రేవంత్ బుల్డోజర్ రాజ్ ను ఆపు రాహుల్ : హరీష్ రావు
రేవంత్ బుల్డోజర్ రాజ్ ను ఆపు రాహుల్ : హరీష్ రావు
తెలంగాణ భవన్‌కు మూసీ సుందరీకరణ బాధితులు (హైడ్రా) బాధితులు.
ప్రజా క్షేత్ర్, వెబ్ న్యూస్ :
మీ అందరి మాటలు వింటుంటే నాకు చాలా బాధగా ఉంది. బీఆర్ఎస్ ఎమ్మెల్యేల తో కలిసి మీ ఏరీయాకు వస్తామని,మీకు మేమంతా అండగా ఉంటామని ఎమ్మెల్యే హరీష్ రావు భరోసా ఇచ్చారు. హైడ్రా బాధితులు మాజీ మంత్రి హరీష్ రావు ముందు కంట తడి పెట్టారు. పై సా పైసా కూడబెట్టి కట్టిన ఇల్లును నిర్దాక్ష్య ణ్యంగా కూల్చి వేస్తున్నారని మండి పడ్డారు. అనంతరం ఎమ్మెల్యే హరీష్ రావు మాట్లాడుతూ రేవంత్‌రెడ్డి సోదరునికి నోటీసులిచ్చి 45 రోజులు టైం ఇస్తారా? అదే పేదోడికైతే రాత్రిరాత్రికే వచ్చి బుల్డోజర్లతో కూలగొడతారా? ఇదెక్కడి న్యాయం అని ప్రశ్నించారు.కాంగ్రెస్ హయాంలోనే బాధితులంతా ఇండ్లకు పర్మిషన్ ఇచ్చిండ్రు. కష్టంతో భూములు కొనుక్కున్నారు. రిజిస్ట్రేషన్ చేయించుకున్నారు.మున్సిపాలిటీల కెళ్లి పర్మిషన్ తీసుకున్నారు. ఇళ్లు కట్టుకునేందుకు బ్యాంకు కెళ్లి లోన్‌లు పెట్టుకున్నారు. ప్రభుత్వానికి ట్యాక్సులు కట్టారు. 1993 కాంగ్రెస్ ప్రభుత్వమే వీరికి పరిష్మన్లు ఇచ్చింది.ఇప్పుడు వాటిని కూల్చడం అన్యాయం.రేవంత్ .. నువ్వు చేస్తున్న గొప్ప పనేంటి..? సుందరీకరణ?కేసీఆర్ మిషన్ భగీరథ పెడితే.. ప్రతీ ఇంటికి నీరంది ప్రజలకు మేలు జరిగింది.కాళేశ్వరం కడితే లక్షాలాది మంది రైతులకు సాగు,తాగు నీరందింది దాని వల్ల ప్రజలకు మేలు జరిగింది.రేవంత్‌రెడ్డి మూసీలో గోదావరి నీళ్లు పారిస్తానంటున్నాడు. పేద మధ్య తరగతి ప్రజల రక్తం, కన్నీళ్లు పారించే ప్రయత్నం చేస్తున్నావ్..హైడ్రా.. హైడ్రా.. హైడ్రొజన్ బాంబులా మారింది. ఎవరికీ కంటిమీద కునుకులేకుండా పోయింది. సోషల్ మీడియాలో వీడియోలు చూస్తే పేదల గుండెలు ఆగిపోతున్నాయ్.పేద, మధ్యతరగతి ప్రజలకు మేలు చేస్తే వాళ్లు దీవెనలు ఇస్తారు. కానీ, వారి ఉసురు తీస్తే శాపనార్ధాలు పెడతారని మర్చిపోకు రేవంత్.. నువ్వు మంచి పనులు చేయ్.. దేవుడు నీకు మంచి అవకాశం ఇచ్చాడు.నువ్వు అధికారంలోకి వచ్చినప్పటి ఒక్క మంచి పనిచేశావా? నీకు కూల్చడం తప్ప కట్టడం తెలీదా? ముర్ఖుడా పేదలకు పనికొచ్చే పనిచేయ్.రాహుల్ గాంధీ.. తెలంగాణలో బుల్డోజర్ రాజ్యం నడుస్తోంది. మీరు దేశమంతా తిరిగి బుల్డోజర్ ఉపన్యాసాలు ఇవ్వడం కాదు. ముందు తెలంగాణాలో బుడ్జోజర్ రాజ్‌ను ఆపండి.రేవంత్ రెడ్డి.. అఖిలపక్ష మీటింగ్ పెట్టి అందరి అభిప్రాయాలు తీసుకోండి.. ఆ తర్వాతే మూసీ మీద ముందుకెళ్లండి ముందు ఎన్నికల సమయంలో ఇచ్చిన హామీలు నెరవేర్చకుండా.. హైడ్రా పేరుతో నాటకాలు ఆడుతున్నావ్..మూడు విషయాలు మీకు హామీనిస్తాం.24 గంటలు మా న్యాయవాదుల బృంధం తెలంగాణ భవన్‌లో ఉంటుంది.వారి నెంబర్ తీసుకోండి.. ఏ అవసరమొచ్చినా.. మా తలుపులు తెరిచే ఉంటాయ్.మీకు మేమంతా రక్షణ కవచంగా నిలబడతాం. బీఆర్ఎస్ ఎమ్మెల్యేలంతా కలిసి మీ దగ్గరికొస్తాం..మీకు భరోసా కల్పిస్తాం.10వేల ఇండ్లు ఉన్నాయని ప్రభుత్వం బయలుదేరింది.. కానీ 25వేల ఇండ్లను కూల్చేందుకు సిద్ధమవుతున్నారు.మీకు న్యాయం జరిగేలా కృషి చేస్తాం..మీరు ఫోన్ చేస్తే.. మేం మీకు అండగా నిలబడతాం.మీరు ధైర్యాన్ని కోల్పోవద్దని సూచించారు.
