వారం రోజుల్లో తెలంగాణలో మళ్లీ అడ్డదారుల్లో బ్యాక్లాగ్ ఉద్యోగాల భర్తీకి సన్నాహాలు!

వారం రోజుల్లో తెలంగాణలో మళ్లీ అడ్డదారుల్లో బ్యాక్లాగ్ ఉద్యోగాల భర్తీకి సన్నాహాలు!

ఒక్కో జాబుకు 16 లక్షలకు వసూలు 

గతంలో అడ్డదారీలో బ్యాక్లాగ్ జాబులు నియమించబడ్డ వాళ్లని తొలగించాలి

తెలంగాణ నిరుద్యోగ రక్షణ జెఏసి ఛైర్మన్ డాక్టర్​ మహిపాల్ యాదవ్ 

ప్రజాక్షత్ర్, వెబ్​ న్యూస్​ 

గత ప్రభుత్వంలో అడ్డదారుల్లో బ్యాగ్లాగ్ ఉద్యోగాలు భర్తీ చేసి అనేక తప్పిదాలు చేశారని, ఆ బాటలోనే ఈ ప్రభుత్వంలో ఉన్న కొంత మంది అధికారులు వారం రోజుల్లో మళ్లీ అడ్డదారుల్లో గుట్టుచప్పుడు కాకుండా తెలంగాణ రాష్ట్రంలోని అన్ని జిల్లాలో మున్సిపల్ ఇరిగేషన్ రెవెన్యూ తదితర శాఖలో బ్యాక్లాగ్ ఉద్యోగాల భర్తీకి సిద్దపడుతున్నట్టు తెలంగాణ నిరుద్యోగ రక్షణ జెఏసి ఛైర్మన్ డాక్టర్​ మహిపాల్ యాదవ్ ఆరోపించారు. తెలంగాణలో మళ్ళీ అడ్డదారిలో బ్యక్ లాగ్ ఉద్యోగాల భర్తీ ప్రయత్నాలను నిరసిస్తూ  సోమాజిగూడ ప్రెస్ క్లబ్ లో మీడియా సమావేశం నిర్వహించారు. ఈ కార్యక్రమానికి తెలంగాణ నిరుద్యోగ రక్షణ జెఏసి ఛైర్మన్ డా. మహిపాల్ యాదవ్ ముఖ్య అతిధిగా పాల్గొన్నారు. ఈ సందర్భంగా డా.మహిపాల్ యాదవ్ మాట్లాడుతూ ఒకటి గతంలో అడ్డదారీలో బ్యాక్లాగ్ జాబులు నియమించబడ్డ వాళ్లని తొలగించాలని డిమాండ్ చేశారు. రెండోది బ్యాక్లాగ్ జాబులు అక్రమంగా నియమించిన వాళ్లను కఠినంగా శిక్షించాలని, అర్హులైన వారిని బ్యాక్లాగ్ జాబులో నియమించాలని డిమాండ్​ చేశారు. ఇప్పుడు వారం రోజుల్లో మళ్లీ అడ్డదారులు బ్యాక్లాగ్ ఉద్యోగాల భర్తీ చేయాలనుకుంటున్న అధికారులను గుర్తించి వారిని అడ్డుకోవాలన్నారు. అడ్డదారుల్లో బ్యాక్లాగ్ జాబు కొనాలి అనుకునే వారికి మీ డబ్బులు పోతాయి, మీ జాబులు పోతాయి, మీరు జైలుకు వెళ్తారని ప్రభుత్వం గట్టిగా హెచ్చరికలు చేయాలని డిమాండ్​ చేశారు. తెలంగాణలో గత ప్రభుత్వంలో కూడా అడ్డదారిలో బ్యాక్లాగ్ ఉద్యోగాలు నిర్మల్ మున్సిపల్ లో ఏకంగా 44 పోస్టులు భర్తీ చేయడం జరిగిందని, కొన్నిటిని బంధుప్రీతితో, మరి కొన్నిటిని వేలం వేసి అమ్ముకున్నారని ఆరోపించారు. ఒక్కో జాబుకు 16 లక్షలకు వసూలు చేసినట్టు డాక్టర్ మహిపాల్ యాదవ్ ఆరోపించారు. గతంలో కెసిఆర్ సామాజిక వర్గానికి సంబంధించిన సరితారావుకు తెలంగాణ జెన్కోలో ఏఈ ఎగ్జామ్ రాయకుండానే ఆమెకు ఏఈ పోస్ట్ను సీఎండీ ప్రభాకర్ రావు ఇచ్చిన సంగతిని గుర్తు చేశారు. ఇప్పటికైనా ఈ ప్రభుత్వం దొడ్డి దారిన జరిగే బ్యాక్లాగ్ నియమాకులను అడ్డుకోవాలని తెలంగాణ నిరుద్యోగ రక్షణ జెఏసి పక్షనా డిమాండ్ చేశారు. ఈ కార్యక్రమంలో విష్ణు కిషోర్, ఓకే టీవీ శ్రావ్య, ఏ. నరేష్,  డియస్సీ అభ్యర్థుల నాయకుడు బండారి సురేష్ , డప్పిస్ట్ సురేష్ బాబు, సామాజికవేత్త అశోక్, వ్యాపారవేత్త రాజేష్, చీమల జగదీష్ యాదవ్, తదితరులు పాల్గొన్నారు....