వాయువ్య బంగాళాఖాతంలో అల్పపీడనం : ఐదు రోజులపాటు వర్షాలు

వాయువ్య బంగాళాఖాతంలో అల్పపీడనం
ఐదు రోజులపాటు వర్షాలు
ప్రజా క్షేత్ర్, విశాఖపట్నం :
పశ్చిమ మధ్య బంగాళాఖాతం దానిని అనుకోని ఉన్న వాయువ్య బంగాళాఖాతంలో అల్పపీడనం ఏర్పడింది. ఇది రాగల 24 పశ్చిమ వాయువ్య దిశగా కదులుతూ బలపడే అవకాశం వుంది. రాగల 48 గంటలలో పశ్చిమ వాయువ్య దిశగా  కదులుతూ ఉత్తర కోస్తా, దక్షిణ ఒడిశా తిరాలవైపు పయనించే అవకాశం వుంది. అల్పపీడననికి అనుబంధం గా ఉపరితల ఆవర్తనం కొనసాగుతోంది. వీటి ప్రభావంతో రాగల ఐదు రోజులలో తేలికపాటి నుంచి మోస్తరు వర్షాలు కురుస్తాయి. కోస్తా జిలాల్లో భారీ వర్షాలు కురిసే అవకాశం వుంది. గంటకు 50 నుంచి 60 కిలోమీటర్లు వేగంతో ఈదురు గాలులు వీచే అవకాశం. రాగల 24 గంటల్లో ఎన్ టి ఆర్ , బాపట్ల, గుంటూరు,పల్నాడు జిలాల్లో అత్యంత  భారీ వర్షాలు కురిసే అవకాశం వుంది. ఏలూరు, పశ్చిమగోదావరి, నెల్లూరు, కృష్ణ జిలాల్లో అతి భారీ నుంచి భారీ వర్షాలు కురుస్తాయి. అల్లూరి, అనకాపల్లి, తూర్పుగోదావరి, కోనసీమ, కాకినాడ, తిరుపతి జిలాల్లో ఒకటి రెండు చోట్ల భారీ వర్షాలు కురిసే అవకాశం వుంది. రాగల రెండు రోజులలో కోస్తా తీరంలో 40 నుంచి 50 కిలోమీటర్లు వేగంతో గాలులు వీస్తాయి. రానున్న ఐదు రోజులు పాటు మత్య్సకారులు వేట కు వెళ్లారాదు. గడిచిన 24 గంటలలో అత్యధికంగా మంగళగిరి 20 సెంటిమిటర్ల వర్షపాతం నమోదు అయింది.