తెలంగాణలో విమానయాన రంగం కొత్త ఊపు అందుకోబోతోంది. వరంగల్, ఆదిలాబాద్‌లలో నిలిచిపోయిన విమానాశ్రయ ప్రణాళికలు ఇప్పుడు మళ్లీ కదలికలు మొదలుపెట్టాయి. ఎయిర్‌పోర్ట్స్ అథారిటీ ఆఫ్ ఇండియా ఏఏఐ,ఈ రెండు నగరాల్లో బ్రౌన్‌ఫీల్డ్ విమానాశ్రయాలను వచ్చే రెండేళ్లలో అందుబాటులోకి తేవాలని నిర్ణయించింది.ఇప్పటికే వరంగల్ మామునూరు ఎయిర్‌పోర్ట్ కోసం అవసరమైన భూసేకరణ దాదాపు పూర్తయింది. 253 ఎకరాల భూమికి రూ.205 కోట్లు విడుదల చేసిన రాష్ట్ర ప్రభుత్వం, ఈ ప్రాజెక్టు పట్ల తన కట్టుబాటును స్పష్టంగా చూపించింది. మామునూరు ఎయిర్‌పోర్ట్ అభివృద్ధి మొదట చిన్న విమానాలకే పరిమితం చేయాలనుకున్నారు. కానీ రాష్ట్ర విజ్ఞప్తి మేరకు ఏఏఐ పెద్ద విమానాలు, కార్గో ఫ్లైట్లకూ సదుపాయాలు కల్పించాలని నిర్ణయించింది. అంటే ఏ320, బోయింగ్ 737 లాంటి వాణిజ్య విమానాల రాకపోకలకు కూడా ఈ ఎయిర్‌పోర్ట్ సిద్ధమవుతుందన్నమాట.
ఈ ఏడాది చివర్లోనే పనులు ప్రారంభించేలా సన్నాహాలు జరుగుతున్నాయి. వరంగల్ అభివృద్ధికి ఇది కీలకమైన అడుగుగా భావిస్తున్నారు. ఇక ఆదిలాబాద్‌లో ఇప్పటికే 362 ఎకరాల వాయుసేన స్థలం ఉంది. దానిని వినియోగించుకుంటూ మిగతా భూసేకరణ కూడా రాష్ట్ర ప్రభుత్వం చేపట్టనుంది. ఏఏఐ వచ్చే రెండు సంవత్సరాల్లో ఈ ఎయిర్‌పోర్టును కూడా పూర్తిచేయాలని లక్ష్యంగా పెట్టుకుంది.
తెలంగాణ ప్రభుత్వం 2027 జూన్ నాటికే పనులు పూర్తయ్యేలా కసరత్తు చేస్తుండగా, కేంద్రం డిసెంబర్ వరకు గడువు పెట్టినట్లు సమాచారం. రెండు ప్రాజెక్టులు పూర్తైతే తెలంగాణలో వాయు ప్రయాణం మరింత విస్తరించనుంది. వరంగల్ విమానాశ్రయానికి ప్రత్యేకమైన చారిత్రక ప్రాధాన్యం ఉంది. నిజాం కాలంలోనే ఇక్కడి నుంచి విమానాలు ఎగిరాయి. భారత్ చైనా యుద్ధ సమయంలో కీలకమైన సేవలు అందించాయి. కానీ గత మూడు దశాబ్దాలుగా ఈ ఎయిర్‌పోర్ట్ మూతపడే ఉంది. ఇప్పుడు మళ్లీ పునరుద్ధరించాలనే ప్రయత్నం విజయవంతమైతే, వరంగల్ వాసుల కల నిజమవుతుంది. హైదరాబాద్ తర్వాత రాష్ట్రంలో రెండో అతిపెద్ద నగరంగా అభివృద్ధి చెందుతున్న వరంగల్‌కి ఈ ప్రాజెక్టు కొత్త ఊపును తీసుకురానుంది. ఈ రెండు విమానాశ్రయాలు అందుబాటులోకి వస్తే, తెలంగాణలో పర్యాటకానికి, వాణిజ్యానికి, పరిశ్రమలకు పెరుగుదల ఖాయం. ప్రత్యేకంగా వరంగల్‌లో ఐటీ, ఎడ్యుకేషన్, హ్యాండ్లూమ్ రంగాల అభివృద్ధికి ఇది తోడ్పడుతుంది. ఆదిలాబాద్‌లో ఖనిజ, అటవీ సంపద ఆధారిత వ్యాపారాలకు కొత్త అవకాశాలు లభిస్తాయి. మొత్తానికి ఈ రెండు ప్రాజెక్టులు తెలంగాణ రవాణా రంగానికే కాకుండా, రాష్ట్ర ఆర్థిక వ్యవస్థకు కూడా కొత్త రెక్కలు ఇస్తాయని చెప్పొచ్చు.

గ‌ట్టిగా రెండు సార్లు ఆమె చెంప‌పై కొట్టి జుట్టు ప‌ట్టుకుని మ‌రీ బాదిన వైనం  

ప్రజా క్షేత్ర్న్యూ, ఢిల్లీ ఆగస్టు 20 : 
: ఢిల్లీ సీఎం రేఖా గుప్తా పై బుదవారం దాడి జ‌రిగింది. సీఎం నివాసంలో జ‌న్ సున్వాయి కార్య‌క్రమం నిర్వ‌హిస్తున్న స‌మ‌యంలో ఆ అటాక్ జ‌రిగింది. త‌న‌ స‌మ‌స్య‌ను చెప్పుకునేందుకు వ‌చ్చిన ఓ వ్య‌క్తి సీఎం రేఖా గుప్తాపై అకస్మాత్తుగా దాడి చేశాడు. ఆ వ్య‌క్తి 30 ఏళ్ల ఉంటాడ‌ని బీజేపీ నేత‌లు చెబుతున్నారు. సీఎంపై దాడి చేసిన వ్య‌క్తిని.. అక్క‌డ ఉన్న సీఎం సిబ్బంది త‌క్ష‌ణ‌మే అదుపులోకి తీసుకున్నారు. ప‌బ్లిక్ మీటింగ్‌లో స‌మ‌స్య చెప్పుకునేందుకు వ‌చ్చిన వ్య‌క్తి ఎందుకు దాడికి పాల్ప‌డ్డార‌న్న కోణంలో విచార‌ణ నిర్వ‌హిస్తున్నారు. గ‌ట్టిగా రెండు సార్లు ఆమె చెంప‌పై కొట్టిన‌ట్లు తెలుస్తోంది. జుట్టు ప‌ట్టుకుని మ‌రీ బాదిన‌ట్లు చెబుతున్నారు. జుట్టు ప‌ట్టి పీక‌డంతో.. త‌ల‌కు గాయాలైన‌ట్లు తెలుస్తోంది

బీహార్‌లో ఓటర్ల జాబితాను సవరించాలనే ఎన్నికల కమిషన్ (EC) నిర్ణయాన్ని సవాలు చేస్తూ దాఖలైన పిటిషన్లపై సుప్రీంకోర్టు బుధవారం మరోసారి విచారించింది. ఈ సందర్భంగా జస్టిస్‌ సూర్యకాంత్, జస్టిస్‌ జోయ్‌మల్య బాగ్చీ ధర్మాసనం కీలక వ్యాఖ్యలు చేసింది. గతంలో ఏడు ధ్రువీకరణ పత్రాలకంటే.. ప్రస్తుతం 11 పత్రాలను అనుమతించడం ఓటర్లకు ప్రయోజనకరంగా ఉంటుందని ధర్మాసనం పేర్కొంది. ఆధార్‌ మినహా అనేక ఇతర డాక్యుమెంట్లను పరిగణలోకి తీసుకోవడాన్ని ధర్మాసనం గుర్తు చేసింది. గతంలో బిహార్‌లో నిర్వహించిన రివిజన్‌లో ఏడు ధ్రువీకరపత్రాలను అనుమతించారని.. ప్రత్యేక సవరణ (SIR)లో 11 డాక్యుమెంట్లను ఈసీ అనుమతి ఇస్తుందని.. దీన్ని పరిశీలిస్తే ఓటర్లకు అనుకూలంగానే కనిపిస్తుందని ధర్మాసనం తెలిపింది. ఆధార్‌ అనుమతించడం లేదనే పిటిషనర్ల వాదనను అర్థం చేసుకున్నప్పటికీ అనేక పత్రాలను పరిగణలోకి తీసుకుంటున్నట్లుగా ధర్మాసనం గుర్తు చేసింది.అయితే, ఈ వాదనలతో పిటిషనర్‌ తరఫు న్యాయవాది అభిషేక్‌ సింఘ్వీ విభేదించారు. ధ్రువపత్రాల సంఖ్య ఎక్కువగా ఉన్నా.. అందరికీ అందుబాటులో లేవని తెలిపారు. ఈ సందర్భంగా ఆయన పాస్‌పోర్టులను ఉదహరించారు. బిహార్‌లో కేవలం ఒకటి నుంచి రెండుశాతం మంది వద్దే పాస్‌ పోస్టులు ఉన్నాయన్నారు. దీనికి స్పందించిన ధర్మాసనం 36లక్షల మందికి పాస్‌పోర్టులు ఉన్నాయని.. ఇది మంచి సంఖ్యగానే కనిపిస్తోందని చెప్పింది. ఆయా ప్రభుత్వ విభాగాల నుంచి ఫీడ్‌బ్యాక్‌ తీసుకున్న తర్వాతే ధ్రువపత్రాల జాబితా రూపొందిస్తారని జస్టిస్‌ జోయ్‌మల్య బాగ్చీ తెలిపారు. ఇదిలా ఉండగా.. ఈ అంశంపై మంగళవారం సైతం సుప్రీంకోర్టులో విచారణ జరిగిన విషయం తెలిసిందే. పౌరులను చేర్చడం, కానివారిని ఓటరు జాబితా నుంచి మినహాయించడం ఎన్నికల కమిషన్‌ అధికార పరిధిలోనిదని ధర్మాసనం పేర్కొంది. సర్‌లో ఆధార్‌, ఓటర్‌ కార్డును పౌరసత్వానికి రుజువుగా పరిగణించలేమన్న ఈసీ వాదనలను సమర్థించింది. పార్లమెంట్‌ లోపల, వెలుపల ‘సర్‌’ అంశంపై వివాదం పెరుగుతున్న నేపథ్యంలో.. ఈసీ చేపట్టిన ఈ కార్యక్రమంపై విశ్వాసం కోల్పోవడమే సమస్య అని.. అంతకు మించి ఏమీ లేదని సుప్రీంకోర్టు వ్యాఖ్యానించింది.

 సుప్రీంకోర్టు సంచలన తీర్పు వెలువరించింది. గవర్నర్ కోటాలో ఎన్నికైన ఎమ్మెల్సీ కోదండరాం, అలీఖాన్ నియామకం రద్దు చేస్తూ.. సుప్రీం ధర్మాసనం ఉత్తర్వులు జారీ చేసింది. బీఆర్‌ఎస్ నేతలు దాసోజు శ్రవణ్, సత్యనారాయణ పిటిషన్‌లపై విచారణ చేపట్టిన న్యాయస్థానం కోదండరాం, అలీఖాన్ నియామకం రద్దు చేస్తూ ఆదేశాలు జారీ చేసింది. రెండు ఎమ్మెల్సీ స్థానాలలో తాజా నామినేషన్లు తమ తుది తీర్పుకి లోబడే ఉంటాయని సుప్రీంకోర్టు చెప్పుకొచ్చింది. కోదండరాం, అలీఖాన్‌లు తెలంగాణ గవర్నర్ కోటా ఎమ్మెల్సీలుగా నియామకం అయిన విషయం తెలిసిందే. అయితే వీరి నియామకం అక్రమంగా జరిగిందని.. దాసోజు శ్రవణ్, సత్యనారాయణలు గవర్నర్‌కు తెలిపారు. గవర్నర్ వీరి వాదనను తిరస్కరించడంతో.. సుప్రీంకోర్టును ఆశ్రయించారు. వారి నియామకాలపై విచారణ జరిపి నియామకాన్ని రద్దు చేయాలని బీఆర్ఎస్ నేతలు సుప్రీంను కోరారు. ఈ మేరకు ఇవాళ విచారణ జరిపిన అత్యున్నత న్యాయస్థానం.. ఆగస్టు 14, 2024 తీర్పులో మార్పులు చేస్తూ.. వారి నియామకం చెల్లదని తీర్పును వెలువరించింది. తదుపరి విచారణను సెప్టెంబర్ 17వ తేదీకి వాయిదా వేసింది.

ప్రజా క్షేత్ర్, శ్రీనగర్ :

జమ్మూకశ్మీర్లోని ఉదంపూర్ జిల్లాలో సీఆర్పీఎఫ్ వాహనం అదుపుతప్పి లోయలో పడిపోయింది. గురువారం కద్వా బసంత్గఢ్ ప్రాంతంలో జరిగిన ఈ ప్రమాదంలో ముగ్గురు జవాన్లు మృతి చెందగా, 12 మందికి పైగా గాయపడ్డారు. ప్రమాద సమయంలో వాహనంలో 23 మంది జవాన్లు ఉన్నారు. గాయపడిన వారిని ఆస్పత్రికి తరలించారని అధికారులు తెలిపారు.

రాజస్థాన్‌లోని చురు జిల్లా రతన్‌ఘర్‌లో ఎయిర్‌ఫోర్స్‌కు చెందిన జాగ్వర్ విమానం కుప్పకూలిపోయింది. ఈ యుద్ధ విమానం సూరత్‌గఢ్‌లోని ఎయిర్‌బేస్ నుంచి టేకాఫ్ అయింది. ఆకాశంలో ఉండగానే విమానం నియంత్రణ కోల్పోయిందని స్థానికులు చెబుతున్నారు. విమానం కూలిన పొలాల్లో కూలడంతో అక్కడ మంటలు చెలరేగాయి. స్థానికులు మంటలను అదుపు చేశామని చెప్పారు. కూలిన విమానం నుంచి ఒకరి మృతదేహాన్ని బయటకు తీశామని స్థానికులు పేర్కొన్నారు. అయితే భారత వాయుసేన మాత్రం ఇద్దరు పైలట్లకు తీవ్ర గాయాలైనట్లు ఎక్స్‌లో పోస్ట్ చేసింది. ఈ ప్రమాదంలో సామాన్య ప్రజలకు ఎలాంటి ఇబ్బంది కలగలేదని పేర్కొంది. అయితే ప్రమాదానికి గల కారణాలు ఇంకా తెలియరాలేదు. పోలీసులు, ఆర్మీ అధికారులు ఘటనస్థలానికి చేరుకొని ఘటన ఎలా జరిగిందని దర్యాప్తు చేస్తున్నారు.

ప్రజా క్షేత్ర్, న్యూ డిల్లీ జూలై 9 :

ప్రస్తుతం ఆన్‌లైన్‌లో ఏ సమాచారం కావాలన్నా.. ‘గూగుల్‌ సెర్చ్‌’   ఓపెన్‌ చేయాల్సిందే! ప్రపంచవ్యాప్తంగా దాదాపు 90 శాతం మందికి ఇదే పెద్దదిక్కు. ప్రతిరోజూ 850 కోట్ల శోధనలను ప్రాసెస్‌ చేస్తుంది. యూజర్లు అడిగిన సమాచారాన్ని.. సంబంధిత వెబ్‌లింక్‌లను వెతికి ఇస్తుంది. అయితే, చాట్‌జీపీటీ రాకతో గూగుల్‌ కూడా ‘ఏఐ’ వైపు   అడుగులు వేసింది. తన సెర్చ్‌ ఇంజిన్‌కు ఆర్టిఫీషియల్‌ ఇంటెలిజెన్స్‌ను అనుసంధానం చేసింది.ఇప్పటికే అమెరికాలో విడుదలై విజయవంతంగా సేవలు అందిస్తున్న ‘గూగుల్‌ సెర్చ్‌ ఏఐ మోడ్‌’ ఇప్పుడు భారత్‌  లోనూ అందుబాటులోకి వచ్చింది. ఎలాంటి సైన్‌అప్స్‌ చేయకుండానే డైరెక్ట్‌గా మొబైల్‌, వెబ్‌ వెర్షన్లలో ఏఐ ఆధారిత శోధనలు చేసుకోవచ్చు. ఇప్పటివరకు గూగుల్‌లో ఏదైనా వెతికితే.. అందుకు సంబంధించిన వెబ్‌లింక్‌లు మాత్రమే వచ్చేవి. కొన్ని సంక్లిష్టమైన ప్రశ్నలకు జవాబులు దొరికేవి కాదు కానీ, ఈ సరికొత్త ఏఐ మోడ్‌ టూల్‌తో.. ఎలాంటి ప్రశ్నకైనా ఇట్టే సమాధానం దొరుకుతుంది.వినియోగదారుల మనసులో ఏమున్నా.. గూగుల్‌ను నేరుగా అడగొచ్చు. వాటికి గూగుల్‌ ఏఐ టూల్‌ ‘జెమిని’ సహాయంతో సమాధానాన్ని అందిస్తుంది. అందుకే, ఈ గూగుల్‌ సెర్చ్‌ ఏఐ మోడ్‌ను ‘జెమిని 2.5’  వెర్షన్‌గా చెబుతున్నారు. ప్రస్తుతానికి ఇంగ్లీషులో మాత్రమే అందుబాటులో ఉంది. త్వరలోనే తెలుగుతోపాటు ఇతర ప్రాంతీయ భాషల్లోనూ సేవలు అందించనున్నది

              ఎన్‌ఫోర్స్‌మెంట్ డైరెక్టరేట్ (ఈడీ) సంచలన ఆరోపానాలు

ప్రజా క్షేత్ర్, న్యూఢిల్లీ, జులై 2 ;: నేషనల్ హెరాల్డ్ కేసులో కీలక పరిణామం చోటు చేసుకుంది. సోనియా, రాహుల్ గాంధీలకు సంబంధమున్న అసోసియేటెడ్ జనరల్స్ లిమిటెడ్ (ఏజేఎల్)కు పలువురు సీనియర్ కాంగ్రెస్ పార్టీ నేతలు నకిలీ లావాదేవీలు జరిపారని ఎన్‌ఫోర్స్‌మెంట్ డైరెక్టరేట్ (ఈడీ) ఆరోపించింది. బుధవారం న్యూఢిల్లీ కోర్టులో ఈడీ తరఫు న్యాయవాది అదనపు సోలిసిటర్ జనరల్ వి. రాజు తన వాదనలు వినిపించారు. చాలా ఏళ్లుగా వీరు మోసపూరితంగా ఇలా అద్దె చెల్లించారన్నారు.అందుకు సంబంధించిన రశీదులను వీరు తయారు చేశారని తెలిపారు. సీనియర్ కాంగ్రెస్ పార్టీ నేతల సూచనల మేరకే ఈ నగదును వీరు ఇలా ఏజేఎల్‌కు బదిలీ చేశారని కోర్టుకు విన్నవించారు. ఇదే తరహాలో.. అంటే కాంగ్రెస్ పార్టీ సీనియర్ నేతల సూచనల మేరకు అడ్వర్టైజ్‌మెంట్ నిధులు సైతం దారి మళ్లించారని వివరించారు. ఇటువంటి మోసపూరిత మార్గాల ద్వారా వచ్చిన ఆదాయం నేరమని ఈడీ తరఫు న్యాయవాది ఈ సందర్భంగా కోర్టుకు స్పష్టం చేశారు.ఇక ఈ కేసులో దాతలను సైతం ఈడీ ఇప్పటికే ప్రశ్నించిందని గుర్తు చేశారు. అలాగే సీనియర్ నేతలను సైతం విచారించిందని చెప్పారు. అలాగే షేర్ల బదిలీపై ప్రశ్నించాల్సి ఉందన్నారు. సుమన్ దుబే షేర్లను సోనియా గాంధీకి, ఆస్కార్ ఫెర్నాండేజ్ షేర్లను రాహుల్ గాంధీకి బదిలీ చేశారన్నారు. కానీ ఆ తర్వాత ఈ షేర్లను ఆస్కార్ ఫెర్నాండెజ్‌కు తిరిగి బదిలీ చేశారని సోదాహరణగా కోర్టుకు ఆయన వివరించారు. ఇవన్నీ నకిలీ లావాదేవీలని న్యాయవాది వి రాజు ఈ సందర్బంగా పేర్కొన్నారు. అయితే 2015 వరకు ఇద్దరు వ్యక్తులు మాత్రమే ఈ సంస్థ ద్వారా లబ్ధి పొందారని.. వారిద్దరు సోనియా, రాహుల్ గాంధీలు మాత్రమేనని కోర్టుకు న్యాయవాది వి. రాజు తెలిపారు.

ప్రజా క్షేత్ర్, సిమ్ల జూలై 2 ; హిమాచల్‌ప్రదేశ్‌  లో గత కొన్ని రోజులుగా భారీ వర్షాలు   కురుస్తున్నాయి. ఈ వర్షాలకు ఆకస్మిక వరదలు సంభవించాయి. ఎక్కడికక్కడ కొండచరియలు విరిగిపడుతున్నాయి. రాష్ట్రంలోని ప్రధాన నదులకు వరద ప్రవాహం పెరిగింది. పలు లోతట్టు ప్రాంతాలు పూర్తిగా నీట మునిగాయి. అనేక రోడ్లు ధ్వంసమయ్యాయి. ఈ వర్షాకాల సీజన్‌లో ఇప్పటి వరకూ 51 మంది ప్రాణాలు కోల్పోయినట్లు అధికారులు తాజాగా వెల్లడించారు.హిమాచల్‌ ప్రదేశ్‌ ప్రభుత్వ రెవెన్యూ శాఖ ఆధ్వర్యంలోని స్టేట్‌ ఎమర్జెన్సీ ఆపరేషన్‌ సెంటర్‌ జూన్‌ 20 నుంచి జులై 2 వ తేదీ వరకూ రాష్ట్రంలో వర్షాల కారణంగా జరిగిన నష్టంపై ఓ నివేదిక విడుదల చేసింది. ఆ నివేదికలో రాష్ట్రంలోని 12 జిల్లాల్లో ప్రాణ, ఆస్తి నష్టానికి సంబంధించిన వివరాలను వెల్లడించింది. ‘ఆకస్మిక వరదలు, కొండచరియలు విరిగిపడటం, పిడుగులు పడటం వంటి వర్షాల కారణంగా సంభవించిన ప్రమాదాల్లో 51 మంది మరణించారు. దాదాపు 22 మంది గల్లంతయ్యారు. మండి జిల్లాలో అత్యధికంగా 10 మంది మరణించారు. వర్షాలకు సంబంధించిన ఘటనల్లో 103 మంది గాయపడ్డారు’ అని సదరు నివేదికలో వెల్లడించింది.

       ప్రకటించిన  ప్రపంచ ఆరోగ్య సంస్థ 

కృషి చేసిన అందరికీ అభినందనలు తెలిపిన ప్రధాని మోదీ

ప్రజా క్షేత్ర్, న్యూ డిల్లీ జూన్ 29 :

భారత్‌ ట్రకోమా రహిత దేశమని ప్రపంచ ఆరోగ్య సంస్థ  ప్రకటించిన విషయాన్ని ప్రధాని   నరేంద్రమోదీ    గుర్తుచేశారు. భారత్‌ ట్రకోమా రహిత దేశంగా మారడంలో కృషి చేసిన అందరికీ ఆయన అభినందనలు తెలిపారు. భారత్‌ బ్యాక్టీరియా ఇన్‌ఫెక్షన్‌ అయిన ట్రకోమా రహిత దేశంగా అవతరించిందని ప్రపంచ ఆరోగ్య సంస్థ ఇటీవల ప్రకటించింది. ఈ క్రమంలో ప్రధాని మోదీ ఆ విషయాన్ని ఆదివారం తన మన్‌ కీ బాత్‌లో గుర్తుచేశారు.ఆదివారం ప్రధాని మోదీ 123వ మన్‌ కీ బాత్‌ ఎపిసోడ్‌ ప్రసారమైంది. ఈ సందర్భంగా ఆయన మాట్లాడుతూ.. జూన్‌ 21న జరిగిన యోగాడే కార్యక్రమంలో దేశంలోనేగాక ప్రపంచవ్యాప్తంగా లక్షలమంది పాల్గొన్నారని అన్నారు. దాదాపు పదేళ్ల క్రితం మొదలైన ఈ కార్యక్రమం ఏటేట మరింత విస్తరిస్తోందని చెప్పారు. చాలామంది యోగాను తమ జీవితంలో భాగం చేసుకుంటున్నారని తెలిపారు.50 ఏళ్ల క్రితం దేశంలో ఎమర్జెన్సీ విధించిన వాళ్లు రాజ్యాంగాన్ని హత్య చేయడంతోపాటు న్యాయ విభాగాన్ని బానిసగా మార్చుకోవాలనుకున్నారని ప్రధాని మోదీ విమర్శించారు. నాడు జార్జిఫెర్నాండెజ్‌ను సంకెళ్లతో బంధించారన్నారు. కానీ భారత ప్రజలు శక్తిమంతమైన వారు కావడంతో ఎమర్జెన్సీ తొలగిపోయిందని చెప్పారు. దానిని విధించినవారు ఓడిపోయారని గుర్తుచేశారు.మొరార్జీ దేశాయ్‌, వాజ్‌పేయి, బాబూ జగ్జీవన్‌ రామ్‌ లాంటి నేతల ప్రసంగాలను మోదీ వినిపించారు. ఎమర్జెన్సీపై పోరాడిన వారిని కచ్చితంగా గుర్తుపెట్టుకోవాలని అన్నారు. ఫుట్‌బాల్‌ ఆటగాళ్లకు కేంద్రంగా బోడోల్యాండ్‌ మారిందని అభినందించారు. వారు పరిమిత వనరులతోనే సాధన చేసి అద్భుతంగా రాణిస్తున్నారని అన్నారు.దేశంలోని చిన్నారులకు వారు ఆదర్శంగా మారారని కొనియాడారు. ఫిట్‌నెస్ కాపాడుకోవడానికి‌, ఊబకాయం తగ్గించుకోవడానికి ఆహారంలో నూనె వినియోగాన్ని 10 శాతం తగ్గించుకోవాలని సూచించారు. అదేవిధంగా మేఘాలయ ఎరీసిల్క్‌కు జీఐ ట్యాగ్‌ లభించిందని చెప్పారు. పురుగులను చంపకుండా వస్త్రాన్ని తయారు చేయడం దాని ప్రత్యేకతని తెలిపారు.ఇక ఆంధ్రప్రదేశ్‌లోని పల్నాడు జిల్లాలో బౌద్ధ క్షేత్రాలకు విదేశాల్లో అత్యంత ప్రాధాన్యం ఉందని చెప్పారు. అందరూ తమతమ ప్రాంతాల్లోని బౌద్ధ క్షేత్రాలను ఒక్కసారైనా సందర్శించాలని సూచించారు. అదేవిధంగా అంతర్జాతీయ అంతరిక్ష కేంద్రంలో ఉన్న శుభాంశు శుక్లాకు ప్రధాని అభినందనలు తెలిపారు.

ఓ నాన్న కల...

కొడుకు బాగా చదువుకుని ప్రయోజకుడు అయ్యి గొప్పవాడు కావాలని.

ఓ కొడుకు కల..

తండ్రి కష్టం చూస్తూ తను కష్టపడి చదివి మంచి ఉద్యోగం సంపాదించి కారుకొని అందులో నాన్నని తిప్పాలని.

ఇద్దరు అనుకున్నట్టే జరిగింది...కొడుకు ఉద్యోగం సాధించాడు...కారుకూడా కొన్నాడు.... నాన్న కోరిక తీరింది కానీ కొడుకు కోరిక తీర్చుకోవడానికి నాన్న ను కారులో తిప్పడానికి నాన్న ఇక బతికి లేరు... తన కోరిక తీరకుండానే నాన్న బతికి లేకపోవడాన్ని జీర్ణించుకోలేక పోయిన కొడుకు నాన్న రూపాన్ని మైనం బొమ్మతో ప్రత్యేకంగా తయారు చేయించి కొత్తగా కొన్న కారులో నాన్నని పక్కన కూర్చోపెట్టుకుని, సీటు బెల్టు పెట్టి మరీ తిప్పాడు ఆ కొడుకు...

ఆయుధాలు విడిచి జనజీవన స్రవంతిలో కలవాలని కేంద్ర హోంమంత్రి అమిత్ షా కోరారు.వర్షాకాలంలో కూడా నక్సల్స్ ఏరివేత కొనసాగుతుందని, మార్చి 2026లోగా నక్సల్స్ ను పూర్తిగా నిర్మూలించడమే తమ లక్ష్యం అన్నారు. ఆయుధాలు వదలిన వారిని తాము హృదయ పూర్వకంగా స్వాగతిస్తామని తెలిపారు. రెండు రోజుల పర్యటన సందర్భంగా పలు కీలక పనులకు శంకుస్థాపన ఆయన ఈ మేరకు ఛత్తీస్గఢ్లో ఆయన కీలక వ్యాఖ్యలు చేశారు. ఛత్తీస్‌గఢ్‌లో విష్ణు దేవ్ సాయి ప్రభుత్వం దూసుకు పోతుందని, నక్సల్స్ ఏరివేతలో అతిపెద్ద విజయం సాధించారని అమిత్ షా ప్రశంసించారు. నక్సల్ వ్యతిరేక ఆపరేషన్‌ను వేగవంతం చేయడమే కాకుండా, ఎప్పటికప్పుడు దానికి మార్గనిర్దేశం చేస్తూ వస్తుందని తెలిపారు. తాను గత పదకొండు సంవత్సరాలుగా ఛత్తీస్‌గఢ్‌కు వస్తున్నాని చెప్పారు. ఛత్తీస్‌గఢ్‌ను అభివృద్ధి చేసిన ఘనత ప్రధాని మోదీకే దక్కుతుందని వ్యాఖ్యానించారు. అంతకుముందు ఛత్తీస్‌గఢ్‌లోని నవ రాయ్‌పూర్ అటల్ నగర్‌లో మూడు నూతన కార్యక్రమాలకు అమిత్ షా ఆదివారం శంకుస్థాపన చేశారు. నేషనల్ ఫోరెన్సిక్ సైన్స్ యూనివర్సిటీ క్యాంపస్‌, సెంట్రల్ ఫోరెన్సిక్ సైన్స్ లాబొరేటరీ పనులు ప్రారంభించారు. వాటితో పాటు ఎన్‌ఎఫ్‌ఎస్ యూనివర్సిటీ శాశ్వత క్యాంపస్, ఛత్తీస్‌గఢ్-ఐహబ్ కూడా ప్రారంభించారు.

ప్రజా క్షేత్ర్, వెబ్ న్యూస్ :

జమ్మూ కశ్మీర్ లోని పహల్గామ్ టెర్రర్ దాడికి సంబంధించిన కేసులో NIA పురోగతి సాధించింది. టెర్రరిస్టులకు ఆశ్రయమిచ్చిన ఇద్దరిని అరెస్టు చేసింది. ఉగ్రవాదులకు సహాయం చేసిన పహల్గామ్ కు చెందిన పర్వేజ్ అహ్మద్, హిల్ పారుకు చెందిన బషీర్ అహ్మద్ లను ఎన్ ఐ ఎ అదుపులోకి తీసుకుంది. ఈ ఘటనలో లష్కరే తోయిబాకు చెందిన ముగ్గురు పాక్ టెర్రరిస్టుల హస్తమున్నట్లు ఎన్ ఐ ఎ ధ్రువీకరించింది. కాగా ఉగ్రదాడిలో 26 మంది మరణించిన విషయం విధితమే 

అంబేద్కర్ నికాళ్ల దగ్గర పెడతారా.. మేము హృదయంలో ఉంచుకుంటాం..

లాలుకు మోడీ కౌంటర్
ప్రజా క్షేత్ర్, పాట్నా, జూన్ 20 :
మరో ఆరు నెలల్లో అసెంబ్లీ ఎన్నికలు జరగబోతున్న బీహార్‌పై ప్రధానమంత్రి నరేంద్ర మోదీ ఫోకస్‌ పెంచారు. సివాన్‌లో భారీ సభకు హాజరయ్యారు. పలు అభివృద్ది కార్యక్రమాలను ప్రారంభించారు. పాట్నా-గోరఖ్‌పూర్‌ వందేభారత్‌ ఎక్స్‌ప్రెస్‌ను ప్రారంభించారు. ఎన్డీఏ కూటమి తరపున ప్రచారం చేస్తున్నారు మోదీ. ఈ సభకు బిహార్‌ ముఖ్యమంత్రి నితీష్‌కుమార్‌ పాల్గొన్నారు. దాదాపు రూ. 10 వేల కోట్ల అభివృద్ది పనులను ప్రధాని మోదీ శ్రీకారం చుట్టారు.ఆర్జేడీ-కాంగ్రెస్‌ కూటమిపై నిప్పులు చెరిగారు ప్రధాని నరేంద్ర మోదీ. హస్తం పార్టీ , లాంతర్‌ పార్టీ కలిసి బీహార్‌లో అధికారం లోకి వచ్చి రాష్ట్రాన్ని మరోసారి సర్వనాశనం చేసేందుకు కుట్ర చేస్తున్నాయని ఆరోపించారు. ఆర్జేడీ అంబేద్కర్‌ను అవమానించిందని ప్రధాని మోదీ గుర్తు చేశారు. ఆర్జేడీ-కాంగ్రెస్‌ కలిసి బీహార్‌ ఆత్మగౌరవాన్ని దెబ్బతీశాయని మండిపడ్డారు. ఆర్జేడీ , కాంగ్రెస్‌ నేతలు అంబేద్కర్‌ ఫోటోను తమ కాళ్ల దగ్గర పెట్టుకున్నారని, కాని అంబేద్కర్‌ తన హృదయంలో ఉన్నారని అన్నారు. వేల కోట్ల రూపాయల విలువైన ప్రాజెక్టులకు ఈ వేదిక నుంచి పునాది రాయి వేశామని ప్రధాని మోదీ అన్నారు. ఈ అభివృద్ధి ప్రాజెక్టులన్నీ బీహార్‌ను ఉజ్వల భవిష్యత్తు వైపు తీసుకెళ్తాయన్నారు. ఈ ప్రాజెక్టులు ప్రతి సమాజ జీవితాన్ని సులభతరం చేస్తాయి. అలాగే, పేదరికాన్ని తగ్గించవచ్చని, ప్రపంచ బ్యాంకు కూడా భారతదేశానికి అభిమానిగా మారిందని ప్రధాని అన్నారు.వైరల్ అవుతున్న ఆర్జేడీ అధినేత లాలూ ప్రసాద్ యాదవ్ చిత్రంపై ప్రధాని మోదీ తొలిసారిగా స్పందించారు. ఆర్జేడీ బాబాసాహెబ్ అంబేద్కర్‌ను తన పాదాల వద్ద ఉంచుకుంటుందని ఆయన అన్నారు. మోదీ ఆయనను తన హృదయంలో ఉంచుకుంటారని అన్నారు. బాబాసాహెబ్ అవమానాన్ని బీహార్ సహించదన్నారు. “నేను నిన్ననే విదేశాల నుండి తిరిగి వచ్చాను. ఈ పర్యటన సందర్భంగా చాలా మంది నాయకులతో మాట్లాడాను, అందరు నాయకులు భారతదేశ అభివృద్ధిని చూసి చాలా ఆకట్టుకున్నారు. భారతదేశం మూడవ అతిపెద్ద ఆర్థిక శక్తిగా మారుతుందని వారు చూస్తున్నారు. ఇందులో బీహార్ చాలా పెద్ద పాత్ర పోషించబోతోంది” అని ప్రధానమంత్రి అన్నారు.కాంగ్రెస్, ఆర్జేడీలను లక్ష్యంగా చేసుకుని ప్రధాని మోదీ ఘాటు విమర్శలు చేశారు. చెయ్యి, లాంతరు వ్యక్తులు కలిసి బీహార్ గౌరవాన్ని దెబ్బతీశారని ప్రధాని అన్నారు. ఈ వ్యక్తులు కలిసి దోపిడీకి పాల్పడ్డారని, పేదరికం బీహార్ దురదృష్టకరంగా మారిందని అన్నారు. అనేక సవాళ్లను అధిగమించిన తర్వాత, సీఎం నితీష్ నాయకత్వంలో బీహార్‌ను తిరిగి అభివృద్ధి బాటలోకి తీసుకువచ్చామని అన్నారు. “బీహార్ ప్రజలకు విశ్వాసం కలిగించడానికి వచ్చాను, మేము చాలా చేసి ఉండవచ్చు, చేస్తున్నాము, చేస్తూనే ఉంటాము, కానీ దీని తర్వాత మౌనంగా ఉండే వ్యక్తి మోదీ కాదు. బీహార్ కోసం ఇంకా చాలా చేయాలి. గత 10 సంవత్సరాలలో, బీహార్‌లో 55 వేల కిలోమీటర్ల గ్రామీణ రోడ్లు నిర్మించడం జరిగింది. 1.5 కోట్లకు పైగా ఇళ్లకు విద్యుత్ సరఫరాతోపాటు 1.5 కోట్ల మందికి నీటి కనెక్షన్ ఇవ్వడం జరిగింది’’ అని ప్రధాని మోదీ స్పష్టం చేశారు.‘‘మన దేశం గరీబీ హఠావో నినాదాలను చాలాసార్లు విన్నదని ప్రధానమంత్రి అన్నారు. కానీ మీరు మాకు అవకాశం ఇచ్చినప్పుడు, పేదరికాన్ని కూడా తగ్గించవచ్చని ఎన్డీఏ ప్రభుత్వం చూపించింది. గత దశాబ్దంలో, రికార్డు స్థాయిలో 25 కోట్ల మంది భారతీయులు పేదరికాన్ని ఓడించారు. ప్రపంచ బ్యాంకు వంటి ప్రపంచ ప్రఖ్యాత సంస్థలు భారతదేశం సాధించిన ఈ గొప్ప విజయాన్ని ప్రశంసిస్తున్నాయి. కాంగ్రెస్-ఆర్జేడీ పాలనలో, పేదలకు ఇళ్ళు రాలేదు. చికిత్స లేదు, విద్య లేదు, విద్యుత్ లేదు, గ్యాస్ కనెక్షన్ లేదు, ఉద్యోగం లేదు. పేదరిక నిర్మూలన కలను వారికి చూపించడం ద్వారా, వారి స్వంత కుటుంబాలు లక్షాధికారులు అయ్యాయి’’ అని ప్రధాని మోదీ అన్నారు. ఇప్పటివరకు 4 కోట్ల మందికి శాశ్వత గృహాలు లభించాయని ప్రధాని అన్నారు. సివాన్‌లో 1 లక్ష మందికి పైగా శాశ్వత గృహాలు లభించాయని అన్నారు. మా ప్రభుత్వం ఉచిత రేషన్, విద్యుత్, నీటి సౌకర్యాలను కూడా అందిస్తోందని తెలిపారు.ఆర్జేడీ-కాంగ్రెస్ చర్యలు బీహార్ వ్యతిరేకమని ప్రధాని అన్నారు. ఈ వ్యక్తులు అభివృద్ధి గురించి మాట్లాడినప్పుడల్లా, దుకాణాలు పరిశ్రమలు మూసివేయటం ప్రజలు చూస్తారు, అందుకే వారు బీహార్ యువత హృదయాల్లో ఎప్పటికీ స్థానం సంపాదించుకోలేరన్నారు. “మేము సబ్కా సాథ్, సబ్కా వికాస్ అని అంటాము, కానీ లాంతర్లు ఉన్నవారు పరివార్ కా సాథ్, పరివార్ కా వికాస్ అని అంటారు ” అని ప్రధాని మోదీ ఎద్దేవా చేశారు

ఆర్జేడీ-కాంగ్రెస్‌ కూటమిపై నిప్పులు చెరిగిన ప్రధాని నరేంద్ర మోదీ

అంబేద్కర్ నికాళ్ల దగ్గర పెడతారా.. మేము హృదయంలో ఉంచుకుంటాం..

లాలుకు మోడీ కౌంటర్
ప్రజా క్షేత్ర్, పాట్నా, జూన్ 20 :
మరో ఆరు నెలల్లో అసెంబ్లీ ఎన్నికలు జరగబోతున్న బీహార్‌పై ప్రధానమంత్రి నరేంద్ర మోదీ ఫోకస్‌ పెంచారు. సివాన్‌లో భారీ సభకు హాజరయ్యారు. పలు అభివృద్ది కార్యక్రమాలను ప్రారంభించారు. పాట్నా-గోరఖ్‌పూర్‌ వందేభారత్‌ ఎక్స్‌ప్రెస్‌ను ప్రారంభించారు. ఎన్డీఏ కూటమి తరపున ప్రచారం చేస్తున్నారు మోదీ. ఈ సభకు బిహార్‌ ముఖ్యమంత్రి నితీష్‌కుమార్‌ పాల్గొన్నారు. దాదాపు రూ. 10 వేల కోట్ల అభివృద్ది పనులను ప్రధాని మోదీ శ్రీకారం చుట్టారు.ఆర్జేడీ-కాంగ్రెస్‌ కూటమిపై నిప్పులు చెరిగారు ప్రధాని నరేంద్ర మోదీ. హస్తం పార్టీ , లాంతర్‌ పార్టీ కలిసి బీహార్‌లో అధికారం లోకి వచ్చి రాష్ట్రాన్ని మరోసారి సర్వనాశనం చేసేందుకు కుట్ర చేస్తున్నాయని ఆరోపించారు. ఆర్జేడీ అంబేద్కర్‌ను అవమానించిందని ప్రధాని మోదీ గుర్తు చేశారు. ఆర్జేడీ-కాంగ్రెస్‌ కలిసి బీహార్‌ ఆత్మగౌరవాన్ని దెబ్బతీశాయని మండిపడ్డారు. ఆర్జేడీ , కాంగ్రెస్‌ నేతలు అంబేద్కర్‌ ఫోటోను తమ కాళ్ల దగ్గర పెట్టుకున్నారని, కాని అంబేద్కర్‌ తన హృదయంలో ఉన్నారని అన్నారు. వేల కోట్ల రూపాయల విలువైన ప్రాజెక్టులకు ఈ వేదిక నుంచి పునాది రాయి వేశామని ప్రధాని మోదీ అన్నారు. ఈ అభివృద్ధి ప్రాజెక్టులన్నీ బీహార్‌ను ఉజ్వల భవిష్యత్తు వైపు తీసుకెళ్తాయన్నారు. ఈ ప్రాజెక్టులు ప్రతి సమాజ జీవితాన్ని సులభతరం చేస్తాయి. అలాగే, పేదరికాన్ని తగ్గించవచ్చని, ప్రపంచ బ్యాంకు కూడా భారతదేశానికి అభిమానిగా మారిందని ప్రధాని అన్నారు.వైరల్ అవుతున్న ఆర్జేడీ అధినేత లాలూ ప్రసాద్ యాదవ్ చిత్రంపై ప్రధాని మోదీ తొలిసారిగా స్పందించారు. ఆర్జేడీ బాబాసాహెబ్ అంబేద్కర్‌ను తన పాదాల వద్ద ఉంచుకుంటుందని ఆయన అన్నారు. మోదీ ఆయనను తన హృదయంలో ఉంచుకుంటారని అన్నారు. బాబాసాహెబ్ అవమానాన్ని బీహార్ సహించదన్నారు. “నేను నిన్ననే విదేశాల నుండి తిరిగి వచ్చాను. ఈ పర్యటన సందర్భంగా చాలా మంది నాయకులతో మాట్లాడాను, అందరు నాయకులు భారతదేశ అభివృద్ధిని చూసి చాలా ఆకట్టుకున్నారు. భారతదేశం మూడవ అతిపెద్ద ఆర్థిక శక్తిగా మారుతుందని వారు చూస్తున్నారు. ఇందులో బీహార్ చాలా పెద్ద పాత్ర పోషించబోతోంది” అని ప్రధానమంత్రి అన్నారు.కాంగ్రెస్, ఆర్జేడీలను లక్ష్యంగా చేసుకుని ప్రధాని మోదీ ఘాటు విమర్శలు చేశారు. చెయ్యి, లాంతరు వ్యక్తులు కలిసి బీహార్ గౌరవాన్ని దెబ్బతీశారని ప్రధాని అన్నారు. ఈ వ్యక్తులు కలిసి దోపిడీకి పాల్పడ్డారని, పేదరికం బీహార్ దురదృష్టకరంగా మారిందని అన్నారు. అనేక సవాళ్లను అధిగమించిన తర్వాత, సీఎం నితీష్ నాయకత్వంలో బీహార్‌ను తిరిగి అభివృద్ధి బాటలోకి తీసుకువచ్చామని అన్నారు. “బీహార్ ప్రజలకు విశ్వాసం కలిగించడానికి వచ్చాను, మేము చాలా చేసి ఉండవచ్చు, చేస్తున్నాము, చేస్తూనే ఉంటాము, కానీ దీని తర్వాత మౌనంగా ఉండే వ్యక్తి మోదీ కాదు. బీహార్ కోసం ఇంకా చాలా చేయాలి. గత 10 సంవత్సరాలలో, బీహార్‌లో 55 వేల కిలోమీటర్ల గ్రామీణ రోడ్లు నిర్మించడం జరిగింది. 1.5 కోట్లకు పైగా ఇళ్లకు విద్యుత్ సరఫరాతోపాటు 1.5 కోట్ల మందికి నీటి కనెక్షన్ ఇవ్వడం జరిగింది’’ అని ప్రధాని మోదీ స్పష్టం చేశారు.‘‘మన దేశం గరీబీ హఠావో నినాదాలను చాలాసార్లు విన్నదని ప్రధానమంత్రి అన్నారు. కానీ మీరు మాకు అవకాశం ఇచ్చినప్పుడు, పేదరికాన్ని కూడా తగ్గించవచ్చని ఎన్డీఏ ప్రభుత్వం చూపించింది. గత దశాబ్దంలో, రికార్డు స్థాయిలో 25 కోట్ల మంది భారతీయులు పేదరికాన్ని ఓడించారు. ప్రపంచ బ్యాంకు వంటి ప్రపంచ ప్రఖ్యాత సంస్థలు భారతదేశం సాధించిన ఈ గొప్ప విజయాన్ని ప్రశంసిస్తున్నాయి. కాంగ్రెస్-ఆర్జేడీ పాలనలో, పేదలకు ఇళ్ళు రాలేదు. చికిత్స లేదు, విద్య లేదు, విద్యుత్ లేదు, గ్యాస్ కనెక్షన్ లేదు, ఉద్యోగం లేదు. పేదరిక నిర్మూలన కలను వారికి చూపించడం ద్వారా, వారి స్వంత కుటుంబాలు లక్షాధికారులు అయ్యాయి’’ అని ప్రధాని మోదీ అన్నారు. ఇప్పటివరకు 4 కోట్ల మందికి శాశ్వత గృహాలు లభించాయని ప్రధాని అన్నారు. సివాన్‌లో 1 లక్ష మందికి పైగా శాశ్వత గృహాలు లభించాయని అన్నారు. మా ప్రభుత్వం ఉచిత రేషన్, విద్యుత్, నీటి సౌకర్యాలను కూడా అందిస్తోందని తెలిపారు.ఆర్జేడీ-కాంగ్రెస్ చర్యలు బీహార్ వ్యతిరేకమని ప్రధాని అన్నారు. ఈ వ్యక్తులు అభివృద్ధి గురించి మాట్లాడినప్పుడల్లా, దుకాణాలు పరిశ్రమలు మూసివేయటం ప్రజలు చూస్తారు, అందుకే వారు బీహార్ యువత హృదయాల్లో ఎప్పటికీ స్థానం సంపాదించుకోలేరన్నారు. “మేము సబ్కా సాథ్, సబ్కా వికాస్ అని అంటాము, కానీ లాంతర్లు ఉన్నవారు పరివార్ కా సాథ్, పరివార్ కా వికాస్ అని అంటారు ” అని ప్రధాని మోదీ ఎద్దేవా చేశారు

ప్రజా క్షేత్ర్, వెబ్ న్యూస్ : 

అహ్మదాబాద్ ఎయిర్ ఇండియా విమానం కూలిపోయిన ఘటన మరువకముందే ఉత్తరాఖండ్ హెలికాప్టర్ ప్రమాదం మరో విషాదంగా మారింది.ఉత్తరాఖండ్‌లోని కేదార్‌నాథ్ ధామ్ సమీపంలో జరిగిన హెలికాప్టర్ ప్రమాదం దేశవ్యాప్తంగా షాక్ కు గురించేసిన విషయం విధితమే. ఆదివారం ఉదయం 5:30 గంటల సమయంలో, కేదార్‌నాథ్ నుంచి గుప్తకాశీకి బయలుదేరిన ఒక హెలికాప్టర్ గౌరీకుండ్ సమీపంలోని అడవుల్లో కుప్పకూలింది. ఈ ఘటనలో పైలట్‌తో సహా ఏడుగురు ప్రాణాలు కోల్పోయారు. ఈ హెలికాప్టర్ ఆర్యన్ ఏవియేషన్ ప్రైవేట్ లిమిటెడ్‌కు చెందినదని, ఇది ప్రైవేట్ సర్వీస్ అని అధికారులు పేర్కొన్నారు.

 అత్యాధునిక ఆయుధాలను అందిస్తాం.

కేంద్ర హోంశాఖ సహాయ మంత్రి బండి సంజయ్ కుమార్.

జంషేడ్ పూర్ లో సీఆర్పీఎఫ్ నూతన భవనాలను ప్రారంభించిన బండి సంజయ్
ప్రజా క్షేత్ర్, వెబ్ న్యూస్ :
జమ్మూ కాశ్మీర్‌ సహా దేశంలోని ఉగ్రవాదం, వేర్పాటువాదం ఈశాన్య రాష్ట్రాల్లో తీవ్రవాదంతోపాటు మావోయిస్టుల ఏరివేతలో సీఆర్పీఎఫ్ బలగాలు చూపుతున్న తెగువ అద్బుతమని కేంద్ర హోంశాఖ సహాయ మంత్రి బండి సంజయ్ కుమార్ అన్నారు.  దేశంలోని అంతర్గత శాంతి భద్రతలను పరిరక్షించడంలో సీఆర్పీఎఫ్ ప్రధాన పాత్ర పోషిస్తోందన్నారు. దేశ అంతర్గత భద్రత విషయంలో సీఆర్పీఎఫ్ బలగాల త్యాగాలను వెలకట్టలేనివని అభివర్ణించారు. రాంచిలోని బిర్సాముండా విమానాశ్రయానికి విచ్చేసిన కేంద్ర మంత్రి బండి సంజయ్ అక్కడి నుండి బిఎస్ఎఫ్, హెలికాప్టర్ ఎం ఐ 17, లో జంషేడ్ పూర్ వెళ్లారు. విప్లవ వీరుడు బిర్సా ముండా విగ్రహానికి పూలమాల వేసి నివాళులు అర్పించారు. అక్కడి నుండి సీఆర్పీఎఫ్ కేంద్రానికి వెళ్లిన బండి సంజయ్ నూతనంగా నిర్మించిన పలు సీఆర్పీఎఫ్ భవనాలను ప్రారంభించారు. అందులో 480 టైప్-2 మరియు 24 టైప్-3 కుటుంబ నివాస గృహాలు, 20 పడకల ఆసుపత్రి, స్టోర్ బిల్డింగ్, ట్రేడ్స్‌మెన్ షాప్, 180 మందికి గల మెన్ బ్యారక్ లు ఉన్నారు.  ఈ సందర్భంగా  నిర్వహించిన కార్యక్రమంలో స్థానిక ఎంపీ విద్యుత్ బరణ్ మహతో అదనపు డీజీ అమిత్ కుమార్, ఐపీఎస్ అధికారులు శాలినీ, సాకేత్ కుమార్ తోపాటు పలువురు పోలీసు సీనియర్ అధికారులు పాల్గొన్నారు. అహ్మదాబాద్ విమాన ప్రమాదంలో దుర్మరణం పాలైనవారికి సంతాపం తెలుపుతూ 2 నిమిషాలు మౌనం పాటించారు.సిఆర్.పీ.ఎఫ్. జవాన్లు తమ కుటుంబాలకు దూరంగా ఉంటూ దేశ భద్రత కోసం, ప్రత్యేకించి తీవ్రమైన దుర్భర ప్రాంతాల్లో  విధులు నిర్వహిస్తూ మాతృభూమికి అందిస్తున్న సేవలు వెలకట్టలేనివి. వారి సేవలను ద్రుష్టిలో ఉంచుకుని  జవాన్లకు, అధికారులకు వారి కుటుంబాలతో నివసించేందుకు వీలుగా గృహ నిర్మాణాల్ని నిర్మిస్తున్నాం. ఈ గ్రుహ నిర్మాణాల సంఖ్యను పెంచేందుకు ప్రభుత్వం నిరంతరం కృషి చేస్తోంది. అందులో భాగంగానే జంషేడ్ పూర్ లోని సీఆర్పీఎఫ్ గ్రూప్ కేంద్రంలో 165 ఎకరాల విస్తీర్ణంలో నిర్మితమైన 480 టైప్-2,  24 టైప్-3 కుటుంబ ఆవాసాలతోపాటు భండార్  భవనం, ట్రేడ్స్‌మెన్ షాప్, 20 బెడ్ల ఆసుపత్రి, అధికారుల మెస్, 180 మందికి సరిపడా మెయిన్ బ్యారక్ లను నిర్మించడంతోపాటు  నా చేతుల ద్వారా వాటిని ప్రారంభించడాన్ని గర్వంగా భావిస్తున్నాను. విధుల్లో ఉన్న సీఆర్పీఎఫ్ జవాన్లు, అధికారులు తమ కుటుంబాలను సురక్షిత వాతావరణంలో ఉంచి, పిల్లలకు మంచి విద్య అందించడంలో వీలు కల్పించి, ఎటువంటి ఆందోళన లేకుండా దేశ సేవలో మునిగిపోవడానికి ఈ రెసిడెన్షియల్ క్వార్టర్స్ ఎంతగానో ఉపయోగపడతాయి.

అస్ట్రో శర్మిష్ట ..

ప్రజా క్షేత్ర్, హైదరాబాబ్, జూన్ 13 :
అహ్మదాబాద్ ఎయిర్‌పోర్టు నుంచి 242 మందితో లండన్‌లోని గాట్విక్‌ ఎయిర్‌పోర్ట్‌కు బయలుదేరింది ఎయిరిండియా విమానం. మధ్యాహ్నం 1.17 నిమిషాలకు టేకాఫ్ తీసుకుని 2 నిమిషాల్లోనే మేఘానిలోని గుజ్‌సెల్‌ విమానాశ్రయ సమీపంలో కుప్పకూలింది. భారీ పేలుడు కారణంగా దట్టమైన పొగలు వ్యాపించాయి. గురువారం మధ్యాహ్నం సంభవించిన ఈ ఘోర విమాన దృశ్యాలు అందరి హృదయాలను కలచివేస్తున్నాయి. అయితే ఈ విమాన ప్రమాదంపై ఓ మహిళ ఆరు నెలల ముందే ట్వీట్ చేసింది. ప్రస్తుతం ఇంటర్నెట్‌లో ఆ ట్వీట్‌ వైరల్ అవుతోంది.ఈ ప్రమాదాన్ని ‘ఆస్ట్రో షర్మిష్టా’ అనే మహిళ డిసెంబర్ 29, 2024లోనే ట్వీట్ చేసింది. ‘2025లో ఏవియేషన్ వృద్ది అద్భుతంగా ఉంటుంది. కాకపోతే సేఫ్టీ, సెక్యురిటీ పరంగా ఇబ్బందులు ఉంటాయి. అలాగే, విమానం కూలింది అనే బ్రేకింగ్ వార్తలు మనల్ని కలిచి వేస్తాయి’. అని ఆ మహిళ 6 నెలలకు ముందే అంచనా వేసి చెప్పింది. అలాగే జూన్ 5, 2025న కూడా ఇదే ట్వీట్‌ను రీ-ట్వీట్ చేస్తూ.. ‘ఓ విమాన ప్రమాదం జరుగుతుందని.. అది విమానయాన సంస్థను 2025లో నాశనం చేస్తుందని గట్టిగా అంచనా వేస్తున్నట్టు మళ్లీ చెప్పుకొచ్చింది’. ప్రస్తుతం ఆ మహిళ ట్వీట్లు వైరలవుతున్నాయి.

ఎవరు రక్తదానం చేయాలి :
18 నుంచి 65 సంవత్సరాల లోపు ఉండి 45 కిలోల కంటే బరువు ఎక్కువగా ఉన్న ఆరోగ్యవంతులు రక్తదానం చేయవచ్చు. గతంలో రక్తదానం చేసి ఉంటే మూడు నెలల తర్వాత  తిరిగి చేయవచ్చును. రక్తపోటు సాధారణ స్థితిలో ఉన్నవారు, గుండె జబ్బులు లేనివారు రక్తదానం చేయవచ్చును. రక్తదానం చేసినా చేయకపోయినా ప్రతి మనిషి రక్తoలోని జీవకణాల జీవిత కాలము నాలుగు నెలలు మాత్రమే. రక్తదానం చేసిన తర్వాత 24 గంటల లోగా ప్లాస్మా ఏర్పడుతుంది. నాలుగు వారాల్లోగా జీవ కణాలు ఏర్పడతాయి.
రక్త మార్పిడి ఎందుకు?
                రక్తంలో భాగంగా ఉండే కొన్ని అంశాలు తగ్గిన, శరీరంలో తగినంత రక్తం లేకపోయినా, రక్త మార్పిడి అవసరము. మన రాష్ట్రంలో అత్యవసరంగా రక్తాన్ని ఎక్కించాల్సిన కేసులు ఎక్కువ కావడం గమనార్హం. రక్తం అవసరమైన వారి సంఖ్య రోజురోజుకు పెరుగుతుంది. రోడ్డు ప్రమాదాలలో గాయపడిన వారికి, రక్తహీనతతో బాధపడే వారికి, సికిల్ సెల్, తల సేమియా వంటి జన్యు సంబంధ వ్యాధులకు గురైనప్పుడు రక్తమార్పిడి తప్పనిసరి. తల సేమియా వ్యాధిగ్రస్తులకు హిమోగ్లోబిన్ తయారయ్యే జన్యువులు లోపిస్తాయి. వీరికి ప్రతి 20 రోజులకోసారి రక్త మార్పిడి జరగాలి. సికిల్ సెల్, అనీమియా వ్యాధిగ్రస్తులకు ఎర్ర రక్త కణాలు కొడవలి ఆకారంలోకి మారిపోయి రక్తప్రసరానికి ఆక్సిజన్ సరఫరాకు పనికి రాకుండా పోతాయి. కొంతమంది స్త్రీలలో ప్రసవం తర్వాత పోస్ట్ పార్టం హేమరేజ్ అనే సమస్య వస్తుంది. ఫలితంగా రక్తస్రావ సమస్యకు గురవుతారు. అలాంటి వారికి రక్తమార్పిడి అవసరం అవుతుంది.
రక్తము రకాలు:
                రక్తంలో నాలుగు గ్రూపులుంటాయి. ఏ, బి, ఓ, ఏబి ఆర్హెచ్ పాజిటివ్ లు, నాలుగు ఓ ప్లస్,  ఎ ప్లస్, బి ప్లస్, ఏ బి ప్లస్ లు ఉంటాయి. ఆర్ హెచ్ నెగిటివ్ లు నాలుగు ఓ మైనస్, ఏమైనస్, బి మైనస్, ఏ బి మైనస్ గ్రూపుల వారు. నాలుగు గ్రూపుల వారికి రక్తదానం చేసే అవకాశం
ఉంటుంది. దేశ జనాభాలో రక్తము 1%ఒకటి నుంచి1.5% వరకు అవసరము అవుతుందని సర్వే రిపోర్ట్ లు తెలియజేస్తున్నాయి. కానీ రక్త సేకరణ మాత్రము 0.80% వరకు రక్తాన్ని సేకరిస్తున్నారు. అంటే మన జనాభాలో 0.20% మంది రక్తం దొరకగా మృత్యువాత పడుతున్నారని గణాంకాలు చెప్తున్నాయి. దీనిని బట్టి రక్తదాన ఆవశ్యకత ఎంత ఉందో అర్థం చేసుకోవచ్చు. దేశ జనాభాలో ప్రతి వంద మందిలో 400 నుంచి 450 మందికి ఓ ప్లస్ రక్తము, 200 నుంచి 250 మందికి  ఏ ప్లస్ రక్తము, 200 నుంచి 250 మందికి బి ప్లస్ రక్తము, 70 నుంచి 80 మందికి ఏబి ప్లస్ రక్తము, ఒక శాతం చొప్పున నెగటివ్ గ్రూప్ రక్తము ఉంటుంది.
ఎర్ర రక్త కణాలు:
                 రక్తంలో 40- 45 శాతం ఉంటాయి. ఊపిరితిత్తుల నుంచి శరీరంలోని కణాలన్నిoటికీ  ఆక్సిజన్ తీసుకువెళ్తాయి. తిరిగి కార్బన్డయాక్సైడ్ ను ఊపిరితిత్తులకు మోసుకు వస్తాయి. రక్తము నుంచి వేరు చేసిన తర్వాత 30-35 రోజుల వరకు నిల్వ ఉంటాయి. వ్యాధులు రాకుండా రక్షించేది మాత్రం తెల్ల రక్త కణాలే.
ప్లాస్మా:
                రక్తంలో 55 నుంచి 60 శాతం వరకు ప్లాస్మాకణాలు ఉంటాయి. రక్తంలో ఉండే ద్రవరూపము ప్లాస్మా. ప్లాస్మాలో 92 శాతం నీరు, ఏడు శాతం ప్రోటీన్లు, ఒక శాతం ఖనిజాలు ఉంటాయి. దీని రక్తం నుంచి వేరు చేసిన తర్వాత ఒక ఏడాది వరకు నిల్వ చేయవచ్చు.
ప్లేట్లెట్స్ (రక్త కణాలు):
                రక్తము గడ్డ కట్టడానికి, వీటి పరిమాణం తగ్గితే రక్తస్రావాన్ని ఆపడం కష్టం. ప్లేట్లెట్స్ కణాలను తీసిన రోజే అవసరమైన వారికి ఎక్కిస్తారు.
క్రయోప్రెసిపిటెట్ (ఫ్యాక్టర్-8):
                 హిమోఫిలియా ఉన్నవారికి దీనిని ఎక్కిస్తారు. దీనికి  గడ్డ కట్టించే స్వభావం ఉంటుంది.
రక్తదానం చేయాలనుకుంటే :
                హైదరాబాద్ నగరంలో సుమారు 150 కి పైగా రక్తనిధి కేంద్రాలున్న రక్తనిది సేకరణకు ప్రభుత్వ ఆసుపత్రులలో గల రక్తనిధి కేంద్రాలకుగాని, రెడ్ క్రాస్ రక్తనిధి కేంద్రాలకుగాని, అనుమతి పొందిన రక్త నిధి కేంద్రాలకు మాత్రమే ప్రభుత్వం సేకరణకు అనుమతినిచ్చింది..
రక్తం అవసరమైతే:
                రక్తం అవసరమైన వ్యక్తులు నగరంలోని అనుమతి పొందిన రక్తం కేంద్రాల నుంచి రక్తాన్ని తీసుకోవాలి. ప్రభుత్వ, రెడ్ క్రాస్ రక్తనిధి కేంద్రంలో తలసేమియా వ్యాధిగ్రస్తులకు ఉచితంగానూ మిగిలిన వ్యక్తులకు ఏ గ్రూపు రక్తం అయినా 1050 రూపాయలకు ఇస్తారు.

ప్రజా క్షేత్ర్, రాయచోటి :

ప్రధానమంత్రి సూర్య ఘర్ పథకం క్రింద 03 కిలోవాట్ల పవర్ కు కేంద్ర ప్రభుత్వం ద్వారా 78 వేల రూపాయల రాయితీ ఇవ్వబడుతుందని, ఒక కిలో వాట్ పవర్ సోలార్ ఇన్స్టాలేషన్ ద్వారా 120 విద్యుత్ యూనిట్ల ఉత్పత్తి జరుగుతుందని జిల్లా కలెక్టర్ శ్రీధర్ చామకూరి పేర్కొన్నారు. బీసీ వర్గాలకు రాష్ట్ర ప్రభుత్వం ద్వారా అదనంగా 20 వేల రూపాయల రాయితీ ఇవ్వబడుతుందని, ఎస్సీ ఎస్టీలకు ఉచితంగా సోలార్ విద్యుత్ అందించే పాలసీ రూపకల్పన జరగనుందని తెలిపారు. గురువారం రాయచోటి కలెక్టరేట్లోని వీడియో కాన్ఫరెన్స్ హాల్లో విద్యుత్ శాఖ ఎస్ ఈ, ఈఈలు, నెడ్‌క్యాప్ సిబ్బంది, జిల్లాలో సోలార్ ఇన్స్టాల్ చేసే వెండర్లు, ఎంపీడీవోలు, తదితరులతో అన్నమయ్య జిల్లాలో సీఎం సూర్య ఘర్ పథకం అమలుపై సమీక్ష సమావేశాన్ని నిర్వహించారు. ఈ సందర్భంగా జిల్లా కలెక్టర్ శ్రీధర్ చామకూరి మాట్లాడుతూ ప్రధానమంత్రి సూర్య ఘర్ ముఫ్తీ బిజిలి యోజన పథకాన్ని కేంద్ర ప్రభుత్వం వారు ఫిబ్రవరి 2024 లో ప్రారంభించారని, ఈ పథకం ద్వారా  ప్రజలు తమ ఇళ్లపై సోలార్ ప్యానల్ ను ఇన్స్టాల్ చేసుకుని సోలార్ విద్యుత్తును వాడుకోవచ్చు అన్నారు. జిల్లా విద్యుత్ శాఖ, సోలార్ పవర్ ఇన్స్టాలేషన్ వెండర్లు మరియు నెడ్కాప్ వారు సమన్వయంగా రూపొందించిన పవర్ పాయింట్ ప్రజెంటేషన్ లో ప్రధానమంత్రి సూర్య ఘర్ పథకం కింద సోలార్ పవర్ ను ఇన్స్టాల్ చేసుకునే లబ్ధిదారులకు ఏ మేరకు రాయితీ ఇవ్వబడుతుంది మరియు ఇతర అంశాలపై ప్రజలందరికీ అర్థమయ్యే విధంగా వివిధ అంశాలు పేర్కొన్నారని దానిని ఉపయోగించుకొని జిల్లాలో రిజిస్ట్రేషన్లు చేయించాలని అధికారులను ఆదేశించారు. బ్యాంకుల ద్వారా లోను తీసుకుని సోలార్ పవర్ ను ఇన్స్టాల్ చేయించుకోవాలనుకునేవారు ఎల్డీఎం మరియు డిఆర్డిఏ లను సంప్రదించే విధంగా ప్రజలకు తెలియజేయాలన్నారు. ఒక కిలోవాట్ సోలార్ పవర్ ను ఇన్స్టాల్ చేసుకుంటే 120 యూనిట్ల వరకు విద్యుత్ ను వాడుకోవచ్చని తద్వారా దాదాపు 640 రూపాయల విద్యుత్ చార్జీ తగ్గుతుందన్నారు. జిల్లాలో పీఎం సూర్యఘర్ పథకం ద్వారా సోలార్ పవర్ ఇన్స్టాల్ చేసుకోవాలనుకునే రిజిస్ట్రేషన్లు పెరగాలని విద్యుత్ శాఖ సిబ్బందిని, ఎంపీడీవోలు, మున్సిపల్ కమిషనర్లను ఆదేశించారు. ఎస్సీ, ఎస్టీ లబ్ధిదారులకు ఉచితంగా సోలార్ విద్యుత్తు అందించే విధంగా ప్రత్యేకంగా నూతన విధానాన్ని తీసుకురానున్నందున బీసీలు మరియు ఓసీల మీద దృష్టి సారించాలని వారి దగ్గర నుండి వీలైనన్ని ఎక్కువ రిజిస్ట్రేషన్లు చేయించాలని ఆదేశించారు. ఈ సమావేశంలో ఎస్పీడీసీఎల్ శాఖ ఎస్ ఇ చంద్రశేఖర్ రెడ్డి, ఈఈలు, డీఈలు, ఎంపీడీవోలు మున్సిపల్ కమిషనర్లు తదితరులు పాల్గొన్నారు.ఆవులు దూడలు, ఒంటెల వధ నిషేధం చట్టరీత్యా నేరమని, ఉల్లంఘించిన వారిపై జంతు హింస నివారణ చట్టం ప్రకారం క్రిమినల్ చర్యలు తీసుకోబడతాయని జిల్లా కలెక్టర్ శ్రీధర్ చామకూరి పేర్కొన్నారు.  రాయచోటి కలెక్టరేట్లోని తన చాంబర్లో జిల్లా కలెక్టర్ శ్రీధర్ చామకూరి పశుసంవర్ధక శాఖ... "ఆవులు దూడలు, ఒంటెల వధ నిషేధం చట్టరీత్యా నేరం" అనే అంశంపై రూపొందించిన గోడ పత్రికను ఆవిష్కరించారు. ఈ సందర్భంగా జిల్లా కలెక్టర్ మాట్లాడుతూ ఆవులు దూడలు  ఒంటెల వధ నిషేధం అని, ఈ ఆదేశాలను ఉల్లంఘించిన వారిపై జంతు హింస నివారణ చట్టం 1960 ఆంధ్రప్రదేశ్ గోవధ నిషేధము మరియు పశు సంరక్షణ చట్టం 1977ల ప్రకారం క్రిమినల్ చర్యలు తీసుకోబడతాయని పేర్కొన్నారు. ఈ కార్యక్రమంలో జిల్లా పశుసంవర్ధక శాఖ అధికారి గుణశేఖర్ పిళ్ళై పాల్గొన్నారు.రాష్ట్ర ప్రభుత్వం ప్రతిష్టాత్మకంగా అమలు చేస్తున్న చౌక దుకాణాల ద్వారా నిత్యావసర వస్తువుల పంపిణీని సక్రమంగా నిర్వహించాలని, తూకాల్లో ఏమాత్రం తేడా వచ్చినా.ఒక్క గ్రాము తగ్గినా కూడా చర్యలు తప్పవని జిల్లా కలెక్టర్ శ్రీధర్ చామకూరి అధికారులకు సూచించారు.గురువారం పుల్లంపేట మండలం ఎగువ రెడ్డిపల్లి 8ఏ చౌక దుకాణాన్ని ఆకస్మికంగా తనిఖీ చేసి నిత్యవసర వస్తువుల పంపిణీని పరిశీలించిన జిల్లా కలెక్టర్ శ్రీధర్ చామకూరి.ఈ సందర్భంగా చౌక దుకాణం ఏయే సమయాల్లో నిర్వహిస్తున్నారు, ఆ దుకాణం పరిధిలో ఎంతమంది లబ్ధిదారులు ఉన్నారు, ఇప్పటివరకు ఎంతమందికి నిత్యావసర వస్తువులు పంపిణీ చేశారు, అలాగే ఆ చౌక దుకాణం పరిధిలో 65 ఏళ్లు పైబడిన వృద్ధులు ఎంతమంది ఉన్నారు, ఇప్పటివరకు ఎంతమందికి ఇంటింటికి డోర్ డెలివరీ చేశారు తదితర వివరాలను కలెక్టర్ ఆరా తీశారు.

ప్రభుత్వం నిర్దేశించిన సమయాలలో ఉదయం సాయంత్రం తప్పనిసరిగా చౌక దుకాణంను నిర్వహిస్తున్నామని, ఆ చౌక దుకాణం పరిధిలో 65 ఏళ్లు పైబడిన వృద్ధులు 37 మంది ఉన్నట్లు తహసిల్దార్ అరవింద కిషోర్ కలెక్టర్ కు వివరించారు. వస్తువుల పంపిణీ సందర్భంగా.. తూకంలో ఏ మాత్రం తేడా రాకూడదని, లబ్ధిదారుకు ఒక్క గ్రాము తక్కువ ఇచ్చినా కూడా తప్పనిసరిగా చర్యలు తీసుకుంటామని, అలాగే 65 ఏళ్లు పైబడిన వృద్ధులకు దివ్యాంగులకు ఇంటి వద్దకే తప్పనిసరిగా నిత్యావసర వస్తువులను డోర్ డెలివరీ చేయాలని చౌక దుకాణం డీలర్ కు కలెక్టర్ సూచించారు. అనంతరం ఆ చౌక దుకాణం పరిధిలోని అనంతంపల్లిలో  నివసించే 65 ఏళ్లు వయసు పైబడిన కే.వెంకట సుబ్బమ్మ లబ్ధిదారు ఇంటికి వెళ్లి బియ్యం చక్కెరల వస్తువులను స్వయంగా కలెక్టర్ శ్రీధర్ చామకూరి అందజేశారు.

దేశవ్యాప్తంగా ఒకే షిఫ్ట్లో నీట్-పీజీ 2025ను నిర్వహించాలన్న సర్వోన్నత న్యాయస్థానం ఆదేశాల నేపథ్యంలో జూన్ 15న నిర్వహించదలచిన ఈ పరీక్షను వాయిదా వేయాలని నేషనల్ బోర్డ్ ఆఫ్ ఎగ్జామినేషన్ (ఎన్బీఈ) నిర్ణయించింది. ఒకే షిఫ్ట్లో సుమారు 2.43 లక్షల మంది విద్యార్థులకు పరీక్ష నిర్వహించాలంటే కేంద్రాల సంఖ్యతో పాటు ఇతర మౌలిక సదుపాయాలనూ భారీగా పెంచాల్సి ఉంటుందని ఎన్బీఈ పేర్కొంది. ఇందుకుగాను మరింత సమయం కావాలని సుప్రీంకోర్టుకు విజ్ఞప్తి చేసింది. పరీక్ష నిర్వహణకు సాంకేతిక భాగస్వామిగా ఉన్న టాటా కన్సల్టెన్సీ సర్వీసెస్ లిమిటెడ్ (టీసీఎస్) ఆగస్టు 3వ తేదీని సూచించిందని, ఎన్బీఈ వివరిం చింది. రోజున ఉదయం 9 గంటల నుంచి మధ్యాహ్నం 12.30 గంటల వరకు ఒకే షిఫ్ట్లో పరీక్ష నిర్వహించలగమని సుప్రీంకోర్టుకు విన్నవించింది.

ప్రజా క్షేత్ర్, వెబ్ న్యూస్ : 
పాత బజాజ్‌ చేతక్‌ స్కూటర్‌ నడుపుతూ కొడుకు.. వెనుక సీటుపై అమ్మ.. ఒకటీ రెండూ కాదు, ఇలా 98వేల కిలోమీటర్లు తిరిగి తిరుమలకు వచ్చారు ఈ తల్లీకుమారులు. ఉల్లాసంగా ఉత్సాహంగా దూసుకుపోతున్న వీరిని పలకరించినపుడు ఆసక్తికరమైన అనేక సంగతులు పంచుకున్నారు. స్కూటర్‌ నడుపుతున్న దక్షిణామూర్తి కృష్ణకుమార్‌ది మైసూరు. బెంగళూరులోని ఒక కార్పొరేట్‌ సంస్థలో టీం లీడర్‌గా ఉద్యోగం. 2015లో తండ్రి చనిపోవడంతో అమ్మను బెంగళూరుకు తీసుకువచ్చాడు. జీవన సహచరుడ్ని కోల్పోయిన దుఃఖంలోంచి అమ్మను బయటకు తీసుకురావడానికి రోజూ ఆఫీసు నుంచి వచ్చాక ఆలయాల గురించి చెప్పేవాడు. ఆమె ఎంతో ఆసక్తిగా వినేది. ఒకరోజు ఎందుకో.. ' అమ్మా.. నువ్వు ఇప్పటిదాకా ఏయే ఆలయాలు సందర్శించావు?' అని అడిగాడు. నోటితో కాకుండా తొణికిసలాడే కన్నీటితో అమ్మ సమాధానం చెప్పింది. తన సమీపంలో ఉండే ఒక్క ఆలయానికి కూడా ఆమె ఇప్పటిదాకా వెళ్లనేలేదు అని తెలుసుకుని తల్లడిల్లిపోయాడు. 68 ఏళ్ల వయసు వచ్చినా ఇల్లు తప్ప ఆమెకు మరో ప్రపంచం తెలీదు. 'నీకు దేశంలో ఉన్న అన్ని ఆలయాలూ చూపిస్తానమ్మా!' అని కృష్ణకుమార్‌ తల్లికి మాటిచ్చాడు. ఉద్యోగం చేస్తూ అమ్మకి ఆలయాలన్నీ చూపించడం సాధ్యం కాదని అతనికి అర్థమైంది. 2018లోనే రూ.60 వేలు జీతం వచ్చే ఉద్యోగాన్ని వదిలేశాడు. 2018 జనవరి 16న తన బజాజ్‌ స్కూటర్‌ మీదే 'మాతృ సేవా సంకల్ప యాత్ర' ప్రారంభించాడు. కేరళ, తమిళనాడు, పుదుచ్చేరి, ఏపీ, తెలంగాణ, మహారాష్ట్ర, ఛత్తీ్‌సగఢ్‌, ఒడిశా, ఝార్ఖండ్‌, బిహార్‌, పశ్చిమబెంగాల్‌, సిక్కిం, అస్సోం, మేఘాలయ, త్రిపుర, నాగాలాండ్‌, మణిపుర్‌, మిజోరాం, అరుణాచల్‌ప్రదేశ్‌.. ఇలా కన్యాకుమారి నుంచి కాశ్మీర్‌ వరకు ఉన్న ప్రముఖ పుణ్యక్షేత్రాలన్నీ తల్లితో స్కూటర్‌పై తిరుగుతున్నాడు ఈ 45 ఏళ్ల కుమారుడు. నేపాల్‌, భూటాన్‌కూ తల్లితో స్కూటర్‌పైనే వెళ్లాడు. ఇప్పటికి 98,109 కిలోమీటర్లు ప్రయాణించాడు. గురువారం తిరుమలకు చేరుకుని తల్లి చూడరత్నమ్మతో కలిసి శ్రీవారిని దర్శించుకున్నాడు. తన సంకల్పయాత్రకు అవరోధం కాకూడదని కృష్ణకుమార్‌ పెళ్లి కూడా చేసుకోలేదు. ఎందుకీ త్యాగం? అని అడిగితే, 'చనిపోయాక శ్రాద్ధకర్మలు ఘనంగా చేయడం కాదు.. బతికి ఉన్నపుడు సంతోషపెట్టడమే కొడుకుగా నా బాధ్యత' అని సమాధానం ఇచ్చాడు. ఈ సంకల్ప యాత్రలో ప్రయాణిస్తున్నది ఇద్దరు కాదు, ముగ్గురు. అంటూ తన స్కూటర్‌ వైపు మురిపెంగా చూశాడు. 'నాకు 21 ఏళ్ల వయసులో నాన్న ఇచ్చిన కానుక ఇది. దీని మీద తిరుగుతూ ఉంటే నాన్న కూడా మాతోపాటే యాత్రలు చేస్తున్నట్టుగా ఉంది. ఈ యాత్రకు ముగింపు లేదు. అమ్మా నేనూ ఓపిక ఉన్నంతదాకా ఇలా తిరుగుతూనే ఉంటాం. ఒక్కో గుడినీ సందర్శిస్తూ ఉంటే అమ్మ గొప్ప ఆనందం పొందుతోంది. నాకు జన్మనిచ్చిన తల్లికి ఇంతకన్నా ఏవిధంగా రుణం తీర్చుకోగలను?' అని అమ్మను అల్లుకుపోయి ఆనందంగా చెప్పాడు కృష్ణకుమార్‌.

ప్రజా క్షేత్ర్, న్యూ ఢిల్లీ జూన్ 2 : రిజర్వ్ బ్యాంక్ ఆఫ్ ఇండియా (RBI) రూ. 2000 నోట్ల గురించి కీలక ప్రకటన చేసింది. వీటిని మే 19, 2023న ఉపసంహరించాలని నిర్ణయించినప్పటికీ, రెండేళ్ల తర్వాత కూడా ప్రస్తుతం రూ. 6,181 కోట్ల విలువైన నోట్లు ఇంకా ప్రజల వద్ద ఉన్నాయని ఆర్బీఐ డేటా సోమవారం తెలిపింది. ఈ నోట్లు ఇప్పటికీ చెల్లుబాటు అవుతాయని, అంటే వాటిని లావాదేవీల కోసం ఉపయోగించవచ్చని RBI స్పష్టం చేసింది.
నోట్లను ఎలా మార్చుకోవాలి..
2023లో వీటి రద్దు నిర్ణయం ప్రకటించినప్పుడు మొత్తం రూ. 3.56 లక్షల కోట్ల విలువైన రూ. 2000 నోట్లు చలామణిలో ఉన్నాయి. ఆ తర్వాత 2025 మే 31 నాటికి ఈ మొత్తం గణనీయంగా తగ్గి కేవలం రూ. 6,181 కోట్లకు చేరింది. అంటే, 98.26% నోట్లు మాత్రమే ఇప్పటికీ బ్యాంకింగ్ వ్యవస్థకు తిరిగి చేరాయి. మిగిలిన ఆరు వేల కోట్లు ఇంకా ప్రజల వద్దనే ఉన్నాయి. మిగిలిన రూ. 2000 నోట్లను సాధారణ బ్యాంక్ బ్రాంచ్‌లలో డిపాజిట్ చేయడం లేదా మార్చుకోవడం 2023 అక్టోబర్ 7తో ముగిసింది.
పోస్టాఫీస్ ద్వారా..
అయినప్పటికీ, మిగిలిన రూ.2 వేల నోట్లను ఆర్బీఐ 19 కేంద్రాల ద్వారా ఇప్పటికీ స్వీకరిస్తోంది. ఈ ఆఫీసులు దేశవ్యాప్తంగా ఉన్నాయి. కాబట్టి ప్రజలు తమ వద్ద ఉన్న ఈ నోట్లను అక్కడ డిపాజిట్ చేసుకోవచ్చని తెలిపింది. దీంతోపాటు అక్టోబర్ 9, 2023 నుంచి వ్యక్తులు, వ్యాపారస్తులు తమ రూ. 2000 నోట్లను ఇండియా పోస్ట్ ద్వారా RBI ఆఫీసులకు పంపవచ్చని వెల్లడించింది. ఈ నోట్ల విలువను వారి బ్యాంక్ ఖాతాల్లో జమ చేస్తారు. ఈ సౌలభ్యం ప్రజలకు సులభంగా నోట్లను తిరిగి ఇవ్వడానికి ఉపయోగపడుతుంది.
ఎందుకు ఈ ఉపసంహరణ?
రూ.2000 నోట్లను ఉపసంహరించడం వెనుక ఆర్థిక వ్యవస్థలో డబ్బు ప్రవాహాన్ని నియంత్రించడం RBI ఉద్దేశం. ఆర్థిక వ్యవస్థను మరింత పారదర్శకంగా మార్చడంలో భాగంగా నిర్ణయం తీసుకున్నారు. మీ వద్ద రూ. 2000 నోట్లు ఇంకా ఉంటే, వాటిని RBI ఆఫీసులకు ఇండియా పోస్ట్ ద్వారా పంపించండి. ఆ మొత్తం మీ బ్యాంకు ఖాతాలో జమ అవుతుంది. వ్యక్తులే కాదు, వ్యాపార సంస్థలూ ఈ విధంగా మార్చుకోవచ్చు.
ప్రజలు ఎందుకు తిరిగి ఇవ్వలేదు అనడానికి అందుకు అనేక కారణాలు ఉండవచ్చు. కొంతమంది మరచిపోయి ఉండవచ్చు. మరికొంత మందికి సమాచారం తెలియకపోవచ్చు. ఇంకొందరు ఈ నోట్లు వ్యక్తిగతంగా నిల్వ చేసుకుని ఉండవచ్చు. కారణం ఏదైనా సరే, RBI ఇప్పటికీ వాటిని తీసుకునేందుకు అవకాశం ఇస్తోంది. కాబట్టి వాటిని వీలైనంత త్వరగా మార్చుకోండి.

అలిపుర్‌దువార్‌లో జరిగిన ర్యాలీలో మోదీ చేసిన ఈ వ్యాఖ్యలపై తాజాగా బెంగాల్ ముఖ్యమంత్రి మమతా బెనర్జీ స్పందించారు. అఖిలపక్ష ఎంపీల బృందం విదేశాల్లో పర్యటిస్తున్న ఈ తరుణంలో మోదీ నుంచి ఇలాంటి కామెంట్స్‌ను తాను అస్సలు ఊహించలేదన్నారు. ఉగ్రవాదంపై పోరులో మనమంతా ఐక్యంగా ఉన్నామని, టెర్రరిజాన్ని సహించబోమని చెప్పేందుకు ఎంపీలు పర్యటిస్తున్నారని.. ఈ సమయంలో మోదీ ఇలాంటి వ్యాఖ్యలు చేయడం సరికాదన్నారు. ఇదే సమయంలో ప్రధానికి ఆమె ఓ సవాల్ విసిరారు. ఆ చాలెంజ్ ఏంటో ఇప్పుడు చూద్దాం..

గెలుపు మాదే..

+బెంగాల్‌లో రేపే అసెంబ్లీ ఎన్నికలు పెట్టాలని మోదీకి సవాల్ విసిరారు మమతా బెనర్జీ. రాష్ట్ర ప్రజలంతా తమ వైపే ఉన్నారని ఆమె పేర్కొన్నారు. తృణమూల్‌కు ఢోకా లేదని.. తక్షణం ఎన్నికలు నిర్వహించినా తమదే విజయమని దీదీ స్పష్టం చేశారు. కాగా, అలిపుర్‌దువార్‌లో జరిగిన సభలో మమతా సర్కారుపై తీవ్రంగా మండిపడ్డారు మోదీ. బెంగాల్ ప్రభుత్వం క్రూరంగా వ్యవహరిస్తోందని.. ముర్షిదాబాద్, మాల్దా అల్లర్లే దీనికి ఉదాహరణ అని అన్నారు. గూండాలకు స్వేచ్ఛ ఇచ్చి ప్రజలపై ఉసిగొల్పారని ప్రధాని ఆరోపించారు. ఇలాగేనా ప్రభుత్వం నడిపేది అని దుయ్యబట్టారు. ప్రతి అంశంలో కోర్టులు కలుగజేసుకోవాల్సిన అవసరం ఉందని చెప్పుకొచ్చారు. తృణమూల్ ప్రభుత్వాన్ని ప్రజలు నమ్మడం లేదని.. ఈ సర్కారు మాకు వద్దని అంటున్నారని పేర్కొన్నారు మోదీ. ఈ వ్యాఖ్యలపై దీదీ పైవిధంగా స్పందించారు. వెంటనే ఎన్నికలు పెట్టాలని ప్రధానికి సవాల్ విసిరారు

ప్రజాక్షేత్ర్, వెబ్ న్యూస్ : 

2014 మే 26.. సాయంత్రం 6 గంటల 13 నిమిషాలకు భారత దేశ ప్రధాన మంత్రిగా తొలిసారి నరేంద్ర మోదీ ప్రమాణాస్వీకారం చేశారు. అప్పటి నుంచి ఇప్పటి వరకు ఆయన పాలన నిరాంటంకంగా కొనసాగుతోంది. 2014, 2019, 2024 పార్లమెంట్‌ ఎన్నికల్లో.. అఖండ విజయాలను నమోదు చేసి.. వరుసగా మూడు సార్లు ప్రధాని పదవిని స్వీకరించారు. అప్రతిహతంగా దూసుకెళ్తున్న మోదీ పాలన నేటితో 11 ఏళ్లు పూర్తి చేసుకుంది. భారత దేశ మొట్టమొదటి ప్రధాని జవహర్‌లాల్‌ నెహ్రా, ఇందిరా గాంధీ తర్వాత అత్యధిక కాలం ఈ దేశానికి సేవలందించిన ప్రధానిగా నరేంద్ర మోదీ పేరు చిరస్థాయిగా చిలిచిపోనుంది. ఇంత పెద్ద ఘనత సాధించిన ప్రధాని మోదీ.. తన ఈ 11 ఏళ్ల పాలనలో జపాన్‌ను అధిగమించి ప్రపంచంలో నాల్గవ అతిపెద్ద ఆర్థిక వ్యవస్థగా ఇండియా అవతరించింది. యునైటెడ్ స్టేట్స్, చైనా, జర్మనీ తర్వాత అతి పెద్ద ఆర్థిక వ్యవస్థ మనదే అని గర్వంలో ప్రతి భారతీయుడు చెప్పుకోవచ్చు.
2016లో జరిగిన సర్జికల్ స్ట్రైక్, 2019లో జరిగిన బాలకోట్ వైమానిక దాడి ఆయన నాయకత్వంలో భారత్‌ బలమేంటో ప్రపంచానికి తెలిసొచ్చింది దేశ పౌరులపై పహల్గామ్‌లో జరిగిన ఉగ్రదాడికి ప్రతీకారంగా ఉగ్రస్థావరాలను పాకిస్థాన్‌లోకి చొచ్చుకెళ్లి మరీ కూల్చాం. ఆపరేషన్‌ సిందూర్‌తో ఈ ప్రపంచానికి భారత సైనిక శక్తి గురించి చాటిచెప్పాం. ఈ సాహసోపేతమైన చర్యలు భారతదేశ ప్రతిష్టను పెంచాయి.మోడీ ప్రభుత్వం మౌలిక సదుపాయాల అభివృద్ధి, డిజిటల్ పరివర్తన, వ్యాపార సౌలభ్యానికి అపూర్వమైన ప్రాధాన్యతనిచ్చింది. భారత్‌మాల హైవే నెట్‌వర్క్, స్మార్ట్ సిటీలు, రైలు, వాయు కనెక్టివి వేగవంతమైన విస్తరణ వంటి ప్రాజెక్టులు భారతదేశ స్థాయిని పెంచడంలో దోహదపడ్డాయి. GST, ఉత్పత్తి ఆధారిత ప్రోత్సాహక పథకాల అమలు వంటి వ్యూహాత్మక ఆర్థిక సంస్కరణలు భారతదేశాన్ని ప్రపంచ పెట్టుబడులకు ఆకర్షించాయి.నీతి ఆయోగ్ తాజా నివేదిక ప్రకారం.. గత తొమ్మిదేళ్లలో దాదాపు 25 కోట్ల మంది పేదరికం నుండి బయటపడ్డారు.  ఆయుష్మాన్ భారత్ నిర్వహణకు భారతదేశం వేదిక అయింది. 50 కోట్ల మంది భారతీయులకు వర్తించే ఈ ఆయుష్మాన్ భారత్ పేదలకు, మధ్యతరగతి ప్రజలకు భరించగల స్థాయిలో నాణ్యమైన వైద్యసేవలను సమకూర్చుతుంది.  ప్రధాన మంత్రి శ్రమయోగి మాన్ ధన్ యోజన ద్వారా అవ్యవస్థీకృత రంగంలో 42 కోట్ల మందికి పైగా పింఛన్‌ అందించారు. యావత్తు ప్రపంచం సంవత్సరంలో ఒక రోజును “అంతర్జాతీయ యోగ దినం’’ గా పాటించాలన్న మోదీ పిలుపునకు ఐక్య రాజ్య సమితిలో అద్భుత స్పందన వచ్చింది. ప్రతి సంవత్సరంలో జూన్ 21వ తేదీని “ఐక్య రాజ్య సమితి అంతర్జాతీయ యోగ దినం”గా పాటించాలన్న తీర్మానాన్ని177 సభ్యత్వ దేశాలు ముక్తకంఠంతో ఆమోదించాయి. 17 సంవత్సరాల అనంతరం నేపాల్, 28 సంవత్సరాల అనంతరం ఆస్ట్రేలియా, 31 సంవత్సరాల అనంతరం ఫిజీ, 34 సంవత్సరాల అనంతరం సెశెల్స్, యుఎఇ లలో పర్యటించిన మొట్టమొదటి భారత ప్రధాన మంత్రిగా మోదీ నిలిచారు. తొలి సారి ప్రధాన మంత్రిగా ప్రమాణ స్వీకారం చేయగానే మోదీ.. ఐక్య రాజ్య సమితి, బిఆర్ ఐసిఎస్ (బ్రిక్స్), సార్క్, జి-20 శిఖరాగ్ర సమావేశాల లో పాల్గొన్నారు.ప్రధాన మంత్రి మోదీకి ఎన్నో అంతర్జాతీయ అత్యున్నత పౌర పురస్కారాలు లభించాయి. సౌదీ అరేబియా ఆయన కు తమ అత్యున్నత పౌర పురస్కారం సాష్ ఆఫ్ కింగ్ అబ్దులజీజ్ తో సత్కరించింది. మోదీకి అత్యున్నత పౌర పురస్కారాలను ప్రదానం చేసిన వివిధ దేశాలలో రష్యా (ద ఆర్డర్ ఆఫ్ హోలీ ఆపాస్సల్ యాండ్రూ ద ఫస్ట్), పాలస్తీనా (గ్రాండ్ కాలర్ ఆఫ్ ద స్టేట్ ఆఫ్ పాలస్తీన్), అఫ్గానిస్తాన్ (అమీర్ అమానుల్లా ఖాన్ అవార్డ్), యుఎఇ (జయేద్ మెడల్), మాల్దీవ్స్ (రూల్ ఆఫ్ నిశాన్ ఇజ్జుద్దీన్) లు ఉన్నాయి. శాంతికి, అభివృద్ధికి చేస్తున్న కృషి కి గుర్తింపుగా మోదీ 2018 లో ప్రతిష్ఠాత్మకమైన సియోల్ శాంతి బహుమతిని అందుకొన్నారు.

ఎపి డిప్యూటి సిఎం పవన్ కల్యాణ్

ప్రజా క్షేత్ర్, వెబ్ న్యూస్ :

 ప్రధాన మంత్రి నరేంద్ర మెడీ నాయకత్వంలో అభివృద్ధి పరుగులు పెడుతోందని ఎపి డిప్యూటి సిఎం పవన్ కల్యాణ్ అన్నారు. దేశాన్ని ముందుకు తీసుకువెళ్లే నాయకుడు ప్రధాని మోడీ అని ప్రశంసలు కురిపించారు. సోమవారం చెన్నైలో ‘వన్‌ నేషన్‌-వన్‌ ఎలక్షన్‌’ సెమినార్‌ నిర్వహించారు. ఈ కార్యక్రమంలో పవన్‌ కల్యాణ్‌ పాల్గొని ప్రసంగించారు. ఈ సందర్భంగా ఆయన మాట్లాడుతూ.. ‘వన్‌ నేషన్‌-వన్‌ ఎలక్షన్‌’ దేశానికి అవసరమైన మార్పు అని చెప్పారు. మనసు ఉంటే మార్గం ఉంటుందని.. ముందు ప్రారంభిస్తే.. తర్వాత వచ్చే అడ్డంకులు అధిగమించొచ్చని చెప్పారు. సమస్యలు లేవని తాను చెప్పనని.. కానీ వాటిని అధిగమించగలమని, భారత్‌కు ఉన్న సామర్థ్యంతో ‘వన్‌ నేషన్‌-వన్‌ ఎలక్షన్‌’ ఆచరణ సాధ్యమేనని పవన్ అన్నారు.

ప్రజా క్షేత్ర్, వెబ్ న్యూస్ :

భారీ వర్షాలు, వరదల కారణంగా దెబ్బతిన్న మౌలిక వసతుల పునరుద్ధరణ, మరమ్మతు పనులకు రూ. 11,713.49 కోట్లు స‌త్వ‌ర‌మే విడుద‌ల చేయాల‌ని కేంద్ర హోం శాఖ మంత్రి అమిత్ షా కి ముఖ్య‌మంత్రి రేవంత్ రెడ్డి విజ్ఞ‌ప్తి చేశారు. వారిని ఢిల్లీలో కలిసి వరద నష్టంపై సమగ్రమైన నివేదికను అందించి తగిన విధంగా ఆదుకోవాలని కోరారు. అలాగే, తెలంగాణలో వామపక్ష తీవ్రవాద ప్రభావం, పెండింగ్ లో ఉన్న రాష్ట్ర పునర్విభజన సమస్యలు, రాష్ట్రానికి ఐపీఎస్ ల కేటాయింపు వంటి పలు అంశాలపై అమిత్ షాతో చర్చించి సహకరించాలని కోరారు. ముఖ్యమంత్రి కేంద్ర మంత్రి దృష్టికి తెచ్చిన పలు వివరాలు..తెలంగాణ‌లో భారీ వర్షాలు, వరదల కారణంగా 37 మంది ప్రాణాలు, ల‌క్ష‌కు పైగా ప‌శువులు, ఇత‌ర మూగ జీవాలు మృతి చెందాయి. 4.15 ల‌క్ష‌ల ఎక‌రాల్లో పంటతో పాటు రోడ్లు, క‌ల్వ‌ర్టులు, కాజ్‌వేలు, చెరువులు, కుంట‌లు, కాలువ‌లు దెబ్బ‌తిన్నాయి.ప్రాథమిక అంచనాల మేరకు రూ. 5,438 కోట్లు మేరకు వరద నష్టం వాటిల్లినట్టు సెప్టెంబ‌రు రెండో తేదీన లేఖ రాశాం. ఆ తర్వాత సెప్టెంబర్ 11 నుంచి 13 తేదీల్లో కేంద్ర బృందం పర్యటించి 30 వ తేదీన కేంద్ర ప్రభుత్వానికి నివేదిక సమర్పించింది. భారీ వర్షాలు, వరదల వల్ల మొత్తంగా రూ.11,713 కోట్ల మేర న‌ష్టం వాటిల్లింది.వామ‌ప‌క్ష తీవ్ర‌వాద (#LWE) ప్ర‌భావిత జిల్లాల నుంచి తొల‌గించిన ఆదిలాబాద్‌, మంచిర్యాల‌, కుమ్రం భీమ్ ఆసిఫాబాద్ జిల్లాల‌ను తిరిగి ఆ జాబితాలో చేర్చాలి.తెలంగాణ పోలీస్ శాఖ కొత్త‌గా నియ‌మితులైన పోలీసు సిబ్బందికి గ్రేహౌండ్స్ ద్వారా తీవ్ర‌వాద వ్య‌తిరేక వ్యూహాల్లో (AET) శిక్ష‌ణ ఇప్పిస్తున్నాం. అందుకోసం అవసరమైన అదనపు బడ్జెట్ రూ.25.59 కోట్లు విడుద‌ల చేయాలి.పెండింగ్‌లో ఉన్న రాష్ట్ర పున‌ర్విభ‌న స‌మ‌స్య‌ల ప‌రిష్కారానికి స‌హ‌క‌రించాలి. షెడ్యూల్ 9 లోని ప్రభుత్వ భవనాలు, కార్పొరేషన్ల పంపిణీ, షెడ్యూల్ 10 లోని సంస్థ‌ల వివాదం సామ‌ర‌స్య‌ పూర్వ‌క‌ ప‌రిష్కారానికి కృషి చేయాలి.పునర్విభజన చట్టంలో ఎక్క‌డా పేర్కొనని ఆస్తులు, సంస్థలను ఆంధ్రప్రదేశ్ క్లెయిమ్ చేసుకుంటున్నందున‌, వాటిలో తెలంగాణ‌కు న్యాయం జ‌రిగేలా చూడాలి.రాష్ట్ర పున‌ర్విభ‌జ‌న స‌మ‌యంలో తెలంగాణ‌కు కేవలం 76 మంది ఐపీఎస్ అధికారుల‌ను మాత్ర‌మే కేటాయించారు. తెలంగాణకు అదనంగా 29 అదనపు ఐపీఎస్ పోస్టులు కేటాయించాలి.

ప్రజా క్షేత్ర్, వెబ్ న్యూస్ :

కేంద్ర హోం శాఖ మంత్రి అమిత్ షా అధ్యక్షతన ఢిల్లీ విజ్ఞాన్ భవన్‌లో జరుగుతున్న వామపక్ష తీవ్రవాద ప్రభావిత  (LWE) రాష్ట్రాల ముఖ్యమంత్రుల సమావేశంలో ముఖ్యమంత్రి ఎ.రేవంత్ రెడ్డి పాల్గొన్నారు.ఈ సమావేశంలో ముఖ్యమంత్రి తో పాటు ప్రభుత్వ ప్రధాన కార్యదర్శి శాంతి కుమారి, డీజీపీ  జితేందర్, ముఖ్యమంత్రి ముఖ్య కార్యదర్శి శేషాద్రి, ఇంటెలిజెన్స్ అదనపు డీజీ శివధర్ రెడ్డి , ఎస్ఐబీ ఐజీ సుమతి పాల్గొన్నారు.

ప్రజాక్షేత్ర్, వెబ్​ న్యూస్​ 

కొండా సురేఖపై రాహుల్ గాంధీకి ఎక్స్​ వేదిక ద్వారా అకకినేని అమల ఫిర్యాదు చేశారు. తన ఫ్యామిలీపై అసత్య ఆరోపణలు చేసిన కొండా సురేఖ పై మండి పడ్డారు. రాజకీయ వివాదాల్లోకి మమ్మల్ని లాగవద్దు.. నా భర్త గురించి నిరాధార ఆరోపణలు చేయడం సిగ్గుచేటు. కొండా సురేఖ చేసిన  వ్యాఖ్యలు వెంటనే వెనక్కి తీసుకోవాలని, రాజకీయ నాయకులే నేరస్థుల్లా ప్రవర్తిస్తే ఈ దేశం ఏమైపోతుంది? సురేఖ తన వ్యాఖ్యలు వెనక్కి తీసుకుని క్షమాపణలు చెప్పేలా రాహుల్ గాంధీ చొరవ తీసుకోవాలని విజ్ఞప్తి చేశారు. 

ప్రజాక్షేత్ర్, నేషనల్​ బ్యూరో

జనవరి లో జరిగిన ప్రాణ ప్రతిష్ఠ వేడుకలో తిరుపతి దేవస్థానం నుంచి లడ్డూలను ప్రసాదంగా పంపిణీ చేసినట్లు రామాలయ ప్రధాన అర్చకుడు ఆచార్య సత్యేంద్ర దాస్ తెలిపారు. ఈ ఏడాది ప్రారంభంలో జనవరి 22న జరిగిన ప్రాణ ప్రతిష్ఠ కార్యక్రమంలో తిరుపతి దేవస్థానం నుండి లడ్డూలను భక్తులకు ప్రసాదంగా పంపిణీ చేసినట్లు అయోధ్యలోని రామాలయ ప్రధాన పూజారి ఆచార్య సత్యేంద్ర దాస్ చెప్పారు. తిరుమల నుంచి ఎన్ని లడ్డూలు తెచ్చారో తెలియదని, ఆ విషయం ట్రస్ట్‌కే తెలుసు అన్నారు. అయితే ఏ లడ్డూలు వచ్చినా భక్తులకు ప్రసాదంగా పంచామని, కాలుష్యానికి సంబంధించిన నివేదికలు ప్రమాదకరమైన కుట్రను సూచిస్తున్నాయి" అని ఆచార్య సత్యేంద్ర నేషనల్​ మీడియాతో మాట్లాడారు. శ్రీవేంకటేశ్వర ఆలయాన్ని నిర్వహించే తిరుమల తిరుపతి దేవస్థానం (టీటీడీ) సంప్రోక్షణ వేడుకల కోసం లక్షకు పైగా లడ్డూలను పంపిందన్నారు. ప్రధాని నరేంద్ర మోదీ నేతృత్వంలో జరిగిన ఈ వేడుకకు 8 వేల మంది ప్రముఖులు హాజరయ్యారు. ఏది ఏమైనప్పటికీ, రామాలయాన్ని నిర్వహించే ట్రస్ట్ అయిన శ్రీ రామ జన్మభూమి తీర్థ క్షేత్రం, రామ్ లల్లా యొక్క ప్రతిష్ఠాపన కార్యక్రమంలో ప్రసాదంగా పంపిణీ చేయబడిందని చెప్పారు. గత వైఎస్సార్‌సీపీ హయాంలో తిరుపతి దేవస్థానంలో ప్రసాదంగా అందించిన లడ్డూల్లో జంతువుల కొవ్వు, చేపనూనె ఉన్నట్లు ఆంధ్రప్రదేశ్ ముఖ్యమంత్రి చంద్రబాబు నాయుడు ఆరోపించడంతో వివాదం చెలరేగిన విషయం విధితమే.  గుజరాత్ నుండి వచ్చిన ల్యాబ్ నివేదికను ఉటంకిస్తూ, నెయ్యిలో "బీఫ్ టాలో", "పందికొవ్వు" చేప నూనె ఉన్నట్లు చంద్రబాబు నాయుడు పేర్కొన్నారు.

ప్రజాక్షేత్ర్, తెలంగాణ బ్యూరో 

ప్రస్తుతం వైస్ చీఫ్ ఆఫ్ ది ఎయిర్ స్టాఫ్ గా పనిచేస్తున్న ఎయిర్ మార్షల్ అమర్ ప్రీత్ సింగ్ ను ఎయిర్ స్టాఫ్ తదుపరి చీఫ్ గా ప్రభుత్వం నియమించింది. 2024 సెప్టెంబర్ 30న ఎయిర్ ఫోర్స్ కొత్త చీఫ్‌గా ఎయిర్ మార్షల్ అమర్ ప్రీత్ సింగ్ బాధ్యతలు స్వీకరించనున్నారు. అదే రోజున ప్రస్తుతం కొనసాగుతున్న ఎయిర్ చీఫ్ మార్షల్ వివేక్ రామ్ చౌదరి పదవీవిరమణ చేయనున్నారు. ఆయన పదవీ విరమణ నంతరం అమర్ ప్రీత్ సింగ్ బాధ్యతలు స్వీకరించనున్నారు. ఎయిర్ మార్షల్ అమర్ ప్రీత్ సింగ్ ఫిబ్రవరి 1, 2023న భారత వైమానిక దళానికి 47వ వైస్ చీఫ్‌గా బాధ్యతలు స్వీకరించారు. భారత వైమానిక దళంలో అతని ప్రయాణం 1984లో ప్రారంభమైంది. అమర్​ సింగ్ డిసెంబర్ 21, 1984న IAF యొక్క ఫైటర్ స్ట్రీమ్‌లోకి ప్రవేశించారు. ప్రతిష్టాత్మకమైన సెంట్రల్ ఎయిర్ కమాండ్ (CAC)కి నాయకత్వం వహించే ముందు, అతను తూర్పు ఎయిర్ కమాండ్‌లో సీనియర్ ఎయిర్ స్టాఫ్ ఆఫీసర్‌గా పనిచేశాడు. నేషనల్ డిఫెన్స్ అకాడమీ, వెల్లింగ్‌టన్‌లోని డిఫెన్స్ సర్వీసెస్ స్టాఫ్ కాలేజ్ మరియు నేషనల్ డిఫెన్స్ కాలేజ్‌లో పూర్వ విద్యార్థి అయిన సింగ్, మిగ్-27 స్క్వాడ్రన్‌లో ఫ్లైట్ కమాండర్, కమాండింగ్ ఆఫీసర్, అలాగే ఎయిర్ బేస్ కమాండింగ్ ఎయిర్ ఆఫీసర్ వంటి కీలక పాత్రలను నిర్వహించారు. అతని కెరీర్‌లో, అతను 2019లో అతి విశిష్ట సేవా పతకం, 2023లో పరమ విశిష్ట సేవా పతకాన్ని అందుకున్నాడు.

ప్రజాక్షేత్ర్, తెలంగాణబ్యూరో

ముఖ్యమంత్రి పదవికి రెండు రోజుల తర్వాత రాజీనామా చేస్తానని ఢిల్లీ సీఎం కేజ్రీవాల్ ప్రకటించారు. ఢిల్లీ మద్యం పాలసీ కుంభకోణం కేసులో ఇటీవలే జైలు నుంచి విడుదలైన కేజ్రీవాల్ మళ్లీ ప్రజల తీర్పు కోరతానని, అప్పుడే తిరిగి సీఎం పీఠంపై కూర్చుంటానని స్పష్టం చేశారు. జైలు నుంచి విడుదలయ్యాక తొలిసారి పార్టీ కార్యాలయానికి వచ్చిన కేజ్రీవాల్, కార్యకర్తలను ఉద్దేశించి ప్రసంగించారు. ‘‘ప్రజలు మళ్లీ నాకు అనుకూలంగా తీర్పు ఇచ్చే వరకు నేను ఆ పీఠంపై కూర్చోను. నేను ప్రతి వీధికి, ప్రతి ఇంటికీ వెళ్లి ప్రజా తీర్పును కోరతాను. త్వరలో ఎన్నికలు రాబోతున్నాయి. కేజ్రీవాల్ నిజాయితీపరుడు అని మీరు భావిస్తేనే నాకు ఓటేయండి. నేను నీతి పరుడిని కాదనుకుంటే నాకు ఓటేయకండి. నా నిజాయితీకి మీ ఓటే సర్టిఫికెట్. మళ్లీ ఎన్నికయ్యాకే నేను సీఎం పీఠంపై కూర్చుంటా’’ అని ఆయన పేర్కొన్నారు. 

ప్రజా క్షేత్ర్, నేషనల్ బ్యూరో :

జ్ఞానవాపి మసీదు నిజానికి ఒక శివాలయం అని యోగి ఆదిత్యనాథ్ చెప్పారు. జ్ఞాన్‌వాపి టైటిల్‌పై ఈ గందరగోళం సైట్‌లో పూజలు, ప్రార్థనలు చేయడంలో మాత్రమే కాకుండా, జాతీయ ఐక్యత, సమగ్రతకు కూడా అతిపెద్ద అడ్డంకి అని యుపి ముఖ్యమంత్రి అన్నారు.ఉత్తరప్రదేశ్ ముఖ్యమంత్రి యోగి ఆదిత్యనాథ్ శనివారం వారణాసిలోని జ్ఞాన్వాపి మసీదును ముస్లింల ప్రార్థనా స్థలంగా పిలువడంపై తన అభ్యంతరాలను వ్యక్తం చేస్తూ, అది 'శివుని దేవాలయం' అని అన్నారు.యుపిలోని గోరఖ్‌పూర్‌లో జరిగిన ఒక కార్యక్రమంలో జరిగిన సభలో ముఖ్యమంత్రి మాట్లాడుతూ, "దురదృష్టవశాత్తూ, ప్రజలు జ్ఞాన్‌వాపిని మసీదుగా పిలుస్తారని, అయితే అది నిజానికి 'విశ్వనాథ్' (శివుడు) అని అన్నారు.యోగి ఆదిత్యనాథ్ సైట్‌ను సందర్శించే భక్తులు దాని నిజమైన గుర్తింపు లేదా పేరుపై ఈ గందరగోళం సైట్‌లో పూజలు, ప్రార్థనలు చేసే మార్గంలో మాత్రమే కాకుండా, జాతీయ ఐక్యత మరియు సమగ్రతకు కూడా అతిపెద్ద అడ్డంకిగా ఉన్నందుకు విచారం వ్యక్తం చేశారు.

ప్రజాక్షేత్ర్, నేషనల్​బ్యూరో

జర్నలిస్టుల సంక్షేమం కోసం చిత్తశుద్ధితో నిర్ణయాలు తీసుకుంటూ, త్వరితగతిన అమలు చేస్తోన్న ముఖ్యమంత్రి రేవంత్ రెడ్డికి పాత్రికేయులు కృతజ్ఞతలు తెలియజేశారు. ఢిల్లీ పర్యటనలో ఉన్న ముఖ్యమంత్రిని ఢిల్లీ కేంద్రంగా పనిచేస్తోన్న తెలుగు జర్నలిస్టుల ప్రతినిధి బృందం కలిశారు. జర్నలిస్టులకు ఇండ్ల స్థలాలు, హెల్త్‌ కార్డులు, అక్రిడిటేషన్‌ వంటి కీలక సమస్యల పరిష్కారానికి ముఖ్యమంత్రి శ్రద్ధతో చొరవ తీసుకోవడం అభినందనీయమని మీడియా ప్రతినిధులు అన్నారు. దశాబ్దాలుగా ఎదుర్కొంటున్న సమస్యలను తీర్చడంతోపాటు తెలంగాణ మీడియా అకాడమీకి రూ.10 కోట్లు ప్రకటించడం జర్నలిస్టు సంక్షేమం పట్ల ప్రజా ప్రభుత్వానికి ఉన్న చిత్తశుద్ధికి నిదర్శనమని పేర్కొన్నారు.ఈ సందర్భంగా ముఖ్యమంత్రి మాట్లాడుతూ, నిజమైన జర్నలిస్టుల సంక్షేమాన్ని పరిరక్షిస్తామని పునరుద్ఘాటించారు. జర్నలిస్టుల సంక్షేమం, భద్రత కోసం తగిన చర్యలు తీసుకుంటామని  హామీ ఇచ్చారు. వ్యవస్థల పట్ల ప్రజల్లో విశ్వాసం పెంపొందించడానికి ప్రజా ప్రభుత్వం కృషి చేస్తోందని, నిజమైన జర్నలిస్టులు వ్యవస్థలో భాగమేనని అన్నారు. సమాజం పట్ల బాధ్యతతో వ్యవహరిస్తూ, జర్నలిజం విలువలకు కట్టుబడి పనిచేసే వారికి తమ సహకారం ఎప్పుడూ ఉంటుందని ముఖ్యమంత్రి స్పష్టం చేశారు.

భారత్‌ ఎల్లప్పుడు శాంతిని కోరుకుంటుంది 

శాంతిని కాపాడడానికి యుద్దం చేయాల్సిన అవసరం రావచ్చు 

జాతీయ భద్రత అన్నిటికంటే ముఖ్యం 

ప్రజా క్షేత్ర్, నేషనల్ బ్యూరో :

యుద్దం ఎప్పుడైనా రావచ్చని ..అందుకు సిద్దంగా ఉండాలని త్రివిధ దళాలకు రక్షణశాఖ మంత్రి రాజ్‌నాథ్‌సింగ్‌ పిలపునిచ్చారు. భవిష్యత్‌లో రక్షణరంగంలో ఎదురయ్యే సవాళ్లపై చర్చించేందుకు కమాండర్ల కాన్ఫరెన్స్‌ను ఏర్పాటు చేశారు.లక్నోలో జాయింట్‌ కమాండర్స్‌ కాన్ఫరెన్స్‌లో రక్షణశాఖ మంత్రి రాజ్ నాథ్ సింగ్ ముఖ్య అతిధిగా పాల్గొని, మాట్లాడారు. భారత్‌ ఎల్లప్పుడు శాంతిని కోరుకుంటుందని , శాంతిని కాపాడడానికి యుద్దం చేయాల్సిన అవసరం రావచ్చని అన్నారు. సరిహద్దులను కాపాడడంలో భద్రతా బలగాలు చేస్తున్న కృషి ఎనలేనిదన్నారు. ఆత్మనిర్భర్‌ భారత్‌లో త్రివిధ దళాలు కీలక పాత్ర పోషిస్తున్నాయన్నారు. రష్యా – ఉక్రెయిన్‌ , ఇజ్రాయెల్‌ -హమాస్‌ , బంగ్లాదేశ్‌లో అలర్లను ప్రస్తావిస్తూ రాజ్‌నాథ్‌ కీలక వ్యాఖ్యలు చేశారు. అనుకోకుండా ఇలాంటి పరిస్థితి వస్తే సంసిద్దంగా బలగాలు ఉండాలని సూచించారు. భవిష్యత్‌లో వచ్చే యుద్దాలను సమర్ధవంతంగా ఎదుర్కొనేలా త్రివిధ బలాలను సిద్దం చేస్తునట్టు చెప్పారు. సశక్త్‌ ఔర్‌ సురక్షిత్‌ భారత్‌ తమ లక్ష్యమన్నారు.యుద్దాలను ధీటుగా ఎదుర్కొనేలా రెడీగా ఉన్నట్టు తెలిపారు. సవాళ్లను ముందుగానే గుర్తించాలని కమాండర్లకు రాజ్‌నాథ్‌ పిలుపునిచ్చారు. సరిహద్దుల్లో భద్రతపై ఎప్పటికప్పుడు అంచనా వేయాలన్నారు. సరిహద్దు దేశాల్లో ఉన్న సమస్యలు భారత్‌కు కూడా సవాళ్లుగా మారుతున్నాయన్నారు. ఇవి శాంతికి , స్థిరత్వానికి ఆటంకం కలిగించే అవకాశముందని హెచ్చరించారు. ప్రపంచంలో పలు దేశాలు యుద్దంతో ప్రభావితమవుతున్నప్పటికి , ఆ ప్రభావం భారత్‌పై లేకుండా చూస్తునట్టు వెల్లడించారు. అయితే అలర్ట్‌గా ఉండాల్సిన అవసరం మాత్రం ఉందన్నారు. మన చుట్టూ జరుగుతున్న పరిణామాలను నిశితంగా గమనిస్తూ , భవిష్యత్‌లో ఎలాంటి సవాళ్లనైనా ఎదుర్కొనేందుకు మనం సిద్దంగా ఉండాలని సూచించారు. జాతీయ భద్రత అన్నిటికంటే ముఖ్యమన్నారు. సాంప్రదాయ యుద్దసామాగ్రితో పాటు ఆధునిక ఆయుధ సంపత్తిని ఉపయోగించడంపై దృష్టి పెట్టాలన్నారు.స్పేస్‌ ,ఎలక్ట్రానిక్‌ వార్‌ యుద్ద విధాలనాలపై దృష్టి పెట్టినట్టు రాజ్‌నాథ్‌ తెలిపారు. డేటా , కృత్రిమ మేథను కూడా కూడా యుద్ద విద్యలకు జోడించాలన్నారు. నేరుగా యుద్దంపై ఈ విధానాలు ప్రభావం చూపకపోయినప్పటికి పరోక్షంగా సాయపడుతాయన్నారు.

ప్రజా క్షేత్ర్,తెలంగాణ బ్యూరో :

ముఖ్యమంత్రి రేవంత్ రెడ్డికి ప్రధానమంత్రి నరేంద్ర మోదీ ఫోన్ చేశారు. రాష్ట్రంలో వర్షాలు వరద పరిస్థితులను, జరిగిన నష్టం వివరాలను అడిగి తెలుసుకున్నారు. పలు జిల్లాల్లో భారీ వర్షం.. వరదతో వాటిల్లిన నష్టం ప్రాథమిక వివరాలను సీఎం  ప్రధాని  దృష్టికి తీసుకెళ్లారు.ప్రజలకు ఇబ్బంది లేకుండా, ప్రాణ నష్టం జరగకుండా రాష్ట్ర ప్రభుత్వం జాగ్రత్తలు తీసుకుందని, తక్షణ సహాయక చర్యలు చేపట్టామని, ఖమ్మం జిల్లాలో ఎక్కువ నష్టం సంభవించిందని ప్రధానమంత్రికి ముఖ్యమంత్రి తెలియజేశారు.కేంద్ర ప్రభుత్వం తరఫున సహాయం అందిస్తామని, ప్రతికూల వాతావరణ పరిస్థితుల్లోనూ సేవలు అందించే హెలికాప్టర్లను తెలంగాణకు పంపిస్తామని ప్రధానమంత్రి హామీ ఇచ్చారు. ప్రాణ నష్టం  జరగకుండా అప్రమత్తంగా వ్యవహరించినందుకు తెలంగాణ రాష్ట్ర ప్రభుత్వ యంత్రాంగాన్ని మోదీ అభినందించారు.

ప్రజా క్షేత్ర్, తెలంగాణ బ్యూరో :

రాష్ట్రంలో భారీ వర్షాలు, వరద పరిస్థితులపైముఖ్యమంత్రి రేవంత్ రెడ్డికి కేంద్ర హోం మంత్రి అమిత్ షా ఫోన్ చేసి మాట్లాడారు.క్షేత్రస్థాయిలో పరిస్థితిని వివరించిన సీఎం.. వరదల వల్ల  వాటిల్లిన నష్టాన్ని కేంద్ర మంత్రి దృష్టికి తీసుకెళ్లారు. ప్రాణ నష్టం జరగకుండా జాగ్రత్తలు తీసుకున్నామని తెలిపారు. కేంద్ర ప్రభుత్వం నుంచి తెలంగాణకు అవసరమైన తక్షణ సాయం చేస్తామని, వరద సహాయక చర్యల్లో సహకారం అందిస్తామని అమిత్ షా హామీ ఇచ్చారు.భారీ వర్షాల నేపథ్యంలో ముఖ్యమంత్రి  రాష్ట్ర స్థాయి అధికారులు, అన్ని జిల్లాల కలెక్టర్లతో నేరుగా మాట్లాడుతూ ఎప్పటికప్పుడు పరిస్థితిని సమీక్షిస్తున్నారు. అవాంఛనీయ పరిస్థితులు తలెత్తకుండా తగిన జాగ్రత్తలు తీసుకోవాలని యంత్రాంగాన్ని అప్రమత్తం చేశారు. బాధిత కుటుంబాలను ఆదుకుంటామని ముఖ్యమంత్రి భరోసా ఇచ్చారు.

ఖమ్మం లో వరద ముంపుకు గురైన 110 గ్రామాలు 

ప్రకాష్ నగర్ గుట్టపై చిక్కుకున్న 9 మంది 

అజ్మీరాతండ గుట్టపైన చిక్కుకున్న 68 మంది

బిల్డింగులపైన చిక్కు కున్న 42 మంది

అమిత్ షా ఆదేశాలతో రంగంలోకి దిగిన ఎన్డీఆర్ఎఫ్ బృందాలు 

ప్రజా క్షేత్ర్, తెలంగాణ బ్యూరో :

తెలంగాణలో కురుస్తున్న భారీ వర్షాల కారణంగా ఖమ్మం జిల్లా పరిస్థితిపై కేంద్ర హోంశాఖ మంత్రి  అమిత్ షా దృష్టికి కేంద్ర హోం శాఖ సహాయక మంత్రి  బండి సంజయ్ తీసుకువెళ్లారు.ఖమ్మం జి ల్లాలో 110 గ్రామాలు ముంపునకు గురవడంతోపాటు పట్టణంలోని ప్రకాశ్ నగర్ గుట్టపై 9 మంది, పాలేరు నియోజకవర్గంలోని అజ్మీరాతండ గుట్టపైన 68 మంది, బిల్డింగులపైన 42 మంది చిక్కుకున్న విషయాన్ని అమిత్ షాకి వివరించారు.తెలంగాణలో ప్రాణ నష్టం లేకుండా తక్షణమే అన్ని చర్యలు తీసుకోవాలని అమిత్ షా ఎన్డీఆర్ఎఫ్ ను ఆదేశించారు. చెన్నై, వైజాగ్, అసోం నుండి 3 చొప్పున, మొత్తం 9 ఎన్డీఆర్ఎఫ్ బృందాలను తెలంగాణకు పంపించారు. ఈ నేపథ్యంలో కేంద్ర ఆదేశాలతో రంగంలోకి దిగిన ఎన్డీఆర్ఎఫ్ బృందాలను సమన్వయం చేసుకుంటూ సహాయక చర్యలు చేపట్టాలని కోరుతూ రాష్ట్ర రెవెన్యూ శాఖ మంత్రి పొంగులేటి శ్రీనివాస్ రెడ్డికి ఫోన్ చేసి మాట్లాడారు. ఖమ్మం జిల్లాలో సహాయక చర్యలు, తెలంగాణలో పరిస్థితి పై వారిని అడిగి తెలుసుకున్నట్లు సమాచారం.

ఢిల్లీ లిక్కర్‌ కేసులో ఎమ్మెల్సీ కవితకు ఊరట

ఈడీ, సీబీఐ రెండు కేసుల్లో బెయిల్ మంజూరు చేసిన సుప్రీంకోర్టు

ప్రజా క్షేత్ర్, తెలంగాణ బ్యూరో

ఢిల్లీ లిక్కర్​స్కామ్​కేసులో బీఆర్​ఎస్​ ఎమ్మెల్సీ కల్వకుంట్ల కవితకు ఎట్టకేలకు సుప్రీం కోర్టు షరతులతో కూడిన బెయిల్ మంజూరు చేసింది. ఈడీ, సీబీఐ నమోదు చేసిన రెండు కేసుల్లో ఎమ్మెల్సీ కవిత దాఖలు చేసిన పిటీషన్​ పై జస్టిస్​ బీఆర గవాయి, జస్టిస్​ విశ్వనాథన్​ ధర్మాసనం విచారణ చేపట్టింది. గంట పాటు సాగిన సుధీర్ఘ వాదనల అనంతరం ద్విసభ్య ధర్మాసనం కవితకు రూ.10లక్షల పూచీ కత్తు, పాస్ పోర్ట్​ అప్పగించాలని, సాక్ష్యులను ఎట్టి పరిస్థితుల్లోను ప్రభావితం చేయకూడదని సుప్రీం కోర్టు షరతులతో కూడిన బెయిల్ ఇచ్చింది. సాయంత్రం 5గంటలలోపు ట్రయల్​కోర్టు నుంచి తీహు జైలుకు ఆదేశాలు చేరితే కవిత మంగళవారం సాయంత్రం 7గంటల వరకు విడుదల అయ్యే అవకాశ ఉంది. ప్రాసెస్​లో ఆలస్యమయితే మాత్రం రేపు విడుదల అయ్యే అవకాశం ఉంది. మార్చి 15 వ తేదీన  ఎమ్మెల్సీ కవితను ఈడీ అరెస్ట్​ేసింది. 166 రోజులుగా తీహారు జైలులో ఉన్న కవితకు బెయిల్ రావడంతో  బీఆర్​ఎస్​ శ్రేణులలో ఆనందానిి అవధులు లేకుండా పోయింది.  

 స్పోర్ట్స్ యూనివ‌ర్సిటీకి ఆర్థిక స‌హాయం అంద‌జేయండి

 క్రీడా సంస్థ‌ల అప్‌గ్రెడేష‌న్ డీపీఆర్‌ల‌ను ఆమోదించండి

 కేంద్ర క్రీడా శాఖ మంత్రి మ‌న్‌సుఖ్‌ మాండ‌వీయ‌కు ముఖ్య‌మంత్రి రేవంత్ రెడ్డి విన‌తి

ప్రజాక్షేత్ర్ , నేషనల్​ బ్యూరో

జాతీయ‌, అంత‌ర్జాతీయ క్రీడ‌ల నిర్వ‌హ‌ణ‌కు అవ‌స‌ర‌మైన మౌలిక వ‌స‌తుల‌న్నీ తెలంగాణ‌లో ఉన్నాయ‌ని, భ‌విష్య‌త్తులో ఆసియ‌న్ గేమ్స్‌, కామ‌న్‌వెల్త్ గేమ్స్ తెలంగాణ‌లో నిర్వ‌హించే అవ‌కాశం ఇప్పించాల‌ని, 2025 జ‌న‌వ‌రిలో నిర్వ‌హించే ఖేలో ఇండియా యూత్ గేమ్స్ కు వేదికగా హైద‌రాబాద్‌కు అవ‌కాశం ఇవ్వాల‌ని కేంద్ర క్రీడ‌లు, యువ‌జ‌న వ్య‌వ‌హారాల శాఖ మంత్రి మ‌న్‌సుఖ్ మాండ‌వీయ‌కు ముఖ్య‌మంత్రి రేవంత్ రెడ్డి విజ్ఞ‌ప్తి చేశారు. ఉప ముఖ్య‌మంత్రి భ‌ట్టి విక్ర‌మార్క‌ , రాష్ట్ర ప‌ర్యాట‌క‌, ఎక్సైజ్ శాఖ మంత్రి జూప‌ల్లి కృష్ణారావు లతో కలిసి ముఖ్యమంత్రి శుక్రవారం సాయంత్రం కేంద్ర క్రీడా శాఖ మంత్రి మాండవీయ తో సమావేశమయ్యారు.తెలంగాణ యువ‌తలోని క్రీడా నైపుణ్యాల‌ను వెలికితీసేందుకు  స్పోర్ట్స్ యూనివ‌ర్సిటీ ఏర్పాటు చేయాల‌ని నిర్ణ‌యించిన‌ట్లు కేంద్ర మంత్రి మాండ‌వీయ‌కు ముఖ్య‌మంత్రి రేవంత్ రెడ్డి తెలిపారు.  స్పోర్ట్స్ యూనివ‌ర్సిటీల్లో అన్ని ర‌కాల క్రీడ‌ల‌కు సంబంధించిన శిక్ష‌ణ‌, ప‌రిశోధ‌న‌ల‌కు ప్రాధాన్యం ఇవ్వ‌నున్న‌ట్లు కేంద్ర మంత్రి దృష్టికి ముఖ్య‌మంత్రి తీసుకెళ్లారు. ఈ నేప‌థ్యంలో స్పోర్ట్స్ యూనివ‌ర్సిటీకి అవ‌స‌ర‌మైన ఆర్థిక స‌హాయం అంద‌జేయాల‌ని కేంద్ర మంత్రి మాండ‌వీయ‌కు ముఖ్య‌మంత్రి  రేవంత్ రెడ్డి విజ్ఞ‌ప్తి చేశారు. రాష్ట్రంలో క్రీడా మౌలిక వ‌స‌తుల అభివృద్ధికి ఖేలో ఇండియా ప‌థ‌కం కింద నిధులు విడుద‌ల‌ను పెంచాల‌ని కేంద్ర మంత్రి మాండ‌వీయ‌ను ముఖ్య‌మంత్రి రేవంత్ రెడ్డి కోరారు. హైద‌రాబాద్ గ‌చ్చిబౌలిలోని  జీఎంసీ బాల‌యోగి స్టేడియం,  సెంట్ర‌ల్ యూనివ‌ర్సిటీలోని (UoH) షూటింగ్ రేంజ్‌, ఎల్ బీ స్టేడియం, హ‌కీంపేట‌లోని స్పోర్ట్స్ స్కూల్‌, స‌రూర్ న‌గ‌ర్ ఇండోర్ స్టేడియంల‌లో మౌలిక వ‌స‌తుల అభివృద్ధికి తాము ఇప్ప‌టికే పంపించిన  డీపీఆర్‌ల‌ను ఆమోదించాల‌ని కేంద్ర మంత్రికి ముఖ్య‌మంత్రి విజ్ఞ‌ప్తి చేశారు.

ఏది ఏమైనా, ప్రభుత్వానికి వస్తున్న ఆదాయం నుంచి తాగునీరు, విద్యుత్, ప్రాథమిక ఆరోగ్యం, విద్యారంగాలకు సరిపడా నిధులు కేటాయించాలని నిర్మలా సీతారామన్ తెలిపారు. ప్రభుత్వం ఇచ్చే ఉచిత పథకాల నుంచి ఎవరైనా లబ్ధి పొందొచ్చు, కానీ ఇతర పన్ను చెల్లింపు దారులపై ప్రతికూల ప్రభావం ఏర్పడకుండా ప్రభుత్వం బాధ్యత వహించాలన్నారు. నగదు బదిలీ పథకం, ఆర్టీసీలో మహిళలకు ఉచిత బస్సు ప్రయాణం తదితర ఐదు హామీలతో గతేడాది కర్ణాటకలో కాంగ్రెస్ పార్టీ అధికారంలోకి వచ్చిందన్న సంగతిని ఆమె గుర్తుచేశారు. ‘కర్ణాటకలో ఏం జరుగుతుందో చూడండి. అభివృద్ధి పనులు చేపట్టేందుకు నిధుల్లేవని చెప్పకుండా ఎన్నికల హామీలను తప్పనిసరిగా గౌరవించాలి’ అని అన్నారు.

మహిళలకు ఉచిత బస్సు ప్రయాణం కల్పించి, పురుషులపై బస్సు ప్రయాణ చార్జీలు రెట్టింపు చేయడం వల్ల కుటుంబాలపైనే భారం పడుతుందని నిర్మలా సీతారామన్ గుర్తు చేశారు. ఉచిత పథకాలపై నిజాయితీతో కూడిన చర్చ జరుగాలన్నారు. ‘ఉచితాలపై మీరు నిజాయితీగా చర్చ పెట్టండి. మీరు ఇచ్చే ఉచిత పథకం ఆమోద యోగ్యం కాదని అంత తేలిక్కాదు. నేను అమలు చేసే సంక్షేమ పథకాన్ని సమర్ధించుకోవాలి’ అని పేర్కొన్నారు. సుప్రీంకోర్టుతోపాటు వివిధ విధాన నిర్ణేతలు తరుచుగా ఉచిత పథకాలు, సంక్షేమ పథకాల మధ్య తేడాలు చెప్పడం చాలా కష్టం అని చెబుతున్నారు.