స్పీడ్ కంట్రోలర్స్, వాకీటాకీలు, రేడియో ఎక్విప్‌మెంట్, హ్యాకింగ్ సాఫ్ట్‌వేర్, మొబైల్ ఫోన్లు, డిజిటల్ స్టోరేజీ డివైజ్‌లు, కోడింగ్ బుక్స్, దేశంలోని మూడు ప్రధాన నగరాలు, రైల్వే నెట్‌వర్క్‌ల మ్యాప్‌లు, మత సంబంధమైన పుస్తకాలు, చెక్ బుక్స్‌లను పోలీసులు స్వాధీనం చేసుకున్నారు.తమిళనాడుకు చెందిన అబూబకర్ సిద్ధిఖీ, మొహమ్మద్ అలీలు గత కొన్నేళ్లుగా రాయచోటిలో నివాసం ఉంటున్నారు. వీరిద్దరూ ఇక్కడే పెళ్లిళ్లు చేసుకుని స్థానికులుగా ఉండిపోయారు. చిన్న, చిన్న వ్యాపారాలు చేస్తూ జీవనం సాగిస్తున్నారు. అబుబకర్ రాయచోటిలోని కొత్తపల్లె ఉర్దూ స్కూల్ ఎదురుగా అమానుల్లా పేరుతో షాపు నిర్వహిస్తున్నాడు. మహబూబ్‌ బాషా వీధిలో మొహమ్మద్ అలీకి సొంత ఇల్లు ఉంది, చీరల వ్యాపారం నిర్వహిస్తున్నాడు. వీరు కొన్ని నెలలపాటు రాయచోటిలో ఉండకుండా వెళ్లిపోయి, వ్యాపారం కోసం బయటకు వెళ్లినట్లు స్థానికులతో చెప్పేవారని తెలుస్తోంది.
ఇన్నేళ్లు ఇలా తప్పించుకున్నారా?
నకిలీ గుర్తింపులు, స్థానిక సమాజంలో కలసిపోవడం: ఈ నిందితులు దశాబ్దాలుగా నకిలీ పేర్లతో ఆంధ్రప్రదేశ్‌లో సామాన్యుల్లా జీవించారు. చిన్నపాటి వ్యాపారాలు చేసుకుంటూ, స్థానికంగా పెళ్లిళ్లు చేసుకొని ఎవరికీ అనుమానం రాకుండా మారువేషంలో ఉన్నారు.
రాష్ట్రాల మధ్య సంచారం: వీరు తమిళనాడుకు చెందినవారైనా.. ఆంధ్రప్రదేశ్‌లోతో పాటు వివిధ రాష్ట్రాల్లో దాక్కున్నారు. వివిధ రాష్ట్రాల మధ్య నిఘా సమన్వయం లేకపోవడాన్ని ఉపయోగించుకున్నారు.పరిమిత నిఘా సమాచారం: దశాబ్దాలుగా ఈ ఉగ్రవాదుల కచ్చితమైన ఆచూకీపై ఎలాంటి సమాచారం లేదు. డిజిటల్ అడుగుజాడలు లేకుండా, తక్కువ ప్రొఫైల్‌ను నిర్వహించారు. దీంతో పోలీసులకు చిక్కకుండా తప్పించుకున్నారు.క్రియాశీల మిలిటెంట్లపై దృష్టి: భద్రతా దళాలు ప్రధానంగా క్రియాశీల ఉగ్రవాద కణాలు, పెద్ద నెట్‌వర్క్‌ల ఛేదనపై దృష్టి సారించాయి. ఇది తక్కువ ప్రొఫైల్‌లో ఉన్నవారికి తప్పించుకోవడానికి అవకాశం ఇచ్చింది.మారుతున్న ఉగ్రవాద వ్యూహాలు: ఉగ్రవాదులు ఆండర్‌గ్రౌండ్‌కి వెళ్లి, ఎలక్ట్రానిక్ కమ్యూనికేషన్లకు దూరంగా ఉండటం వంటి కొత్త వ్యూహాలను అవలంబించడం నిఘాను కష్టతరం చేసింది.1995 నుంచి దేశంలోని వివిధ నగరాల్లో జరిగిన ఉగ్ర బాంబు పేలుళ్లకు లింక్ ఉన్న ప్రధాన నిందితులని ఐబీ గుర్తించింది. దీంతో 20 ఏళ్లయినా చట్టం నుంచి తప్పించుకోలేరనడానికి ఇది నిదర్శనం అని డీఐజీ చెప్పారు.
ఈ కేసులో అబుబకర్ సిద్ధిఖీ భార్య షేక్ సైరాభాను, మహ్మద్ అలీ భార్య షేక్ షమీమ్‌లపై కూడా పోలీసులు కేసులు నమోదు చేశారు. వారిని కోర్టులో హాజరుపరచగా.. న్యాయస్థానం 14 రోజుల రిమాండ్ విధించింది. అనంతరం వారిని కడప సెంట్రల్ జైలుకు తరలించారు. ఈ కేసుకు సంబంధించి పోలీసులు అన్ని కోణాల్లో దర్యాప్తు చేస్తున్నారు.ఈ అంశంపై లోతుగా దర్యాప్తు చేస్తున్న పోలీసులు.. రాయచోటిలో నిందితులకు సహకరిస్తున్న వారిపై కూడా విచారణ చేస్తున్నారు. ఐసిస్, అలూమా సంస్థలు ఒకే విధమైన ఆలోచనలతో పనిచేస్తాయని పోలీసులు తెలిపారు. తాజాగా అరెస్టైన ఉగ్రవాదులు.. మరికొందరికి ఉగ్రవాద శిక్షణ ఇచ్చినట్లు సమాచారం. వీరిద్దరితో ఎవరెవరికి సంబంధాలు ఉన్నాయనే కోణంలో దర్యాప్తు చేస్తున్నారు. ఉగ్రవాదుల కుటుంబ సభ్యులకు పేలుడు పదార్థాల గురించి తెలుసా? లేదా? అనే విషయంపై కూడా విచారణ జరుగుతోందని అధికారులు వెల్లడించారు.ఈ ఇద్దరి అరెస్ట్ తర్వాత స్థానికులు ఆందోళనలో ఉన్నారు. వారిని అప్రమత్తంగా ఉండాలని పోలీసులు సూచిస్తున్నారు. ముందస్తు జాగ్రత్తగా రాయచోటి చుట్టూ 6 చెక్‌పోస్టులు ఏర్పాటు చేసి, పోలీసులతో పికెటింగ్ ఏర్పాటు చేశారు. సమాజంలో ఒకరిగా కలిసిపోయి మేక వన్నె పులుల్లా ప్రజలకే చేటు చేస్తున్నారు కర్కశ టెర్రరిస్టులు.ఉగ్రవాదులకు మతం, జాతి ఏదీ లేదని.. నిర్దాక్షిణ్యంగా వారిపై కఠిన చర్యలు తీసుకోవాలని ప్రజలు కోరుతున్నారు. అయితే ఇలాంటి ఘోర నేరాలకు పాల్పడినవారు దశాబ్దాల తరబడి చట్టం నుంచి తప్పించుకుని తిరుగుతుంటే.. ఇంటెలిజెన్స్ వ్యవస్థల పని తీరుపైనా ప్రశ్నలు ఉత్పన్నమవుతున్నాయి.

ప్రజా క్షేత్ర్, మణిపూర్  జూన్ 30 ;మణిపూర్ చురాచాంద్ జిల్లా మాంగ్‌జంగ్ గ్రామంలో సోమవారం గుర్తు తెలియని దుండగులు కారుపై కాల్పులు జరపడంతో అందులో ప్రయాణిస్తున్న నలుగురు ప్రాణాలు కోల్పోయారు. ఈ సంఘటన మధ్యాహ్నం 2 గంటల ప్రాంతంలో జరిగిందని పోలీసులు చెప్పారు. చురాచాంద్‌పూర్ పట్టణానికి ఏడు కిమీ దూరంలో మాంగ్‌జంగ్ గ్రామం ఉంది. ప్రాథమిక సమాచారం ప్రకారం దుండగులు పాయింట్ బ్లాంక్ రేంజిలో కాల్పులు జరిపారని అధికారులు తెలిపారు. మృతులు థెంఖోథాంగ్ హావోకిప్ అలియాస్ థాపి (48), సెయిఖోగిన్ (34)లెంగౌహావో (35), ఫల్‌హింగ్ (72) గా గుర్తించారు. సంఘటన ప్రదేశం నుంచి 12 ఖాళీ తూటాలను సేకరించారు. ఈ దాడికి బాధ్యులమంటూ ఇంతవరకు ఎవరూ వెల్లడించలేదు. పోలీసులు, అదనపు భద్రతా బలగాలు ఆ ప్రదేశానికి వెళ్లి దర్యాప్తు చేపట్టాయి.

ఎనిమిది మంది కార్మికులు మృతి

                 ప్రమాద ఘటనపై ముఖ్యమంత్రి రేవంత్ రెడ్డి దిగ్బ్రాంతి

ప్రజా క్షేత్ర్, పటాన్‌చెరు జూన్ ౩0 :

సంగారెడ్డి జిల్లా పఠాన్‌చెరు మండలంలోని పాశ మైలారం పారిశ్రామిక వాడలో భారీ పేలుడు సంభవించింది. ఇండస్ట్రియల్‌ పార్కులోని సిగాచి కెమికల్స్   పరిశ్రమలో సోమవారం ఉదయం ఒక్కసారిగా రియాక్టర్ పేలిపోయింది. దీంతో ఎనిమిది మంది కార్మికులు మృతిచెందారు. ఘటనా స్థలంలో ఐదుగురు మరణించాగా, దవాఖానలో మరో ముగ్గురురు చనిపోయారు. మరో 15 మంది కార్మికులు తీవ్రంగా గాయపడ్డారు.సోమవారం ఉదయం 6 గంటలకు రియాక్టర్‌ ఒక్కసారిగా పేలిపోయింది. దీంతో భారీగా మంటలు ఎగసిపడ్డాయి. ఈ ప్రాంతమంతా దట్టమైన పొగలు అలముకున్నాయి. పేలుడు ధాటికి రియాక్టర్‌ వద్ద పనిచేస్తున్న కార్మికులు100 మీటర్ల దూరంలో ఎగిరిపడ్డారు. ప్రొడక్షన్‌ విభాగం కుప్పకూలింది. మరో భవనానికి బీటలు వారింది. ఉదయం షిఫ్ట్‌కు వచ్చిన కార్మికులు ఈ ప్రమాదంలో చిక్కుకున్నారు. పేలుడు శబ్ధం వినిపించడంతో కార్మికులు బయటకు పరుగులుతీశారు. మంటల్లో చిక్కుకున్న 50 నుంచి 60 మంది కార్ముకులను బయటకు తీసుకువచ్చారు. తీవ్రంగా గాయపడిన కార్మికులను ప్రైవేటు దవాఖానకు తరలించారు. మిగితా కార్మికుల విషయం వివరాలు తెలియాల్సి ఉంది. ప్రమాద స్థలాన్ని సంగారెడ్డి కలెక్టర్ ప్రావిణ్య, ఎస్పీ పంకజ్ తదితరులు పరిశీలించారు. సహాయక చర్యలో ఫైర్‌, రెవన్యూ, పోలీస్‌ సిబ్బంది పాల్గొన్నారు.కాగా, ప్రమాదంతో రసాయన పరిశ్రమ పరిసరాలకు ఘాటైన వాసనలు వ్యాపించాయి. దీంతో చుట్టుపక్కల ప్రజలు ఇబ్బుందులు పడుతున్నారు. కంపెనీలో ఒడిశా, ఇతర రాష్ట్రాలకు సంబంధించిన కార్మికులు పనిచేస్తున్నారు. విధులకు వెళ్లిన కార్మికులకు వారి కుటుంబ సభ్యులు ఫోన్లు చేస్తున్నారు. అయితే కొందరి ఫోన్లు పనిచేయకపోవడంతో ఆందోళన చెందుతున్నారు.ప్రమాద ఘటనపై ముఖ్యమంత్రి రేవంత్‌ రెడ్డి ఆరాతీశారు. అధికారులను అడిగి వివరాలు తెలుసుకున్నారు. క్షతగాత్రులను మెరుగైన చికిత్స అందించాలని ఆదేశించారు.

ప్రజా క్షేత్ర్, హన్మకొండ :

వివస్త్రను చేసి.. జననాంగంలో జీడిపోసినా ఘటన స్టేషన్ ఘనపూర్ నియోజకవర్గంలోని ధర్మసాగర్ మండలం తాటికల గ్రామంలో చోటుచేసుకుంది. హనుమకొండ జిల్లా ధర్మసా గర్ మండలం తాటికాయల గ్రామంలో ఐదు రోజుల కిందట జరిగిన ఓ అమానవీయ ఘటన ఆలస్యంగా వెలుగులోకి వచ్చింది. వివాహేతర సంబంధం కొనసాగిస్తోందం టూ అనుమానం తో కొందరు వ్యక్తులు ఓ వివాహితను వివస్త్రను చేసి జననాంగంలో జీడిరసం పోసి విచక్షణారహితంగా దాడి చేశారు.  విశ్వసనీయంగా తెలిసిన సమాచారం ప్రకా రం.. తాటికాయల గ్రామానికి చెందిన ఓ యువతిని పదేళ్ల క్రితం ములుగు మండలం బోలోనిపల్లి గ్రామానికి చెందిన ఓ వ్యక్తికి ఇచ్చి వివాహం చేశారు. వారికి ముగ్గురు పిల్లలు. అయితే సమీప బంధువైన ఓ వివాహితతో అతను వివాహేతర సంబంధం ఏర్పరుచుకున్నాడు. సుమారు పది రోజులు ఆమెతో కలిసి గ్రామం విడిచి వెళ్లిపోయాడు. దీంతో అతని భార్య స్వగ్రామమైన తాటి కాయలకు వచ్చి తల్లిదండ్రులకు విషయం చెప్పింది. దీంతో వారు ఆ ఇద్దరినీ వెతికి పట్టుకొని ఐదు రోజుల క్రితం తాటికాయల గ్రామానికి తీసుకువచ్చి విచక్షణారహితంగా దాడి చేశారు. ఇద్దరికీ గుండు గీయించారు. ఆ మహిళను ఓ మంచానికి కట్టేసి వివస్త్రను చేసారు.  జననాంగంపై జీడి రసం పోశారు. 'తప్పు చేశా ను.. క్షమించండి' అంటూ బాధిత మహిళ వేడుకున్నా వినకుండా దాడి చేశారు. జన నాంగంలోనుంచి తీవ్ర రక్తస్రావమవుతున్నా వదల్లేదు. ఆ తరువాత ఆ ఇద్దరినీ ఏం చేశారో ఇప్పటివరకు ఆచూకీ తెలియడం లేదు. ఈ ఘటన జరిగి ఐదు రోజులు గడుస్తున్నా పోలీసులకు సమాచారం లేదని తెలిసింది. అసలు ఆ ఇద్దరూ ప్రాణాలతో ఉన్నారో, లేదో తెలియని పరిస్థితి నెలకొంది.

 గ్రావెల్ అక్రమ రవాణా కేసులో వైసీపీ నేత, మాజీ మంత్రి కాకాణి గోవర్ధన్ రెడ్డిని సిట్ అధికారులు కస్టడీకి తీసుకున్నారు. నెల్లూరు సెంట్రల్ జైలులో ఆయనకు వైద్య పరీక్షలు నిర్వహించిన అనంతరం కృష్ణపట్నం పోర్టు పీఎస్ కు తరలించారు. ఇవాళ, రేపు సిట్ అధికారులు కాకాణిని ప్రశ్నించనున్నారు. గ్రావెల్ అక్రమ రవాణా కేసులో ఎంపీ మాగుంట సంతకాన్ని ఫోర్జరీ చేశారనే కేసులో కాకాణి  ఏ2గా ఉన్నారు.

పొలంలో ఒంటరిగా పని చేసుకుంటున్న మహిళా రైతును హత్య చేసి, ఆమె మెడలోని బంగారు ఆభరణాలు ఎత్తుకెళ్లిన ఘటన సిద్దిపేట జిల్లా గజ్వేల్  మండలం ధర్మారెడ్డిపల్లి గ్రామంలో జరిగింది. గజ్వేల్  సీఐ సైదా తెలిపిన వివరాల ప్రకారం.. ధర్మారెడ్డిపల్లి గ్రామానికి చెందిన నల్ల సత్తమ్మ(70), భర్త కిష్టారెడ్డి చనిపోవడంతో కొడుకుల వద్ద ఉంటూ చేసులో పని చేసేది. రోజూ పొలం వెళ్లి పని చేసుకుని తిరిగి వచ్చేది. పొలం రైల్వే ట్రాక్  పక్కన ఉండడంతో జన సంచారం తక్కువగా ఉంటుంది. మంగళవారం ఆమె పొలంలో పని చేస్తుండగా ఎవరో కత్తితో దాడి చేయగా, ఆమె అక్కడికక్కడే చనిపోయింది. ఆ తరువాత మెడలో ఉన్న 3 తులాల బంగారు గొలుసు, చెవి కమ్మలు ఎత్తుకెళ్లారు. గ్రామానికి చెందిన ఓ వ్యక్తి సత్తమ్మను రక్తపు మడుగులో ఉండడాన్ని గమనించి, విషయాన్ని అతని కొడుకులకు తెలియజేశాడు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.

ప్రజా క్షేత్ర్, లక్నో, జూన్ 20 :
2017లో బీజేపీ ఉత్తరప్రదేశ్‌లో అధికారంలోకి వచ్చింది. యోగి ఆదిత్యనాథ్ ముఖ్యమంత్రి అయ్యారు. అప్పటి నుంచి ఉత్తరప్రదేశ్ అంతటా పోలీసు ఎన్‌కౌంటర్లలో గణనీయమైన పెరుగుదల ఉందని ఇటీవలి డేటా వెల్లడిస్తోంది. ఈ ఆపరేషన్లలో అనేక మంది నేరస్థులు హతమయ్యారు. అలాగే వేల సంఖ్యలో పలువురు గాయపడ్డారు. అయితే తాజాగా మొట్ట మొదటిసారి ఉత్తరప్రదేశ్ పోలీసులు గత ఎనిమిది సంవత్సరాలుగా రాష్ట్ర నేర నిరోధక కార్యకలాపాలపై సమగ్ర డేటాను విడుదల చేశారు.యాక్టింగ్ డైరెక్టర్ జనరల్ ఆఫ్ పోలీస్ (డిజిపి) రాజీవ్ కృష్ణ విడుదల చేసిన డేటా ప్రకారం.. 2017 నుంచి 2024 మధ్య పోలీసు ఎన్‌కౌంటర్లలో మొత్తం 234 మంది కరడుగట్టిన నేరస్థులు హతమయ్యారు. అదనంగా ఈ ఘర్షణల్లో 9,202 మంది నేరస్థులు గాయపడ్డారు. రాష్ట్ర ప్రభుత్వం నేరాలకు వ్యతిరేకంగా కఠినమైన జీరో-టాలరెన్స్ విధానాన్ని అమలు చేసింది. గత ఎనిమిది సంవత్సరాలలో ఉత్తరప్రదేశ్ అంతటా 14,741 ఎన్‌కౌంటర్ సంఘటనలు జరిగాయి. ఈ ఆపరేషన్లలో 30,293 మంది నేరస్థులు అరెస్టు అయ్యారు. అయితే ఎన్‌కౌంటర్‌ ఆపరేషన్స్‌ సమయంలో పోలీసులు కూడా మరణించారు. విధి నిర్వహణలో నేరస్థులతో పోరాడుతున్నప్పుడు 18 మంది పోలీసు సిబ్బంది ప్రాణాలు కోల్పోయారు. అలాగే 1,700 మంది పోలీసులు గాయపడ్డారు.డేటా ప్రకారం.. రాష్ట్రవ్యాప్తంగా చూసుకుంటే మీరట్ జోన్‌లో అత్యధికంగా ఎన్‌కౌంటర్‌లు జరిగాయి. మొత్తం 4,183 ఆపరేషన్లలో 7,871 మంది నేరస్థులు అరెస్టు అయ్యారు. 2,839 మంది గాయపడ్డారు. ముఖ్యంగా ఈ ప్రాంతంలో 77 మంది భయంకరమైన నేరస్థులు మరణించారు. అలాగే ఇద్దరు పోలీసులు వీరమరణం పొందగా, 452 మంది గాయపడ్డారు. వారణాసిలో1,041 ఎన్‌కౌంటర్‌లలో 2,009 మంది నేరస్థులను అరెస్టు చేశారు. 605 మంది గాయపడ్డారు, 26 మంది మరణించారు. 96 మంది పోలీసు అధికారులు గాయపడ్డారు. అలాగే ఆగ్రా జోన్‌లో 2,288 ఎన్‌కౌంటర్ సంఘటనలు జరిగాయి. దీని ఫలితంగా 5,496 మంది నేరస్థులు అరెస్టు అయ్యారు, 715 మంది గాయపడ్డారు. 19 మంది మరణించారు. ఎన్‌కౌంటర్‌ సమయంలో 56 మంది పోలీసులు కూడా గాయపడ్డారు.

ప్రజా క్షేత్ర్, కోల్ కతా జూన్ 20  :

పశ్చిమ బెంగాల్‌ రాష్ట్రం పురులియా జిల్లాలో శుక్రవారం ఉదయం ఘోర రోడ్డు ప్రమాదం చోటుచేసుకుంది. బలరామ్ పోలీస్ స్టేషన్ పరిధిలోని నమ్ షోల్ శివారులో జాతీయ రహదారి 18పై లారీని బొలెరో వాహనం ఢీకొనడంతో 9 మంది మృతి చెందారు. ఈ ప్రమాదంలో పలువురు గాయపడడంతో ఆస్పత్రికి తరలించారు. పోలీసులు ఘటనా స్థలానికి చేరుకొని సహాయక చర్యలు చేపట్టారు. ఝార్ఖండ్ రాష్ట్రం నిమ్ధిహ పోలీస్ స్టేషన్ పరిధిలో టిలైటాండ్ గ్రామంలోని పెళ్లి వేడుకకు వెళ్లి వస్తుండగా ఈప్రమాదం జరిగింది. మృతుల స్వస్థలం పురులియా జిల్లాలోని అదాబానా గ్రామంగా గుర్తించారు. పోలీసులు కేసు నమోదు చేసి దర్యాప్తు చేస్తున్నారు. రోడ్డుపై ఉన్న వాహనాలను క్రేన్ సహాయంతో పక్కకు తొలగించారు

21.3 గ్రాముల ఎండిఎంఎ, నిందితుడితోపాటు బైక్‌ స్వాధీనం..

ప్రజా క్షేత్ర్, వెబ్ న్యూస్ : 
రియల్‌ ఎస్టేట్‌ కంపెనీలో ఉద్యోగం. సైడ్‌గా డ్రగ్స్‌, గంజాయి అమ్మకాలు చేపడుతూ ఏసీ రంగారెడ్డి ఎన్‌ఫొర్స్‌మెంట్‌ టీమ్‌ బి సీఐ సుబాష్‌ చందర్‌ అధ్వర్యంలో చేపట్టిన తనిఖీల్లో ఎండిఎంఎ డ్రగ్స్‌తోపాటు బైక్‌ ఒక వ్యక్తిని పట్టుబడ్డాడు. బండ్లగూడ నుంచి నాగోల్‌ ప్రాంతానికి డ్రగ్స్‌ రవాణ అవుతున్నాయనే సమాచారం  మేరకు ఎన్‌ఫొర్స్‌మెంట్‌ సీఐ సుబాష్‌, ఎస్సైలు కె. వెంకటేశ్వర్లు, ఏ.అనిల్‌ కుమార్‌ ఆరుగురు సిబ్బంది కలిసి అనంద్‌నగర్‌ ప్రాంతంలో తనిఖీలు చేపట్టారు. అనుమానం వచ్చిన బైక్‌ను నిలిపి తనిఖీలు చేపట్టగా బ్యాగులో 21.3 గ్రాముల ఎండిఎంఎ  డ్రగ్స్‌ను ఉన్నాయి. డ్రగ్స్‌తోపాటు, ఒక బైక్‌ను  సెల్ ఫొన్‌ను స్వాధీనం చేసుకొని ఉప్పల్‌కు చెందిన కె. వెంకట్‌ మోతీ కుమార్‌ను అరెస్టు చేసి ఉప్పల్ ఎక్సైజ్‌ స్టేషన్‌లో అప్పగించారు. పట్టుకున్న డ్రగ్స్‌ను బెంగూళూరును ఒక వ్యక్తి తీసుక వచ్చి ఇస్తాడని, అక్కడ రూ.3 వేలకు గ్రాము చొప్పున కొనుగోలు చేసి ఉప్పల్‌ ప్రాంతంలో రూ. 5 వేల నుంచి  రూ. 6 వేలకు అమ్మకాలు జరుపుతానని నిందితుడు విచారణలో వెల్లడించాడు. పట్టుకున్న డ్రగ్స్ విలువ రూ. 1.50 లక్షలు గా ఉంటుందని అంచనా వేశారు. డ్రగ్స్ పట్టుకున్నటువంటి ఎన్ఫోర్స్మెంట్ బీ టీం సిబ్బందిని ఎన్ఫోర్స్మెంట్ జాయింట్ కమిషనర్ ఖురేషి,అసిస్టెంట్ కమిషనర్ రంగారెడ్డి ఆర్ కిషన్ ఏఈఎస్ జీవన్ కిరణలు అభినందించారు

ప్రజా క్షేత్ర్, హైదరాబాద్ :

ఇటీవల గుల్జర్ హౌస్ లో జరిగిన అగ్ని ప్రమాద ఘటనపై ప్రభుత్వం న్యాయ విచారణ జరిపించాలని బాధిత కుటుంబానికి చెందిన సంతోష్ గుప్తా కోరారు. సోమాజిగూడ ప్రెస్ క్లబ్ లో జరిగిన విలేకరుల సమావేశంలో గోషామహల్ నివాసి శ్రీనివాస్, న్యాయవాది అతుల్ అగర్వాల్ తో కలిసి మాట్లాడారు. అగ్నిమాపక శాఖ నిర్లక్ష్యం వల్లే  (17) మంది ప్రాణాలు పోయాయని ఆవేదన వ్యక్తం చేశారు.  ఈ ఘటనపై ప్రభుత్వ అధికారులు నిర్లక్ష్యంగా మాట్లాడడం తమను తీవ్రంగా కలిసి వేస్తుందని అన్నారు. ఘటన జరిగిన గంట వరకు అగ్నిమాపక శాఖ వాహనాలు రాకపోవడం వచ్చిన వాహనాల్లో సరైన సిబ్బంది నీటి సదుపాయం లేకపోవడంతోనే మరణాలు చోటుచేసుకున్నాయని ఆరోపించారు.  ఈ ఘటన యావత్ దేశాన్ని కలిచి వేసిందని అన్నారు గాయపడ్డ వారిని ఆసుపత్రికి తీసుకువెళ్లిన అనంతరం ఉస్మానియా వైద్యుల నిర్లక్ష్యంతో మరో ముగ్గురు మృత్యువాత పడ్డారని విచారం వ్యక్తం చేశారు. ప్రభుత్వ అధికారుల నిర్లక్ష్యం స్పష్టంగా కనిపిస్తున్న నేపథ్యంలో ఈ ఘటనపై జ్యూడిషియల్ ఎంక్వయిరీ నిర్వహించి బాధ్యులపై చర్యలు తీసుకోవాలని విజ్ఞప్తి చేశారు. ఇలాంటి ఘటనలు పునరావృతం కాకుండా పట్టిష్టమైన చర్యలు తీసుకోవాలని కోరారు. ప్రభుత్వం జ్యూడిషియల్ ఎంక్వయిరీ ఆదేశించకపోతే న్యాయస్థానాన్ని ఆశ్రయిస్తామని చెప్పారు..

ప్రజా క్షేత్ర్, వెబ్ న్యూస్ : 

జిల్లాలో 8 మంది యువకులు గోదావరి నదిలో గల్లంతయ్యారు. ముమ్మడివరం మండలం కమినిలంక వద్ద స్నానానికి 11 మంది గోదావరి నదిలో దిగి, లోతైన ప్రాంతం కావడంతో వీరిలో 8 మంది గల్లంతయ్యారు. మిగిలిన ముగ్గురు సురక్షితంగా బయటకొచ్చారు.ఈ 11 మంది కె.గంగవరం మండలం శురుల్లంకలో ఓ శుభకార్యానికి వచ్చినట్లు తెలుస్తోంది. కాగా, గల్లంతైన వారిని కాకినాడ, రామచంద్రపురం, మండపేటకు చెందిన క్రాంతి, పాల్‌, సాయి, సతీశ్‌, మహేశ్‌, రాజేశ్, రోహిత్‌, మహేశ్‌గా గుర్తించారు.

ప్రజాక్షేత్ర్, క్రైం బ్యూరో 

బీజేపీ ఫైర్​ బ్రాండ్​  గోషామహల్ బీజేపీ ఎమ్మెల్యే రాజాసింగ్ ఇంటి వద్ద ఒక వర్గం కు చెందిన ఇద్దరు వ్యక్తులు రెక్కీ నిర్వహించడం తీవ్ర కలకలం రేపుతుంది. ఎమ్మెల్యే రాజాసింగ్ ఇంటి ముందు ఇద్దరు వ్యక్తులు అనుమాస్పదంగా సంచరిస్తుండడంతో గమనించిన స్థానికులు వారిని పట్టుకున్నారు. వారిని తనిఖీ చేయగా తుపాకులు, బుల్లెట్​ లు, ఎమ్మెల్యే రాాజా సింగ్​ ఫొటోలతో పాటు అతని ఇంటి ఫొటోలు కనిపించాయి. దీంతో స్థానికుు వారిని మంగళాట్​ పోలీసులకు అప్పగించారు.  వీరిని ఇస్మాయిల్, మహ్మద్ ఖాజాగా పోలీసులు గుర్తించారు. దీంతో రాజాసింగ్ హత్యకు ఏమైనా కుట్ర పన్నారా? అనే అనుమానాలు వ్యక్తం అవుతున్నాయి. ఇంకా పూర్తి వివరాలుతెలియాల్సి ఉంది. 

ప్రజా క్షేత్ర్, నేషనల్ బ్యూరో :

ఢిల్లీలో ఉగ్రవాది రిజ్వాన్ అరెస్ట్ అయిన క్రమంలో హైదరాబాద్లో ఎన్ఐఏ అధికారులు సోదాలు చేశారు.దేశ రాజధానిలో స్వాతంత్ర్య దినోత్సవ వేడుకలకు కొద్ది రోజుల ముందు. రాత్రి 11 గంటల ప్రాంతంలో అరెస్టు జరిగింది. గంగా బక్ష్ మార్గ్ సమీపంలో, ఢిల్లీ, ఒక చిట్కాను అనుసరించి. అధికారులు అతని వద్ద నుండి .30 బోర్ పిస్టల్, మూడు లైవ్ కాట్రిడ్జ్‌లు మరియు రెండు మొబైల్ ఫోన్‌లను స్వాధీనం చేసుకున్నారు. ఢిల్లీలోని స్పెషల్ సెల్ పోలీస్ స్టేషన్‌లో కేసు నమోదైంది.ఢిల్లీలోని దర్యాగంజ్‌లో నివాసం ఉంటున్న రిజ్వాన్‌ తలపై రూ. 3 లక్షల నజరానా ఉందని, ఉగ్రవాద కార్యకలాపాలకు పాల్పడినందుకు జాతీయ దర్యాప్తు సంస్థ (ఎన్‌ఐఏ) ప్రకటించిన ప్రత్యేక విభాగం, ఢిల్లీ పోలీసులు తెలిపారు.రిజ్వాన్ ISIS యొక్క పూణే మాడ్యూల్‌లో భాగం, పరారీలో ఉన్నాడు. స్వాతంత్ర్య దినోత్సవానికి ముందు రాజధానిలో అతని ఉనికిపై విచారణ జరుగుతోంది. ఎన్‌ఐఏ రిజ్వాన్ అలీ ఫోటోతో పాటు పరారీలో ఉన్న ఇతర  మోస్ట్ వాంటెడ్ లను కూడా విడుదల చేసింది.ఆదివారం సైదాబాద్ పరిధిలోని శంఖేశ్వర్ బజార్లోని గ్రీన్ వ్యూ అపార్టుమెంట్లో సోదాలు చేశారు ఎన్ ఐఏ అధికారులు సుమారు గంటపాటు తనిఖీలు నిర్వహించారు. ఇటీవల ఢిల్లీలో అరెస్ట్ అయిన ఉగ్రవాది రిజ్వాన్ అబ్దుల్ గ్రీన్ వ్యూ అపార్టుమెంటులో నివాసం ఉన్నట్లు విచారణలో తేలడంతో.. ఆదివారం ఎన్ఐఏ అధికారులు ఈ అపార్టుమెంటులో సోదాలు నిర్వహించారు. రిజ్వాన్ను హైదరాబాద్కు తీసుకొచ్చి గ్రీన్ వ్యూ అపార్టుమెంట్లో సోదాలు చేశారు నేషనల్ ఇన్వెస్టిగేషన్ ఏజెన్సీ అధికారులుఆగస్టులో ఉగ్రవాది రిజ్వాన్ అబ్దుల్ను ఢిల్లీలో అరెస్ట్ ఎన్ఐఏ చేసింది. ఐసిస్తో సంబంధం ఉన్న మోస్ట్ వాంటెడ్ టెర్రరిస్ట్ రిజ్వాన్. ఐసిస్ పూణెలో మాడ్యుల్లో భాగంగా పనిచేస్తున్న రిజ్వాన్ అబ్దుల్.. ఢిల్లీలోని గంగా బక్ష్ మార్గ్ వద్ద అరెస్ట్ చేశారు. అరెస్ట్ సమయంలో రిజ్వాన్ వద్దా 30 బోర్ పిస్టల్, మూడు లైవ్ కాట్రిడ్జ్లు, రెండు సెల్ఫోన్లను స్వాధీనం చేసుకున్నారు ఎన్ఐఏ అధికారులు. ఢిల్లీలోని స్పెషల్ సెల్ పోలీస్ స్టేషన్లో రిజ్వాన్పై కేసు నమోదు చేశారు. గతంలో రిజ్వాన్ తలపై రూ.3 లక్షల నజరానా కూడా ప్రకటించారు పోలీసులు.

ప్రజాక్షేత్ర్, నేషనల్​ బ్యూరో 

చెన్నైలోని తొక్కే పాకం ప్రాంతంలో దారుణం జరిగింది. ఒప్పందం కుదిరినదానికంటే ఎక్కువ డబ్బులు అడిగినందుకు వ్యభిచారం చేస్తున్న మహిళను దారుణంగా హత్య చేశాడు. అనంతరం సదరు మహిళ మృతదేహాన్ని ముక్కలు ముక్కలుగా నరికాడు. ఆ ముక్కలన్నీ సూట్​ కేసులో వేసి బయట పడేశాడు. చివరకు పోలీసులకు చిక్కడంతో అసలు విషయం వెలుగులోకి వచ్చింది. గంటల వ్యవధిలోనే మణికంద్​ ను పోలీసులు కటకటాల వెనక్కి పంపించారు 

ప్రజాక్షేత్ర్ , నేషనల్​బ్యూరో

పూంచ్‌లో ఉగ్రవాదులు, భద్రతా బలగాల మధ్య భారీ కాల్పులు జరిగాయి. ఆదివారం ఉదయం పక్కా సమాచారం మేరకు భద్రతా బలగాలు సెర్చ్‌ ఆపరేషన్‌ చేస్తుండగా ఎన్‌కౌంటర్‌ జరిగింది. జమ్మూ కాశ్మీర్‌లోని పూంచ్ జిల్లాలోని మారుమూల గ్రామంలో ఉగ్రవాదులు ఉన్నారనే సమాచారం ఆధారంగా భద్రతా దళాలు కార్డన్ , సెర్చ్ ఆపరేషన్ ప్రారంభించిన తర్వాత ఎన్‌కౌంటర్ జరిగిందని ఒక అధికారి తెలిపారు. ఈ సమాచారం మేరకు జమ్మూ కాశ్మీర్ పోలీసులు, భారత సైన్యం శనివారం సాయంత్రం మెంధార్ సబ్ డివిజన్‌లోని గుర్సాయ్ టాప్ సమీపంలోని పఠానాతీర్ ప్రాంతంలో సంయుక్త శోధన ఆపరేషన్ ప్రారంభించినట్లు భద్రతా అధికారి తెలిపారు.దాగి ఉన్న ఉగ్రవాదుల నుంచి సెర్చ్ పార్టీ కాల్పులకు తెగబడిందని, దీంతో కాల్పులు జరిగాయని ఆయన చెప్పారు. ఇరుపక్షాల మధ్య అడపాదడపా కాల్పులు జరుగుతున్నాయని, ఆ ప్రాంతానికి బలగాలను తరలించామని, మరిన్ని వివరాల కోసం ఎదురుచూస్తున్నామని అధికారి తెలిపారు..

జమ్మూకశ్మీర్ లో తెగబడుతున్న ఉగ్రవాదులు ...

సెప్టెంబరు 14న బారాముల్లా వద్ద జరిగిన ఆపరేషన్‌లో భద్రతా దళాలచే ముగ్గురు ఉగ్రవాదులు హతమైన ఒక రోజు తర్వాత తాజా కాల్పులు జరిగాయి. జమ్మూ కాశ్మీర్‌లోని బారాముల్లా జిల్లాలోని చక్ తాపర్ క్రీరి పట్టాన్ ప్రాంతంలో శుక్రవారం (సెప్టెంబర్ 13) రాత్రి ఉగ్రవాదులు, భద్రతా దళాల మధ్య ఎన్‌కౌంటర్ జరిగింది.శుక్రవారం తెల్లవారుజామున,  జెకె కిష్త్వార్ జిల్లాలో ఉగ్రవాదులు,భద్రతా దళాల మధ్య ఎన్‌కౌంటర్ జరిగింది. 

ప్రజా క్షేత్ర్, వెబ్ న్యూస్ :

జ్యూస్‌లో మూత్రం కలిపినందుకు ఘజియాబాద్ దుకాణదారుడిని స్థానికులు దేహశుద్ధి చేసి పోలీసులకు పట్టించారు.ఉత్తరప్రదేశ్‌లోని ఘజియాబాద్‌లో వినియోగదారులకు మూత్రం కలిపిన పండ్ల రసాలను అందిస్తున్నాడన్న ఆరోపణతో కోపోద్రిక్తులైన స్థానికులు దుకాణదారుడిని కొట్టారు. పోలీసులు ఆ తర్వాత ఖుషీ జ్యూస్ కార్నర్ యజమాని అమీర్అ ఖాన్ ను అరెస్టు చేశారు. అతని అసిస్టెంట్ ను కూడా పోలీసులు  అదుపులోకి తీసుకున్నారు.పండ్ల రసంలో పసుపురంగు ద్రవాన్ని దుకాణదారుడు కలుపుతుండగా కొందరు గమనించడంతో విషయం వెలుగులోకి వచ్చింది. కొద్దిసేపటికే పెద్ద ఎత్తున గుమిగూడి షాపు యజమానిని కొట్టడం ప్రారంభించారు.ఈ చర్య వెనుక గల కారణాలను తెలుసుకోవడానికి పోలీసులు ప్రయత్నిస్తున్నారని సీనియర్ పోలీసు అధికారి భాస్కర్ వర్మ తెలిపారు. షాపులో మూత్రం ఉందన్న దానిపై దుకాణదారుడు సంతృప్తికరమైన సమాధానం చెప్పకపోవడంతో అరెస్ట్ చేసినట్లు వర్మ తెలిపారు."సెప్టెంబర్ 13న సమాచారం అందిన తర్వాత, పోలీసులు వెంటనే సంఘటనా స్థలానికి చేరుకుని, దుకాణంలోని డబ్బా నుండి సుమారు 1 లీటర్ మూత్రాన్ని కనుగొన్నారు. పోలీసులు అమీర్ ఖాన్‌ను అరెస్టు చేశారు. ఈ సంవత్సరం ప్రారంభంలో తెలంగాణ కుల్ఫీ, ఐస్‌క్రీమ్ విక్రేతను హస్తప్రయోగం చేసి ఫలూదా ఉన్న కంటైనర్‌లో వీర్యాన్ని కలిపినందుకు అరెస్టు చేశారు. వ్యాపారిని స్థానికులు రెడ్‌హ్యాండెడ్‌గా పట్టుకుని పోలీసులకు అప్పగించారు.

ప్రజాక్షేత్ర్, క్రైం బ్యూరో :

ఈ ఏడు కొత్తదనం ఉండాలన్న ఆలోచనతో ఎంతో ఉత్సాహంగా గణేష్ మండపంలో కాటన్ తో డెకరేషన్ చేశారు..... వినాయక విగ్రహాన్ని కూడా మండపానికి తీసుకువచ్చారు... వినాయక చవితి పండుగ సందర్బంగా కాసేపట్లో పూజ చేస్తామని స్నానానికి అని చిన్నారులంతా వెళ్లారు... ఒక్కసారి విద్యుత్ కాంతులతో గణేష్ఎ మండపం ఎలా?  ఉందో చూద్దామని ఒక్కసారి మెయిన్ అన్ చేయగానే షార్ట్ సర్క్యూట్ తగిలి ఒక్క సారిగా మంటలు చెలరేగాయి. రెప్పపాటులో గణేష్ మండపం అగ్నికి అహుతయ్యింది. ఇదంతా హైదరాబాద్ దిల్ సుఖ్ నగర్ లోని పి ఎన్ టి కాలనీలో జరిగింది. స్నానాలు ముగించుకొని వచ్చిన చిన్నారులు గణేష్ మండపం అగ్నికి అహుతవ్వడంతో క్షణాల్లో బూడిదయ్యిందంటూ  కన్నీరు మున్నీరయ్యారు. 

.

ఛత్రపతి శివాజీ విగ్రహం తయారు చేసిన శిల్పి అరెస్ట్

ప్రజా క్షేత్ర్, నేషనల్ క్రైం బ్యూరో :

మహారాష్ట్రలో ఛత్రపతి శివాజీ విగ్రహం కూలిన ఘటనలో శిల్పి జైదీప్‌ ఆప్టేని పోలీసులు అరెస్టు చేశారు. సింధుదుర్గ్‌ జిల్లాలోని రాజ్‌కోట్‌ కోటలో ఏర్పాటు చేసిన 35 అడుగుల ఛత్రపతి శివాజీ విగ్రహాన్ని 2023 నేవీ డే సందర్భంగా డిసెంబర్‌ 4న ప్రధాని మోదీ ఆవిష్కరించారు.అయితే పది నెలలు కూడా గడువక ముందే ఛత్రపతి శివాజీ విగ్రహం ఆగస్టు 26న కుప్పకూలిన విషయం తెలిసిందే. దీంతో శిల్పి సహా పలువురిపై కేసు నమోదుచేశారు. ఈ నేపథ్యంలో తనని అరెస్ట్‌ చేస్తారనే భయంతో జయదీప్‌ పరారయ్యాడు. అతని కోసం పోలీసులు ఏడు బృందాలను ఏర్పాటు చేశారు. కుటుంబాన్ని కలిసేందుకు వస్తున్నాడని ఆప్టే భార్య పోలీసులకు సమాచారం ఇవ్వడంతో కల్యాణ్‌లోని అతని ఇంటి బయట అదుపులోకి తీసుకుని అరెస్టు చేశారు. కల్యాణ్‌ ప్రాంతంలో విగ్రహాల తయారీ సంస్థను నిర్వహిస్తున్న జయ్‌దీప్‌కు అనుభవం లేదని పోలీసులు గుర్తించారు. చిన్న చిన్న విగ్రహాలు తయారు చేసిన అనుభవం ఉన్న జయ్‌దీప్‌ 30 అడుగుల భారీ విగ్రహాన్ని ఎలా తయారు చేశారనే సందేహాలు తలెత్తతున్నాయి. కాగా, విగ్రహం కూలిన ఘటనలో ఆప్టేపై లుక్‌ అవుట్‌ నోటీసులు కూడా జారీ చేశారు. శివాజీ విగ్రహం కోసం రాష్ట్ర ఖజానా నుంచి రూ.236 కోట్లు తీసుకున్నప్పటికీ.. రూ.1.5 కోట్లు మాత్రమే ఖర్చే చేశారని కాంగ్రెస్‌ పార్టీ ఆరోపించింది. కాగా, విగ్రహం కూలిన ఘటనపై పెనుదుమారం చెలరేగడంతో ప్రధాని మోదీ ప్రజలకు క్షమాణలు కూడా చెప్పిన విషయం తెలిసిందే.

ఖమ్మం జిల్లా కారేపల్లి గంగారం తాండలో విషాదం 

సహాయం కోసం ఫోన్​లు చేసిన తండ్రి, కూతురు

సకాలంలో చేరుకోకపోవడంతో వరదనీటి ఉదృతికి కొట్టుకుపోయిన కారు 

తండ్రి, కూతురు మృతి 

ప్రజాక్షేత్ర్ , క్రైం బ్యూరో 

వరదనీటిలో ప్రయాణిస్తున్న కారు చిక్కుకుపోవడంతో తండ్రి, కూతురు మృతి చెందిన హృదయవిధారక సంఘటన ఇది. వివరాలలోకి వెళితే ..ఖమ్మం జిల్లా కారేపల్లి గంగారం తాండకు చెందిన సునావత్ మోతిలాల్ ఆయన కూతురు వ్యవసాయ శాస్త్రవేత్త డాక్టర్​ అశ్విని. వ్యవసాయ శాస్త్రంలో బీఎస్సీ, ఎంఎస్సీ, పీహెచ్ డి,  హైదరాబాదులోని ఇంక్రిషాట్ లో వ్యవసాయ శాస్త్రవేత్తగా విధులు నిర్వహిస్తుంది. చత్తీస్​ఘడ్​ లోని రాయపూర్ లో జరిగే శాస్త్ర  జాతీయ సదస్సు హాజరయ్యేందుకు శంషాబాద్ ఎయిర్​పోర్ట్​ కు తండ్రి , కూతుళ్ళు కారులో బయలుదేరారు. మార్గ మధ్యలో పురుషోత్తమయ్య గూడెం వద్ద వారు ప్రయాణిస్తున్న కారు వరదనీటిలో చిక్కుకుంది. దీంతో తమ పరిస్థితిని బంధువులకు స్నేహితులకు ఫోన్​  ద్వారా వివరించినప్పటికీ సకాలంలో రాలేకపోవడంతో వరద నీటి ఉదృతికి కారు నీట మునిగింది. దీంతో డాక్టర్​ అశ్విని మృత దేహం లభ్యం అయిన చాలాసేపటికి తండ్రి మోతీలాల్​ మృతదేహం లభ్యమయ్యింది. అనేక పేద గిరిజన బాల బాలికలకు స్ఫూర్తి కలిగించి శాస్త్రవేత్తగా ఉజ్వల భవిష్యత్తుతో ముందుకు సాగుతున్న డాక్టర్​ అశ్విని ఎంతో కష్టపడి తన కుమార్తె విద్యావేత్త ఉన్నత శిఖరాలను చేరుకోవాలని ఎన్నో కలలు కన్నా తండ్రి సునావత్ మోతిలాల్ తో పాటే కూతరు అశ్విని మృతిచెందడం అందరిని కలిచివేసింది. దీంతో ఖమ్మం జిల్లాలో కారేపల్లి గంగారం తాండలో విషాద ఛాయలు అలుముకున్నాయి.