పాతబస్తీ ఛత్రినాక మేనకాథియేటర్ వద్ద జరుగుతున్న సి.సి రోడ్డు పనుల నిమిత్తం కాంక్రీట్తో చేరుకున్న రెడ్ మిక్సర్ వాహనం పై 11కెవి సరఫరా అవుతున్న విద్యుత్ ఇనుప స్తంభం పడడంతో పెనుప్రమాదం తప్పింది. ఆ సమయంలో అక్కడ ఎవ్వరు లేకపోవడంతో పెను ప్రమాదం తప్పింది. శుక్రవారం పాతబస్తీ మేనకాథియేటర్ వద్ద సి.సి రోడ్డు పనులు జరుగుతున్నాయి. దీనికి కావాల్సిన కాంక్రీట్ తో రెడ్ మిక్సర్ వాహనం అక్కడికి చేరుకుంది. అయితే ఇరుకైన గల్లీలు... రోడ్డుపై అడ్డందిడ్డంగా ఉన్న ఇనుప స్తంభాల కారణంగా రెడ్ మిక్సర్ వాహనం గల్లీలోకి రోడ్డు వేసే సమీప ప్రాంతంలోకి వెళ్ళడానికి ప్రయత్నిస్తుండగా విద్యుత్ ఇనుప స్థంభం, వెర్లకు తగిలింది. 11కెవి సరఫరా అవుతున్న విద్యుత్ ఇనుప స్తంభం ఒక్కసారిగా రెడ్ మిక్సర్ వాహనంపై పడింది. ఆసమయంలో అక్కడ ఎవ్వరు లేకపోవడంతో పెను ప్రమాదం తప్పింది.

పాతబస్తీలో బీజేపీ కార్యకర్త  ముఖేష్, నిఖిత ల వివాహం సందర్భంగా అరుదైన గౌరవం దక్కింది.బీజేపీ శాలిబండ డివిజన్ మాజీ అధ్యక్షుడు కరన్ కోట్ నాగేకార్ ముఖేష్ నిజామాబాద్ కి చెందిన నికిత తో ఇటీవల వివాహం జరిగింది. ఈ సందర్భంగా బీజేపీ అగ్ర నాయకత్వం నుండి ప్రత్యేక శుభాకాంక్షలు అందాయి. సాధారణ కార్యకర్త పంపిన ఆహ్వానానికి స్పందిస్తూ, ప్రధానమంత్రి నరేంద్ర మోదీ, కేంద్ర హోం శాఖ మంత్రి అమిత్ షా లు ప్రత్యేకంగా లేఖల ద్వారా నవ దంపతులను ఆశీర్వదిస్తు  ఒక సాధారణ కార్యకర్తకు పంపడం అనేది పార్టీలో కార్యకర్తలకు లభించే అపారమైన విలువను, గౌరవాన్ని స్పష్టం చేస్తోందని బీజేపీ శ్రేణులు పేర్కొన్నాయి. దేశం కోసం నిస్వార్థంగా పనిచేసే ప్రతి కార్యకర్తను బీజేపీ నాయకత్వం గుర్తించి, ప్రోత్సహిస్తుందనడానికి ఈ సంఘటన ఒక బలమైన నిదర్శనమని పార్టీ నాయకులు సంతోషం వ్యక్తం చేశారు.

సామూహిక కుంకుమార్చనలో పాల్గొన్న మహిళా భక్తులు

ఓ భక్తురాలి పళ్లెంలో పులి పాదం ముద్రల దర్శనం

దేవి శరన్నవరాత్రి ఉత్సవాలను పురస్కరించుకొని సుల్తాన్ షాహిలోని శ్రీ జగదాంబ దేవాలయంలో అద్భుతం చోటు చేసుకుంది. ఆలయ కమిటీ అధ్యక్షుడు రాకేష్ తివారి ఆధ్వర్యంలో మహిళాభక్తులు అత్యంత భక్తి శ్రద్దలతో సామూహిక కుంకుమార్చన పూజలు చేస్తుండగా ఓ భక్తురాలి పల్లెంలో పసుపుపై పులి పాదం ముద్రలు ప్రత్యక్షమయ్యాయి. దీంత పూజల్లో పాల్గొన్న మహిళ భక్తులందరూ భక్తిపారవశ్యంతో పులి పాదం గుర్తులను తిలకించారు. దేవి నవరాత్రుల సందర్భంగా అనునిత్యం సామూహిక కుంకుమార్చన సందర్భంగా మహిళలందరికీ దేవాలయం కమిటీ తరపున పూలు, పసుపు, కుంకుమ అందజేశారు. అనంతరం వేద పండితుల మంత్రోచ్ఛారణ నడుమ సామూహిక కుంకుమార్చన నిర్వహించారు.  కుంకుమార్చన పూర్తయిన అనంతరం మహిళా భక్తులందరూ తమ తమ పూజా సామాగ్రిని తిరిగి పూజారికి అప్పగించి వెళుతుంటారు. ఈ నేపధ్యంలోనే మహా అద్భుతం చోటుచేసుకుంది. ఓ భక్తురాలు తన పూజా సామాగ్రిని పూజారికి అప్పగిస్తున్న సమయంలో పులి పాదం ముద్రలు  దర్శనం ఇవ్వడంతో ఆ భక్తురాలుఆశ్చర్యానికి గురయ్యారు. వెంటనే ఆలయ పూజారి దానిని పరిశీలించి శ్రీ జగదాంబికా అమ్మవారు పులిపై స్వారీ చేస్తూ భక్తులకు ఈ విధంగా దర్శనమిచ్చిందని పేర్కొన్నారు.

రికార్డు బ్రేక్ చేసిన బాలాపూర్ గణేష్ లడ్డు వేలం పాట

*హోరాహోరీగా సాగిన బాలాపూర్ గణేష్ లడ్డు వేలం పాట*

*రూ. 35 లక్షలకు బాలాపూర్ గణేష్ లడ్డును సొంతం చేసుకున్న లింగాల దశరథ్ గౌడ్*

*లడ్డును బీజేపీ అగ్రనేతలకు పంపిణీ చేస్తాం.......  దథరథ్ గౌడ్*

*బాలాపూర్ గణేష్ ని దర్శించుకున్న మాజీ మంత్రి సబితా ఇంద్రారెడ్డి*

*మాజీ ఎమ్మెల్యే తీగల కృష్ణారెడ్డి*

*బడంగ్ పేట్ మాజీ వైస్ చైర్మన్ చిగిరింత నర్సింహారెడ్డి*

*భాగ్యనగర్ గణేష్ ఉత్సవ సమితి అధ్యక్షుడు రాఘవ రెడ్డి, ప్రధాన కార్యదర్శి శశిధర్*

ప్రజా క్షేత్ర్ , సెప్టెంబర్ 6 :

హైదరాబాద్ లో కదిలో తొలివినాయకుడు ... బాలాపూర్ గణపతి 21 కిలోల లడ్డు వేలం పాటకు రంగారెడ్డి జిల్లా బాలాపూర్ గ్రామం బొడ్డురాయి వేదికయ్యింది. ఎంతో ఉత్కంఠగా  ఎదురుచూస్తున్న బాలాపూర్ గణేష్ లడ్డు వేలం పాట వేలాదిమందిభక్త జన సందోహం నడుమ చంపాపేట్ కు చెందిన మర్రి రవికిరణ్ రెడ్డి, ఎల్ బినగర్ అర్బన్ గ్రూప్ కు చెందిన సామ ప్రణీత్ రెడ్డి, కర్మాన్ ఘాట్ కుచెందిన లింగాల దశరథ్ గౌడ్, కర్మాన్ ఘాట్ కు చెందిన కంచర్ల శివా రెడ్డి, కందుకూరు కొత్తగూడెం కు చెందిన సామరామ్ రెడ్డి (దయ), హైదరాబాద్ కు చెందిన పిఎస్ కె ( PSK) గ్రూప్, చంపాపేట్ కు చెందిన జిట్టా పద్మా సురేందర్ రెడ్డి అనే ప్రధాన పోటీదారుల మధ్య రూ.1016 తో ప్రారంభమై హోరాహోరీగా సాగిన పోరులో రూ. 35లక్షలకు కర్మాన్ ఘాట్ కు చెందిన లింగాల దశరథ్ గౌడ్ రూ. 35 లక్షలకు 21 కిలోల లడ్డును సొంతం చేసుకున్నారు. తాజాగా 32వ సారి బాలాపూర్ గణేష్ లడ్డును వేలం పాటలో  దక్కించుకున్న జాబితాలో లింగాల దశరథ్ గౌడ్ చేరిపోయారు. 45 వసంతాల గణేష్ వార్షికోత్సవ వేడుకలలో భాగంగా గత  32 సంవత్సరాలుగా అత్యంత ప్రతిష్ఠాత్మకంగా నిర్వహించే బాలాపూర్ గణేష్  లడ్డు వేలం పాటకు తెలుగు రాష్ట్రాలలోనే కాక దేశ, ప్రపంచ వ్యాప్తంగా విశిష్ఠ గుర్తింపు ఉంది. కరోనా కారణంగా 2020లో బాలాపూర్ గణపతి లడ్డు వేలం పాటను రద్దు చేశారు.  దీంతో ఆ లడ్డును అప్పట్లో బాలాపూర్ గణేష్ ఉత్సవ సమితి అధ్యక్షుడు కళ్లెం నిరంజన్ రెడ్డి  బృందం అప్పటి ముఖ్యమంత్రి కేసీఆర్ కు బహుకరించారు. 2021లో జరిగిన వేలం పాట కంటే 2022లో  5.70లక్షలు రెట్టింపు, 2022 లో జరిగిన వేలం పాట కంటే 2023లో 2.40 లక్షలు, 2023 లో జరిగిన వేలం పాట కంటే 2024లో రూ. 3,01,000 లక్షలు ఈ  యేడు రూ. 4.99 లక్షలు అధిక ధర పలికింది. బాలాపూర్ లడ్డువేలం పాట చరిత్రలో ఈ యేడు రికార్డు బ్రేక్ చేసింది. లడ్డు వేలం పాటలో గడిచిన 31 ఏళ్లలో రూ.2,39,52,950కోట్ల రూపాయలు బాలాపూర్ గణేష్ ఉత్సవ సమితి సొంతం కాగా అందులో ని రూ. 1,64,87,970 కోట్ల రూపాయలతో బాలాపూర్ గ్రామంలో పలు అభివృద్ది పనులు చేపట్టడం జరిగింది. అయితే ఈ ఏడు జరిగిన వేలం పాటతో కలిపి రూ.2కోట్ల 74లక్షల 52వేల 950 రూపాయలు బాలాపూర్ గణేష్ ఉత్సవ సమితి సొంతమయ్యాయి. అయితే గత సంవత్సరం 2024లో బాలాపూర్ గణేష్ లడ్డు ను వేలం పాటలో దక్కించుకున్న కొలను శంకర్ రెడ్డి రూ. 30,01,000 లక్షల నగదు ను గణేష్ ఉత్సవ సమితి అధ్యక్షులు కళ్లెం నిరంజన్ రెడ్డికి అందజేశారు. నగదు ను అందజేసిన కొలను శంకర్ రెడ్డికి గణేష్ ఉత్సవసమితి తరపున లక్ష రూపాయల విలువ గల బంగారు చైన్ ను అందజేశారు.

*తెల్లవారుజామున 5గంటలకే ప్రారంభమయిన నిమజ్జన పూజలు* ....

తెల్లవారుజామున 5గంటల నుంచే బాలాపూర్ గణేష్ ఉత్సవ సమితి ఆధ్వర్యంలో నిమజ్జన పూజలు ప్రారంభమయ్యాయి.  అనంతరం బాలాపూర్ గణేష్ మండపం నుంచి  బాలాపూర్ పుర వీధులగుండా సన్నాయి మేళాలు .. భజన కార్యక్రమాల నడుమ బాలాపూర్ గణపతి ఊరేగింపుగా ముందుకు కదిలింది.  దారిపొడవునా బాలాపూర్ గ్రామస్థులు  కొబ్బరి కాయలు కొట్టి, మంగళ హారతులు పట్టారు. 10.34 గంటల ప్రాంతంలో బాలాపూర్ గణపతి డిసిఎం వ్యాన్ లో బొడ్డురాయి వద్దకు చేరుకుంది. ఉదయం 10.54 గంటలకు బాలాపూర్ గణేష్ లడ్డు వేలం పాట అట్టహాసంగా ప్రారంభయ్యింది.

*బొడ్డురాయి వద్దకు 1.30గంటలు ఆలస్యంగా చేరుకున్న బాలాపూర్ గణేష్* .....

బాలాపూర్ గ్రామ పురవీధుల్లో బాలాపూర్ గణేష్ విగ్రహాన్ని డీసీఎం వ్యాన్లో ఊరేగిస్తుండగా ఉదయం 9.10గంటలకు ఒక్కసారిగా డీసీఎం వ్యాన్ లెఫ్ట్ సైడ్ కమాన్ పట్టిలో విరిగి పోవడంతో ఒక్కసారిగా భారీ గణేష్ విగ్రహం ఒక వైపుకు ఒరగడంతో, ఎక్కడ  గణేష్ విగ్రహం కిందపడుతుందోనని ఒక్కసారిగా బాలాపూర్ గణేష్ ఉత్సవ సమితి ప్రతినిధులు, పోలీసులు ఆందోళనకు గురయ్యారు. రోడ్డుకు సమాంతరంగా వెళ్ళాల్సిన డీసీఎం వ్యాన్ అదుపుతప్పుతుండడం... భారీ విగ్రహం ఓ పక్కకు ఒరగడం ద్వారా గల్లీల్లో ఉన్న ఇండ్లకు సంబంధించిన రేకులతో పాటు డీసీఎం వ్యాన్కు అడ్డుగా ఉన్న ఇండ్లముందు నిర్మించుకున్న అరుగులను తొలగించారు. దీంతో 9గంటల వరకు బాలాపూర్ గ్రామ బొడ్డురాయి వద్దకు చేరుకోవాల్సిన బాలాపూర్ గణేష్ విగ్రహం గంటన్నర ఆలస్యమయ్యింది. 

*హోరా హోరీగా సాగిన బాలాపూర్ గణేష్ లడ్డు వేలం పాట* ......

బాలాపూర్ గణేష్ ఉత్సవ సమితి తరపున రూ. 1016 లతో వేలం పాట అట్టహాసంగా ప్రారంభమయ్యింది. దివంగత కొలను మోహన్రెడ్డి రూ.50వేలు, మర్రి రవికిరణ్రెడ్డి ఒక లక్ష, సామ ప్రణీత్ రెడ్డి రూ.2లక్షలు, లింగాల దశరథ్ గౌడ్, రూ.3లక్షలు, కంచర్ల శివారెడ్డి రూ.4లక్షలు, సామ రామ్ రెడ్డి రూ.6లక్షలు, పిఎస్ కె గ్రూప్ రూ. 7లక్షలు, జిట్టా సురేందర్ రెడ్డి రూ.8లక్షలు, మర్రి రవికిరణ్ రెడ్డి రూ.9లక్షలు, సామ ప్రణీత్ రెడ్డి రూ.10లక్షలు, లింగాల దశరథ్ గౌడ్ రూ.11లక్షలు, కంచర్ల శివారెడ్డి రూ.12లక్షలు, సామ రాంరెడ్డి రూ.13లక్షలు, పి ఎస్ కె గ్రూప్ రూ.14లక్షలు, జిట్టా సురేందర్ రెడ్డి రూ.15 లక్షలు, సామ ప్రణీత్ రెడ్డి రూ.16లక్షలు, మర్రి రవికిరణ్రెడ్డి రూ.17లక్షలు, సామ ప్రణీత్ రెడ్డి రూ.18లక్షలు, లింగాల దశరథ్ గౌడ్ రూ.19 లక్షలు, కంచర్ల శివారెడ్డి రూ.20లక్షలు, సామ రాంరెడ్డి రూ.21లక్షలు, పిఎస్ కె గ్రూప్ రూ.22 లక్షలు, జిట్టా సురేందర్ రెడ్డి రూ.23 లక్షలు, సామ ప్రణీత్ రెడ్డి రూ.24 లక్షలు, లింగాల దశరథ్ గౌడ్ రూ.25 లక్షలు, మర్రి రవికిరణ్ రెడ్డి రూ.26 లక్షలు, సామ రాం రెడ్డి రూ.27 లక్షలు, సామ ప్రణీత్ రెడ్డి రూ.28లక్షలు, లింగాల దశరథ్ గౌడ్ రూ. 29 లక్షలు, జిట్టా సురేందర్ రెడ్డి రూ.30లక్షలు, సామ ప్రణీత్ రెడ్డి రూ.30.25 లక్షలు, లింగాల దశరథ్ గౌడ్ రూ. 30.50లక్షలు, సామ రాంరెడ్డి రూ.30.75 లక్షలు, మర్రి రవికిరణ్ రెడ్డి రూ.31 లక్షలు, పిఎస్ కె గ్రూప్ 31.25 లక్షలు, సామ ప్రణీత్ రెడ్డి 31.50లక్షలు, కంచర్ల శివారెడ్డి 31.75 లక్షలు, సామ రాం రెడ్డి రూ.32 లక్షలు, సామ ప్రణీత్ రెడ్డి 32.25 లక్షలు, లింగాల దశరథ్ గౌడ్ 32.50 లక్షలు, సామ ప్రణీత్ రెడ్డి రూ. 32.75 లక్షలు, లింగాల దశరథ్ గౌడ్ రూ.32.80వేలు, సామ ప్రణీత్ రెడ్డి రూ.33 లక్షలు, లింగాల దశరథ్ రౌడ్ రూ.33.25లక్షలు, కంచర్ల శివారెడ్డి రూ.33.50లక్షలు, లింగాల దశరథ్ గౌడ్ రూ.33.75లక్షలు ,సామ ప్రణీత్ రెడ్డి రూ.33.80లక్షలు, లింగాల దశరథ్ గౌడ్ రూ. 33.90లక్షలు, సామ ప్రణీత్ రెడ్డి రూ. 33.95లక్షలు, లింగాల దశరథ్ గౌడ్ రూ.34లక్షలు, సామ ప్రణీత్ రెడ్డి రూ. 34.25లక్షలు, కంచర్ల శివారెడ్డి 34.50లక్షలు, సామ రాం రెడ్డి రూ.34.70లక్షలు, సామ ప్రణీత్ రెడ్డి రూ.34.75లక్షలు, లింగాల దశరథ్ గౌడ్ రూ.35 లక్షలు ఒకటవ సారి... రెండవసారి... మూడవసారి అంటూ బాలాపూర్ గణేష్ లడ్డును దక్కించుకున్న 32వ జాబితాలో చేరిపోయారు.  

*హాజరయిన ప్రముఖులు*.....

అత్యంత ప్రతిష్ఠాత్మకంగా నిర్వహించిన బాలాపూర్ గణేష్ లడ్డు  వేలం పాటకు మాజీ మంత్రి, మహేశ్వరం ఎమ్మెల్యే పి.సబితా ఇంద్రారెడ్డి, జెడ్పి చైర్మన్ తీగల హరినాథ్ రెడ్డి, మాజీ ఎమ్మెల్యే తీగల కృష్ణా రెడ్డి, బడంగ్ పేట్  మాజీ వైస్ చైర్మన్ చిగిరింత నర్సింహా రెడ్డి, భాగ్య నగర్ గణేష్ ఉత్సవసమితి అధ్యక్షులు రాఘవరెడ్డి, కార్యదర్శి శశిధర్, పీ స్థానిక కార్పొరేటర్ వంగేటి ప్రభాకర్ రెడ్డి, బీజేపీ నాయకులు కొలను శంకర్ రెడ్డి, దైవాజ్ఞ శర్మ తదితరులు పాల్గొన్నారు. 

*రూ. 35 లక్షలకు లడ్డును సొంతం చేసుకున్న లింగాల దశరథ్ గౌడ్*..

బాలాపూర్ గణేష్ లడ్డును వేలం పాటలో దక్కించుకోవడం చాలా సంతోషంగా ఉందని లింగాల దశరథ్ గౌడ్ అన్నారు. గత ఆరు సంవత్సరాలుగా వేలం పాటలో పాడుతున్న తనకు 2025 లో లడ్డు దక్కడం అదృష్టం గా భావిస్తున్నానన్నారు. ఈ లడ్డును కేంద్రమంత్రులు కిషన్రెడ్డి, బండిసంజయ్, బీజేపీ రాష్ట్ర అధ్యక్షుడు ఎన్.రాంచందర్ రావు, ఎంపి ఈటెల రాజేందర్ లతో పాటు బీజేపీ అగ్రనేతలకు పంపిణీచేస్తామని ధశరథ్ గౌడ్ పేర్కొన్నారు. బీజేపీ సీనియర్ నాయకుడైన దశరథ్ గౌడ్ కు స్టీల్ వ్యాపారం నిర్వహిస్తున్నాడు.

ఒకడు ఉండాలి వీడు వాడే..?..సంతోష్ రావు ధన దాహానికి అడ్డు అదుపు లేదు.!..

టార్చర్ చేసింది సంతోష్ చెడ్డ పేరు మాత్రం కేటీఆర్ కు వీరు ఇద్దరు మేక వన్నె పులులు..హరీష్ రావు మీడియాను మేనేజ్ చేస్తే, రాం అన్న యూట్యూబ్ ను మేనేజ్ చేస్తారు.

750 కోట్ల విల్లా ఎక్కడిది తనికి? 

తెలంగాణ రాష్ట్ర సమితి రాష్ట్ర కార్యదర్శి, మాజీ ఎంపీ, కేసీఆర్ మరో మేనల్లుడు అయిన జోగినపల్లి సంతోష్ కుమార్ మీద కూడా కల్వకుంట్ల కవిత తీవ్ర ఆరోపణలు గుప్పించారు. సంతోష్ రావు దన దాహానికి అడ్డు అదుపు లేదు. సిరిసిల్ల ఇసుక లారీ కేసులో దళితులను టార్చర్ చేసింది సంతోష్, చెడ్డ పేరు మాత్రం కేటీఆర్ కు ఇచ్చారు. ముందులో మంచింగ్ చేయడానికి ఒకడు ఉండాలి వీడు వాడే. అంటూ కవిత తీవ్ర స్థాయిలో ఫైర్ అయ్యారు.సంతోష్‌కు ఎమ్మెల్యే పోచంపల్లి శ్రీనివాస్ రెడ్డి అనుచరుడు. ఇప్పుడు షాట్. ఇది నాకు చెప్పింది పల్లా రాజేశ్వర్ రెడ్డి. 750 కోట్ల విల్లా ఎక్కడిదితనికి? నవీన్ రావు ఎమ్మెల్సీకి పదవి ఎలా వచ్చింది..సంతోష్ వాళ్ళ. హరీష్ రావు, సంతోష్ రావులు తలో వర్గం మేంటేయిన్ చేస్తూ కాంగ్రెస్, బీజేపీ లతో కుమ్మక్కు అయి బిఆర్ఎస్ ఓడిపోయేలా చేశారు. చివరకు కెసిఆర్ కామారెడ్డిలో ఓడిపోయేలా చేశారు. హరీష్ రావు మీడియాను మేనేజ్ చేస్తే, రాం అన్న యూట్యూబ్ ను మేనేజ్ చేస్తారు. రాం అన్నకు చెప్తున్న నువ్వు కూడా హరీష్ రావు లాగా నేర్చుకో. కూతురిగా చెప్తున్న వీళ్ళను పార్టీలో ఉంచుకుంటే వీళ్లు మిమ్మల్ని కూడా మింగేస్తారు. వీరు ఇద్దరు మేక వన్నె పులులు. అంటూ కవిత, కేసీఆర్ మేనల్లుళ్లు అయిన హరీశ్ రావు, సంతోష్ రావు లపై ధ్వజమెత్తారు.

'మిరాయ్' నుంచి అంబికగా శ్రియ శరణ్‌ స్పెషల్ పోస్టర్ రిలీజ్

ప్రజా క్షేత్ర్, సినిమా : 
సూపర్ హీరో తేజ సజ్జా మోస్ట్ ఎవైటెడ్ పాన్-ఇండియా సూపర్ హీరో విజువల్ వండర్ 'మిరాయ్‌'లో సూపర్ యోధ పాత్రలో అలరించబోతున్నారు. ఈ చిత్రానికి కార్తీక్ ఘట్టమనేని దర్శకత్వం వహించారు. పీపుల్ మీడియా ఫ్యాక్టరీ బ్యానర్‌పై టిజి విశ్వ ప్రసాద్, కృతి ప్రసాద్ నిర్మించారు. ఇప్పటికే గ్లింప్స్, టీజర్, ట్రైలర్ బజ్‌ను క్రియేట్ చేశాయి. ఈ చిత్రంలో శ్రియ శరణ్‌ కీలక పాత్ర పోషిస్తున్నారు. మేకర్స్ తాజాగా శ్రియను అంబికగా పరిచయం చేస్తూ ఒక ప్రత్యేక పోస్టర్‌ను రిలీజ్ చేశారు.శ్రియ శరణ్ పవర్ ఫుల్ మదర్ క్యారెక్టర్ లో నటిస్తున్నారు. ఈ ఎపిక్ సైన్స్ ఫిక్షన్ యాక్షన్ అడ్వెంచర్‌ ఆమె పాత్ర చాలా స్ట్రాంగ్ ఎమోషన్ తో వుండబోతుంది. ఈ  పోస్టర్ సూపర్ హీరో ప్రయాణం వెనుక ఉన్న ఎమోషన్ ని హైలైట్ చేస్తుంది.ఈ చిత్రంలో తేజ సజ్జ సరసన రితికా నాయక్ కథానాయికగా నటిస్తుండగా, జయరామ్, జగపతిబాబు కీలక పాత్రల్లో కనిపించనున్నారు. దర్శకుడు కార్తీక్ ఘట్టమనేని మిరాయ్ దర్శకత్వం వహించడమే కాకుండా, సినిమాటోగ్రఫీ అందిస్తున్నారు. అలాగే స్క్రీన్‌ప్లేను కార్తీక్ స్వయంగా రూపొందించారు. మణిబాబు కరణం రచన, సంభాషణలకు కీలకంగా పని చేశారు. గౌర హరి సంగీతం, ఆర్ట్ డైరెక్టర్‌గా శ్రీ నాగేంద్ర తంగాల, ఎగ్జిక్యూటివ్ నిర్మాతగా సుజిత్ కుమార్ కొల్లి పని చేస్తున్నారు.మిరాయ్ సెప్టెంబర్ 12న వరల్డ్ వైడ్ గ్రాండ్ గా రిలీజ్ కానుంది. తారాగణం: సూపర్ హీరో తేజ సజ్జ, మనోజ్ మంచు, రితికా నాయక్, శ్రియ శరణ్, జయరామ్, జగపతి బాబు

ప్రజా క్షేత్ర్ , సినిమా : 

పవర్ స్టార్ అభిమానులను ఉర్రూతలూగిస్తున్న పోస్టర్, గ్లింప్స్
పవర్ స్టార్ పవన్ కళ్యాణ్ పుట్టినరోజు సందర్భంగా, 'ఓజీ' చిత్ర బృందం అభిమానులకు డబుల్ బొనాంజా ఇచ్చింది. అద్భుతమైన కొత్త పోస్టర్ తో పాటు, “HBD OG - LOVE OMI” పేరుతో ఓ సంచలనాత్మక గ్లింప్స్ ను విడుదల చేసింది. వింటేజ్ లుక్ లో పవన్ కళ్యాణ్ చాలా స్టైలిష్ గా కనిపిస్తున్న పోస్టర్ అభిమానులను ఉర్రూతలూగిస్తోంది. ఈ పోస్టర్ రాకతో సామాజిక మాధ్యమాలు పండుగ వాతావరణాన్ని తలపిస్తున్నాయి. పవన్ కళ్యాణ్ ను ఈ తరహా లుక్ లో చూసి చాలా కాలం అయిందని అభిమానులు, ప్రేక్షకులు అభిప్రాయపడుతున్నారు. పవన్ కళ్యాణ్‌ ను ఇంత శక్తివంతమైన, ఆకర్షణీయమైన శైలిలో చూపించినందుకు అభిమానులు, సినీ ప్రేమికులు.. దర్శకుడు సుజీత్, డీవీవీ ఎంటర్‌టైన్‌మెంట్‌పై ప్రశంసల వర్షం కురిపిస్తున్నారు. 'ఓజీ' అనే టైటిల్ కి తగ్గట్టుగానే పోస్టర్ కూడా ఎంతో శక్తివంతంగా ఉంది.
పవన్ కళ్యాణ్ అభిమానుల ఉత్సాహాన్ని రెట్టింపు చేస్తూ చిత్ర బృందం “HBD OG - LOVE OMI” అనే గ్లింప్స్‌ను విడుదల చేసింది. ఈ గ్లింప్స్‌ సినిమాపై అంచనాలను మరో స్థాయికి తీసుకెళ్లింది. మొదటి నుండి 'ఓజీ'పై అంచనాలు భారీగానే ఉన్నాయి. పవన్ కళ్యాణ్‌ను గంభీరమైన అవతారంలో చూపించిన హంగ్రీ చీతా గ్లింప్స్‌ అందరి దృష్టిని ఆకర్షించింది. ఇప్పుడు “HBD OG - LOVE OMI” గ్లింప్స్‌ సినిమా యొక్క మరో విస్ఫోటన కోణాన్ని వెల్లడిస్తుంది. తాజా గ్లింప్స్ లో ఇమ్రాన్ హష్మీ కూడా ప్రత్యేక ఆకర్షణగా నిలిచారు. పవన్ కళ్యాణ్ ని ఢీ కొట్టే బలమైన పాత్రలో ఆయన కనువిందు చేయనున్నారు.
'ఓజీ' సినిమాపై అంచనాలు రోజురోజుకి పెరిగిపోతున్నాయి. ఇప్పటిదాకా విడుదలైన ప్రతి పోస్టర్, గ్లింప్స్, పాటలు కట్టిపడేశాయి. పవన్ కళ్యాణ్ అభిమానులు మాత్రమే కాకుండా, ప్రపంచవ్యాప్తంగా ఉన్న సినీ ప్రియులంతా 'ఓజీ' కోసం ఎంతగానో ఎదురుచూస్తున్నారు. పవన్ కళ్యాణ్ లుక్, అద్భుతమైన విజువల్స్, సంగీతం, సంభాషణలు ఇలా ప్రతి అంశం సినిమాపై అంచనాలను ఆకాశాన్ని తాకేలా చేస్తున్నాయి.
డీవీవీ ఎంటర్‌టైన్‌మెంట్ పతాకంపై డీవీవీ దానయ్య, కళ్యాణ్ దాసరి ప్రతిష్టాత్మకంగా నిర్మిస్తున్న ఈ చిత్రానికి సుజీత్ దర్శకత్వం వహిస్తున్నారు. ఓజాస్‌ గంభీర అనే శక్తివంతమైన పాత్రలో పవన్ కళ్యాణ్ కనువిందు చేయనున్న ఈ చిత్రంలో ఇమ్రాన్ హష్మీ, ప్రియాంక అరుళ్ మోహన్, ప్రకాష్ రాజ్, శ్రియా రెడ్డి ముఖ్య పాత్రలు పోషిస్తున్నారు. సంగీత సంచలనం ఎస్. తమన్‌ సంగీతం అందిస్తున్నారు.
ప్రేక్షకులు అత్యంత ఆసక్తిగా ఎదురుచూస్తున్న భారతీయ చిత్రాలలో 'ఓజీ' ముందు వరుసలో ఉంటుంది అనడంలో సందేహం లేదు. సెప్టెంబర్ 25, 2025న ఈ చిత్రం ప్రపంచవ్యాప్తంగా భారీస్థాయిలో విడుదల కానుంది.
తారాగణం: పవన్ కళ్యాణ్, ఇమ్రాన్ హష్మీ, ప్రియాంక మోహన్, ప్రకాష్ రాజ్, శ్రియా రెడ్డి

ప్రజా క్షేత్ర్, హైదరాబాద్ : 
తనకు ప్రాణసమానమైన కూతురిపై కేసీఆర్‌ ఇంతటి కఠిన నిర్ణయం తీసుకోవడం వెనక… చాలాకారణాలే కనిపిస్తున్నాయి. పార్టీ సైతం.. ఆ దిశగా నిర్ణయం తీసుకోవడానికి చాలా రీజన్సే కనిపిస్తున్నాయి. ఇన్నాళ్లూ
కేసీఆర్‌ కూతురనో… పార్టీ ఆడకూతురనో.. ఆమె కామెంట్స్‌పై అధినేత సహా, పార్టీనేతలు సైతం పెద్దగా రియాక్ట్‌ కాలేదు. కానీ, ఇప్పుడు ఏకంగా కేటీఆర్‌, హరీష్‌, సంతోష్‌లాంటి పార్టీ అగ్రనాయకత్వంపై తీవ్రస్థాయిలో
విమర్శలు చేయడం.. పార్టీని ఇరుకున పెట్టేలా మాట్లాడటం… అధినేతకు కోపం తెప్పించినట్టు తెలుస్తోంది. అంతేకాదు, కాళేశ్వరం విషయంలోనూ ఆమె టంగ్‌ స్లిప్పవడం.. పార్టీని ఇబ్బందుల్లోకి నెట్టింది. అంతా
హరీష్‌రావు, సంతోష్‌రావులే చేశారనీ.. వారివల్లే కేసీఆర్‌కు అవినీతి మరకలు అంటుకున్నాయనీ… తీవ్ర వ్యాఖ్యలు చేసిన కవిత… పరోక్షంగా కాళేశ్వరంలో ఏదో తప్పు జరిగిందన్నట్టుగా మాట్లాడారన్న అభిప్రాయం
వ్యక్తమవుతోంది. అది ప్రత్యర్థులకు అస్త్రం అందేలా చేసిందని పార్టీ భావిస్తోంది.ఒక్క కేసీఆర్‌ తప్ప…. ఒకే ఒక్క కేసీఆర్‌ తప్ప…ఇదీ, కొన్నాళ్లుగా బీఆర్‌ఎస్‌ రాజకీయాల్లో వినిపిస్తున్న కవితాగానం. కేసీఆర్‌ దేవుడే… ఆయన చుట్టూ దెయ్యాలున్నాయంటూ ఆమె చేసిన వ్యాఖ్యలతో మొదలైన కలకలం… ఇక్కడి దాకా లాక్కొచ్చింది. కేసీఆర్‌ ఒక్కరిని మినహాయించి.. బీఆర్‌ఎస్‌లో మిగితా నేతలందరినీ ఆమె టార్గెట్‌ చేస్తున్న తీరు గులాబీసేనను ఇరకాటంలో పడేసిందనే చెప్పాలి. అందుకే అధిష్ఠానం కఠిన నిర్ణయం తీసుకోక తప్పలేదని తెలుస్తోంది.తెలంగాణ జాగృతిని స్థాపించి ఉద్యమ పార్టీతోనే కొన్నేళ్లుగా ప్రయాణం కొనసాగించిన కవిత… ఒకసారి నిజామబాద్‌ ఎంపీగా విజయం సాధించారు. ఆ తర్వాత పార్టీ ఎమ్మెల్సీగానూ అవకాశం ఇచ్చింది పార్టీ. పార్టీలో కేసీఆర్‌, కేటీఆర్‌, హరీష్‌ల తర్వాత ఆస్థాయి నాయకురాలిగా కవితకు పేరుండేది. కానీ ఢిల్లీ లిక్కర్‌ కేసులో
అరెస్టయ్యాక, పరిస్థితి మారింది. ఈ కేసులో ఆర్నెళ్లకుపైగా జైళ్లో ఉన్న కవిత.. బెయిల్‌పై విడుదలయ్యాక అంతే స్పీడుతో రాజకీయంగా దూసుకొచ్చారు. అయితే, ఆ స్పీడు కాస్తా.. సొంత పార్టీని ఇబ్బంది పెట్టేలా చేసింది.ఏప్రిల్‌లో ఘనంగా బీఆర్‌ఎస్‌ రజతోత్సవ సంబరాలు జరుపుకోగా… పార్టీ తీరును తప్పుబడుతూ కేసీఆర్‌కు ఆమె రాసిన లేఖ మే 20న బహిర్గతం కావడం సంచలనం సృష్టించింది. ఆ సమయంలో అమెరికా పర్యటనలో ఉన్న కవిత… తిరిగొచ్చాక పెద్ద బాంబే పేల్చారు. అది రాసింది తానేననీ… అయితే అది ఎలా బయటకు వచ్చిందో తేలాలంటూ… పెద్ద బాంబే పేల్చారు. కేసీఆర్‌ దేవుడే కానీ… ఆయన చుట్టూతా కొన్ని దయ్యాలున్నాయంటూ మరోసారి సంచలన వ్యాఖ్యలు చేశారు. కాళేశ్వరంపై కేసీఆర్‌కు నోటీసులిస్తే… పార్టీ ఏం చేస్తోందంటూ.. నాయకత్వంపై తీవ్రస్థాయిలో విమర్శలు గుప్పించారు కవిత. అంతేకాదు, కేసీఆర్‌ కాళేశ్వరం కమిషన్‌ ముందర హాజరయ్యేందుకు ముందు, సరిగ్గా ఒక్కరోజు ముందు…. గన్‌పార్క్‌లో తెలంగాణ జాగృతి ఆధ్వర్యంలో ధర్నా కూడా చేశారు. తనపై కొందరు పార్టీలో కుట్రలు చేస్తున్నారంటూ… కవిత చేసిన వ్యాఖ్యలూ సంచలనమయ్యాయి. కర్మకు తగ్గ ఫలితం అనుభవిస్తారంటూ.. అప్పట్లో ఆమె చేసిన హెచ్చరిక సంచలనం రేపింది.పార్టీతో సంబంధం లేకుండా ఆమె చేపట్టిన కార్యక్రమాలు కూడా చర్చనీయాంశమయ్యాయి. జాగృతికోసం ప్రత్యేకంగా ఆఫీసును ప్రారంభించిన ఆమె… ఇక బీఆర్‌ఎస్‌తో సంబంధం లేదన్నట్టుగానే ప్రోగ్రామ్స్‌ తీసుకున్నారు. బీసీల రిజర్వేషన్లయినా, ఇతర అంశాలైనా.. ఆమె సొంత ఎజెండాతో ముందుకు వెళ్లారు. అందుకే, ఇటీవల ఆమెను సింగరేణి పార్టీ అనుబంధం సంఘం బాధ్యతలనుంచి కూడా తప్పించారు. ఇలా వరుస పరిణామాల తర్వాత… ఆమె వ్యవహారశైలి మితిమీరినట్టుగా భావించిన గులాబీ బాస్‌… కూతురిపై బహిష్కరణ వేటు వేశారు.

అఫ్గానిస్థాన్‌లో భారీ భూకంపం సంభవించింది. పాకిస్థాన్‌ సరిహద్దులోని కునార్‌ ప్రావిన్స్‌లో రిక్టర్‌ స్కేల్‌పై 6.0 తీవ్రత నమోదైంది. ఈ ఘోర విపత్తు కారణంగా మృతిచెందిన వారి సంఖ్య 500కు చేరింది. యూఎస్‌ జియోలాజికల్‌ సర్వే వివరాల ప్రకారం.. నంగర్హార్‌ ప్రావిన్స్‌లోని జలాలాబాద్‌ సమీపంలో భూకంప కేంద్రం ఉన్నట్లు వెల్లడైంది. 8 కిలోమీటర్ల లోతులో అది కేంద్రీకృతమై ఉంది. ఆదివారం అర్ధరాత్రి 11.47 గంటల ప్రాంతంలో భూకంపం సంభవించినట్లు అధికారులు తెలిపారు.

హరీష్, సంతోష్ వల్లే కేసీఆర్‌ పై మరకలు : ఎమ్మెల్సీ కవిత

ప్రజా క్షేత్ర్, హైదరాబాద్ :

కేసీఆర్ కుమార్తె కవిత మరోసారి బీఆర్ఎస్ పార్టీలో అణుబాంబు వేశారు. కేసీఆర్ పై సీబీఐ విచారణకు ఆదేశించిన అంశంలో కడుపు రగిలి పోతోందని మీడియా ముందుకు వచ్చిన ఆమె, కేసీఆర్ పై మరకలు పడటానికి హరీష్ రావు, సంతోష్ రావే కారణం అని నేరుగా ఆరోపణలు చేశారు. వారిద్దదరూ తీవ్రమైన అవినీతికి పాల్పడం వల్లనే ఈ పరిస్థితి వచ్చిందన్నారు. కేసీఆర్ కు డబ్బు యావ లేదని..కానీ హరీష్ , సంతోష్ లు మాత్రం భారీగా అవినీతికి పాల్పడ్డారన్నారు. అందుకే హరీష్ రావును గతంలో కేసీఆర్ నీటి పారుదల మంత్రిగా తొలగించారని కూడా కవిత గుర్తు చేసుకున్నారు. తన తండ్రి పై సీబీఐ కేసు నమోదు చేస్తే..కేసీఆర్ పరువుపోతే తనకు ఆవేదన ఉండదా? అని కవిత కంటతడి పెట్టుకున్నారు. హరీష్ రావు, సంతోష్ రావు వెనుక సీఎం రేవంత్ రెడ్డి ఉన్నారని ఆరోపించారు. తాను ఇలా మాట్లాడుతూంటే తన వెనుక ఎవరో ఉన్నారని ఆరోపిస్తారని నిజానికి వారే రేవంత్ రెడ్డితో కలిసి తన తండ్రిపై కుట్ర చేస్తున్నారన్నట్లుగా మాట్లాడారు. కవిత అమెరికా నుంచి వచ్చిన తర్వాత తెలంగాణ జాగృతి సభ్యులతో సమావశం అయ్యారు. హరీష్ రావు, సంతోష్ రావు వ్యక్తిగత స్వార్థం కోసమే అవినీతికి పాల్పడ్డారని మండిపడ్డారు. ఇద్దరు అధికారులు వందల కోట్లతో పట్టుబడ్డారని వారి వెనుక ఎవరున్నారో తేల్చాలన్నారు. అవినీతి ఆనకొండల మధ్య కేసీఆర్ బలిపశువు అవుతున్నారని ఆవేదన వ్యక్తంచేశారు. కేసీఆర్ పై సీబీఐ కేసులు పెట్టే అంత పరిస్థితి వచ్చాక..పార్టీ ఉంటే ఎంత పోతే ఎంత, అని ప్రశ్నించారు. ఈ కేసులో కేసీఆర్ కడిగిన ముత్యంలా బయటకు వస్తారని ధీమా వ్యక్తం చేశారు.
ఇప్పుడు ఉన్న పరిస్థితుల్లో కవిత వ్యాఖ్యలు బీఆర్ఎస్ పార్టీలో పెను సంచలనానికి కారణం అయ్యే అవకాశాలు ఉన్నాయి.

ప్రజా క్షేత్ర్, అమరావతి :

 సచివాలయం 5 బ్లాక్లో ముఖ్యమంత్రి చంద్రబాబు నాయుడు  అధ్యక్షత రాష్ట్రస్థాయి బ్యాంకర్ల కమిటీ సమావేశం జరిగింది. ఈ కార్యక్రమానికి న సీఎస్ కే.విజయానంద్, ఎస్ఎల్ బీసీ ఛైర్మన్ నితీష్ రంజన్, కేంద్ర ఆర్ధిక విభాగం, ఆర్బీఐ, నాబార్డు, సిడ్బీ, ఎగ్జిమ్  బ్యాంక్ ఇతర బ్యాంకుల ప్రతినిధులు, ఉన్నతాధికారులు హజరయ్యారు. ఖరీఫ్ సీజన్లో  రూ.1,80,540 కోట్ల రుణ లక్ష్యానికిగానూ  జూన్ నాటికి రూ.94,666 కోట్ల మేర రుణాలను  బ్యాంకులు ఇచ్చాయి. రాష్ట్ర వ్యాప్తంగా కౌలు రైతులకు రూ.985 కోట్ల రుణాల్ని బ్యాంకులు మంజూరు చేశాయి. ఎంఎస్ఎంఈ రంగానికి రూ.49,831 కోట్ల రుణం మంజూరు చేసాయి. విద్యారంగానికి రూ.252 కోట్లు, హౌసింగ్ కు రూ.1,146 కోట్ల రుణాలు మంజూరు చేసాయి. పునరుద్పాదక ఇంధన రంగానికి రూ.125 కోట్ల మేర రుణ మంజూరు, స్వయం సహాయ సంఘాలకు రూ.5,937 కోట్ల రుణాన్ని ఇచ్చాయి. ముద్రా రుణాల కింద రూ.3189 కోట్లు మంజూరు చేసాయి.

ప్రజా క్షేత్ర్, వెబ్ న్యూస్ : 

పోక్సో కేసులో నల్గొండ జిల్లా కోర్టు సంచలన తీర్పు వెలువరించింది. దోషికి 51 ఏళ్ల కఠిన కారాగార శిక్షను విధించింది. అంతేకాదు 85 వేలు జరిమానా విధిస్తూ బాధితురాలికి 7 లక్షల పరిహారం అందించాలని నల్గొండ జిల్లా కోర్టు ఆదేశించింది. నల్గొండ జిల్లా తిప్పర్తి మండలానికి చెందిన బాలికపై అత్యాచారం చేసిన కేసులో నిందితుడు ఖయ్యూంకి ఈ కఠిన కారాగార శిక్షను కోర్టు విధించింది. క్రైమ్ నం.242/2021, తిప్పర్తి పోలీస్ స్టేషన్‌లో కేసు నమోదైంది. ఎస్సీ, నం.94/2022)లో,తిప్పర్తి గ్రామం, మండలానికి చెందిన నిందితుడు ఖయ్యూంను ఎస్సీ ఎస్టీ కోర్ట్ జడ్జి రోజా రమణి దోషిగా తేల్చారు. అత్యాచారానికి 20 సంవత్సరాల కారాగార శిక్ష, ఫోక్సో  చట్టం కింద మరో 20 సంవత్సరాల కారాగార శిక్ష, ఎస్సీ, ఎస్టి సంబంధిత సెక్షన్, చట్టం కింద 10 సంవత్సరాల కారాగార శిక్షను విధిస్తూ న్యాయమూర్తి తీర్పు వెలువరించారు.వీటితో పాటు.. ఐపీసీ సెక్షన్ 506 కింద ఒక సంవత్సరం కారాగార శిక్షను కూడా విధించారు. 

'మిరాయ్' ట్రైలర్ ఆగస్టు 28న రిలీజ్

సినిమా సెప్టెంబర్ 12న రిలీజ్

ప్రజా క్షేత్ర్, సినిమా : 
సూపర్ హీరో తేజ సజ్జా మోస్ట్ ఎవైటెడ్ పాన్-ఇండియా సూపర్ హీరో విజువల్ వండర్ 'మిరాయ్‌'లో సూపర్ యోధ పాత్రలో అలరించబోతున్నారు. ఈ చిత్రానికి కార్తీక్ ఘట్టమనేని దర్శకత్వం వహించారు. పీపుల్ మీడియా ఫ్యాక్టరీ బ్యానర్‌పై టిజి విశ్వ ప్రసాద్, కృతి ప్రసాద్ నిర్మించారు. ఇప్పటికే గ్లింప్స్, టీజర్, బిటిఎస్ వీడియో వైబ్ ఉంది. సాంగ్ మ్యాసీవ్ బజ్‌ను క్రియేట్ చేశాయి. ట్రైలర్ ఆగస్టు 28న లాంచ్ చేయనున్నారు. హీరో, విలన్ పవర్ ఫుల్ గా కనిపించిన ట్రైలర్ పోస్టర్‌ అదిరిపోయింది. తేజ సూపర్ యోధాగా ఎనర్జీతో మెరుస్తున్న మ్యాజికల్ స్టిక్ తో కనిపించగా, మనోజ్ ఫెరోషియస్ బ్లాక్ స్వోర్డ్ గా, భారీ ఖడ్గాన్ని పట్టుకుని ఎదురు నిలబడ్డాడు. ఈ పోస్టర్‌తో సినిమా మీద అంచనాలు నెక్స్ట్ లెవల్ కి తీసుకెళ్ళాయి.ఈ చిత్రంలో తేజ సజ్జ సరసన రితికా నాయక్ కథానాయికగా నటిస్తుండగా, శ్రీయా శరణ్, జయరామ్, జగపతిబాబు కీలక పాత్రల్లో కనిపించనున్నారు. దర్శకుడు కార్తీక్ ఘట్టమనేని మిరాయ్ దర్శకత్వం వహించడమే కాకుండా, సినిమాటోగ్రఫీ అందిస్తున్నారు. అలాగే స్క్రీన్‌ప్లేను కార్తీక్ స్వయంగా రూపొందించారు. మణిబాబు కరణం రచన, సంభాషణలకు కీలకంగా పనిచేశారు. గౌర హరి సంగీతం, ఆర్ట్ డైరెక్టర్‌గా శ్రీ నాగేంద్ర తంగాల, ఎగ్జిక్యూటివ్ నిర్మాతగా సుజిత్ కుమార్ కొల్లి పని చేస్తున్నారు.ట్రైలర్ పోస్టర్ ద్వారా మేకర్స్ సినిమాను సెప్టెంబర్ 12న ఎనిమిది భాషల్లో 2డి, 3 డిఫార్మాట్లలో విడుదల చేయనున్నట్లు అనౌన్స్ చేశారు.

తారాగణం: సూపర్ హీరో తేజ సజ్జ, మనోజ్ మంచు, రితికా నాయక్, శ్రియ శరణ్, జయరామ్, జగపతి బాబు

కాస్త ఆలస్యమైనా అసలుసిసలైన మాస్ పండుగను థియేటర్లలో తీసుకొస్తామని నిర్మాతలు హామీ

ప్రజా క్షేత్ర్, సినిమా : 

మాస్ మహారాజా రవితేజ అభిమానులతో పాటు, సినీ ప్రియులంతా ఎంతో ఆసక్తిగా ఎదురుచూస్తున్న 'మాస్ జతర' చిత్రం ఆగస్టు 27వ తేదీన థియేటర్లలో విడుదల కావాల్సి ఉండగా, కొన్ని కారణాల వల్ల వాయిదాప డింది.ఇటీవల పరిశ్రమ వ్యాప్తంగా జరిగిన సమ్మెలు, కీలకమైన కంటెంట్ పూర్తి చేయడంలో ఊహించని జాప్యం కారణంగా.. సినిమాను అనుకున్న తేదీకి సకాలంలో సిద్ధం చేయలేకపోయామని నిర్మాతలు అధికారికంగా తెలిపారు. కంగారుగా సినిమాని విడుదల చేయడం కంటే.. కాస్త సమయం తీసుకొని అత్యుత్తమ చిత్రంగా మలిచి, ప్రేక్షకులకు గొప్ప అనుభూతిని అందించాలనే ఉద్దేశంతోనే ఈ నిర్ణయం తీసుకున్నట్లు నిర్మాతలు స్పష్టం చేశారు.మాస్ జతార చిత్రాన్ని అసలైన పండుగ సినిమాగా తీర్చిదిద్దడానికి ప్రతి విభాగం అవిశ్రాంతంగా కృషి చేస్తోందని, ప్రస్తుతం చిత్రానికి సంబంధించిన పనులు వేగంగా జరుగుతున్నాయని నిర్మాతలు తెలిపారు. కొత్త విడుదల తేదీ ఇంకా ఖరారు కానప్పటికీ, త్వరలోనే ప్రకటన వస్తుందని పేర్కొన్నారు. అభిమానులు నిరీక్షణకు బహుమానంగా త్వరలో ఆశ్చర్యకర కంటెంట్ రాబోతుందని నిర్మాతలు హామీ ఇచ్చారు.

ముగ్గురు నిజామాబాద్, ఒకరు జగిత్యాల, మరొకరు రాజన్న సిరిసిల్ల జిల్లా వాసులు

ప్రజా క్షేత్ర్, జగిత్యాల :

బహరేన్ లో రెండేళ్ళ జైలుశిక్ష విధించబడిన ఐదుగురు తెలంగాణ కార్మికుల కుటుంబ సభ్యులలో నలుగురి తల్లులు, ఒకరి చెల్లెలు సహాయం కోసం మంగళవారం హైదరాబాద్ లోని 'సీఎం ప్రవాసీ ప్రజావాణి' ని ఆశ్రయించారు. నిజామాబాద్ రూరల్ ఎమ్మెల్యే డా. ఆర్. భూపతి రెడ్డి సూచన మేరకు వారు ముఖ్యమంత్రి ఏ. రేవంత్ రెడ్డి పేరిట అందరు కల్సి ఒక ఉమ్మడి వినతిపత్రం ఇచ్చారు.
తెలంగాణ ప్రభుత్వ ఎన్నారై అడ్వయిజరీ కమిటీ ఛైర్మన్, అంబాసిడర్ డా. బిఎం వినోద్ కుమార్, వైస్ ఛైర్మన్ మంద భీంరెడ్డి లు గల్ఫ్ కుటుంబాలను సీఎం ప్రజావాణి నోడల్ అధికారి దివ్యా దేవరాజన్ వద్దకు తీసికెళ్లి సమస్య తీవ్రతను వివరించారు. వారి గోడు విన్న వెంటనే ఆమె సీఎంఓ లో కీలక అధికారి, ముఖ్యమంత్రి ప్రిన్సిపల్ సెక్రెటరీ వి. శేషాద్రి దృష్టికి ఈ సమస్యను తీసికెళ్లారు. గల్ఫ్ కుటుంబాల వెంట బొజ్జ అమరేందర్ రెడ్డి, బషీర్ అహ్మద్, మోత్కూరి నవీన్ గౌడ్, కొండ శ్రీనివాస్ తదితరులున్నారు.
గడువు తీరిన ఆహార ఉత్పత్తుల తేదీలను ఫోర్జరీ చేసి మార్చడం, నిల్వ, మార్కెటింగ్, అమ్మకం  చేసిన ఆహార భద్రతా కేసులో... ముగ్గురికి మూడేళ్లు, 19 మందికి రెండేళ్ల జైలుశిక్ష విధించిన  సంఘటన ఇటీవల బహరేన్ లో జరిగింది. వీరిలో నిజామాబాద్ జిల్లాకు చెందిన నకిడి లింబాద్రి (డిచుపల్లి), కర్రోల్ల లక్ష్మినర్సింహ (మల్లారం), తిమ్మజడ సంతోష్ (తిర్మన్ పల్లి), జగిత్యాల జిల్లాకు చెందిన గోవింద్ రాకేష్ (రత్నాపూర్), రాజన్న సిరిసిల్ల జిల్లాకు చెందిన బంటు బాబు (కొండాపూర్) అనే ఐదుగురు యువకులు ఉన్నారు. గోదాములో ఆహార ఉత్పత్తులపై లేబుళ్లు తొలగించి, కొత్త తేదీలతో స్టిక్కర్లు అతికించడానికి కంపెనీ యాజమాన్యం కార్మికులను ఉపయోగించి వారి జీవితాలను అంధకారంలోకి నెట్టివేసిందని కుటుంబ సభ్యులు ఆవేదన వ్యక్తం చేశారు. యాజమాన్యం చెప్పినట్లు డ్యూటీ చేయడం, చేసేపని మంచో... చెడో అవగాహన లేకపోవడం ప్రవాసీ కార్మికుల పాలిట శాపమైందని వారు అన్నారు. కేంద్ర, రాష్ట్ర ప్రభుత్వాలు చొరవ తీసుకుని బహరేన్ లోని ఇండియన్ ఎంబసీ ద్వారా జైల్లో ఉన్న కార్మికులకు న్యాయ సహాయం (లీగల్ ఎయిడ్) అందించాలని కోరారు. బహరేన్ లోని తెలంగాణ సామాజిక సేవకులు కోటగిరి నవీన్ ఇండియన్ ఎంబసీ ద్వారా సహాయం చేయడానికి ముందుకు వచ్చారని వారు తెలిపారు.
యజమాని ఒత్తిడి వలన అమాయకులైన కార్మికులు విధులు నిర్వర్తించిన విషయాన్ని గమనించాలని, ప్రత్యేక కేసుగా పరిగణించి వారికి 'క్షమాబిక్ష' లభించేలా చూడాలని బాధితుల కుటుంబ సభ్యులు నకిడి గంగామణి (డిచుపల్లి), కర్రోల్ల సరస్వతి (మల్లారం), తిమ్మజడ నర్సవ్వ (తిర్మన్ పల్లి), గోవింద్ విజయ (రత్నాపూర్), బట్టు
117 స్నేహ (కొండాపూర్) లు కోరుతున్నారు.

ప్రజా క్షేత్ర్, సినిమా : 

రాజ్ తరుణ్ – విజయ్ మిల్టన్ కాంబినేషన్‌లో తెరకెక్కుతున్న మోస్ట్ అవైటెడ్ సినిమా టైటిల్ రేపు విడుదల కానుంది . తమిళ సినీ తారలు మక్కల్ సెల్వన్ విజయ్ సేతుపతి, విజయ్ ఆంటోని, ఆర్యతో పాటు తెలుగు యంగ్ హీరో మాస్ క దాస్ విశ్వక్ సేన్ చేతుల మీదుగా ఈ చిత్రం టైటిల్ విడుదల కానుంది. ఈ టైటిల్ లాంచ్ వినాయక చవితి సందర్భంగా రేపు ఉదయం 11:11 గంటలకు జరగనుంది.
విజయ్ మిల్టన్ దర్శకత్వంలో, రాజ్ తరుణ్ హీరోగా తెరకెక్కుతున్న ఈ చిత్రంలో సీనియర్ నటి అభిరామి కీలక పాత్రలో నటిస్తున్నారని సమాచారం. ప్రొడక్షన్ నెం. 5గా రూపుదిద్దుకుంటున్న ఈ చిత్రం తెలుగు, తమిళ భాషల్లో ప్రేక్షకులను అలరించనుంది.
ఇప్పటికే ఈ కాంబినేషన్‌పై సినీ వర్గాల్లో భారీ అంచనాలు నెలకొన్నాయి. ఇంకా టైటిల్ అనౌన్స్‌మెంట్‌పై కూడా ప్రేక్షకులు, సినీ వర్గాలు ఎంతో ఆసక్తిగా ఎదురుచూస్తున్నాయి.

ప్రజా క్షేత్ర్, సినిమా : 
 ఈ సినిమాను ప్రముఖ నిర్మాత అల్లు అరవింద్ సమర్పణలో గీతా ఆర్ట్స్, ధీరజ్ మొగిలినేని ఎంటర్ టైన్ మెంట్ బ్యానర్స్ సంయుక్తంగా నిర్మిస్తున్నాయి. బ్యూటిఫుల్ లవ్ స్టోరీతో దర్శకుడు రాహుల్ రవీంద్రన్ రూపొందిస్తున్నారు. ధీరజ్ మొగిలినేని, విద్య కొప్పినీడి నిర్మాతలుగా వ్యవహిస్తున్నారు. ఈ రోజు "ది గర్ల్ ఫ్రెండ్" సినిమా నుంచి 'ఏం జరుగుతోంది...' లిరికల్ సాంగ్ రిలీజ్ చేసారు. ఈ పాటకు రాకేందు మౌళి సాహిత్యాన్ని అందించగా, చిన్మయి పాడారు. హేషమ్ అబ్దుల్ వాహాబ్ ఛాట్ బస్టర్ ట్యూన్ అందించారు. 'ఏం జరుగుతోంది...' పాట ఎలా ఉందో చూస్తే - ' కలకలమను కలగలిపిన కథ మొదలా, కలవరమున తెగనలిగిన నిజము కలా, ఏం చేయను తడబడిన తప్పటడుగా, మతిచెడెనా ఏమో,  సతమతమౌ తలపేదో,  నిలదీసి నన్నెడుగెనుగా, ఏం జరుగుతోంది, ఏం జరుగుతోంది, మనసా తెలుసా, మనసా తెలుసా, ఏం జరుగుతోంది, ఏం జరుగుతోంది...' అంటూ హార్ట్ టచింగ్ లవ్ ఫీల్ తో సాగుతుందీ పాట. "ది గర్ల్ ఫ్రెండ్" సినిమా రిలీజ్ డేట్ ను మేకర్స్ త్వరలోనే అనౌన్స్ చేయబోతున్నారు.
నటీనటుskshetలు - రశ్మిక మందన్న, దీక్షిత్ శెట్టి, తదితరులు

దొంగతనానికి వచ్చి... ఎక్కడ చెబుతుందోనని హత్య చేసిన బాలుడు

15 నిమిషాల పాటు బాలుడు ఆ ఇంటినే చూస్తున్నట్లు సిసి కెమెరాలో నిక్షిప్తం

ప్రజా క్షేత్ర్, వెబ్ న్యూస్ : 

సంచలనం సృష్టించిన పన్నెండేళ్ల చిన్నారి సహస్ర హత్య కేసులో మిస్టరీ వీడింది. బాలిక ఉంటున్న అపార్ట్ మెంట్ పొరుగునే ఉంటున్న 10వ తరగతి విద్యార్థి ఈ ఘాతుకానికి ఒడిగట్టినట్టుగా పోలీసుల విచారణలో నిర్ధారణ అయ్యింది. దొంగతనానికి వెళ్లిన బాలుడు ఊహించని విధంగా  సహస్​ర ఇంట్లో ఉండటం...తనను చూడటంతో అందరికీ విషయం చెప్పేస్తుందని ఆమెను కిరాతకంగా హతమార్చినట్టుగా వెల్లడైంది. క్రికెట్ బ్యాట్ కొనటానికే డబ్బు దొంగిలించటానికే వచ్చినట్టుగా తెలుస్తోంది.  ప్రస్తుతం బాలున్ని అదుపులోకి తీసుకున్న పోలీసులు పూర్తి వివరాలు తెలుసుకునేందుకు విచారణ జరుపుతున్నారు. కూకట్​ పల్లి సంగీత్ నగర్ లోని ఓ అపార్ట్ మెంట్ పెంట్ హౌస్​ లో నివాసముంటున్న సహస్ర అయిదు రోజుల క్రితం దారుణ హత్యకు గురైన విషయం తెలిసిందే. స్కూల్ కు వెళ్లిన కొడుక్కి లంచ్​ బాక్స్ ఇద్దామని చిన్నారి తండ్రి కృష్ణ ఇంటికి వచ్చినపుడు ఈ ఘాతుకం వెలుగు చూసింది. కత్తితో గొంతు, కడుపులో ఇరవై సార్లకు పైగా పొడవటంతో రక్తం మడుగులో చనిపోయిన సహస్ర మృతదేహం కనిపించింది. ఈ హత్య రాష్ట్రవ్యాప్తంగా అందరిలో తీవ్ర కలవరాన్ని సృష్టించింది. ఈ క్రమంలో పోలీసులు కేసును ఛాలెంజ్ గా తీసుకున్నారు. నిందితున్ని పట్టుకునేందుకు బాలానగర్ జోన్​ డీసీపీ సురేశ్​ కుమార్ అయిదు ప్రత్యేక బృందాలను రంగంలోకి దింపారు. ఈ బృందాలు పదుల సంఖ్యలో అనుమానితులను విచారించాయి. సహస్ర కుటుంబం ఉంటున్న అపార్ట్ మెంట్ లోనే అద్దెకు ఉంటున్న ఒడిషాకు చెందిన వ్యక్తితోపాటు దాదాపు నలభై మందిని ప్రశ్నించాయి. అయితే, కేసులో మిస్టరీ మాత్రం వీడలేదు. *సహస్ర కుటుంబం అద్దెకుంటున్న అపార్ట్ మెంట్ లో సీసీ కెమెరాలు లేవు. అయితే, దాని ఎదురుగా ఉన్న ఓ ఇంటి వద్ద సీసీ కెమెరాలు పని చేస్తున్నాయి. వాటి ఫుటేజీని విశ్లేషించినపుడు సహస్ర కుటుంబం ఉంటున్న అపార్ట్ మెంట్ లోకి ఎవరు వెళుతున్నట్టుగానీ...బయటకు వస్తున్నట్టుగానీ కనిపించ లేదు. ఇక, అపార్ట్ మెంట్​ పరిసర ప్రాంతాల్లోని సీసీ కెమెరాల ఫుటేజీని పరిశీలించినపుడు కూడా హత్య జరిగిన సమయంలో అటుగా అనుమానాస్పదంగా ఎవరు వచ్చినట్టుగానీ...వెళ్లినట్టుగానీ అగుపించ లేదు. అయితే, సహస్ర ఉంటున్న అపార్ట్ మెంట్ గేటు వద్ద ఓ యువకుడు బయటకు తొంగి చూస్తున్న దృశ్యాలు మాత్రం రికార్డయ్యాయి. ఈ నేపథ్యంలో ఇరుగుపొరుగున ఉంటున్న వారిలోనే ఎవరో ఒకరు టెర్రస్​ పైనుంచి వచ్చి ఈ హత్యకు పాల్పడి ఉండవచ్చని అనుమానించిన పోలీసులు ఒక్కొక్కరిని అదుపులోకి తీసుకుని క్షుణ్నంగా విచారించటం మొదలు పెట్టారు. 

దొంగతనానికి వచ్చి...నేనే చంపేశా...

ఈ క్రమంలోనే సహస్ర కుటుంబం ఉంటున్న అపార్ట్ మెంట్ పక్క బిల్డింగ్ లోని 10వ తరగతి విద్యార్థిని పోలీసులు అదుపులోకి తీసుకుని ప్రశ్నించారు. మొదట తనకేమీ తెలియదని బాలుడు నమ్మించటానికి ప్రయత్నించినా పోలీసులు ప్రశ్నలతో ఉక్కిరిబిక్కిర చేయటంతో తానే సహస్రను చంపినట్టుగా అంగీకరించాడు. నిజానికి తాను దొంగతనం చేయటానికి వెళ్లినట్టుగా చెప్పాడు. సహస్ర తనను చూడటంతో అందరికీ చెబుతుందన్న భయంతోనే  ఈ నేరానికి పాల్పడినట్టుగా వెల్లడించాడు. ఈ క్రమంలో పోలీసులు అతని నుంచి హత్యకు ఉపయోగించిన కత్తితోపాటు రక్తం మరకలు ఉన్న దుస్తులను స్వాధీనం చేసుకున్నారు. దాంతోపాటు దొంగతనం ఎలా చేయాలి? అన్నదానికి సంబంధించి ఆ బాలుడు రాసుకున్న కాగితాన్ని కూడా సీజ్ చేశారు. 

మిషన్ don? 

హత్యకు గురైన సహస్ర కేంద్రీయ విద్యాలయంలో 6వ తరగతి చదువుతోంది. ఆమె తమ్ముడు మరో ప్రైవేట్ స్కూల్ విద్యార్థి. తల్లి రేణుక ఓ ప్రైవేట్ ఆస్పత్రిలో ల్యాబ్ టెక్నీషియన్ గా ఉద్యోగం చేస్తుండగా తండ్రి కృష్ణ బైక్ మెకానిక్​ గా పని చేస్తున్నాడు. ప్రతీరోజు ఉదయం పిల్లలు స్కూళ్లకు వెళ్లగానే ఇంటికి తాళం వేసి రేణుక, కృష్ణలు తమ తమ పనులపై వెళ్లిపోయేవారు. పొరుగింట్లోనే ఉంటున్న బాలునికి ఈ విషయం బాగా తెలుసు. ఈ క్రమంలో కృష్ణ ఇంట్లో చోరీకి పథకం వేసుకున్నాడు. యూ ట్యూబ్​ వీడియోలు చూసి తాళాన్ని ఎలా విరగ్గొట్టాలో తెలుసుకున్నాడు. గమనించాల్సిన అంశం ఏమిటంటే ఆ వివరాలను మిషన్ థెఫ్ట్ అంటూ పేపర్ పై రాసుకోవటం. హౌ టు ఎంట్రీ...హౌ టు బ్రేక్ హుండీ...హౌ టు ఎస్కేప్ అని రాసి చివరకు మిషన్ డన్​ అని కూడా ఆ కాగితంపై రాశాడు. రూపొందించుకున్న పథకం ప్రకారం ఓ కత్తి, స్క్రూడ్రైవర్ వెంట తీసుకుని టెర్రస్ పైనుంచి సహస్ర కుటుంబం ఉంటున్న పెంట్ హౌస్ వద్దకు చేరుకున్నాడు. ఆ రోజు స్కూల్​ కు సెలవు కావటంతో సహస్ర ఒంటరిగా ఇంట్లో ఉంది. చోరీ చేయటానికి లోపలికి వచ్చిన బాలున్ని చూసింది. దాంతో తన గురించి అందరికీ చెబుతుందని భయపడ్డ బాలుడు ఆమెపై దాడి చేశాడు. మొదట గొంతు నులిమి ఆ తరువాత కత్తితో గొంతుపై, కడుపులో విచక్షణారహితంగా పొడిచాడు. సహస్ర చనిపోయిందని నిర్ధారించుకున్న తరువాత దేవుని ఫోటోల వద్ద ఉన్న హుండీని పగులగొట్టి దొరికిన డబ్బు తస్కరించి టెర్రస్ పైనుంచే ఉడాయించాడు. ఆ రోజు సెలవు లేకుండా ఉంటే సహస్ర స్కూల్​ కు వెళ్లేదని...ప్రాణాలతో బతికేదని స్థానికులు ఆవేదనతో వ్యాఖ్​యానించారు. చూస్తుంటే మృత్యువు ఆ చిన్నారిని వెంటాడినట్టుగా అనిపిస్తోందన్నారు. ఇక, పోలీసులు బాలుని నుంచి దొంగతనం ఎలా చేయాలని రాసుకున్న లెటర్, రక్తం మరకలు ఉన్న దుస్తులు, కత్తిని స్వాధీనం చేసుకున్నారు. పూర్తి వివరాలను తెలుసుకునేందుకు విచారణ జరుపుతున్నారు. కేసులో మిస్టరీ వీడినట్టే అని చెప్పిన అధికారులు అన్ని వివరాలను త్వరలోనే వెల్లడిస్తామని చెప్పారు.

తెలంగాణలో విమానయాన రంగం కొత్త ఊపు అందుకోబోతోంది. వరంగల్, ఆదిలాబాద్‌లలో నిలిచిపోయిన విమానాశ్రయ ప్రణాళికలు ఇప్పుడు మళ్లీ కదలికలు మొదలుపెట్టాయి. ఎయిర్‌పోర్ట్స్ అథారిటీ ఆఫ్ ఇండియా ఏఏఐ,ఈ రెండు నగరాల్లో బ్రౌన్‌ఫీల్డ్ విమానాశ్రయాలను వచ్చే రెండేళ్లలో అందుబాటులోకి తేవాలని నిర్ణయించింది.ఇప్పటికే వరంగల్ మామునూరు ఎయిర్‌పోర్ట్ కోసం అవసరమైన భూసేకరణ దాదాపు పూర్తయింది. 253 ఎకరాల భూమికి రూ.205 కోట్లు విడుదల చేసిన రాష్ట్ర ప్రభుత్వం, ఈ ప్రాజెక్టు పట్ల తన కట్టుబాటును స్పష్టంగా చూపించింది. మామునూరు ఎయిర్‌పోర్ట్ అభివృద్ధి మొదట చిన్న విమానాలకే పరిమితం చేయాలనుకున్నారు. కానీ రాష్ట్ర విజ్ఞప్తి మేరకు ఏఏఐ పెద్ద విమానాలు, కార్గో ఫ్లైట్లకూ సదుపాయాలు కల్పించాలని నిర్ణయించింది. అంటే ఏ320, బోయింగ్ 737 లాంటి వాణిజ్య విమానాల రాకపోకలకు కూడా ఈ ఎయిర్‌పోర్ట్ సిద్ధమవుతుందన్నమాట.
ఈ ఏడాది చివర్లోనే పనులు ప్రారంభించేలా సన్నాహాలు జరుగుతున్నాయి. వరంగల్ అభివృద్ధికి ఇది కీలకమైన అడుగుగా భావిస్తున్నారు. ఇక ఆదిలాబాద్‌లో ఇప్పటికే 362 ఎకరాల వాయుసేన స్థలం ఉంది. దానిని వినియోగించుకుంటూ మిగతా భూసేకరణ కూడా రాష్ట్ర ప్రభుత్వం చేపట్టనుంది. ఏఏఐ వచ్చే రెండు సంవత్సరాల్లో ఈ ఎయిర్‌పోర్టును కూడా పూర్తిచేయాలని లక్ష్యంగా పెట్టుకుంది.
తెలంగాణ ప్రభుత్వం 2027 జూన్ నాటికే పనులు పూర్తయ్యేలా కసరత్తు చేస్తుండగా, కేంద్రం డిసెంబర్ వరకు గడువు పెట్టినట్లు సమాచారం. రెండు ప్రాజెక్టులు పూర్తైతే తెలంగాణలో వాయు ప్రయాణం మరింత విస్తరించనుంది. వరంగల్ విమానాశ్రయానికి ప్రత్యేకమైన చారిత్రక ప్రాధాన్యం ఉంది. నిజాం కాలంలోనే ఇక్కడి నుంచి విమానాలు ఎగిరాయి. భారత్ చైనా యుద్ధ సమయంలో కీలకమైన సేవలు అందించాయి. కానీ గత మూడు దశాబ్దాలుగా ఈ ఎయిర్‌పోర్ట్ మూతపడే ఉంది. ఇప్పుడు మళ్లీ పునరుద్ధరించాలనే ప్రయత్నం విజయవంతమైతే, వరంగల్ వాసుల కల నిజమవుతుంది. హైదరాబాద్ తర్వాత రాష్ట్రంలో రెండో అతిపెద్ద నగరంగా అభివృద్ధి చెందుతున్న వరంగల్‌కి ఈ ప్రాజెక్టు కొత్త ఊపును తీసుకురానుంది. ఈ రెండు విమానాశ్రయాలు అందుబాటులోకి వస్తే, తెలంగాణలో పర్యాటకానికి, వాణిజ్యానికి, పరిశ్రమలకు పెరుగుదల ఖాయం. ప్రత్యేకంగా వరంగల్‌లో ఐటీ, ఎడ్యుకేషన్, హ్యాండ్లూమ్ రంగాల అభివృద్ధికి ఇది తోడ్పడుతుంది. ఆదిలాబాద్‌లో ఖనిజ, అటవీ సంపద ఆధారిత వ్యాపారాలకు కొత్త అవకాశాలు లభిస్తాయి. మొత్తానికి ఈ రెండు ప్రాజెక్టులు తెలంగాణ రవాణా రంగానికే కాకుండా, రాష్ట్ర ఆర్థిక వ్యవస్థకు కూడా కొత్త రెక్కలు ఇస్తాయని చెప్పొచ్చు.

తెలంగాణలో మద్యం దుకాణాల ఆశావాహులకు రాష్ట్ర ప్రభుత్వం గుడ్ న్యూస్ చెప్పింది. రాష్ట్రవ్యాప్తంగా మద్యం దుకాణాల టెండర్ల దరఖాస్తుకు ఆబ్కారీ శాఖ బుధవారం నోటిఫికేషన్ విడుదల చేసింది. అలాగే, దరఖాస్తుల ఫీజు కూడా భారీగా పెంచేసింది. దరఖాస్తు పీజు రూ.2లక్షల నుంచి రూ.3లక్షలకు పెంచినట్లు పేర్కొంది. వచ్చే రెండేండ్ల కాల పరిమితి (2025 డిసెంబర్ నుంచి 27 నవంబర్ వరకు)కి కి సంబంధించి లాటరీ పద్దతి ద్వారా మద్యం దుకాణాల లైసెన్సులను ఎంపిక చేయనుంది. మద్యం దుకాణాల కేటాయింపులో గౌడ్‌లకు 15 శాతం, ఎస్సీలకు 10 శాతం, ఎస్టీలకు 5 శాతం రిజర్వేషన్లను ప్రభుత్వం కల్పించనుంది. మద్యం దుకాణాలకు 6 శ్లాబ్‌లలో ఎక్సైజ్‌శాఖ లైసెన్స్‌లు జారీ చేయనుంది.

ప్రజా క్షేత్ర్, హైదరాబాద్ : 

రాష్ట్ర వ్యాప్తంగా గత కొద్ది రోజులుగా భారీ వర్షాల కారణంగా ఓవైపు ప్రజలు ఇబ్బందులు ఎదురుకుంటున్నా.. మరోవైపు జలాశయాలు మాత్రం జలకళను సంతరించుకుంటున్నాయి. నాగార్జన సాగర్‌   కూడా నీటితో నిండిపోయింది. శ్రీశైలం జలాశయం నుంచి వచ్చిన నీటి ప్రవాహంతో నాగార్జున సాగర్‌కు భారీగా నీరు వచ్చి చేసింది. దీంతో సాగర్ కృష్ణమ్మ పరవళ్లతో కళకళలాడుతుంది. ఈ సీజన్‌లో సాగర్‌‌కు 4.10 లక్షల క్యూసెక్కుల ఇన్‌ఫ్లో రావడం ఇదే తొలిసారి. దీంతో అధికారులు మొత్తం 26 గేట్లను దాదాపు 10 అడుగుల పైకి ఎత్తి నీటిని విడుదల చేస్తున్నారు. ఇలా జరిగడం కూడా సాగర్ చరిత్రలో తొలిసారి కావడం విశేషం.గడిచిన మూడు రోజుల నుంచి వరద ప్రమాదం పెరుగుతుండటంతో నాగార్జున సాగర్   నీటిమట్టం అంతకంతకు పెరిగిపోతుంది. సాగర్ జలాశయం పూర్తిస్థాయి నీటి మట్టం 590 అడుగులు కాగా.. ఇప్పటికే 584.80 అడుగులుగా నమోదైంది. నీటి నిల్వ సామర్థ్యం 312,0450 టిఎంసిలు కాగా.. ప్రస్తుతం 274,8580 టిఎంసిలుగా ఉంది.

గ‌ట్టిగా రెండు సార్లు ఆమె చెంప‌పై కొట్టి జుట్టు ప‌ట్టుకుని మ‌రీ బాదిన వైనం  

ప్రజా క్షేత్ర్న్యూ, ఢిల్లీ ఆగస్టు 20 : 
: ఢిల్లీ సీఎం రేఖా గుప్తా పై బుదవారం దాడి జ‌రిగింది. సీఎం నివాసంలో జ‌న్ సున్వాయి కార్య‌క్రమం నిర్వ‌హిస్తున్న స‌మ‌యంలో ఆ అటాక్ జ‌రిగింది. త‌న‌ స‌మ‌స్య‌ను చెప్పుకునేందుకు వ‌చ్చిన ఓ వ్య‌క్తి సీఎం రేఖా గుప్తాపై అకస్మాత్తుగా దాడి చేశాడు. ఆ వ్య‌క్తి 30 ఏళ్ల ఉంటాడ‌ని బీజేపీ నేత‌లు చెబుతున్నారు. సీఎంపై దాడి చేసిన వ్య‌క్తిని.. అక్క‌డ ఉన్న సీఎం సిబ్బంది త‌క్ష‌ణ‌మే అదుపులోకి తీసుకున్నారు. ప‌బ్లిక్ మీటింగ్‌లో స‌మ‌స్య చెప్పుకునేందుకు వ‌చ్చిన వ్య‌క్తి ఎందుకు దాడికి పాల్ప‌డ్డార‌న్న కోణంలో విచార‌ణ నిర్వ‌హిస్తున్నారు. గ‌ట్టిగా రెండు సార్లు ఆమె చెంప‌పై కొట్టిన‌ట్లు తెలుస్తోంది. జుట్టు ప‌ట్టుకుని మ‌రీ బాదిన‌ట్లు చెబుతున్నారు. జుట్టు ప‌ట్టి పీక‌డంతో.. త‌ల‌కు గాయాలైన‌ట్లు తెలుస్తోంది

*దేశంలోనే ఎనర్జీ ఆడిట్ ను నిర్వహించిన తొలి ఆలయంగా యాదగిరిగుట్ట*
*డిప్యూటీ సి.ఎం చే అందుకున్న ముఖ్య కార్యదర్శి శైలజ రామయ్యర్, గుట్ట ఈ.ఓ వెంకట్ రావు*.
ప్రజా క్షేత్ర్, హైదరాబాద్  ::
యాదగిరి గుట్ట శ్రీ లక్ష్మి నరసింహ స్వామీ ఆలయానికి నాలుగు  ISO 9001 , ISO 22000 లతో కలిపి నాలుగు  సర్టిఫికేషన్ పురస్కారాలు యాదగిరి గుట్ట లయానికి లభించాయి. దేశంలోనే ఎనర్జి ఆడిట్ నిర్వహించిన మొట్ట మొదటి ఆలయంగా, స్వామివారి అన్న,  ప్రసాదాల విషయంలో అత్యంత ఉన్నత ప్రమాణాలు, గుట్ట సందర్శనకు వచ్చే యాత్రికులకు మెరుగైన , సంతృప్తికర సౌకర్యాలు కల్పించడం, భక్తులకు సంతృప్తికరమైన దైవ దర్శనం కల్పించడం, తదితర అంశాలకు ఈ నాలుగు అవార్డులు లభించాయి.  గత రెండు నెలలుగా విజయవంతంగా ఐఎస్ఓ ఇన్స్పెక్షన్ సర్టిఫికేషన్, ఆడిట్ ను  HYM ఇంటర్నేషనల్ సర్టిఫికేషన్ ఆధ్వర్యంలో గుట్టలో నిర్వహించారు.. కాగా ఈ ISO సర్టిఫికెట్లను రాష్ట్ర ఉప ముఖ్యమంత్రి భట్టి విక్రమార్క, మంత్రులు దుద్దిళ్ల శ్రీధర్ బాబు, దనసరి అనసూయ, సి.ఎస్ రామకృష్ణా రావు ల సమక్షంలో రాష్ట్ర దేవాదాయ శాఖ ముఖ్య కార్యదర్శి శైలజ రామయ్యర్, ఎండోమెంట్ కమీషనర్, యాదగిరిగుట్ట కార్యనిర్వహణాధికారి వెంకట్ రావు లకు అందచేశారు. ఈ కార్యక్రమంలో ఐ.ఎస్.ఓ సర్టిఫికేషన్ బాధ్యులు ఆలపాటి శివయ్య, తదితరులు పాల్గొన్నారు.

హోంబాలే ఫిల్మ్స్, రిషబ్ శెట్టి బిగ్గెస్ట్ పాన్-ఇండియా మూవీ కాంతార చాప్టర్ 1 నుంచి కులశేఖరగా గుల్షన్ దేవయ్య ఫస్ట్ లుక్ రిలీజ్

ప్రజా క్షేత్ర్, సినిమా : 

మోస్ట్ ఎవైటెడ్ బిగ్గెస్ట్ పాన్ ఇండియా మూవీ కాంతార చాప్టర్ 1 నిర్మాతలు బాలీవుడ్ నటుడు గుల్షన్ దేవయ్య ఫస్ట్ లుక్‌ను లాంచ్ చేశారు. రిషబ్ శెట్టి బాక్‌బస్టర్ కాంతారకు ప్రతిష్టాత్మక ప్రీక్వెల్‌లో కులశేఖర పాత్రలో నటిస్తున్నాడు గుల్షన్ దేవయ్య. ఈ అనౌన్స్ మెంట్ ఫ్రాంచైజీ అభిమానులలో ఉత్సాహాన్ని నింపింది. ఈ చిత్రం ప్రపంచవ్యాప్తంగా ప్రేక్షకులను అలరించడానికి సిద్ధమవుతోంది.రిషబ్ శెట్టి రచన, దర్శకత్వం వహించి తానే మళ్లీ సెంట్రల్ క్యారెక్టర్‌గా నటిస్తున్న "కాంతార చాప్టర్ 1" మొదటి పార్ట్‌లో ఉన్న యూనివర్స్‌ని ఇంకా విస్తరించబోతోంది. తొలి సినిమా రా, ఫోక్‌లొర్, ఆధ్యాత్మికత, భావోద్వేగాలతో రూటెడ్ స్టోరీటెల్లింగ్ కి కొత్త నిర్వచనం ఇచ్చింది. ఈ ప్రీక్వెల్ మాత్రం మూలాలను ఇంకా లోతుగా ఎక్స్ప్లోర్ చేస్తూ, మరింత ఇంటెన్సిటీ, భావోద్వేగం జోడించబోతోంది.ఈ సినిమా విజువల్‌ విజువల్ వండర్ గా ఉండబోతోంది. సినిమాటోగ్రఫీని అర్వింద్ ఎస్. కాశ్యప్ అందిస్తుండగా, ఫస్ట్ పార్ట్ లో ప్రేక్షకులను మంత్ర ముగ్ధులను చేసిన బి. అజనీష్ లోక్నాథ్ మ్యూజిక్ ఇస్తున్నారు. హోంబాలే ఫిలిమ్స్‌ విజయ్ కిరగందూర్ నెక్స్ట్ లెవల్ లో నిర్మిస్తున్నారు. కులశేఖర పాత్రలో గుల్షన్ దేవయ్య ఫస్ట్ లుక్ బయటికి రావడంతో సినిమా మీద మరింత హైప్ పెరిగింది. ఈ మోస్ట్ లవ్డ్ యూనివర్స్ లో అతని రోల్ ఎలాంటి మలుపులు తీసుకొస్తుందో అన్న ఆసక్తి పెరుగుతోంది.
ఈ చిత్రం కన్నడతో పాటు తెలుగు, హిందీ, తమిళం, మలయాళం, బెంగాళీ, ఇంగ్లీష్ లో అక్టోబర్ 2, 2025న గ్రాండ్ గా వరల్డ్‌వైడ్ రిలీజ్ కానుంది.

ప్రజా క్షేత్ర్, వెబ్ సినిమా :
పవన్ కళ్యాణ్ అభిమానులకు శుభవార్త! ఆయన తాజా చిత్రం హరి హర వీరమల్లు: పార్ట్ 1 – స్వోర్డ్ vs స్పిరిట్ ఇప్పుడు ప్రైమ్ వీడియోలో స్ట్రీమింగ్‌కి అందుబాటులోకి వచ్చింది..ఈ చిత్రాన్ని రాధాకృష్ణ జాగర్లమూడి, జ్యోతి కృష్ణ సంయుక్తంగా దర్శకత్వం వహించగా, ఆస్కార్ అవార్డు గ్రహీత ఎం.ఎం. కీరవాణి అద్భుతమైన సంగీతాన్ని సమకూర్చారు. పీరియడ్ అడ్వెంచర్ జానర్‌లో రూపొందిన ఈ చిత్రంలో పవన్ కళ్యాణ్‌తో పాటు నిధి అగర్వాల్, బాబీ డియోల్, సత్యరాజ్, సచిన్ ఖేడ్కర్, నాజర్, రఘుబాబు వంటి ప్రముఖ నటులు కీలక పాత్రలు పోషించారు.మొఘల్ కాలం నాటి ఈ కథలో, వీరమల్లు అనే ఒక ధైర్యవంతుడు చక్రవర్తి ఔరంగజేబు కోట నుండి ప్రసిద్ధ కోహినూర్ వజ్రాన్ని దొంగిలించడానికి బయలుదేరుతాడు. రాజకీయ కుట్రలు, యుద్ధాలు మరియు సాహసాలతో ఈ సినిమా ప్రేక్షకులను అలరిస్తుంది. కాని కథ ముందుకు వెళ్ళే కొలది కథ ధర్మ రక్షణ కోసం అనే మలుపుతో మరింత ఇంట్రెస్ట్ కలిగించింది.ఈ సినిమా తెలుగుతో పాటు తమిళ్, మలయాళంలో కూడా అందుబాటులో ఉంది. మీరు ప్రపంచంలో ఎక్కడ ఉన్నా, ప్రైమ్ సభ్యులు ఈ సినిమాను చూడవచ్చు

*నటకిరీటి డా: రాజేంద్ర ప్రసాద్ నటించిన "నేనెవరు?" టైటిల్ లోగో లాంచ్ చేసిన సినీ ప్రముఖులు*

*దర్శకుడిగా చిరంజీవికి ఉజ్వల భవిష్యత్ ఉందని కితాబు*
ప్రజా క్షేత్ర్, సినిమా : 
ఇటీవల కాలంలో చాలా సెలెక్టివ్ గా సినిమాలు చేస్తున్న నటకిరీటి డా: రాజేంద్ర ప్రసాద్, "నువ్వేకావాలి, ప్రేమించు" వంటి సూపర్ హిట్ ఫిల్మ్స్ ఫేమ్ సాయికిరణ్, జోగిని శ్యామల ముఖ్యపాత్రల్లో యువ ప్రతిబాశాలి చిరంజీవి తన్నీరు దర్శకత్వంలో తెరకెక్కుతున్న సందేశభరిత వినోదాత్మక చిత్రం "నేనెవరు?" జై చిరంజీవ మూవీ మేకర్స్ పతాకంపై సరికొండ మల్లిఖార్జున్ సమర్పణలో అండేకర్ జగదీష్ బాబు - సకినాన భూలక్ష్మి సంయుక్తంగా నిర్మించిన ఈ చిత్రంతో వైజాగ్ సత్యానంద్ శిష్యులు అభిలాష్, సాయిచెర్రి హీరోలుగా పరిచయమవుతున్నారు. దీపిక - సోనాక్షి జబర్దస్త్ రాజమౌళి.... ఇతర పాత్రల్లో నటించిన ఈ చిత్రం షూటింగ్ ముగించుకుని, ప్రస్తుతం పోస్ట్ ప్రొడక్షన్ పనులు జరుపుకుంటోంది!! త్వరలో విడుదల తేది ప్రకటించుకోనున్న ఈ చిత్రం టైటిల్ లోగోను తెలుగు నిర్మాతల మండలి అధ్యక్షులు - ప్రముఖ నిర్మాత కె.ఎల్.దామోదర్ ప్రసాద్,  ప్రముఖ దర్శకులు రేలంగి నరసింహారావు, వి.సముద్ర ఆవిష్కరించి చిత్ర యూనిట్ కి అభినందనలు తెలిపారు. హైదరాబాద్ లోని, తెలుగు ఫిల్మ్ ఛాంబర్ ప్రివ్యూ ధియేటర్ లో జరిగిన ఈ వేడుకలో చిత్రబృందం పాల్గొని, ఈ సినిమా తామందరికీ పేరు తెచ్చిపెడుతుందని పేర్కొన్నారు! ఈ చిత్రానికి పి.ఆర్.ఒ: ధీరజ్ - అప్పాజీ, మాటలు: శ్రీనివాస్, పాటలు: ఎస్.ఎస్.వీరు, మ్యూజిక్: చిన్నికృష్ణ, ఎడిటర్: నందమూరి హరి - తారకరామారావు, సినిమాటోగ్రఫీ: నాయుడు ప్రసాద్ కొల్లి, సమర్పణ: సరికొండ మల్లిఖార్జున్, నిర్మాతలు: అండేకర్ జగదీష్ బాబు - సకినాన భూలక్ష్మి, రచన - దర్శకత్వం: చిరంజీవి తన్నీరు!!