ప్రజా క్షేత్ర్, చార్మినార్ :

బీసీల హక్కుల కోసం పోరాటం చేస్తున్న ఎమ్మెల్సీ కల్వకుంట్ల కవితకు పాతనగర మున్నూరు కాపు సంఘం ప్రతినిధులు తమ మద్దతును ప్రకటించారు. ఈ సందర్బంగా ఎమ్మెల్సీ కవితను మున్నూరు కాపు సంఘం అధ్యక్షులు పల్లె శ్రవణ్ కుమార్, ప్రతినిధులు ఎం.భాస్కర్,పరమేశ్వరీ, తిరుపతి రాఘవేందర్,పోసు కృష్ణ, పుప్పాల రాధాకృష్ణ, చలపతిలు మర్యాద పూర్వకంగా కలిశారు. బీ సీ హక్కుల కోసం పోరాటం చేస్తున్న ఎమ్మెల్సీ కవిత పోరాటం అభినందనియమన్నారు. పాతనగర మున్నూరు కాపు సంఘం తరపున కవితకు అండగా ఉంటామని స్పష్టం చేశారు. ఈ సందర్భంగా అధ్యక్షుడు పల్లె శ్రవణ్ కుమార్ మాట్లాడుతూ బీసీలు అన్ని విధాలుగా నష్టపోతున్నారని, తమ హక్కుల కోసం పోరాడాల్సిన సమయం వచ్చిందని, జులై17న నిర్దేశించిన రైలు రోకో ను విజయవంతం చేయాలని పిలుపు నిచ్చారు.

ప్రజా క్షేత్ర్, చార్మినార్ :

జంగమ్మెట్ శివాజినగర్ లోని శ్రీ బంగారు మైసమ్మ దేవాలయంలో రూ. 2 లక్షలు రూపాయల వ్యయంతో నిర్మితమవుతున్న నూతన బోర్ వెల్ ను టీపీసీసీ కార్యనిర్వాహక కార్యదర్శి  పర్వతాల రాజేందర్ ప్రారంభించారు. ఈ కార్యక్రమం లో  నాయకులు సురేందర్, శ్రీనివాస్, శ్రీను, శ్రీశైలం గౌడ్, మహేష్ తదితరులు పాల్గొన్నారు.

చక్రపాణి ని ఘనంగా సత్కరించిన బీసీ ఇంజనీర్స్

ప్రజా క్షేత్ర్, హైదరాబాద్ :

టిజీఎస్పిడీసీఎల్ ఐపీసీ ఆర్ ఏ సి, డిపి ఈ కమర్షియల్ డైరెక్టర్ గా నూతనంగా నియమితులైన చక్రపాణి కి బోయిన్ పల్లి ఏడీఈ రోషన్,  ఆర్ పి నిలయం ఏ డీ ఈ రాంచారి, సికింద్రాబాద్ ఏ డీ ఈ మురళి, ఫలక్ నుమ ఏ డీ ఈ కె. రాజు లు మర్యాద పూర్వకంగా కలిసి శాలువాతో ఘనంగా సత్కరించారు.

ప్రజా క్షేత్ర్, చార్మినార్  :

చారిత్రాత్మక ప్రసిద్ధి చెందిన లాల్ దర్వాజా సింహవాహిని శ్రీ మహంకాళి ఆలయాన్ని పలువురు పోలీసు అధికారులు గురువారం సాయంత్రం సందర్శించి, అమ్మవారికి ప్రత్యేక పూజలు నిర్వహించారు.ఛత్రినాక ఏసీపీ సి హెచ్.చంద్ర శేఖర్,ఛత్రినాక ఇన్స్పెక్టర్ కె.నాగేంద్ర ప్రసాద్ వర్మ తో పాటు పలువురు ఎస్ఐ లు అమ్మవారికి ప్రత్యేక పూజలు చేశారు.ఆలయ కమిటీ చైర్మన్ బి.మారుతీ యాదవ్ వారికి స్వాగతం పలికి శాలువాతో సన్మానించారు. వచ్చే నెలలో జరగనున్న బోనాల పండుగ సందర్భంగా ఆలయంలో జరుగుతున్న ఏర్పాట్లను ఆలయ చైర్మన్ మారుతీ యాదవ్ పోలీస్ అధికారులకు వివరించారు.

రాహుల్ గాంధీ మంచి విజన్ ఉన్న నాయకుడు 

నిన్నటి త్యాగాలకు వారసుడు రేపటి తరానికి మార్గదర్శకులు

దేశ ప్రజల తరఫున ప్రశ్నించే ఏకైక గొంతుక 

ప్రజా క్షేత్ర్, చార్మినార్ : 

పాతబస్తీ చాంద్రాయణగుట్టలో కాంగ్రెస్ పార్టీ నియోజకవర్గ ఇంచార్జి బోయ నగేష్ ఆధ్వర్యంలో రాహుల్ గాంధీ  55వ  పుట్టినరోజు వేడుకలు ఘనంగా నిర్వహించారు. ఈ కార్యక్రమానికి నియోజకవర్గం ఇంచార్జి, మాజీ ఎమ్మెల్యే ఆరెపల్లి మోహన్ ముఖ్య అతిధిగా పాల్గొన్నారు. అయన తో పాటు చార్మినార్ టీపీసీసీ కో ఆర్డినేటర్ సుబ్రహ్మణ్యం, టీ పీ సీ సీ ప్రధాన కార్యదర్శి అల్లం భాస్కర్ లు పాల్గొని, చాంద్రాయణగుట్ట నియోజకవర్గంలోని ప్రభుత్వ పాఠశాలకు సంబంధించిన విద్యార్థులకు బ్యాగులను పంపిణీ చేశారు. ఈ సందర్బంగా వారు మాట్లాడుతూ రాహుల్ గాంధీ  మంచి విజన్ ఉన్న నాయకుడు,యువతకు ఆదర్శం,నిరంతరం దేశప్రజాసామ్యాలపై పోరాడుతూనే ఉంటాడన్నారు. కాంగ్రెస్ పార్టీ కి ఆశకిరణం,ధృవ తార అని,రాహుల్ గాంధీ ని ప్రధానమంత్రి  నీ చేసెంతవరకు అహర్నిశలు పనిచేస్తామన్నారు. ఈ దేశంలో అన్ని సామాజిక వర్గాలకు సామాజిక న్యాయం జరగాలని పోరాడుతున్న ఏకైక నాయకుడు రాహుల్ గాంధీ  అని కొనియాడారు. దేశంలో పేదరికం రోజుకు రోజుకు పెరిగిపోతుందని ఆ పేదరిక నిర్మూలన జరగాలంటే దేశంలో రాష్ట్రంలో కాంగ్రెస్ పార్టీ అధికారంలోకి రావాల్సిన ఆవశ్యకత ఎంతైనా ఉంది అని పేర్కొన్నారు. ఈ కార్యక్రమంలో సీనియర్ కాంగ్రెస్ నేతలు వెంకటేష్ ముదిరాజ్, పర్వతాల రాజేందర్, ఎల్. నర్సింగ్ గౌడ్ తదితరులు పాల్గొన్నారు.

ప్రజా క్షేత్ర్, చార్మినార్ :

చాంద్రాయణగుట్ట నియోజకవర్గంలో మంచి నీరు, సివరేజ్ సమస్యలను పరిష్కరించాలని కోరుతూ  వాటర్ వర్క్స్ జిఎం సంతోష్ కు గురువారం లలిత బాగా డివిజన్ కంటెస్టెడ్ బిజెపి కార్పొరేటర్ మాదిరి చంద్రశేఖర్, బిజెపి జిల్లా కౌన్సిల్ సభ్యులు మాణిక్, యువమోర్చా నాయకులు సుభాష్ లు ఒక విజ్ఞాపన పత్రాన్ని అందజేశారు. ఈ మేరకు అందజేసిన విజ్ఞాపన పత్రంలో చాంద్రాయణ గుట్ట నియోజకవర్గంలోని లలితా బాగ్, ఉప్పుగూడ డివిజన్ , రియాసత్ నగర్ డివిజన్ ప్రాంతాలలో మంచినీటి సమస్యతో స్థానికులు తీవ్ర ఇబ్బందులు ఎదుర్కొంటున్నారని వివరించారు. అలాగే తాతల కాలం నాటి సివరేజ్ వ్యవస్థ తో స్థానికులు తీవ్ర ఇబ్బందులు ఎదుర్కొంటున్నరన్నారు. వెంటనే ఆయా ప్రాంతాలలో నెలకొన్న మంచినీటి, సివరేజ్ సమస్యలను పరిష్కరించాలని వారు కోరారు.

ప్రజా క్షేత్ర్,, చార్మినార్ :

తెలంగాణ లో ప్రసిద్ధి చెందిన, చారిత్రాత్మక లాల్ దర్వాజా సింహవాహిని శ్రీ మహంకాళి దేవాలయం కమిటీ నూతన చైర్మన్ గా బి. మారుతీ యాదవ్ ఏకగ్రీవంగా ఎన్నికైనారు. ఆదివారం  మధ్యాహ్నం దేవాలయం ఆవరణలో ఏర్పాటు చేసిన దేవాలయ కమిటీ సర్వసభ్య సమావేశంలో ఆలయ కమిటీ మాజీ చైర్మన్లు, కమిటీ సభ్యులు మారుతీ యాదవ్ ను చైర్మన్ గా ఎన్నుకున్నారు,గత ఐదు సంవత్సరాలుగా ఆలయ కమిటీ ప్రధాన కార్యదర్శిగా మారుతీ యాదవ్ అమ్మవారికి  సేవలు అందిస్తున్నారు.త్వరలోనే మరో సమావేశం ఏర్పాటు చేసి మిగతా కార్యవర్గాన్ని ఎన్నుకొని ప్రకటిస్తామని పేర్కొన్నారు. ఈ సమావేశంలో  ఆలయ కమిటీ మాజీ చైర్మన్లు జి.కాశీనాథ్ గౌడ్,సి.బంగ్లా రాజు యాదవ్,కె.విష్ణు గౌడ్, కె. వెంకటేష్,బి.బల్వంత్ యాదవ్, ఎ.మాణిక్ ప్రభూ గౌడ్, సి.వెంకటేష్, సి.రాజ్ కుమార్ యాదవ్, సి.రాజేందర్ యాదవ్, తిరుపతి నరసింగరావు,సిరా రాజ్ కుమార్,కన్వీనర్ జి.అరవింద్ కుమార్ గౌడ్,కోశాధికారి పోసాని సతీష్ ముదిరాజ్ కార్యవర్గ సభ్యులు పాల్గొన్నారు.