విరాహత్ అలీకి మంజీరా రచయితల సంఘం ఆత్మీయ సత్కారం

విరాహత్ అలీకి మంజీరా రచయితల సంఘం ఆత్మీయ సత్కారం

ప్రజాక్షేత్ర్, వెబ్​ న్యూస్​ 

సిద్దిపేటలోని విపంచి ఆడిటోరియంలో ఆదివారం మంజీరా రచయితల సంఘం 38వ వార్షికోత్సవ వేడుకలు ఘనంగా జరిగాయి. ఈ సందర్భంగా పలువురు వక్తలు మాట్లాడుతూ నిర్భంధాలను సైతం లెక్కజేయకుండా వర్కింగ్ జర్నలిస్టుల ఉద్యమంతో పాటు మంజీరా రచయితల సంఘం కార్యకలాపాలను మెతుకుసీమలో విస్తరింపజేసేందుకు ప్రజా పాత్రికేయుడిగా విరాహత్ అలీ పోషించిన పాత్ర అభినందనీయమని  కొనియాడారు. మంజీరా రచయితల సంఘం వ్యవస్థాపక సభ్యుల్లో ఒకరైన విరాహత్ అలీ టీయుడబ్ల్యూజే రాష్ట్ర అధ్యక్షులుగా ఎన్నికైన సందర్భంగా ఆయనను ఘనంగా సత్కరించారు. మంజీరా రచయితల సంఘం అధ్యక్షుడు కె.రంగాచారీ అధ్యక్షతన జరిగిన ఈ కార్యక్రమంలో ఆంధ్రజ్యోతి సంపాదకులు కె. శ్రీనివాస్, ఉస్మానియా యూనివర్సిటీ ప్రొఫెసర్ కాసీం, మ.ర.సం వ్యవస్థాపక అధ్యక్షులు డాక్టర్ నందిని సిధారెడ్డి,  వ్యవస్థాపక సభ్యులు, ఎమ్మెల్సీ దేశపతి శ్రీనివాస్, దేవిప్రసాద్, కె. అంజయ్య, తోట అశోక్, అలాజీపూర్ శ్రీనివాస్ లతో పాటు సిద్దిపేట జర్నలిస్టులు పాల్గొన్నారు.